Հայաստանում դդումի դեմքով վարչապետ չի լինելու, եթե լինի՝ ժողովուրդը վզին տալով քշելու է. Փաշինյան

Նիկոլ Փաշինյանը քարոզարշավ է իրականացրել Կոտայքի մարզի Եղվարդ քաղաքում: Այստեղ նա կարեւորել է այն հանգամանքը, որ բոլորը պետք է ապրեն օրենքով:

«Մենք մեր իմացած ապօրինությանն արձագանքում ենք՝ մեր ինչ գործն է, թող Նիկոլը զբաղվի, իրեն վարչապետ ենք կարգել: Այստեղ մեզնից յուրաքանչյուրն իր անելիքն ունի: Մենք մտնում ենք խանութ, աշխատողը սկսում է ՀԴՄ-ն տպել, բայց մենք ասում ենք՝ պետք չի: Այդ ՀԴՄ-ն խփելով դուք պաշտպանում եք օրինականությունը»,- ասաց նա:

Վարչապետի պաշտոնակատարը նշեց, որ միայն հարկերը չեն պահանջում, կառավարությունն էլ իր հերթին է քայլեր ձեռնարկում: Մասնավորապես, մայրաքաղաքից դուրս տարեկան 20-24 մլն դրամի շրջանառություն ունեցող բիզնեսներն ազատվելու են հարկերից: «Այստեղ վտանգ կա, եթե ՀԴՄ-ն չխփեն, որովհետեւ հնարավոր է, որ մեկը 500 մլն դրամ եկամուտ ունենա, ՀԴՄ չխփի ու օգտվի այդ արտոնությունից: Այստեղ կարեւոր է յուրաքանչյուրի գործոնը, որ հետեւողական լինեն»:

Նիկոլ Փաշինյանը նշեց, որ տնտեսական հեղափոխություն անելը բարդ չէ, քանի որ ՀՀ քաղաքացին ցանկացել եւ իրականացրել է արդեն քաղաքական հեղափոխություն: «Այն ժամանակ, որ ասում էինք՝ իշխանափոխություն է պետք անել, մարդիկ ասում էին՝ ձեռ ե՞ս առնում, մեզանից ինչ ես ուզում: Ասում էին՝ սրանք արյամբ են եկել, արյամբ էլ կգնան, բայց մենք հակառակն ենք ապացուցել, որ քաղաքացու կամքը միակ հաղթական տարբերակն է»:

Նիկոլ Փաշինյանը նաեւ անդրադարձավ ՀՀԿ-ի PR տեխնոլոգիային, որ վերցնում են իր նախկին ելույթներից մի հատված եւ փորձում են ինչ-որ տպավորություններ ստեղծել: «Նրանք սովոր են, որ իրենց վարչապետերը ոչ ուրախ պետք է լինեն, ոչ տխուր, ոչ ջղայնանում են, ոչ ոգեւորվում են»,- ասաց վարչապետը, իսկ քաղաքացիներից մեկն արձագանքեց. «Ասա՝ էշի քուռակ են, էլի»:

Նիկոլ Փաշինյանը շարունակեց. «Դդում դեմքերը, որ կա, որ ռեակցիա չի փոխում, լուրջ դեմքով՝ իբր իրենք խելոք են, մի առանձնահատկություն ունեն, սովետի ժամանակ մի հատ ապարատ կար, որ կոպեկը գցում էիր, զնգում էին, իրենց պատկերացմամբ՝ վարչապետն այդպիսին պետք է լինի: Հայաստանում այդպիսի վարչապետ չի լինելու, եթե լինի՝ ժողովուրդը վզին տալով քշելու է»:

Նիկոլ Փաշինյանը հայտարարեց, որ այժմ վերացվել է տնտեսական մենաշնորհը եւ բոլորն ազատ են բիզնեսներ հիմնելու եւ ունեցածը վաճառելու հարցում: «Առաջ գալիս ինձ ասում էին՝ ուզում եմ ՍՊԸ-իս 30 տոկոսը վաճառեմ, կլինի՞ վաճառեմ: Հետո ասում էին՝ ու՞մ ծախեմ, երեք հոգի ուզում են: Մենք վերացրել ենք մենաշնորհը, մենք հասնելու ենք նրան, որ ՍՊԸ-ներ բացելիս մարդիկ պետք է մաքսիմալ ազատվեն թղթաբանությունից»:

Առաջիկայում եկամտահարկը համահարթեցվելու է եւ դառնա 23 տոկոս, իսկ առաջիկա հինգ տարում այն լինելու է 20 տոկոս: Փաշինյանը սա համարում է կարեւոր գործոններից մեկը՝ տնտեսական հեղափոխության մեջ: Նա նշեց, որ փորձում են այս հեղափոխությունը կապել ինչ-որ ուժերի հետ:

«Ասում են՝ սա Սորոսի կազմակերպած հեղափոխությունն է, բայց Սորոսն ինչքա՜ն հաց ու պանիր պետք է ուտի, որ կարենա անի էն՝ ինչ մենք արեցինք»:

Նիկոլ Փաշինյանը վերջում նշեց, որ ունի ընտրողներից յուրաքանչյուրի քվեի կարիքը:

Տպել
2247 դիտում

Արմավիրի համայնքային ոստիկանները անասնագողության դեպք են բացահայտել

Մեկնարկել է ՀՀ կառավարության հերթական նիստը. օրակարգում ներառված է 51 հարց

Դարիգա Նազարբաևայի գլխավորած պատվիրակությունը պաշտոնական այցով Հայաստանում է

Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 37.5 հա տարածք

«Տնաքանդությունը մեղք է». բռնել եւ տկլորացնել

Ի՞նչ արժեն մեր մատնահետքերը. փող տպելու մեքենա

Սենատոր Լինսի Գրահամը «վետո» կիրառեց Ցեղասպանության բանաձևի նկատմամբ. Սուրեն Սարգսյան

«Մի բուռ ոսպով, առանց յուղի». նրանց կյանքը ուրիշ է

Բացահայտվել են օտարերկրացիների կողմից երեխաների ապօրինի որդեգրման բազմաթիվ դեպքեր (տեսանյութ)

Մեր աղոթքն ենք մատուցում համայնքի հոգևոր հովվի և նրա հոր հոգիների խաղաղության համար. Գարեգին Բ

Ապարանի ոստիկանները ապօրինի ծառահատման դեպք են բացահայտել (տեսանյութ)

Հայտնաբերվել է Արենիին պատկանող և 2 մլն դրամ արժողությամբ խողովակները գողացած անձը (տեսանյութ)

Նոյեմբերի 14-ին Աջափնյակի մի շարք հասցեներում 12 ժամով կդադարեցվի ջրամատակարարումը

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