Երևան
15 °C
Երեկ՝ հոկտեմբերի 30-ին, «Հայկական ժամանակ»-ի կայքում տեղադրվել էր Երեւանի բնակչուհի Յանա Տերտերյանի նամակ-խնդրանքը, որը նա գրել էր իր տատիկի եւ պապիկի անունից՝ խնդրելով օգնել կամ խորհուրդ տալ, կամ ուղղություն ցույց տալ, թե ինչպես վերջ տալ ապօրինի գործողություններին:
Համաձայն նամակի, ՀՀ քաղաքացիներ Ջուլետտա եւ Կարապետ Կարինյանները, 1939 եւ 1940 թթ. ծնված եւ բնակվող Այգեստան 11 փող, 1 նրբ, տուն 3/3 հասցեում, ֆիզիկապես չեն կարող դուրս գալ տնից մուտքը/ելքը հարեւանի կողմից փակված լինելու պատճառով, հիշյալ հարեւանը, ըստ նամակի, Երեւանի ավագանու անդամ Օվսաննա Հովսեփյանն է:
Ի պատասխան նամակի, ավագանու անդամ Օվսաննա Հովսեփյանը հանդես է եկել պարզաբանմամբ, որը ներկայացնում ենք առանց խմբագրման.
Ի պատասխան Յանա Տերտերյանի հայտարարության, որը արվել է հետևյալ գրառմամբ՝ «Բլոկադայի են ենթարկել մեր մուտքն ու ելքը. ապօրինության հեղինակի կինը Երեւանի ավագանու անդամ է, վստահ, որ ինքն է հաղթելու»
Պետք է նշեմ, որ Յանա Տերտերյանի հայտարարության և ոչ մի կետ չի համապատասխանում իրականությանը և մեծամասամբ հանդիսանում է զրպարտանք և սուտ:
Յ.Տ.-ն պնդում է, որ իր տատիկն ու պապիկը ֆիզիկապես դուրս գալ չեն կարող տանից, քանի որ մուտքը ենթարկված է բլոկադայի և որ դա միակ ճանապարհն է արտաքին աշխարհի հետ: Սա շատ հեշտ ապացուցելի սուտ է, քանի որ նրանց տունը ունի սեփական այլ մուտք, ոտքի և մեքենայի ճանապարհ և Այգեստան ¾ տան բակը նրանց համար ընդամենը 3-րդ ճանապարհ է: Նրանք ունեն ոտքի ճանապարհ Այգեստան 11 փողոցի թունելի կողմից և մեքենայի ճանապարհ՝ տան հետևի կողմից (տան այդ հատվածում բնակվում է հենց Յանան և իր ծնողները՝ Եփրեմ Տերտերյանն ու Նարինե Կարինյանը, ու փաստորեն ստացվում է, որ նա չի ցանկանում, որ իր սեփական տատիկն ու պապիկը անցնեն այդ տարածքով):
Յ. Տ.-ն նշում է, որ փակվել է ինչպես իրենց, այնպես էլ 5 այլ հարևանների ճանապարհը, ինչը կրկին չի համապատասխանում իրականությանը (հարևաններից որևէ բողոք չկա, ամեն մեկն ունեն իրենց սեփական ճանապարհները): Ավելին՝ բոլոր հարևանները հենց իրենք խնդիր ունեն Կառլեն Կարինյանի հետ, կից դնում եմ նրանցից մեկի նամակը` ինչը կօգնի ավելի լավ հասկանալու իրական իրավիճակը:
Յ.Տ.-ն նշում է, որ այդ «սեփական» հատվածը գտնվում է դատական քննության տակ: Իրականում տարածքը սեփական է 1996թ-ից, կան ինչպես հին, այնպես էլ նորացված վկայականները, իսկ նրանք դատի են տվել քաղաքապետարանին՝ սեփականության վկայականը չեղյալ համարելու համար:
Յ.Տ.-ն նշում է, որ տարածքի տեր հանդիսացող մարդիկ 2 անգամ դիմել են դատարան, որպեսզի վերջինս ճանաչի այդ տարածքը իրենց սեփական, սակայն 2 անգամն էլ մերժվել է: Սակայն իրականությունն այն է, որ դատարան դիմել են Յանայի տատիկն ու պապիկը՝ որպեսզի խոչընդոտեն Արթուր, Դավիթ և Վահան Սարգսյանների սեփական տարածք հանդիսացող հատվածի ցանկապատումը:
