Կանանց սոցիալական պաշտպանվածությունը՝ «Քաղաքացու որոշում» կուսակցության ծրագրում, Նարե Հայրապետյան

«Քաղաքացու որոշում» սոցիալ-դեմոկրատական կուսակցությունը գտնում է, որ պետությունը սեռերի իրա­վահավասարության հարցը կարող է լուծել ժամանակավոր կարգավորիչ գործիքներ կիրառելու միջոցով՝ այն իրավական ու հռչակագրային մակարդակից բարձ­րաց­նե­լով գործնական ու մշակութային մակարդակ։ Այս մասին մեր զրույցում ասաց ՔՈ ՍԴԿ պատգամավորի թեկնածու Նարե Հայրապետյանը։ Վերջինս առաջիկա խորհրդարանական արտահերթ ընտրություններում ռեյտինգային ընտրակարգով թեկնածություն է առաջադրել Կոտայքի մարզում։

Նարե Հայրապետյանի խոսքով՝ կանանց դիրքը յուրաքանչյուր հասարակության մեջ ցույց է տալիս այդ հասարակության սոցիալական, կրոնական, մշակութային հանրույթների իրական քաղաքակրթության աստիճանը․

«Մարդկային ոչ մի հանրույթ չի կարող ներդաշնակ զարգանալ, եթե այդտեղ թերագնահատված է կնոջ դերը։ Խտրականությունն էականորեն սահմանափակում է կանանց սոցիալական ակտիվությունը։ Այո, կինն իշխանության, քաղաքականության մեջ ընդունելի է քչերին, որովհետեւ հասարակության մի ստվար հատված կարծում է, որ միակ վայրը, որտեղ կինն իշխանություն ունի՝ խոհանոցն է։ Սա տարիներով կարծրացած արժեհամակարգի արդյունք է, չեմ կարող ասել, թե դարերի խնդիր է, քանզի տարբեր ժամանակաշրջաններում տարբեր են եղել կանանց հանդեպ մոտեցումները»,-ասաց պատգամավորի թեկնածուն՝ հավելելով, որ, կարդալով 20-րդ դարասկզբին գործունեություն ծավալող ֆեմինիստ, հասարակական գործիչ Զապել Եսայանի ստեղծագործությունները, նամակները, որն ապրում էր հայկական միջավայրում, չի կարող մտքի ծայրով անցկացնել, որ այդ կինը երբեւէ սեռային ստորադասման է ենթարկվել․

«Այս առումով, կարծում եմ, կեղծ օրակարգերի պատճառով է, որ կանանց ինքնագնահատականը եւ ամբիցիաներն իջել են, որի հետեւանքն են հենց հասարակական ընկալումները»,-մեկնաբանեց Հայրապետյանը։

Վերջինս «Հայկական ժամանակ»-ի հետ զրույցում անդրադարձավ նաեւ քվոտաների սահմանմանը։ Նարե Հայրապետյանի կարծիքով՝ քվոտաների սահմանումը ոչ միայն կուսակցություններում, ԱԺ֊ում այլեւ կառավարման բարձր օղակներում պետք է սահմանվի․

«Հասարակությունում, որտեղ ճաշին տղա երեխային ավելի մեծ կտոր միս է բաժին ընկնում, քան աղջկան, անհրաժեշտ է բալանսը պահել հենց քվոտաների միջոցով։ Շատ կանայք ասում են, որ դեմ են նման մոտեցմանը, բայց նույնիսկ իրենց այդպես մտածելն այդ կարծրացած մտածողության հետեւանքն է՝ նստած անգիտակցական մակարդակում»։

ՔՈ ՍԴԿ-ն առաջարկում է կանանց չվարձատրվող աշխատանքը՝ երեխաների եւ տարեցների խնամքը, տնային տնտեսու­թյու­նը, աշխատանքը խոհանոցում եւ այգում,նույնպես նե­րառել ստաժի հաշվարկման մեջ, մասնավորապես` հաշմանդամություն ունեցող երեխայի եւ ծե­րե­րի խնամքի ժամանակահատվածը լիովին հաշվարկել որպես աշխատանքային ստաժ, այլ ոչ թե միայն դրա 10 տարին, ինչպես այն կարգավորվում է ներկայիս օրենսդրությամբ:

Հայրապետյանն անդրադարձավ նաեւ ծնելիության հարցերին պետության մոտեցմանը։ Նա ասաց, որ թե՛ նախկին, թե՛ ներկա իշխանությունները խրախուսել են ծնելիությունը միանվագ նպաստով, որն, ըստ իրեն, անթույլատրելի է սոցիալական պետության մեջ․

