Իսկ նորեկն ատամներ ունի՞. բելառուսական մամուլի անդրադարձը հայ-բելառուսական ճգնաժամին

Բելառուսի փորձագիտական դաշտը լայնորեն անդրադարձել է Ադրբեջանի նախագահ Իլհամ Ալիեւի՝ Մինսկ կատարած այցին եւ դրա ընթացքում կնքված ռազմական հուշագրին՝ փորձելով հասկանալ, թե ինչու են Ադրբեջանի հետ կապերն ավելի սերտ, քան Հայաստանի եւ առհասարակ ինչ է սպասվում հայ-բելառուսական հարաբերություններին:

Քաղաքագետ Վլադիմիր Մացկեւիչը zautra.by կայքի հետ զրույցում նշել է, որ Հայաստանի հետ ջերմ եւ բարեկամական հարաբերությունների մեջ շահագրգռված Բելառուսը, չի կարող հրաժարվել Ադրբեջանին զենք մատակարարելուց: Փորձագետի խոսքով՝ առեւտրատնտեսական տեսանկյունից Ադրբեջանն ավելի հեռանկարային եւ ձեռնտու գործընկեր է, քան Հայաստանը:

Տնտեսագետ Լեւ Մարգոլինն ավելի կտրուկ է արտահայտվել՝ նշելով, որ Լուկաշենկոյի եւ Ալիեւի միջեւ վստահության մակարդակն այնքան բարձր է, որ Բելառուսը փաստացի բացահայտում է ուրիշի գաղտնիքները, իսկ հիմնական շահը (զենքի վաճառքը) այնքան ուժեղ՝ որ Մինսկը պատրաստ է վտանգել Հայաստանի հետ հարաբերությունները:

Փորձագետ Եվգենի Կրասուլինը belprauda.org-ին տված հարցազրույցում կարծիք է հայտնել, որ կողմերից մեկին զենք վաճառելը չի նպաստում խաղաղությանը մեր տարածաշրջանում:

«Պետք է դիվանագիտական եւ հումանիտար միջոցներ ձեռնարկել, անգամ հարթակ առաջարկել թեժ խնդրի լուծման համար: Մինսկը եղել է այդպիսի հարթակ 90-ականների սկզբին», - փորձագետի խոսքերն է մեջբերում belprauda.org-ը:

Ինչ վերաբերվում է ՀԱՊԿ անդամ երկրի հակառակորդին զենքի վաճառելու՝ ՀԱՊԿ-ի վրա հնարավոր հետեւանքներին՝ Կրասուլինը կարծում է, որ այս դեպքը լուրջ ազդեցություն չի ունենա կազմակերպության վրա, սակայն շարունակական լինելու պարագայում կասկածի տակ կդնի ՀԱՊԿ-ի գոյության իմաստը:

«Ազատություն» ռադիոկայանի բելառուսական խմբագրության քաղաքական մեկնաբան, քաղաքագետ Վալերի Կարբալեւիչը նույնպես նյութական շահի բաղադրիչ է տեսնում Ադրբեջանի հետ ջերմ հարաբերություններում: Նրա խոսքով՝ Բելառուսի ղեկավարության հակումը Բաքվին տնտեսական շարժառիթներ ունի. Ադրբեջանը Հայաստանից ավելի հարուստ երկիր է:

«Բելառուսի եւ Ադրբեջանի ապրանքաշրջանառությունը հունվար-սեպտեմբեր ամիսներին նախորդ տարվա նույն ժամանակահատվածի համեմատ աճել է 3,3 անգամ եւ հասել 331,5 միլիոն դոլարի: Բելառուսի եւ Հայաստանի միջեւ ապրանքաշրջանառությունը այս ժամանակահատվածում կազմել է ընդամենը 35,1 միլիոն դոլար»,- նշել է Կարբալեւիչը՝ հավելելով, որ աճի վրա ազդեցություն են ունեցել նաեւ Ադրբեջանին մատակարարած «Պոլոնեզ»-ները, իսկ, «ինչպես գիտենք, հրթիռները թանկ են»:

Հայաստանի հետ ստեղծված իրավիճակը, փորձագետի կարծիքով, արժեհամակարգերի բախում է: Բանն այն է, որ ՀԱՊԿ-ն ավտորիտար ռեժիմ ունեցող պետությունների միություն է: Մինչեւ հեղափոխությունը Հայաստանը լիովին համապատասխանում էր այդ համայնքին: Սակայն, քաղաքագետի խոսքով՝  հեղափոխության փաստը զայրացնում է ՀԱՊԿ ավտորիտար առաջնորդներին:

