Նախընտրական քարոզարշավի վերջին օրը․ ինչպե՞ս ընթացավ ընտրապայքարը

Այսօր՝ դեկտեմբերի 7-ին, առաջիկա խորհրդարանական արտահերթ ընտրությունների նախընտրական քարոզարշավի վերջին օրն է։ Վաղը կլինի լռության օր, իսկ արդեն կիրակի կկայանան ընտրությունները։  

Ընտրություններին մասնակցում է 11 քաղաքական ուժ՝ երկու դաշինք եւ 9 կուսակցություն՝ «Իմ քայլը» եւ «Մենք» դաշինքներ, «Քաղաքացու որոշում» ՍԴԿ, «Լուսավոր Հայաստան» կուսակցություն, ԲՀԿ, ՀՀԿ, ՀՅԴ, «Սասնա ծռեր» կուսակցություն, «Ազգային առաջընթաց» կուսակցություն, ՕԵԿ եւ «Քրիստոնեա-ժողովրդական վերածնունդ» կուսակցություն։

Քաղաքական այս ուժերը քարոզչական ամենատարբեր մեխանիզմներ էին ընտրել՝ թռուցիկներ բաժանելուց մինչեւ համայնքային հանդիպումներ, դռնեդուռ քարոզչությունից մինչեւ ֆլեշմոբեր։

Քարոզարշավի սկզբնական շրջանում «Իմ քայլը» դաշինքն ու Հայաստանի Հանրապետական կուսակցությունը ընտրապայքար էին տանում միմյանց հանդեպ մեղադրանքներ հնչեցնելով․ ներկա իշխանության ներկայացուցիչները նախկիններին մեղադրում էին երկիրը սոցիալ-տնտեսական ծանր վիճակի հասցնելու, արտագաղթի, մարտիմեկյան ոճրագործության, կոռուպցիայի, ընտրությունները կեղծելու մեջ, նախկինները նոր իշխանություններին՝ քաղաքացիներին մանիպուլացնելու ու ստելու մեջ։ Արդեն քարոզարշավի վերջին օրերին «Իմ քայլը» դաշինքը սկսեց ակտիվորեն ներկայացնել իր ծրագրային դրույթները։

Այս դաշինքի համամասնական ցուցակը գլխավորող, ՀՀ վարչապետի պաշտոնակատար Նիկոլ Փաշինյանը քարոզարշավի ողջ ընթացքում շրջեց Հայաստանի տարբեր մարզերով, նախընտրական հանրահավաքներ արեց մի շարք համայնքներում, իսկ դաշինքի մյուս անդամները Հանրապետության տարբեր մասերում անցկացնում էին իրենց անհատական քարոզարշավը։ Ընտրարշավի նախավերջին օրը Փաշինյանը նախընտրական թռուցիկներ բաժանեց մետրոյում, հանրային տրանսպորտում, պատահականության սկզբունքով մտավ մայրաքաղաքի տարբեր շենքեր ու բնակարաններ, զրուցեց քաղաքացիների հետ, որոշների բարձրաձայնած խնդիրներին փորձեց տեղում լուծումներ առաջարկել։

Ի տարբերություն «Իմ քայլը» դաշինքի՝ Հանրապետական կուսակցության պատգամավորության թեկնածուները պասիվ քարոզարշավ էին անում։ Այս կուսակցության թեկնածուներն, ըստ էության, համայնքային հանդիպումներ չէին անցկացնում։ Բացի այս՝ նախորդ տարիների հետ համեմատած՝ քիչ էին նաեւ ՀՀԿ-ի քարոզչական պաստառները։ Չնայած այս ամենին՝ ՀՀԿ-ական Էդուարդ Շարմազանովը պնդում էր, որ իրենք իսկապես դուրս են գալիս բնակիչների հետ հանդիպման։ ՀՀԿ-ական պատգամավորները քաղաքացիների հետ շփվում էին մեծամասամբ ֆեյսբուքյան ուղիղ եթերների միջոցով, որոնց ժամանակ խոսում էին ներկա իշխանության թույլ տված սխալների մասին, պնդում, թե Փաշինյանն ու իր թիմը վարչական լծակներ են կիրառում, մարդկանց ուղղորդում կամ սպառնում այս ընտրություններում ՀՀԿ-ին ընտրելու դեպքում։ ՀՀԿ պատգամավորության թեկնածու Արմեն Աշոտյանն էլ, անդրադառնալով պատգամավոր Արամ Հարությունյանին կալանավորելու միջնորդությանը, հայտարարեց, թե Փաշինյանի հակակոռուպցիոն պայքարն ընդամենը շոու է։ Այս քաղաքական ուժն իր քարոզարշավն, ըստ էության, կառուցել էր ներկա իշխանություններին քննադատելու հենքի վրա։ Նշենք նաեւ, որ ՀՀԿ-ի նախընտրական ծրագիրն էլ բավականին կարճ ու սահմանափակ էր։

