Երևան
25 °C
Թիվ 1 ընտրատարածքում Հայաստանի Քրիստոնեա-ժողովրդական վերածնունդ կուսակցության կողմից առաջադրված թեկնածու Հայկ Սանոսյանին սոցհարցումների հրապարակած թվերը չեն կաշկանդում:
Հավատում է, որ իրենց կուսակցությունը կմտնի խորհրդարան, թեև ավելի մեծ է գնահատում հենց իր շանսերը: Գործարար, նախկին պատգամավոր Հայկ Սանոսյանի ընտրատարածքը ներառում է Ավան, Նոր Նորք և Քանաքեռ-Զեյթուն վարչական շրջանները:
Ինչու է ուզում վերադառնալ խորհրդարան հարցին թեկնածուն կարճ պատասխանեց՝ լուրջ ծրագիր ունեմ:
- Օրենսդիրում լինելով՝ կարող եմ ավելի կարճ ու օպտիմալ ճանապարհով ներկայացնել գաղափարներս, և վստահաբար իմ փորձը, առաջարկների փաթեթը նայելով՝ կառավարությունը ականջալուր կլինի ներկայացվող ծրագրին:
Իսկ այդ ծրագրերի մասին ես իմ հարցազրույցների մեջ կարճ ներկայացրել եմ, դրանք ընդգրկուն աշխատունակ ծրագրեր են և կարող են ազգային պլատֆորմի վերածվել: Իմ առաջարկների փաթեթն ընդգրկուն է՝ ներառում է գյուղատնտեսությունը, տուրիզմը և թեթև արդյունաբերությունը:
- Նախորդ կառավարությունների օրոք փորձե՞լ եք առաջարկել ձեր ծրագրերը, հատկապես, որ ունեք հաջողված փորձ:
- Այո, շատ եմ փորձել այս ծրագրերն առաջ մղել, բայց, ցավոք, այն ժամանակ անձնավորված հարաբերություններ կային, իսկ կառավարության անդամները նախ պետք է պետական մտածելակերպ ունենան: Ընդհանրապես կառավարության քաղաքականությունը պետք է պետականամետ, ազգայնամետ լինի, միշտ չէ, որ ես դա զգացել եմ մեր օրենսդիրում կամ գործադիր մարմնում:
Ցանկության դեպքում հնարավոր է իմ կողմից ներկայացվողն էլ, զանազան այլ լուրջ ծրագրեր էլ իրականություն դարձնել, եթե դրա ցանկությունն, իրոք, կա, և շատ կարճ ժամանակահատվածում կունենանք առողջացող տնտեսություն, լուրջ գյուղատնտեսական բազա: Ես այսօր տեսնում եմ այդ մոտիվացիան և ուզում եմ ինքս էլ իմ չափով մասնակիցը դառնալ այդ «ռեսթարթ արվող պրոցեսին», ունեմ դրա համար բավարար փորձ, գիտելիքներ ու հմտություն, իսկ ցանկությունս իսկապես մեծ է:
- Իսկ հետհեղափոխական Հայաստանում դուք տեսնու՞մ եք նախադրյալները:
- Այո, այս թավշյա հեղափոխությունը իմ մեջ մեծ ուժ է արթնացրել, արթնացրել է հավատը և իմ նպատակն այս քաղաքական ուժերի հետ միասին, որոնք կմտնեն խորհրդարան, համահունչ քայլերով մեր երկիրը հզորացնելու գործընթացին միանալն է:
Մեծ վստահություն ու հավատ կա, տա Աստված, հուսախաբ չլինենք: Ես չեմ կաշկանդվում կառավարման համակարգում երիտասարդ պոտենցիալից, այդ կադրերը հնարավոր է կրեատիվ լուծումներ տան մեր գաղափարներին, կառուցողական դաշտում ավելի արագ ստարտ տանք՝ առանց վախերի, չէ որ մեր շահն ընդհանուր է, մենք չպիտի թույլ տանք ընտանիքներ հեռանան Հայաստանից:
Եթե համատեղ ուժերով ձեռնարկենք տնտեսական լուրջ քայլեր և խանդով չվերաբերվենք թիմից դուրս պոտենցիալին, ուրեմն պրոֆեսիոնալն էլ, տարեց գիտակն էլ, երիտասարդ պոտենցիալն էլ չեն լքի մեր երկիրը, կռեալիզացնեն իրենց այստեղ, մենք ունակ ենք մեծ-մեծ ծրագրեր կյանքի կոչելուն, ուրեմն իրար խրախուսենք խանգարելու փոխարեն:
- Մտածե՞լ եք՝ որն է լինելու Ձեր քայլը ընտրություններում չհաղթելու դեպքում:
- Ես դրսում, եթերներից գոռացող կամ քննադատողներից չեմ, ես առանց այդ էլ ունեմ իմ գործունեության դաշտը, ակտիվ զբաղվում եմ բիզնեսով: Իմ ոլորտը գյուղատնտեսությունն ու արդյունաբերությունն է: Երեք եղբայրներով Հայաստանում և Վրաստանում մեծ ձեռնարկություն ունենք, ունենք ծառայություների մատուցման սերվիս: Մենք գործատու ենք, հարկատու.. առանց այդ էլ ակտիվորեն փորձում ենք Հայաստանում ընդլայնել մեր մասշտաբները:
Անկախ ընտրությունների ելքից, ես պիտի մաքսիմալ ձևով կարողանամ ռեալիզացնել իմ ծրագրերը, իմ հարցազրույցներից հետո այսօր արդեն մեծ արձագանքներ ունեմ, որովհետև մարդիկ հասկացել են,որ դրանք ռեալիստական են, աշխատունակ ՝ հիմքում իմ մասնավոր բիզնեսում արձանագրած հաջողություններն են, հաշվարկները շատ ռեալ են և կարող են արագ մտնել հունի մեջ:
Ես կաշխատեմ նոր կառավարության հետ՝ թեկուզ դրսից՝ գործարարի դիրքերից, միայն թե ականջալուր և հետևողական լինեն: Մենք պետք է այնպիսի քաղաքականություն վարենք, որպեսզի Հայաստանը ներկրող պետությունից դառնա արտահանող պետություն: Այո, պետք է զարգացնել և՛ գյուղատնտեսությունը, և՛ տուրիզմը, որպեսզի ունենանք հզոր երկիր՝ հզոր բանակով, ապահով Հայաստան՝ զարգացող տնտեսությամբ:
ՏԱՐԱԾՔԱՅԻՆ ՀԱՄԱՉԱՓ ԶԱՐԳԱՑՈՒՄ
Կտավատի, քունջութի աճեցմամբ իմ ընտանիքը զբաղվում է 2003-ից: Մեր հողում սա նոր բան չէ, իրականում մենք վերականգնել ենք մեր պապերի ավանդույթները, ժամանակին Հայաստանից կտավատը տոննաներով արտահանվել է Ռուսաստան, հոկտեմբերյան հեղափոխությունից հետո Լենինի հրամանով դաշտավայրերում սկսել են միայն հացահատիկ ցանել, որ մարդիկ սովից չմեռնեն: Ես այդ ոլորտն այնքան խորությամբ եմ ուսումնասիրել, գիտական թեզս եմ պաշտպանում այս թեմայով, զուգահեռաբար զբաղվում եմ դրա բիզնեսով: Տարեկան 300 հեկտար կտավատի մշակաբույս եմ ցանում, մշակվում է ձիթայուղի արտադրության նպատակով, իսկ բույսի ցողունները հատուկ տեխնոլոգիայով մշակվում են, հետագայում օգտագործվում ներքնակների պատրաստման համար:
Եթե տեղյակ չեք, նշեմ, որ ամենաբարձրակարգ ներքնակներն աշխարհում հենց կտավատի բրդի շերտ ունեն իրենց մեջ: Սա բացառիկ բույս է, խիստ օգտակար և կիրառելի մի շարք դեպքերում՝ առողջական նպատակով, սննդի մեջ, արդյունաբերական և այլն:
Վստահաբար կարող եմ ասել, որ այս մշակաբույսը շատ լավ կաճի մեր բնակլիմայական պայմաններում՝ լեռնային և սահմանամերձ գոտիներում: Հարմար է, որովհետև ջրելու խնդիր չունի, կարկտից չի վախենում և այդ մշակաբույսի արտադրությունը կզարգացնի ոչ միայն գյուղատնտեսությունը, այլև՝ թեթև արդյունաբերությունը, քանի որ կտավատի ցողուններից բուրդ ենք ստանում (դա շատերիս ծանոթ լիոն կոչված կտորի հումքն է): Այն տարածված է ամբողջ աշխարհում և մեծ պահանաջարկ ունի հատկապես Եվրոպայում:
Մենք բամբակ այլևս չենք ներկրի, կզարգացնենք թեթև արդյունաբերությունը ներսում: Կտավատի մշակաբույսը տարածելով՝ կլուծենք գյուղական համայնքներում զբաղվածության խնդիրը, մեծաքանակ գյուղացիներ կներգրավվեն աշխատանքում: Ծրագիրը հաջողությամբ իրականացնելու դեպքում մեծ արդյունքների կհասնենք, քանի որ մշակաբույսը, նաև որպես ձիթապտուղ, պահանջարկ ունի ոչ միայն ներքին շուկայում, այլ նաև դրսում:
Ծրագիրն իրականացնելու համար անհրաժեշտ է կառավարության միջամտությունը, հարկավոր է դրսից՝ Չինաստանից, Բելոռուսիայից ներկրել գյուղտեխնիկա:
Գյուղտեխնիկայի ռեսուրսները կիրառելու պարագայում էականորեն կհեշտանան գյուղացիական աշխատանքները:
Կտավատի մշակաբույսի աճեցմամբ մենք կլուծենք միանգամից մի քանի խնդիր. դա կլինի տարածքային զարգացման լուրջ խթան, լուրջ ծրագիր, որը կհանգեցնի և՛ գյուղատնտեսության, և՛թեթև արդյունաբերության զարգացմանը: Կբացվեն նաև ֆաբրիկաներ:
Այսօր մենք օգտագործում ենք Շիրակի, Գեղարքունիքի դաշտավայրերը, պետական աջակցության դեպքում Սյունիքում վստահաբար կընդլայնենք ցանքատարածքներ: Իմ հաշվարկներով, եթե մենք Հայաստանում ցանենք 10 000 հա միայն սկզբնական փուլում, ապա աճեցման մշակման աշխատանքներում կներգրավվի մոտ 50.000 մարդ, այսինքն՝ 50000 աշխատատեղ կապահովենք միանգամից: Իսկ այս ծրագիրը հավակնոտ է, կայուն աշխատատեղեր է խոստանում:
Կտավատի արտադրության ծավալներն ահռելի մեծ են Բելոռուսիայում, այնտեղ բյուջեի 30 %-ը գոյանում է հենց կտավատի արտադրությունից:
Գյուղատնտեսական ոլորտում իմ առաջարկների փաթեթը մի քանի ուղղություն ունի, մյուսները կներկայացնեմ արդեն խորհրդարանում, եթե ընտրություններում հաջողեմ:
ՏՈՒՐԻԶՄԻ ԶԱՐԳԱՑՄԱՆ ԾՐԱԳԻՐ
Մենք պետք է կարողանանք այդ առավելությունն օգտագործել և զարգացնել տուրիզմը …
Այսօրվա դրությամբ Հայաստանում հյուրանոցների թիվը շատ քիչ է. հաճախ պետական բարձր մակարդակով կազմակերպած միջոցառումների, միջազգային համաժողովների ժամանակ մենք կանգնում ենք փաստի առաջ: Եղածն էլ մեծամասամբ բարձրակարգ հյուրանոցներ են, որոնք հաճախ մատչելի չեն տուրիստների համար:
Մենք չունենք տարբեր կոնտինգենտի սպասարկող հյուրանոցային սերվիս: Հետևաբար՝ ես առաջարկում եմ մի ծրագիր, որն ուղղված է հենց այս սեգմենտին. այն է՝ մեր Երևանի որոշ թաղամասեր՝ Փոքր Կենտրոնը, թեկուզ արվարձանային հարմարավետ շենքեր վերածել տուրիստական հյուրատների: Պետությունն այս դեպքում պետք է իրականացնի ծրագիր. սուբսիդավորած վարկեր տրամադրի մեր համաքաղաքացիներին՝ էժան տոկոսադրույքով, որով նրանք հնարավորություն կունենան վերանորոգել իրենց բնակարանները, որոշակի պայմաններ ստեղծել, որպեսզի հարմար գներով վարձով տան տուրիստներին: Պետության կողմից մեծ էֆեկտիվություն կունենա. այս քայլը կլինի խթան տուրիզմի զարգացման համար, կլուծվի բնակչության զբաղվածության հարցը, կլինի փողի շրջանառություն, մարդիկ ի վերջո իրենց բնակարանները վարձու տալով՝ կկարողանան ապրուստի հարց լուծել: Այս փորձը վաղուց կիրառվում է Հռոմում և Իտալիայի հնագույն մի շարք քաղաքներում, հարևան Վրաստանում ու արդյունավետությունն ապացուցված է: Օրինակ, Վրաստանում տարեկան այցելող տուրիստների թիվը պրոգրեսիվ աճ արձանագրեց՝ հասել է տարեկան 6-7 միլիոնի: Գաստրոտուրիզմը զուգահեռաբար պիտի զարգացնենք: Համեղ սնունդը խիստ կարևոր գործոն է ճանապարհորդության ուղղություններ ընտրելիս, մենք կարող ենք այս ուղղությամբ ևս լուրջ ծրագրեր իրականացնել, ունենք բավականին հարուստ ռեսուրսներ, ընդամենը մշակված աշխատունակ ծրագիր է պետք և պետական համակարգային վերաբերմունք:
ԲՈՒՍԱԲԱՆԱԿԱՆ ԱՅԳԻ
Հայաստանը հարուստ է նաև իր բուսական աշխարհով, իսկ մենք այս պոտենցիալն առհասարակ անտեսել ենք: Օրինակ, իմ ծրագրերից մեկը Երևանի Ավան համայնքում գործող Բուսաբանական այգուն է վերաբերում: Այստեղ ներդրումային խելացի ծրագիր է պետք անել: Ես արդեն ունեմ մի հրաշալի ծրագիր, քննարկել եմ արաբ գործընկերներիս հետ: Մեծ հետաքրքրություն կա, նախնական համաձայնություն կա, առաջիկայում հավանաբար ներդրողները կժամանեն Երևան: Նրանցից մեկն ի դեպ, շատերին է հայտնի, կոմերցիոն նկատառումներով ստիպված եմ առայժմ անուն չհրապարակել: Հավանաբար՝ անկախ ընտրությունների ելքից, իմ անմիջական միջնորդությամբ նրանք հանդիպում կունենան քաղաքային իշխանության և կառավարության անդամների հետ: Ծրագիրը հավակնոտ է. Բուսաբանական այգին մտադիր ենք «ռեսթարթ անել», զբոսայգին ցանկություն կա վերածել ակտիվ տուրիստական և ժամանցի գոտու: Մենք այս էկոլոգիական օազիսին պետք է տանք մի քանի նշանակություն՝ ներկայացուցչական, բնապահպանական և քարոզչական, Հայաստանի լեռնաշխարհի մասին գիտելիքներ տվող, տուրիզմի, ժամանցի և այլն:
ԿՈՄՈՒՆԻԿԱՑԻԱ
Ճանապարհների խնդիրը ես տեսնում են հետևյալ կերպ. տարիներ շարունակ կառավարությունը դրսից տարբեր ֆինանսական միջոցներ ներգրավեց, միլիոնավոր դոլարների զանազան ծրագրեր իրականացրեց միջազգային կազմակերպությունների կողմից, բայց իրականում դա արդյունք չտվեց:
Փոշիացվեցին այդ գումարները և ըստ էության մնացինք նույն մակարդակում: Հետևաբար մենք պետք է գնանք երևի թե այլ ուղղությամբ: Ամբողջ աշխարհում ընդունված է ենթակառուցվածքները տալ մասնավորներին և այդ մասնավոր ներդրումների արդյունքում թող լինեն վճարովի բարեկարգ ճանապարհներ: Այս դեպքում միջոցները կծախսվեն վերահսկելի ձևով, արդյունքները կդառնան շոշափելի:
Ես հավատում եմ, որ իմ ընտրատարածքի բնակիչները խոհեմաբար կդիտարկեն թիվ 1-ում առաջադրված բոլոր թեկնածուների ծրագրերը, նրանցից ռոմանտիկ ելույթներն ու իրատեսական առաջարկները հստակ կտարբերակեն, հետևություն կանեն՝ մեզնից ով է ռեալ ուժ, ով համոզիչ, հետևապես կաջակցեն ինձ մտնել խորհրդարան:
Տաթև Առաքելյան
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Դեպի Ռուսաստան տանող Վերին Լարսի անցակետը փակվել է բեռնատարների համար
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
© 2024 Հայկական ժամանակ