ՀՀԿ ղեկավար կազմում կուսկացության առաջին փոխնախագահից զատ այլ փոփոխություններ են եղել

11/11/2018 schedule21:37

ՀՀԿ գործադիր մարմնի անդամ Վիգեն Սարգսյանն այսօր մամուլի ասուլիսին ասաց, որ ՀՀԿ ցուցակը կազմված է լինելու ինչպես իրենց կուսակցության անդամ հանդիսացող ընկերներից, այնպես էլ այլ կուսակցություններ ներկայացնող կամ անկուսակցական թեկնածուներից:

«Յուրաքանչյուր ոք, ով ընդգրկված է լինելու ցուցակում լինում է նաեւ ռեյտինգային թեկնածու»,-ասաց նա եւ նշեց, որ միաձայն որոշում կայացվեց այդ սկզբունքները հաստատել: Ինչ վերաբերում է Ռուբեն Հայրապետյանի նիստի կեսից բարկացած դուրս գալու հարցին, Վիգեն Սարգսյանն ասաց, որ Ռուբեն Հայրապետյանի հետ այսօր զրուցել է: «Շատ լավ տրամադրության մեջ է եղել, չգիտեմ ում է տեսել ճանապարհին, որ դժգոհել է»,-ասաց նա:  

Վիգեն Սարգսյանն ասաց, որ ՀՀ օրենսդրությամբ նախատեսված բոլոր միջոցները օգտագործվելու են նախընտրական ֆոնդ ձեւավորելու եւ ընտրություններին մասնակցելու համար: Ինչ վերաբերում է հարցին, թե ինչու պետք է հասարակությունը վստահի ՀՀԿ-ին, նա ասաց, որ իրենք գիտեն երկիրը շատ մանարամասն, գիտեն խնդիրները եւ գործող իշխանությանը ունեն ապացուցելու բան:

Ըստ նրա` ազնիվ չէր լինի կուսակցության կողմից «ձեռքերը լվանալ» եւ ընտրություններին չմասնակցել: «Որովհետեւ մենք բոլոր ֆիբրերով դեմ ենք պարոն Փաշինյանի կառավարության մի շարք նախաձեռնություններին, մենք տեսնում ենք բազմաթիվ խնդիրներ, որոնք մեր անվտանգության առաջ կանգնում են, սկսած Արցախի հիմնահարցից մինչեւ բանակ, անվտանգություն, արտաքին քաղաքականություն եւ մենք համարում ենք մեր պարտականությունն է այդ հարցերի վրա շեշտել ուշադրությունը, մենք լինելով ընդդիմություն, կկարողանանք դա անել արդյունավետ , այլ ուժերը հիմնականում կամ դուրս են եկած Ելք դաշինքի ծոցից, կամ այս արանքում հասցրել են ստորագրել մի շարք փոխգործակցության պայմանագրեր եւ հայտարարություններ պարոն Փաշինյանի հետ, որը կարծում եմ, որ թուլացնում է նրանց ընդդիմադիր կեցվածքի հնարավորությունը: Ես չեմ կարծում, որ նրանք ընդդիմություն են, ընդդիմության մի հայտ կա այս ընտրություններն եւ դա ՀՀԿ-ի հայտն է»,-ասաց նա:

 Նա նկատեց, որ 2017 թվականի ընտրությունները վերջին քսան տարում եղել են այն ընտրությունները, որը որեւէ քաղաքական ուժի կողմից չեն բողոքարկվել: «Սերժ Սարգսյանը քարզարշավին չի մասնակցելու»,-ասաց նա եւ նշեց, որ Կարեն Կարապետյանը չի լինելու ցուցակում եւ այլ մանրամասներ ցուցակից չներկայացրեց` հավելելով՝ «որ հոբելյարը ժամանակից շուտ չուրախանա»:

ՀՀԿ առաջին փոխնախագահ Վիգեն Սարգսյանը` անդրադառնալով հարցին, թե արդյոք քննարկվել է կուսակցության նախագահի փոխելու հարց նշեց, որ 2019 թվականի գարնանը պետք է ունենային համագումար եւ այս պայմաններում համագումար կազմակերպելը կարեւոր գործըթնացներից մեկն էր, որը ըստ նրա` ձեւականություններից դուրս պետք է լիներ եւ այդ համագումարում կոսւակցության ղեկավար կազմը պետք ձեւավորվեր:

«Ես կարծում եմ, որ այս ընտրությունները առաջ բերելուց մեկը մեր կուսակցությանը նորմալ համագումարից կազմակերպելու հանարվորություններից զրկելն էր տակտիկական առումով»,-ասաց եւ նշեց, որ կարող էին ձեւական կազմակերպել համագումար, ինչպես շատ կուսակցություններ եւ ձեւական որոշոմներ կայացնել, բայց չեն ցանկացել:

«Մեր սխալներից մեկը այն է երեւի եղել, որ մենք կորցրել ենք մեր ուղիղ կապը մեր կուսակցական գործընկերների հետ տեղերում, եւ այդ կոնտեքստում նախընտրեցինք նորմալ համագումար անցկացնել ընտրություններից հետո»,-ասաց նա:

Նա հայտնեց, որ այսօր փոխվել է կանանց կառույցի ղեկավարը եւ Հերմինե Նաղդալյանին փոխարինել է Կարեն Աճեմյանը, իսկ երիտասարդական կառույցի ղեկավար Կարեն Ավագյանի փոխարեն ընտրվել է Անդրանիկ Մարգարյանի անվան քաղաքական դպրոցի տնօրեն Հայկ Մամիջանյանը: Նա ասաց, որ փոփոխությունները կուսակցության արդիականացմամբ է պայմանավորված: Ինչ վերաբերում է քաղաքականը դաշտը սեւ ու սպիտակի բաժանմանը, նա ասաց, որ այդ բաժանումը արդեն արված է, այլընտրանք թողնված չէ:

 «Մենք միշտ դեմ ենք եղել սեւ ու սպիտակի բաժանման եւ վստահ եմ, որ դեկտեմբերի 9-ից հետո այդ բաժանումը կվերանա, եւ բարիկադները քանդելու ժամանակը կգա»,-ասաց նա:

Վիգեն Սարգսյանը կարեւորեց քաղաքական բանավեճը եւ նշեց, որ ով չի գալիս, դա իր թուլությունն է: Ըստ նրա` բովանդակային լուրջ բանավեճի հարթակ պետք է ձեւավորվի: Ինչ վերաբերում է հարցին, թե արդար կլինի Նիկոլ Փաշինյանի կողմից, եթե հայտարարի, որ եթե ուզում եք վերջանական հաղթանակի հասնի հեղափոխությունը, ընտրեն ՔՊ-ին, Վիգեն Սարգսյանն ասաց, որ դա բացարձակ խախտում չէ խաղի կանոնների եւ տարօրինակ կլինի, եթե գործող վարչապետը, որ քաղաքական ուժի ղեկավար է, այլ բան հայտարարի եւ պարտավոր է գնա եւ քարոզի ՔՊ-ի համար եւ դա նաեւ վստահության հանրաքվե է իր հանդեպ:

«Ես տեսնում եմ ուժեր, որոնք կարող են ունենալ տարբեր տիպի ռեսուրս, ես տեսնում եմ նաեւ հնարավորություն, որ Նիկոլ Փաշինյանը կարող է շատ ուզենա այդ ուժերին մի փոքր թաքուն կամ մի քիչ ավելի բացահայտ սատարել, որպեսզի ունենա ավելի հարմար ընդդիմություն խորհրդարանում: Վեճը մեկ բանի մասին է. մենք ունենալու ենք մի բեւեռ խորհրդարանում, թե բանավեճ: Ես կարծում եմ, որ եթե Նիկոլ Փաշինյանը ազնիվ է իր ձգտման մեջ նոր Հայաստան կառուցելու, ինքը մենակ մնալով քվեախցիկում, քվեարկելու է ՀՀԿ-ի օգտին, քանի որ ինքը այլընտրանք պետք է, որ չտեսնի որպես բանավեճի գործընկեր, եթե նա դա չանի, ուրեմն նա ուզում է ունենալ գրպանային ընդդիմություն»,-ասաց նա եւ նշեց, որ ՀՀԿ-ն վերջին ընտրություններին չի ունեցել այդքան բարձր վարկանիշ, որ իր տոկոսից փորձի մեկ ուրիշին ձայն տա:

Տպել
2612 դիտում

ԵՊՀ-ում ուսանողների ընթացիկ քննությունները կարող են չեղարկվել․ առաջիկա գիտխորհրդի նիստին հարցը կքննարկվի

Ալիև, բարի գալուստ դժոխք. հակառակորդը, հարավային ուղղությամբ մեծ կորուստներ կրելով, նահանջում է. ՊՆ

Վաղը, որ իմ եղբայրներն ու քույրերը նորից անցնեն հարձակման, շատերդ ամաչելու եք այս տրամադրությունների համար. Հովհաննիսյան

Երեկ խոցված թուրքական Bayraktar ԱԹՍ-ի կանադական տեսախցիկը տեղադրվել է այս տարվա սեպտեմբերին. Շուշան Ստեփանյան

Ավագանու անդամն առաջարկեց հետեւել հակահամաճարակային կանոններին․ քաղաքապետն արդեն հանձնարարել է

«Բայրաքթարի» բեկորները կարեւոր են, քանի որ ապացուցում են պատերազմին Թուրքիայի ներգրավվածությունը. վարչապետ

Ահաբեկիչները տեսանյութերում նշում են, որ շարունակելու են ահաբեկչական գործողությունները այլ երկրներում եւս. ՀՀ ՄԻՊ

Մարտունի քաղաքի ռմբակոծությունից վիրավորում ստացած 2-ամյա Արծվիկը դուրս է գրվել «Սուրբ Աստվածամայր» ԲԿ-ից. Դերձյան

Հրապարակվել է ադրբեջանական ագրեսիան հետ մղելիս զոհված եւս 43 զինծառայողի անուն

«Թղթե տնակից» հայտնի Կեուչկարյանը կոչ է անում աշխարհին արձագանքել հայերի դեմ նոր ցեղասպանությանը (տեսանյութ)

Մարզումներ ռազմաճակատ մեկնելուց առաջ. ՊԲ-ն նոր տեսանյութ է հրապարակել

Նահանջը պարտություն չէ. նախորդ մարտերում էլ կար նահանջ, բայց բոլոր այդ դեպքերում վերջում եղավ հաղթանակ. Ա. Հովհաննիսյան

Ա. Սարգսյանը ուղերձ է հղել Կանադայի գեներալ-նահանգապետին՝ Թուրքիային ռազմական սարքավորումների վաճառքը կասեցնելու համար

Ադրբեջանական կողմը նենգափոխում է տվյալները․ Արման Թաթոյան

Վիրավոր ռուս լրագրողը խնդրել է, որ ՄԻՊ-ը ամբողջ աշխարհին տեղեկացնի Ադրբեջանի՝ խաղաղ բնակավայրին հարվածելու մասին

Նիկոլ Փաշինյանը հանդիպել է Արցախի նախկին նախագահների հետ. պաշտոնական

Ֆրանսիայի Սենատ է ներկայացվել Լեռնային Ղարաբաղը ճանաչելու մասին բանաձև

Բաքվից բերված 4-րդ կորպուսը, որն արդեն մոտ յոթ օր է, ինչ ծեծ է ուտում, ամբողջությամբ կազմալուծվել է. Կարեն Հովհաննիսյան

Ադրբեջանը կորցրել է եւս 5 ԱԹՍ, 1 ինքնաթիռ, 10 զրահատեխնիկա. հակառակորդի կորուստները՝ ամփոփ

Դեսպանի դիրքորոշումը հայանպաստ էր․ ակցիայի մասնակիցները հանդիպեցին ԵՄ դեսպանի հետ