Մայրաքաղաքում բավական ակտիվ քարոզարավ էր անցկացնում նորաստեղծ «Քաղաքացու որոշում» սոցիալ-դեմոկրատական կուսակցությունը։ Մարզերում, սակայն, այս ուժը մեծ ծավալի աշխատանք չէր տանում: ՔՈ ՍԴԿ անդամները բազմիցս հայտարարել են, որ պետք էր վերացնել ռեյտինգային ընտրության մոդելը, քանի որ այն անարդար է ու ունի բազմաթիվ թերություններ, եւ այս ընտրակարգով պայքար է ընթանում, թե ում թեկնածուն է մարզում առավել «հարգված»։ ՔՈ ՍԴԿ-ն իր գաղափարախոսության խորհրդանիշ էր ընտրել մանդարինը։ Այս ուժի թեկնածուները ընտրարշավի ընթացքում բացի իրենց նախընտրական թռուցիկներից քաղաքացիներին տալիս էին նաեւ մանդարիններ՝ մեկնաբանելով, որ այն խորհրդանշում է համերաշխություն եւ արդյունքի արդար բաշխում։ Այս կուսակցությունը քարոզարշավի ընթացքում հանդես եկավ առաջարկ-հայտարարությամբ՝ ահմանադրական փոփոխությունների անհրաժեշտության վերաբերյալ: Կուսակցությունը քաղաքական ուժերին առաջարկում էր ստորագրել փոխադարձ համաձայնագիր այն մասին, որ ընտրվելու դեպքում կնախաձեռնեն և կսատարեն նոր Սահմանադրության ընդունման գործընթաց՝ փաստարկելով, որ ներկա Սահմանադրությունն ընդունվել է համատարած կեղծիքների պայմաններում եւ ձևավորվել նախորդ քաղաքական համակարգը վերարտադրելու համար։

Փողոցում ակտիվ քարոզարշավին զուգընթաց՝ «Մենք» դաշինքը եւս իրականացնում էր ֆլեշմոբեր։ Այս ուժի թեկնածուները քաղաքացիներին հյուրասիրում էին դաշինքի անվան գրությամբ կարկանդակներ՝ մեկնաբանելով, որ իրենք եղածը կիսում են ժողովրդի հետ, եւ որ դա տատիկներից և պապիկներից եկած խորհուրդ է։ Դաշինքի երկրորդ համար Խաչատուր Քոքոբելյանը քարոզարշավի ընթացքում հայտարարել է, որ իրենց դաշինքը միակ քաղաքական ուժն է, որը ներկայացրել է հստակ ծրագիր, հստակ ճանապարհ, թե ինչպես կարելի է երկիրն այս վիճակից դուրս հանել:

«Սասնա ծռեր» կուսակցությունը քարոզարշավ էր անցկացնում Հայաստանի տարբեր մարզերում։ Այս քաղաքական ուժի պատգամավորության թեկնածուները ընտրարշավի ընթացքում շրջում էին Հանրապետության փողոցներով, բաժանում իրենց նախընտրական թռուցիկները, զրուցում քաղաքացիների հետ։ Կուսակցության պատգամավորության թեկնածուները եւ մասնավորապես ցուցակի երկրորդ համար, քաղաքագետ Ստեփան Գրիգորյանը քարոզարշավի ընթացքում բազմիցս հայտարեցին՝ ապագա խորհրդարանում երկրորդ բևեռը պետք է իրենք լինեն, քանի որ միայն իրենք կարող են վերահսկել կառավարության գործունեությունը: «Սասնա ծռեր»-ի ցուցակը գլխավորող Վարուժան Ավետիսյանն էլ ընտրապայքարի ընթացքում հանդես եկավ հայտարարությամբ, որ 7-րդ գումարման Ազգային ժողովը կարճ՝ մոտ երկու տարվա կյանք է ունենալու, քանի որ Ընտրական օրենսգրքի, Կուսակցությունների մասին օրենքի եւ Սահմանադրության փոփոխություններից հետո անհրաժեշտ է լինելու նոր արտահերթ ընտրություններ անցկացնել։

