Աննա Հակոբյանն այցելել է բուժում ստացող երեխաների նկարների ցուցահանդես (լուսանկարներ)

16/11/2018 schedule08:10

ՀՀ վարչապետի պաշտոնակատարի տիկին, «Ժպիտների քաղաք» հիմնադրամի ղեկավար Աննա Հակոբյանն այսօր այցելեց Երևանի Մխիթար Հերացու անվան պետական բժշկական համալսարանի (ԵՊԲՀ) «Մուրացան» հիվանդանոցային համալիր, որտեղ բժշկական համալսարանի ուսանողների նախաձեռնությամբ կազմակերպվել էր տարբեր բաժանմունքներում բուժում ստացող երեխաների ձեռքի աշխատանքների, մասնավորապես՝ նկարների ցուցահանդես։Տիկին Հակոբյանին և մյուս հյուրերին ուրախությամբ ընդունեցին երեխաները և նրանց ծնողները, դիմավորեցին ԵՊԲՀ-ի ռեկտոր Արմեն Մուրադյանը և կենտրոնի բժշկական անձնակազմը։

Կենտրոնի պատերը զարդարված էին փոքրիկների գունանկարներով։ Երեխաններից մի քանիսն էլ նոր նկարներ էին ստեղծում հենց այցի պահին։Երեխաները տիկին Հակոբյանին ոգևորությամբ պատմեցին, թե ինչ են նկարում և ինչ են ներկայացնելու հաջորդ ցուցահանդեսներին։

ԵՊԲՀ ռեկտոր Արմեն Մուրադյանն այցի ընթացքում ուղեկցում էր տիկին Հակոբյանին և ներկայացնում կենտրոնում իրականացվող որոշ ծրագրեր, ինչպես նաև դասակենտրոնները, որոնց միջոցով կազմակերվում է բուժում ստացող փոքրիկների առօրյան։ Քննարկվեցին նաև «Մուրացան» հիվանդանոցային համալիրի և Աննա Հակոբյանի ղեկավարությամբ գործող «Ժպիտների քաղաք» հիմնադրամի միջև հետագա հնարավոր համագործակցության տարբերակները։

Շրջայցից հետո տեղի ունեցավ «Ունեմ դիաբետ, չունեմ խնդիր» խորագրով ներկայացում, որի ժամանակ պարոն Մուրադյանը դիմեց ծնողներին. «Ցավոք, մեծերի սթրեսային ապրումները շատ հաճախ ազդում են երեխաների հիվանդությունների զարգացման վրա, սակայն մենք պետք է զերծ մնանք դրանից»։Նա ավելացրեց, որ կենտրոնում տարեկան ավելի քան 11 հազար երեխա դիաբետից բուժում է ստանում։ «Այս ծանրաբեռնված աշխատանքի համար ուզում եմ իմ շնորհակալությունն ու երախտիքի խոսքն ուղղել ամբողջ բուժ անձնակազմին, բժիշկներին և ղեկավարությանը»,- նշեց պարոն Մուրադյանը։Միջոցառման ավարտին տիկին Հակոբյանը լրատվամիջոցների հետ զրույցում ասաց. «Ես կարծում եմ, որ մենք ավելին պետք է անենք առողջական խնդիրներ ունեցող մեր երեխաների համար։ Նրանք պետք է միշտ լինեն ուշադրության կենտրոնում և պետք է միշտ զվարճանալու առիթներ ունենան»։ Աննա Հակոբյանը նաև նշեց, որ նախատեսում են առաջիկայում ավելի մեծ միջոցառում կազմակերպել՝ ուրախ մթնոլորտ ապահովելով երեխաների համար։

Տպել
1919 դիտում

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)

Գոշավանքի մոտակայքում մեքենան գլխիվայր շրջվել է. 28-ամյա տուժածը հոսպիտալացվել է

Ինձ ձեզնից միայն ծափեր են պետք, այնքան, մինչև ափերդ թմրի. այսօր Մհեր Մկրտչյանի ծննդյան օրն է

ԱՀ պաշտպանության նախարար Ջալալ Հարությունյանն ամփոփել է անցկացված մարտավարական զորավարժությունների արդյունքները

Արտակարգ դրության իրավական ռեժիմի կանոնները խախտելու փաստերով արդեն 63 հազար արձանագրություն է կազմվել (տեսանյութ)

Արցախի ժողովրդի կողմից ընտրված իշխանությունները լիազորված են անհրաժեշտ մանդատով՝ առաջ տանելու խաղաղ գործընթացը

Աճառյան փողոցում մեքենաներ են բախվել. հոսպիտալացվել է վարորդներից մեկը

Քննադատելու բարոյական իրավունքը