«Քիչ է, որ Հայաստանի նոր առաջնորդ Նիկոլ Փաշինյանը իշխանության է եկել փողոցից՝ նա նաեւ չի խաղում կանոններով: Քրեական գործ հարուցել միջազգային կազմակերպության պաշտոնյայի դեմ՝ ինքնին անսովոր է: Այն էլ ինչի՞ համար՝ ընդդիմության հետ հաշվեհարդարի: ՀԱՊԿ անդամ պետությունների բոլոր ավտորիտար ղեկավարները իրենց երկրներում նույնն են անում», - գրել է Կարբալեւիչը՝ հավելելով, որ այդ տեսանկյունից Լուկաշենկոն եւ Ալիեւը արժեհամակարգերի բախում չունեն, իսկ Բաքուն, ի տարբերություն Երեւանի, հեռու է հեղափոխությունից:

«Ազատություն» ռադիոկայանի բելառուսական խմբագրության մեկ այլ մեկնաբան Յուրի Դրակոխրուստի կարծիքով՝ ՀԱՊԿ-ում հայ-բելառուսական «փոխհրաձգությունը» զուտ քաղաքական հակամարտություն է «հնաբնակների եւ նորեկի» միջեւ: Նրա խոսքով՝ Լուկաշենկոն եւ Նազարբաեւը ուզում են հասկանալ արդյո՞ք նորեկը «ատամներ ունի»: Եթե այո՝ բարի գալուստ «ակումբ»:

Լուկաշենկոյի կողմից ճգնաժամի խորացումը նա բացատրում է նրանով, որ Բելառուսի նախագահին «չհաջողվեց միանգամից կոտրել» Փաշինյանին եւ հիմա նա շարունակում է սրել հակամարտությունը՝ հասկանալու համար, թե ինչ հաղթաթղթեր ունի Հայաստանի ղեկավարը:

Հայաստանի ամենաուժեղ, սակայն ռիսկային հաղթաթուղթն, ըստ Դրակոխրուստի, ՀԱՊԿ-ից դուրս գալու սպառնալիքն է: Փորձագետը նշում է, որ 2009 թ. այդպես է վարվել հենց Լուկաշենկոն՝ Ռուսաստանի հետ «կաթնային պատերազմի» ընթացքում՝ կասկածի տակ դնելով ԵԱՏՄ-ում Բելառուսի անդամակցության նպատակահարմարությունը:

Բելառուսական մամուլն, ընդհանուր առմամբ, լավատեսորեն է տրամադրված ՀԱՊԿ-ի ապագայի եւ հայ-բելառուսական հարաբերությունների հարցում: Ցավոք, այդ լավատեսությունը որեւէ կերպ չի ազդում Բելառուսի եւ Ադրբեջանի ռազմական համագործակցության եւ Լուկաշենկոյի դիվանագիտական մեթոդների վրա:

Տպել
5704 դիտում

Հնարավո՞ր է՝ մեր հեռախոսահամարները հրապարակվեն, գուցե գեղեցիկ աղջիկները տեսնեն ու զանգեն. «Ջերմուկյան էսքիզներ»

Ինչպես ենք կարողանում վնասել այն, ինչը ստեղծելու խնդիր ունենք․ Անդրեասյանը՝ դպրոցներից մեկում կատարված գողության մասին

ՀՀ ԱԳՆ-ն մեկնաբանել է Փաշինյան-Պուտին հանդիպման 2022թ․ ապրիլի 19-ի համատեղ հայտարարության 24-րդ կետը

Հայաստանն ու Լիտվան պատրաստվում են միջկառավարական հանձնաժողովի նիստին

Էջմիածնի բնակիչը երթուղայինում բջջային հեռախոս է գողացել

ԵՏՄ անդամ Հայաստանը պատրաստ է աջակցել հայկական շուկա մտնելու ցանկություն ունեցող ավստրիական ընկերություններին․ Սիմոնյան

Ինչ եղանակ սպասել առաջիկա օրերին

Նիկոլ Փաշինյանն ընդունել է ՌԱԿ Կենտրոնական վարչության ատենապետ Միքայել Խարապյանին և վարչության ներկայացուցիչներին