«Լուսավոր Հայաստան» կուսակցությունն իր ընտրարշավը տարբեր խմբերով տանում էր Հանրապետության բոլոր մարզերում։ Այս կուսակցության անդամները շրջում էին փողոցներով, քաղաքացիներին ներկայացնում իրենց նախընտրական ծրագրերը։ Կուսակցության ցուցակը գլխավորող Էդմոն Մարուքյանը ընտրողների հետ հանդիպումների ժամանակ խոսել է զինված ուժերում պայմանագրային զինծառայողների թիվն ավելացնելու անհրաժեշտության մասին, տնտեսության տարբեր ճյուղերի զարգացման, երիտասարդությանն առնչվող եւ այլ խնդիրների մասին։ Նկատենք, որ այս քաղաքական ուժը եւ մասնավորապես Էդմոն Մարուքյանը, ինչպես երեւաց նախօրեին տեղի ունեցած հայտնի բանավեճից, եւս պայքարում է խորհրդարանում երկրորդ տեղը զբաղեցնելու համար, եւ իրեն քաղաքական մրցակից է թիրախավորել Բարգավաճ Հայաստան եւ «Սասնա ծռեր» կուսակցություններին։

«Բարգավաճ Հայաստան» կուսակցությունն էլ քարոզարշավի 12 օրերին իր մարզային հանդիպումներով հետ չի մնացել մյուս քաղաքական ուժերից։ Կուսակցության առաջնորդ Գագիկ Ծառուկյանը բնակիչների հետ հանդիպումներ է ունեցել տարբեր մարզերում՝ հիմնականում խոսելով տնտեսությանը վերաբերող հարցերից։ Գյումրիում քաղաքացիների հետ հանդիպման ժամանակ Ծառուկյանն անդրադարձել է նաեւ աղետի գոտու խնդիրներին՝ նշելով, որ պետության համար անօթեւաններին բնակարաններ տրամադրելու հարցը պետք է առաջնային լինի։ Ինչ վերաբերում է նախընտրական ցուցակների առաջին համարների բանավեճին՝ Ծառուկյանն այն չէր հավանել՝ մեկնաբանելով, որ բանավեճին ներկաներից ամեն մեկը փորձել է մյուսի հաշվին դիվիդենտներ շահել, այնինչ, այն պետք է ծավալվեր սոցիալ-տնտեսական հարցերի քննարկման շուրջ։

«Ազգային առաջընթաց» կուսակցությունը, ՕԵԿ-ը, «Քրիստոնեա-ժողովրդական վերածնունդ» եւ ՀՅԴ կուսակցությունները քարոզարշավի 12 օրերին հանդիպել են քաղաքացիների հետ, ներկայացրել իրենց նախընտրական ծրագրերը։ Այս կուսակցություններն, ըստ էության, բուռն քարոզարշավ չեն անցկացրել։

Ի դեպ՝ «Ազգային առաջընթաց» կուսակցությունը 11 քաղաքական ուժերից միակն է, որի նախընտրական ցուցակը գլխավորում է կին թեկնածու՝ Լուսինե Հարոյանը։

ՔԺՎ կուսակցությունն իր նախընտրական ծրագիրն ու քարոզարշավը հիմնականում կենտրոնացրել էր քրիստոնեական արմատներին վերադառնալու գաղափարի շուրջ։

ՀՅԴ-ն քարոզարշավ է իրականացրել տարբեր մարզերզում, հանրահավաքներ անցկացրել, հանդիպումներ ունեցել բնակիչների ու տարբեր գործիչների հետ:

ՕԵԿ-ը նախընտրական քարոզարշավի 12 օրերին մի քանի անգամ հայտարարեց, որ իրենք միակն են, որ օրենսդրական գործունեության շրջանակներում իրենք հեղինակել են շուրջ 250 օրենք։ Այս կուսակցության ղեկավար, ցուցակը գլխավորող Արթուր Բաղդասարյանը նաեւ հայտարարեց, որ Փաշինյանի իշխանության օրոք երկրում որեւէ փոփոխություն չի եղել, եւ չնայած սրան՝ Բաղդասարյանը բանավեճի ժամանակ համաձայնում էր Փաշինյանի հայտարարությունների հետ։

Իսկ վաղն արդեն լռության օր է, ինչը նշանակում է, որ կուսակցությունները չեն կարող որեւէ քարոզչություն իրականացնել։

Տպել
20869 դիտում

Շրջանների զգալի մասում սպասվում է ձյուն. ինչ եղանակ է սպասվում առաջիկա օրերին

Բայդենը քննարկել է Ուկրաինայի շուրջ ստեղծված իրավիճակն ու Ռուսաստանի հետ բանակցություններն իր օգնականների հետ

Հրդեհ «Ապաչի» գործարանի տարածքում, այրվել է վագոն-տնակը

Ժամանակավորապես դադարեցվել է Մալաթիա-Սեբաստիա վարչական շրջանի մի շարք հատվածների գազամատակարարումը

Պեկինը ձմեռային Օլիմպիական խաղերին ընդառաջ կպահպանի կորոնավիրուսով պայմանավորված արտակարգ իրավիճակը

