Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի տնօրենի տեղակալ Կարինե Կիրակոսյանը նամակով դիմել է Մշակույթի նախարարի պաշտոնակատար Լիլիթ Մակունցին, որպեսզի հասկանա, թե որն է նախարարի կողմից ֆեյսբուք սոցիալական ցանցում իրեն արված բանավոր զգուշացման պատճառը:

Կարինե Կիրակոսյանը ՀԺ-ի հետ զրույցում ասաց, որ գաղափար չունի, թե Մակունցն ինչից ելնելով է իրեն բանավոր զգուշացում է արել, եւ աշխատակիցներից ում վրա է Կիրակոսյանը ճնշում գործադրել ու աշխատավայրում զբաղվել քաղաքական քարոզչությամբ: Կարինե Կիրակոսյանը նշեց, որ դեռ ոչինչ չի կարող ասել, սպասում է իր նամակի պատասխանին. «Դիմել եմ նախարարին եւ հույս ունեմ, որ կպատասխանի»:

Թատրոնի տնօրենի տեղակալից հետաքրքրվեցինք, թե նախքան գրառում կատարելը Մակունցն այլ կերպ զգուշացում արե՞լ է իրեն, վերջինս ասաց՝ ո՛չ: Ինչ վերաբերում է ֆեյսբուք սոցիալական ցանցի միջոցով նախարարի տված նկատողությանը՝ Կիրակոսյանը չմեկնաբանեց. «Ես չեմ ուզում նախարարի աշխատաոճին գնահատականներ տալ, դա իմ լիազորությունների մեջ չի մտնում:

Կարինե Կիրակոսյանից հետաքրքվեցինք՝ արդյո՞ք որեւէ կուսակցության անդամ է, եւ գուցե նախընտրական աժիոտաժը Սպենդիարյան թատրոնի վրա էլ է տարածվել: Վերջինս բացառեց, վստահեցրեց, որ քաղաքականությամբ բացարձակապես չի զբաղվում: «Ես 2011 թվականից քաղաքականությամբ չեմ զբաղվում: Եղել եմ Հանրապետական կուսակցության անդամ, բայց 2011 թվականից միայն իմ աշխատանքով եմ զբաղվում»,-ասաց նա:

Մեր հարցին՝ հիմա է՞լ է հանրապետական կուսակցության անդամ, Կարինե Կիրակոսյանն ուղիղ պատասխան չտվեց, փոխարենը եւս մեկ անգամ կրկնեց. «Ես 2011 թվականից քաղաքականությամբ չեմ զբաղվում»: Վերջինս հորդորեց զանգահարել Սպենդիարյանի անվան օպերայի եւ բալետի թատրոն եւ աշխատակիցներից պարզել՝ արդյոք ինքը որեւէ քաղաքական հարցում ուղղորդում է կամ երբեւէ ճնշում գործադրե՞լ է նրանց վրա:

Մշակույթի նախարարությունից փորձեցինք մանրամասներ պարզել, թե ինչ քաղաքական քարոզ է իրականացնում Կարինե Կիրակոսյանն աշխատավայրում, սակայն Մշակույթի նախարարի պաշտոնակատար Լիլիթ Մակունցը հրաժարվեց որեւէ մեկնաբանություն տալ, նշեց, որ ոչինչ չի ցանկանում ավելացնել նոյեմբերի 13-ին արված գրառմանը:

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի աշխատակիցներն էլ խուսափեցին Կարինե Կիրակոսյանի մասին որեւէ բան ասել:

Մասնագիտությամբ տնտեսագետ Կարինե Կիրակոսյանը մինչեւ 2004 թվականը հանդիսացել է կառավարության աշխատակազմի ղեկավարի տեղակալ, այնուհետեւ մինչեւ 2011-ը՝ կառավարությանն առընթեր պետգույքի կառավարման վարչության պետ, իսկ 2013-ից մինչեւ 2016-ի վերջերը՝ «Անելիք» բանկի աշխատակազմի ղեկավար: 

Կարինե Կիրակոսյանը Սպենդիարյանի անվան օպերայի եւ բալետի ազգային ակադեմիական թատրոնի տնօրենի տեղակալի պաշտոնը զբաղեցնում է 2017 թվականից: Թատրոնի աշխատակիցները հայտնում են, որ բավականին պարտաճանաչ է աշխատում, որպես տնօրենի տեղակալ, թատրոնի հոգսը մեծ մասամբ իր ուսերին է:

Սակայն նրանցից շատերը մնում են այն կարծիքին, որ Սպենդիարյանի անվան թատրոնն այլմոլորակային կղզի է, եւ տեղի խնդիրների մասին ոչ-ոք ոչինչ չի իմանում: Թատրոնում տնօրինությունն իր օրենքներն է թելադրում եւ հազվադեպ են աշխատակիցների բողոքները տեղ հասնում:

Ինչ վերաբերում է թատրոնի տնօրեն Կոնստանտին Օրբելյանին, ապա աշխատակիցները վստահեցնում են. «Անկախ երաժշտի իր լավ որակներից համակարգը Օրբելյանին կուլ տվեց, նա ինքնակամ ենթարկվեց այստեղի հին օրենքներին»:

Նշենք, որ Լիլիթ Մակունցն իր բանավոր զգուշացման մեջ հիշատակել էր նաեւ Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի տնօրեն Կոնստանտին Օրբելյանին: Նշել, որ վերջինիս ուշադրությանն է ուզում հրավիրել վերը նշված հանգամանքը. «Պահանջում եմ խստագույնս հետեւել օրենքին, դուրս չգալ սահմանված լիազորությունների եւ գործառույթների շրջանակներից. հակառակ դեպքում կկիրառվեն վարչական խիստ միջոցներ»:

Տպել
2753 դիտում

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը

Անկախության տոնի առթիվ Արմեն Սարգսյանին շնորհավորել է Ճապոնիայի կայսր Նարուհիթոն

Անկախության տոնի առթիվ 4 գեներալ-մայորի և մեկ գեներալ-լեյտենանտի նոր կոչում է շնորհվել

«Մեր հայրենիք». հայ հայտնիների երգը նվիրվում է Հուլիսյան գործողությունների քաջարի մարտիկներին (տեսանյութ)

Ներսում՝ լույսեր, գույներ, զարմանքից և ուրախությունից փայլող աչքեր. Գյումրու տիկնիկայինը բացեց 85-րդ թատերաշրջանը

Ռիո դե Ժանեյրոյի Հիսուս Ամենափրկիչ արձանը ՀՀ անկախության տոնի առթիվ լուսավորվել է հայկական դրոշի գույներով (տեսանյութ)

Մենք՝ զինվորականներս, լավ գիտակցում ենք, որ մենք ենք այսօր անկախության երաշխավորները. ԶՈՒ ԳՇ պետի շնորհավորանքը