Նշեմ, որ նրանց տված դատերից մեկում իրենք արդեն իսկ դատարանով ճանաչվել են ոչ պատշաճ հայցվոր, կցում եմ դատարանի որոշումը:
Յ.Տ.-ն նշում է, որ Քաղաքապետարանի եւ ոստիկանության այցելուները եկան եւ գնացին առանց որեւէ քայլ ձեռնարկելու եւ կասկածներ ունեն, որ դա կատարվեց այն պատճառով, որ Դավիթ Սարգսյանի կինը հանդիսանում է քաղաքապետարանի ներկայիս ավագանու անդամ: Սա նույնպես հանդիսանում է սուտ ինֆորմացիա, քանի որ Դավիթ Սարգսյանի կինը՝ Օվսաննա Հովսեփյանը, ով հանդիսանում է ավագանու անդամ, երբևէ որևէ մեկի հետ չի խոսել այս հասցեի հետ կապված թեմաներով: Քաղաքապետարանի և ոստիկանության աշխատակիցները եկել և գնացել են առանց որևէ գործողություն ձեռնարկելու մի պարզ պատճառով, քանի որ նայել են փաստաթղթերը և որևէ օրենքի խախտում չեն արձանագրել: Յանայի ենթադրությունը հավանաբար կապված են այն բանի հետ, որ հենց Յանայի մտերիմ բարեկամները (կոռեկտությունից ելնելով չեմ հրապարակի անունները) երկար տարիներ շարունակ աշխատել են քաղաքապետարանում և մինչև հեղափոխությունն օգտվել են քաղաքապետարանի «ծանոթ-բարեկամ» աշխատելաոճից: Այդ պատճառով նրան թվում է, որ ամեն ինչի հիմքում հենց այդ մեթոդն է ընկած:
Յ. Տ.-ն նշում է, որ Դավիթ եւ Վահան Սարգսյանները ունեն բժշկական թուղթ, ինչպես ժողովուրդն է ասում՝ գժի թուղթ, որը ժամանակին ձեռք է բերվել ծառայությունից խուսափելու համար: Սա նաեւ իրենց թույլ է տալիս կատարել ցանկացած չարագործություն եւ մնալ անպատիժ:
Սա նույնպես չի համապատասխանում իրականությանը: Վահան և Դավիթ Սարգսյանները ձեռք չեն բերել որևէ փաստաթուղթ՝ բանակից ազատվելու համար: Նրանք ունեցել են առողջական խնդիրները: Վահանի խնդրը կապված է ողնաշարի հետ և նրա թուղթը «գժի թուղթ» լինելուց չափազանց հեռու է: Իսկ Դավիթը 12 տարեկանում մորը կորցնելուց հետո ունի որոշակի հոգեբանական խնդիրներ, որն էլի հեռու է «գիժ» կոչվելուց:
Ինչ վերաբերվում է, որ Դավիթ, Վահան կամ Արթուր Սարգսյանները կարող են անել չարագործություն և մնալ անպատիժ, նշեմ, որ նրանք երբեք որևէ խնդիր չեն ունեցել ոստիկանության հետ և երբեք որևէ կոնֆլիկտի համար ոստիկանական բաժանմունքում չեն հայտնվել:
Ավելին՝ կոնֆլիկտի ժամանակ Դավիթ Սարգսյանը ինքն է կանչել ոստիկանություն, դիմում գրել՝ խնդրանքով օրինական կարգով փոխանցել Յանա Տերտերյանի ընտանիքին՝ զերծ մնալ կոնֆլիկտներից և չհրահրել կռիվ: Այդ դիմումը ոստիկանությունում առկա է:
Յ.Տ.-ն նշում է, որ այդտեղ անօրինական կերպով կառուցվում է հանրակացարան, ինչը կրկին չի համապատասխանում իրականությանը: Տան տեր Արթուր Սարգսյանը անվանի նկարիչ է, նա այնտեղ կառուցում է արվեստանոց՝ հյուրասենյակներով: Վահան Սարգսյանը երաժիշտ է, ով սովորել է Անգլիայի Թագավորական Երաժշտական Ակադեմիայում, այնուհետ՝ Շտուրգարդի ակադեմիայում և Հայաստանում արդեն երկրորդ տարին է, ինչ կազմակերպում է HASS FEST արվեստի փառատոնը: Նա անընդհատ ունենում է բազմաթիվ հյուրեր, որոնց հյուրընկալում է իր տան արվեստանոց-հյուրասենյակներում:
Ստացվում է, որ Յանա Տերտերյանի գրած նամակի և ոչ մի կետ չի համապատասխանում իրականությանը:
Իրականում պատկերն այլ է, քան ներկայացնում է Յանա Տերտերյանը: Պատկերն այն է, որ Յանա Տերտերյանի տատիկն ու պապիկը ունեն 2 երեխա, և տրամաբանորեն ունեն պլաններ՝ տունը բաժանելու 2 մասի և ունենալու 2 տարբեր մուտքեր: Իրականությունն այն է, որ նրանք փակել են իրենց սեփական տարածքը և անընդհատ դատական քննության մեջ պահելով գործընթացը, թույլ չեն տալիս իրենց հարևանին փակելու իր սեփական բակը, որ կարողանան իրենք անցնել այլ տարածքով: Այնինչ բակը օրինական փաստաթղթով պատկանում է Արթուր, Դավիթ և Վահան Սարգսյաններին: Նրանք անգամ սերվիտուտի պահանջով դատարան դիմել չեն կարող, քանի որ իրենց տունն ունի սեփական մուտք և մեքենայի ճանապարհ:
Որպես ինֆորմացիա նշեմ նաև, որ նրանք քաղաքապետարանի և դատարանի միջոցով անընդհատ խնդիրներ են ստեղծել գրեթե բոլոր հարևանների համար: Այս պահին դատական քննության մեջ են ոչ միայն ¾ հասցեում գտնվող տան տերերի, այլ նաև կողքի մյուս հարևանի հետ:
Ահա օրինակ հարևաններից մեկը, ում մուտքն իրենք փակել են.
Նշեմ նաև, որ Կառլենը՝ Յանայի պապիկը, հանդիսանում է Դավիթ Սարգսյանի մոր մորեղբայրը: Նրա քույրը՝ Դավիթի տատիկը և նրա քրոջ դուստրը՝ Դավիթի մայրիկը մահացել են, երբ Դավիթը եղել է 12 տարեկան ու Դավիթն այդ տունը ժառանգել է նրանցից: Հիմա ստացվում է, որ նա փորձում է խոչընդոտել, որ մանուկ հասակում իր մորն ու տատին միանգամից կորցրած իր քրոջ թոռը կարողանա վերջնական ձևակերպել մորից ժառանգություն ստացած իր օրինական տարածքը: Եվ սա Կառլեն Կարապետյանի՝ բարեկամներին անհիմն դատական գործընթացներով անընդհատ խանգարելու առաջին դեպքը չէ:
Հարգելի Յանա, իրավիճակ է փոխվել և դուք կարծես ներկայիս իրականությանը չեք տիրապետում: Եթե դուք ժամանակին ծանոթ-բարեկամներով քաղաքապետարանում հարցեր առաջ տանելուն էիք սովոր, ես որպես հեղափոխության մասնիկ ավագանի հավատարիմ եմ հեղափոխության գաղափարին և երբեք ոչ մի հարց չեմ լուծում ծանոթ-բարեկամ տրամաբանությամբ:
Որպես ավագանու անդամ ես երբևէ որևէ մեկի հետ չեմ խոսել այս թեմայով, սակայն շնորհակալ եմ Յանա Տերտերյանին՝ հարցը հանրայնացնելու համար: Հուսամ, որ նրա նամակը կնպաստի, որպեսզի պատկան մարմինները արագացնեն հարցի լուծումը բացառապես միայն օրենքի շրջանակներում:
Հարգանքներով՝ Օվսաննա Հովսեփյան
Ավագանու անդամ
Օվսաննա Հովսեփյանը կից ներկայացրել է նաեւ իր խոսքերի որոշակի ապացույցներ.
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