Սև ծովում հրդեհ է բռնկվել 700 տոննա մազութ տեղափոխող լցանավի վրա

Փրկարարները օգնության են հասել Ֆրանսիայի Հանրապետության քաղաքացիներին

Երևանի Տիչինայի փողոցում տեղի է ունեցել պայթյուն՝ հրդեհի բռնկմամբ

Վաղը վարչապետ Նիկոլ Փաշինյանը հանդես կգա առցանց ասուլիսով (պաշտոնական)

Փրկարարներն արգելափակումից դուրս են բերել 13 բեռնատար ավտոմեքենա

Եվրոպայի 2022 թվականի մշակութային մայրաքաղաք է դարձել Լիտվայի Կաունաս քաղաքը

Այրվել է Երևանի Նանսենի փողոցի շենքերից մեկի տանիքը

Հայաստանում հաստատվել է կորոնավիրուսի 814 նոր դեպք․ առողջացել է 109 մարդ

Համավարակի ազդեցությամբ կրթական աղքատությունը դարձել է աշխարհում նոր տիպի անհավասարության ցայտուն ցուցանիշ․ Անդրեասյան

Սյունիքի մարզի Գորիս-Սիսիան և Տաթև-Շինուհայր ճանապարհահատվածներում բուք է

Էլեկտրաէներգիայի պլանային ընդհատումներ են սպասվում Երևանում և երեք մարզերում

«Սիրում եմ». պաշտպանության նախարարի ու նրա կնոջ պարը՝ սիրո երգիչ Հայկոյի երգի հնչյունների ներքո (տեսանյութ)

Տիկին Դավոյանը տեղյակ է խնդրի վերաբերյալ. նախարարությունն արձագանքել է պատգամավորի հրապարակած լուսանկարին

Ինչու պիտի այսօր այսքան անտեսվի հայ մամուլը. զրույց Պոլսի «Մարմարա» թերթի խմբագրապետ 95-ամյա Ռոպէր Հատտէճյանի հետ

Հետախուզվողները ներկայացել են ոստիկանություն. նրանցից մեկը կալանավորվել է

Տեր Սահակ քահանա Սահակյանն ազատվել է Արագածոտնի թեմի հոգևոր պարտականություններից

Վարչապետն այս պահին խորհրդակցություն է անցկացնում Կառավարությունում, նա դեռ չի ժամանել Պապիկյանի հարսանյաց միջոցառմանը

Շինուհայր-Տաթև ավտոճանապարհը դժվարանցանելի է

Երևանի Շիրազի փողոցում բախվել են ավտոբուսը և «Մերսեդես» մակնիշի մեքենան. մեկ օրում 13 պատահար է գրանցվել

Հայ-հունական դիվանագիտական հարաբերությունների 30 ամյակը նշում ենք քաղաքական ամենաբարձր մակարդակի կապերով. Մկրտչյան

Վերին Խոտանան-Տաթև ավտոճանապարհին ավտոմեքենաներ են արգելափակվել

Սիրուշոն վարակվել է կորոնավիրուսով

Ողբերգական դեպք Երևանում. հայրը ննջասենյակում հայտնաբերել է խոհանոցային դանակով ինքնասպան եղած որդու դին

Ակումբներին են բաշխվել ՈՒԵՖԱ-ի համերաշխության գումարները, հաստատվել է ՀՖՖ բժշկական կոմիտեի կազմը

Սերգեյ Ներսեսյանն ազատվել է Երևանի քաղաքապետի տեղակալի պաշտոնից

ՀՀ պաշտպանության նախարար Սուրեն Պապիկյանը պսակադրվել է Գեղարդի եկեղեցում (լուսանկարներ)

Արցախի պետական բոլոր կառույցներին կցվել են հոգևորականներ

Էրեբունու տարածքում կառուցվող եկեղեցու բակի վագոն-տնակում 48-ամյա տղամարդու դի է հայտնաբերվել

Գողություն է կատարվել Գյումրու պոլիկլինիկաներից մեկում

Վարդենյաց լեռնանցքով պետք է երթևեկել անվաշղթաների կիրառմամբ (տեսանյութ)

Նիկոլ Փաշինյանը և Վլադիմիր Պուտինը քննարկել են եռակողմ հայտարարություններով ձեռք բերված պայմանավորվածությունների ընթացքը

Արտակարգ դեպք ՀՀ բանտերից մեկում. փաստաբանը փորձել է փոխանցել ծխելու համար նախատեսված սարք, որում թմրամիջոց է եղել

Մոսկվա-Երևան չվերթի ինքնաթիռի ժամանումից հետո հետախուզվող է բերման ենթարկվել

Հալաբյան-Արզումանյան փողոցների խաչմերուկում մեքենաներ են բախվել. պարեկները պարզում են վարորդների ինքնությունը

Թեստի բացասական պատասխան կամ պատվաստման սերտիֆիկատ. հանրային վայրերի այցելության նոր սահմանափակումները (տեսանյութ)