Բարի գալուստ «Նոա» ընտանիք․ ֆուտբոլային ակումբը նոր պայմանագրեր է կնքել

Գավառի ԲԿ-ում առաջին անգամ կեսարյան հատումով եռյակ է լույս աշխարհ եկել

Լոռիում վերջին մի քանի օրում հայտնաբերվել է 10-ից ավելի մեքենա՝ բեռնված տարբեր ծավալի փայտանյութով

Ուժեղ քամին Գյումրիում պոկել է Ղանդիլյան փողոցի շենքերից մեկի տանիքի թիթեղները

Համայն Ռուսիո պատրիարք Կիրիլը Նովոռոսիյսկում պատարագի ժամանակ սայթաքել է և ընկել

Ավտոմեքենան ընկել է Ազատի ջրամբարը և սուզվել

Կյանքից հեռացել է կլարնետիստ Հովհաննես Վարդանյանը

ՌԴ-ում ՀՀ դեսպանը և Յուրի Վորոբյովը քննարկել են Հայաստան-Ռուսաստան միջխորհրդարանական փոխգործակցության ամրապնդման հարցերը

Շիրակի մարզի պարեկները բեռնատարի մեջ՝ արկղերով կանեփ, պլաստմասե շշերում էլ կանեփանման զանգվածներ են հայտնաբերել

Վթարային ջրանջատում Սյունիքում․ երկու բնակավայր 12 ժամ ջուր չի ունենա

Արարատում համագյուղացիների վեճն ավարտվել է  դանակահարությամբ․ կա ձերբակալված

Երևան-Մեղրի ճանապարհին ավտոմեքենան ծառին է բախվել․ վարորդը հոսպիտալացվել է

Պուշկինի թունելի էլեկտրամատակարարումն ամբողջությամբ վերականգնվել է

Հիմնադրամի համահայկական ընդգրկումն ինքին բացառում է որևէ քաղաքական միտում, նախընտրություն կամ ազդեցություն․ ՀՀ նախագահ

Նոր խաղադաշտի բացում՝ ֆուտբոլային խաղով․ ընկերական հանդիպմանը մասնակցել է նաև Երևանի քաղաքապետ Հրաչյա Սարգսյանը

Բերման է ենթարկվել գողության և խարդախության մեղադրանքով հետախուզվող 29-ամյա տղամարդը

Հայաստանը բարձր է գնահատում մեր երկրների միջև բարեկամական հարաբերությունները. Վահագն Խաչատուրյանը՝ Սլովենիայի նախագահին

Հրդեհ է բռնկվել Արմավիրի բնակարաններից մեկում

Լիլիթ Մակունցը հանդիպում է ունեցել ԱՄՆ նախագահ Ջո Բայդենի հետ

Բացահայտվել և չեզոքացվել է անօրինական միգրացիայի կազմակերպմամբ զբաղվող հերթական հանցավոր խմբի գործունեությունը

Նիկոլ Փաշինյանը մասնակցում է «Հայաստան» համահայկական հիմնադրամի հոգաբարձուների խորհրդի նիստին

Բացվել է Գյումրու համալիր մանկապատանեկան մարզադպրոցի նոր մասնաշենքը

Քաղաքացիական մեքենայով վթարի են ենթարկվել ՊԲ N զորամասի պայմանագրային զինծառայողները․ նրանցից մեկը մահացել է

Փրկարարներն օգնություն են ցուցաբերել քաղաքացիներին

Գնել Սանոսյանն այցելել է Ազատի ջրամբար (լուսանկարներ)

Դիմիտրով գյուղի կամրջի մոտակայքում տեղի է ունեցել ՃՏՊ՝ հրդեհի բռնկմամբ․ վնասվել է նաև գազատարը

Մինչև 6 ժամ լույս չի լինի Երևանի բազմաթիվ հասցեներում և 8 մարզի տարբեր համայնքներում

Սիսիան-Երևան ճանապարհին մեքենաներ են բախվել․ կա զոհ

Նոր տրանսֆեր․ «Արարատ-Արմենիա»-ի հերթական համալրումը

ՀՀ նախագահն ու Արտակ Բեգլարյանը քննարկել են Արցախի հումանիտար խնդիրներն ու դրանց լուծման հնարավոր ուղիները

Նախատեսվում է ՀՀ-ում ընտրական գործընթացն իրականացնել միայն ID քարտերով. ինչը կբացառվի սրանով, և որ փուլում է գործընթացը

Շիրակի մարզպետը չինարեն կսովորի․ Նազելի Բաղդասարյանն ընդունել է Հայաստանում ՉԺՀ դեսպան Ֆան Յոնգին