Ինչի համար գնացել էի, դրանով հետ եկա. աշխարհի չեմպիոն Սիմոն Մարտիրոսյան

Աշխարհի նորընծա չեմպիոն, ծանրորդ Սիմոն Մարտիրոսյանի (109 կգ) համար «Զվարթնոց» օդանավակայանում մեծ ընդունելություն էին կազմակերպել մարզասերները, ընտանիքի անդամները, մտերիմները, Հայկաշեն գյուղից նրա համագյուղացիները: Նոյեմբերի 1-10 Թուրքմենստանի մայրաքաղաք Աշխաբադում նա ՀՀ հավաքականին բերեց առաջին ոսկե մեդալը վերջին 8 տարվա մեջ: Այսօր՝ նոյեմբերի 12-ին, օդանավակայանում լրագրողների հետ զրույցում նա նշեց, որ սա տարիների աշխատանքի արդյունք է:

«Ինչի համար, որ գնացել էի, դրանով հետ եկա: Շատ ուրախ եմ դրա համար եւ հպարտ: Սա միմիայն քրտնաջան աշխատանքի եւ մարզիչների խորհուրդների շնորհիվ էր: Պատրաստվել էի, գնացի եւ արեցի»,- ասաց նա՝ ավելացնելով, որ հաղթանակը նվիրում է հայ ազգին:

Օլիմպիական արծաթե մեդալակիր, Եվրոպայի չեմպիոն Սիմոնն աշխարհի առաջնության երկամարտում գրանցեց 435 կգ արդյունք: Պոկում վարժությունն ավարտեց 195, հրումը՝ 240 կգ-ով: Նա աշխարհի ռեկորդ սահմանեց հրում վարժությունում ու երկամարտում: Կարող էր ռեկորդակիր դառնալ նաեւ պոկումում, սակայն 197 կիլոգրամանոց նրա 3-րդ մոտեցումը մրցավարները չհաշվեցին: Մրցավարների այդ որոշման արդյունքում Սիմոնը պոկում վարժությունում ոչ թե փոքր ոսկի, այլ փոքր արծաթ նվաճեց, սակայն նշում է, որ հրում վարժությունից առաջ դա նրան չի ընկճել:

«Ես գիտեի, որ հրում վարժությունում ուժեղ եմ, դա այդքան էլ ինձ չի խանգարի, ուղղակի, մեկ ոսկի որ չեղավ...»,- ասաց նա:

21-ամյա մարզիկը շատ տպավորված էր օդանավակայանում տիրող մթնոլորտից: Ներկաները պաստառներով, վանկարկումներով ու ծափահարություններով ոգեւորում էին նրան: Նա ընդգծեց, որ դա նրան մոտիվացնում է, որպեսզի ավելի մեծ եռանդով պատրաստվի հետագա մրցումներին ու գնա դեպի Տոկիոյի օլիմպիական խաղեր:

«Սա մոտիվացիա է, որպեսզի հաջորդ տարիներին կրկնեմ եւ գերազանցեմ իմ արդյունքները: Տոկիո 2020-ն իմ նպատակն է, պետք է գնանք, եւ հուսով եմ, որ ոսկով կվերադառնամ»,- ասաց նա:

Սիմոն Մարտիրոսյանին ու օլիմպիական արծաթե մեդալակիր Գոռ Մինասյանին (+109 կգ), որն աշխարհի 2018 թ. առաջնությունում արծաթե մեդալ էր նվաճել, օդանավակայանում դիմավորելու էին եկել Հայաստանի սպորտի բարձրաստիճան պաշտոնյաները: Այնտեղ էին Հայաստանի ազգային օլիմպիական կոմիտեի նախագահ Գագիկ Ծառուկյանը, փոխնախագահ Դերենիկ Գաբրիելյանը, գլխավոր քարտուղար Հրաչյա Ռոստոմյանը, ՀՀ սպորտի եւ երիտասարդության հարցերի նախարարի պաշտոնակատար Գաբրիել Ղազարյանը, փոխնախարարի պաշտոնակատար Գեւորգ Լոռեցյանը:

Տպել
1369 դիտում

ԱԺ-ն առաջին ընթերցմամբ ընդունեց նախագիծը. սպորտային վաշտը շուտով կրկին կգործի

Մայրաքաղաքը տրակտոր է նվեր ստացել. Հակոբ Կարապետյան

Երևանում ԱԶԲ ֆինանսավորմամբ քաղաքի կենտրոնը շրջանցող նոր ճանապարհներ են կառուցվում

ՀՀ-ում առողջության համար սեփական գրպանից վճարումները ծայրահեղ բարձր են, պետական ծախսերը՝ ցածր. Եգոր Զայցև

Էկոնոմիկայի փոխնախարար Նաիրա Մարգարյանը Չինաստանում մասնակցել է էկոդիզայնի երկրորդ համաշխարհային համաժողովին

Աշխատաշուկայում անմրցունակ 600 ընտանիք օգտվել է անասնապահությամբ կայուն եկամուտ ունենալու ծրագրից

Բացահայտվել է Գորիսի մասնաճյուղում բջջային օպերատորներից մեկի ղեկավարի ապօրինությունները

Շովրոյան փողոցում տուն է այրվում. ԱԻՆ

Վերնագիրը վարկային համաձայնագիր է` ընդդիմությունը պիտի քլնգի. ԱԺ-ն վավերացրեց 131,5 մլն եվրոյի վարկային համաձայնագրերը

Հրապարակվել է ՀՖՖ Նախագահի պաշտոնում և Գործադիր կոմիտեի անդամության համար առաջադրված թեկնածուների կենսագրությունները

Մինսկում տեղի է ունեցել Հայաստանի և Բելառուսի քննչական կոմիտեների նախագահների աշխատանքային հանդիպումը

Դատարանը թույլատրել է «օրենքով գող» Հայկո Աստրախանսկիին լքել երկիրը, ապա հետախուզում հայտարարել

Արմեն Սարգսյանը հյուրընկալել է աշխարհահռչակ ջութակահար Մաքսիմ Վենգերովին (տեսանյութ)

Հայաստանի տնտեսության զարգացման ներուժը կարող է իրացվել, եթե կան հավասար մրցակցային պայմաններ. Տիգրան Խաչատրյան

Ամիրյանը տարածքը տվել էր, Մակունցը հետ վերցրել, Հարությունյանը նորից տրամադրել. անհասցե թատրոն կամ մի շենքի պատմություն

2020 թվականից շուրջ 3300 երեխա կստանա ներառական ծառայություններ․ Ժաննա Անդրեասյան

Արսեն Թորոսյանը հանդիպել է ԽԿԿ պատվիրակությանը. ԱՆ

Ընկերության տնօրենը կեղծել է պաշտոնական փաստաթղթեր. ԱԱԾ

Գիշերօթիկների նախկին սաների ընտանիքներում խնդիր չի արձանագրվել. բանկերի հետ քննարկվում է կացարանով ապահովելու հարցը

Գործադիր կոմիտեն քննարկել է ՀՖՖ 5 ՀԿ-ների անդամության կասեցման հարցը. կայացել Գործկոմի հերթական նիստը