«էս մթանը կանգնած ենք ու չենք աշխատի, էգուց էլ չբդի աշխատինք». բողոքի ակցիա Գյումրի կայարանում

Երեւան-Գյումրի գնացքը, որն ըստ մեկնման ժամանակացույցի՝ Երեւանից պետք է դուրս գար  18:25-ին, չի շահագործվել: Թբիլիսի-Երեւանը ճանապարհին է, սակայն Երեւան չի հասնի, կանգ կառնի Այրում կայարանում: Չի սպասարկվում նաեւ Սանահին կայարանը: Մի խոսքով՝ ոչ մեկը չի աշխատում, եւ սա բողոքի ակցիա է, որին միացել են բոլոր երկաթուղայինները: Այս մասին ՀԺ-ին տեղյակ պահեցին Գյումրի կայարանի աշխատակիցները: Նրանք վաղ առավոտից էին բողոքի ակցիա սկսել՝ կապված իրենց հավելավճարների չափի կրճատման հետ: Բողոքին զուգահեռ, սակայն, շարունակել են աշխատել, քանի որ պատասխանատուները խոստացել էին խնդիրը վերանայել, հարցն օրվա ընթացքում կարգավորել:«Մենք առավոտ իմացանք, որ մեր պրեմիաները պակսցրել են: Բայց մենք մեր մասով 100 տոկոսով գործն էրել ենք, նույնիսկ գերակատարել ենք մեր պլանը: Էդ պրեմիա ըսածը կձեւավորվի աշխատավարձով, աշխատավարձի 25 տոկոսի չափով մենք հավելավճար կստանայինք: Մենք դաժե վռեդնու փող կստանանք: Ժամանակ կա, մենք երկու օր տուն չենք էրտա, անընդհատ գործի մեջ ենք: Մեր աշխատավարձը մինչեւ 300.000 դրամ գելնի: Բայց հմի որ հանել են էդ պրեմիան, ամեքիցս 40.000-ից մինչեւ 80.000 դրամ պակսել է»,-բացատրեցին դեպոյականները:

Ըստ նրանց, իրենք ամբողջ օրը աշխատել եւ սպառիչ պատասխանի են սպասել, սակայն օրվա ավարտին ՀԿԵ շարժակազմի տնօրինության պետ Նիկոլայ Լավրենչուկից ստացված պատասխանից անակնկալի են եկել:

«Առավոտը Լավրենչուկի հետ խոսել ենք, ըսեց՝ սպասեք, կնայենք: Նոր էլ ըսին, որ պատասխանել է, թե էս է, գուզեք աշխատեք, չեք ուզե՝ մի աշխատեք, թողեք,գնացեք: Մենք տեղ չենք գնացել, հենց հմի էլ էս մթանը կանգնած ենք, ու չենք աշխատի, էգուց էլ չբդի աշխատինք, Գյումրիից Երեւան գնացքը չի գնա, ու ընդհանրապես ոչ մի դեպո գնացք չի սպասարկի, մինչեւ էս հարցը չլուծվի: Իրանք մե անգամ էլ էրեցին էս նույն բանը, նախքան հեղափոխությունն էր, էդ ժամանակ տրանսպորտի նախարարը փափուկ բարձ դրեց գլխներիս տակ, թե բան չկա, էլ չի կրկնվի: Հմի էլի նույն բանը»,-բողոքեցին կայարանում հավաքված աշխատակիցները:

Ըստ նրանց, ՀԿԵ-ն 25 տոկոսի փոխարեն հավելավճար 10 տոկոս է փոխանցել: Բողոքի ակցիայի մասնակիցները  ընդգծեցին, որ իրենց աշխատանքային պայմանագրերում գրված է, որ եթե աշխատակիցը իր առջեւ դրված պլանը կատարում է, ապա պարգեւատրվում է աշխատավարձի 25 տոկոսի չափով, հակառակ պարագայում, այդ գումարը չի ստանում: Ըստ բողոքողների, իրենք պլանը ոչ թե կատարել, այլ գերակատարել են իրենց մասով, թերացումը ընկերությանն է: Լսել են, որ ՀԿԵ-ն չի կարողացել իր պլանը կատարել՝ կապված ցորենի բեռնափոխադրումների ծավալի կրճատման հետ: Այլ բան է ասում, սակայն ՀԿԵ պաշտոնական վիճակագրությունը, համաձայն որի «Հարավկովկասյան երկաթուղի» ՓԲԸ գլխավոր տնօրեն Սերգեյ Վալկոն, նոյեմբերի 5-ին ամփոփելով 2018 թվականի հունվար-հոկտեմբերի աշխատանքի արդյունքները, նշել է, որ հաշվետու շրջանում պահպանվել է փոխադրումների աճի դրական դինամիկան: Անցած 10 ամիսների ընթացքում երկաթուղային բեռնափոխադրումների ծավալը կազմել է 2 մլն 411 հազ տոննա, բարելավվել է ներհանրապետական էլեկտրագնացքների և միջազգային գնացքների չվացուցակների կատարումը: 2018 թվականի 10 ամիսների ընթացքում փոխադրվել է 330 հազար ուղևոր, ինչը 8% -ով գերազանցել է 2017 թվականի ցուցանիշը:   Թե առավոտյան ինչ պատասխան կստանան բողոքի ակցիայի մասնակիցները՝ չգիտեն: Այս պահին Գյումրու, Երեւանի, Սանահինի դեպոների մոտ 50 աշխատակիցներ իրենց կայարաններում են, բայց չեն աշխատում: Չի գործում նաեւ Գյումրի կայարանի շուրջօրյա հերթապահ մասը: Բեռնատար գնացքները եւս չեն աշխատում:

Տպել
4705 դիտում

Բուհերի ընդունելության քննությունները կլինեն երկուսը՝ որոշ բացառություններով

Որևէ մեկը չփորձի ինձ թիրախավորել. Գյումրիում ժամեր առաջ անժամկետ հացադուլ հայտարարեց թիվ 2 դպրոցի տնօրենը

Համացանցում հայհոյանքը կարծես դարձել է պարտադիր պայման, բայց դա մեր ազգին չի սազում. Արամե

Նախկին նախագահը՝ ամբաստանյալի աթոռին. Ֆրանսիայում սկսվել է Սարկոզիի գործով դատավարությունը

Երևանի Բաղյան փողոցում հայտնաբերվել է վրաերթի ենթարկված անձը չպարզված քաղաքացու դի

Գեղարքունիքի մարզի ավտոճանապարհներին տեղ-տեղ առկա է մերկասառույց, Սպիտակի ոլորաններում մառախուղ է

Ավտովթար է տեղի ունեցել Երևան-Սևան ավտոճանապարհին․ վարորդն արգելափակվել է մեքենայի մեջ

Պարգևատրվել են մարտական գործողություններին մասնակցած փրկարարները (տեսանյութ)

Թուրքիայի ծավալապաշտական նկրտումները կարող են խիստ կործանարար հետևանքներ ունենալ ողջ տարածաշրջանի համար. Արա Այվազյան

Կապանի օդանավակայանը մնում է հայկական տարածքում. Հայկական միասնական տեղեկատվական կենտրոն

Աշակերտներին գրատախտակի մոտ կանչելու արգելքը հանվել է․ ԿԳՄՍ փոխնախարարը՝ առկա ուսուցմանն անցնելու մասին

Երկրաշարժ Դմանիս քաղաքից 19 կմ հարավ-արևմուտք, ցնցումները զգացվել են Լոռու մարզի Մեծավան և Ձորամուտ գյուղերում

Գյումրիում մարտական վիճակում գտնվող հակահետևակային ական է հայտնաբերվել

Շիրակի փոխմարզպետ Վարդան Գրիգորյանն աշխատանքից ազատման դիմում է ներկայացրել

ՔԿ-ում հանդիպումներ են տեղի ունեցել արգելված զինատեսակների կիրառման գծով միջազգային փորձագետների հետ

Վաղարշակ Հարությունյանն ընդունել է ՀՀ-ում ԱՄՆ արտակարգ և լիազոր դեսպանին

Առաջին անգամը չէ, երբ գործադիր, օրենսդիր և դատական իշխանության ներկայացուցիչները հանդիպում են․ Վիգեն Քոչարյան

Ոստիկանն ազգի նվիրյալ զինվոր է. պատերազմին մասնակցած ոստիկանության 184 ծառայող խրախուսվել է

Դեկտեմբերի 7-ից դպրոցներում առկա ուսուցումը կվերսկսվի նաեւ 5-12-րդ դասարաններում

Հայաստանի որոշ մարզերում մառախուղ է․ ԱԻՆ