«Պետության նպատակն է ստեղծել անհրաժեշտ պայմաններ, որ քաղաքացին ինքը կամենա երեխա ծնել եւ իմանա, որ ամբողջ կյանքում պետությունը կհոգա իր ու իր երեխայի մասին, եթե իրենց կամքից անկախ հայտնվեն դժվարին իրավիճակներում»,-«Հայկական ժամանակ»-ին ասաց ՔՈ ՍԴԿ պատգամավորի թեկնածուն։

Վերջինս փոխանցեց, որ առաջիկա օրերին՝  դեկտեմբերի 1-ին իրենք նախատեսում են անցկացնել Հայաստանում կանանց առաջին քարոզարշավը՝ ընտրական պրոցեսում, ինչը համընկնում է նաեւ «Ընդդեմ գենդերահեն բռնության» միջազգային 16-օրյա քարոզարշավի հետ․

«Թիրախային ընտրել ենք Կոտայքի մարզի հայրիշխանական բարքերով հայտնի մի շարք գյուղեր։ Քարոզարշավը կսկսենք Չարենցավան քաղաքում։ Կոչ ենք անելու բոլոր կանանց միանալ մեր ակցիային՝ անկախ այն հանգամանքից՝ ձախ գաղափարների կրող են, թե ոչ»,-ասաց նա։

Նարե Հայրապետյանը մեր զրույցում նշեց, որ իրենց օրակարգում կան կանանց սոցիալական պաշտպանվածության եւ կանանց վերաբերող շատ դրույթներ, սակայն այս պահին ծրագրում տեղ են գտել միայն սոցիալական պաշտպանությանը վերաբերող դրույթները, քանի որ ծրագրային դրույթները բազմակողմանիորեն մշակվում են փորձագետների հետ, եւ որ կանանց սոցիալական պաշտպանվածությունը չի սահմանափակվում միայն վերոնշյալ դրույթներով։ Ինչպես հայտնեց վերջինս՝ հետագայում ընդգրկվելու են նաեւ այլ ծրագրեր։

Տպել
18238 դիտում

Սա կարևորագույն իրադարձություն է պետության կյանքում. Ա.Բաբաջանյանը՝ ազգային անվտանգության ռազմավարության ընդունման մասին

ՀՀ ԶՈՒ ԳՇ պետն ընդունել է ՌԴ դեսպանության ռազմական կցորդին

Փրկարարները հայտնաբերել են Արզնի-Շամիրամ ջրանցքն ընկած 37-ամյա քաղաքացու դին

200 միլիոն դրամի ներդրում է կատարվել Ախթալա խոշորացված համայնքում

Արագածի փողոցում կատարված դանակահարության դեպքը բացահայտվել է. 23-ամյա երիտասարդ է ձերբակալվել

ԱՀ պաշտպանության նախարարն ընդունել է ծառայողական հետագա առաջխաղացման ներկայացված սպաներին

Մալաթիա-Սեբաստիա վարչական շրջանում ՔՏՀԱ Տեսչական մարմինը իրականացրել է հերթական վերահսկողական աշխատանքները

Երկուշաբթի՝ հուլիսի 13-ին, ՀՀ կառավարության արտահերթ նիստ տեղի կունենա

ՍԱՏՄ-ն այսօր 24 ժամով կասեցրել է 3 տասնակից ավելի տնտեսավարողի գործունեություն

Խախտումներ են հայտնաբերվել Մալաթիա-Սեբաստիա վարչական շրջանում են

ՀՀ պաշտպանության նախարար Դավիթ Տոնոյանն ընդունել է «Ալիխանյանի անվան ազգային գիտական լաբորատորիա» հիմնադրամի տնօրենին

Նոր դիահերձարանը կգործի օգոստոսի 1-ից. այնտեղ կհերձվեն կորոնավիրուսից մահացած անձինք

Դավիթ Տոնոյանն ընդունել է ՌԴ հերոս Վյաչեսլավ Յուրիի Ավերյանովին և Եվգենի Վյաչեսլավի Ավերյանովին

Արզնի-Շամիրամ ջրանցքն ընկած քաղաքացու որոնողական աշխատանքները շարունակվում են

Հակոբ Արշակյանն ու ԱՄՆ արտակարգ և լիազոր դեսպանը մտքեր են փոխանակել փոխգործակցության հնարավորությունների շուրջ

«Ազգային ինքնության» ձևախեղված հիմքերը

Մեկ տարվա վաղեմության գողության դեպք է բացահայտվել. Էջմիածնի 2 բնակիչ կալանավորվել է

Կեղծ ահազանգ Adjarabet.am-ի գլխավոր գրասենյակում տեղադրված ռումբի մասին

Ինքնամեկուսացած քաղաքացիների համար գործում է StayHome հավելվածը (տեսանյութ)

Ստեփանակերտի նոր՝ 110/35/10 կՎ ենթակայանը 2021թ.-ին կհանձնվի շահագործման