Այո, մարզային, գյուղական խանութներին պետք է ընդհանրապես ազատել հարկերից. Նիկոլ Փաշինյան

ՀՀ վարչապետի թեկնածու Նիկոլ Փաշինյանը վարչապետի թեկնածության հարցի քննարկումից հետո հանդես եկավ եզրափակիչ ելույթով, որի առաջին հատվածը՝ ստորեւ.

«Ուզում եմ օգտագործել այս ամբիոնը եւ պետություն-գործարար պարտնյորության թեման առաջ քաշել: Մենք ինչ ենք ասում. ասում ենք, որ շրջանառության հարկ ունենանք, շեմ սահմանենք, որ էդ շեմից վերեւ մի կերպ հարկվի, դրանից ներքեւ այլ կերպ հարկվի, եւ առավել խոցելի գործարար խմբերի համար առավել լավ պայմաններ ստեղծվեն: Թվում է՝ շատ լավ գաղափար է: Մեկ էլ՝ ենթադրենք՝ ընկերություն կա, որն ունի 150 մլն դրամի շրջանառություն, ասում է, որ սենց հնարավորություն կա, շրջանառությունս կիսեմ, մի երկու ԱՁ բացեմ, կեսը նրանով անեմ, կեսը՝ նրանով, հարկ քիչ կվճարեմ: Այսինքն՝ ստացվում է՝ նպատակը, որը դրվում է, չի լուծվում:

Արդյունքում դաշտն ավելի է խեղաթյուրվում: Հիմա պետությունն ի՞նչ անի: Կառավարությունն ընկնի հետեւներից, մասկի շուոներ, չգիտեմ՝ ինչ, ասեն՝ ստեղ հետապնդում ա, ստեղ հետապնդում չի, ճիշտ ա, սխալ ա, դա չի լուծում հարցը, եթե մեր կուլտուրան չփոխվի, մարդը չփոխվի… մարդն իմանա, որ չի կարելի, ումի՞ց ես հարկ թաքցնում: Չէ՞ որ եթե երկրի վարչապետը բիզնես չունի, ընտանիքը բիզնես չունի, նենց չի, որ մենք մեր իշխանությունն օգտագործում ենք բիզնեսի համար, այսինքն, մեր ընդհանուր գումարն ա, չէ՞, ով ումի՞ց ա գողանում: Այսինքն, եթե էս խնդիրը չլուծենք, մենք էլի չենք լուծի խնդիրը:

Այո, մարզային, գյուղական խանութներին պետք է ընդհանրապես ազատել հարկերից, չնայած սիմվոլիկ գումար պետք է թողնել, որ հարկ վճարելու կուլտուրան կենդանի մնա, մարդը չմտածի, որ ինքն ընդհանրապես հարկ չի վճարելու: Բայց եթե էս հարկատուի կամ քաղաքացու, գործարարի ներքին կուլտուրայի հեղափոխություն տեղի չունենա, հեղափոխությունը տեղի չի ունենա: Սա շատ կարեւոր արձանագրում է: Մենք նույն տրամաբանությամբ մտածում ենք անհատ տաքսի վարորդներին ընդհանրապես ազատենք որեւէ վճարից, էն բիզնեսին, որ տարեկան մոտավորապես 20-24 մլն դրամի շրջանառություն ունի:

Այո, մենք պատրաստ ենք գնալ այդպիսի քայլերի: Բայց այդ 24 միլիոնի շեմը պահելու համար ՀԴՄ-ներ խփելու վրա պիտի ծայրահեղ խիստ հսկողություն լինի, որ մարդը կարող ա տարեկան 100 մլն դրամի շրջանառություն ունենա, տարեկան իր ՀԴՄ-ներով էնքան խփի, պարզվի 11 մլն դրամ շրջանառություն լինի: Եթե մենք ուզում ենք իրոք էս գործարար փոքր խավին պաշտպանել, ուրեմն պետք է կոնսենսուս լինի, որ ՀԴՄ չխփելն իրոք հանցանք է: Հետո չգան ասեն՝ վա՜յ, հետեւեցին, տեսան ՀԴՄ չենք խփում, եկան մեզ տուգանեցին: Եթե մենք ուզում ենք անել դա, պիտի մինչեւ վերջ անենք:

Նույն դատական համակարգը, նույն կոռուպցիայի դեմ պայքարը, եթե անում ենք, պիտի մինչեւ վերջ անենք, եկեք կիսատ-պռատ բաներ չանենք: Եւ երբ խոսք է գնում անկախ դատական համակարգի մասին, էսօր մեզ շատ ասում են՝ ինչի՞ ձեռքդ չես խփում սեղանին, սենց անում, նենց անում… որովհետեւ կա համաշխարհային իրավունքի մեջ մի էդպիսի դրույթ. այո, տասը մարդու ենթադրենք կալանքից ազատել են, նրանցից հինգը կամ վեցը կոնյուկտուրայով ա, երկուսն արդար ա լրիվ: Մեզ համար էս երկու արդար որոշումն ավելի կարեւոր պիտի լինի, քան էն 6-8 անարդար որոշումը, որովհետեւ կա էսպիսի դրույթ, ասում ա՝ ավելի լավ ա՝ հանցագործը մնա ազատության մեջ, քան անմեղ մարդը հայտնվի բանտում: Սա է իրավունքի եւ արդարադատության հիմքը: Եւ այո, խորհրդարանական ընտրություններից հետո պետք է էս հարցին անդրադառնանք, բայց հոնքը սարքելու փոխարեն աչքը չտանք հանենք»:

Տպել
4375 դիտում

Պատերազմի օրերին վիրավորված պայմանագրային զինծառայողին հարկավոր է հաստ աղիքի փոխպատվաստում․ այն Հայաստանում չեն անում

Ադրբեջանը խոշտանգում, տանջում, նվաստացնում է հայ ռազմագերիներին. Human Rights Watch-ի զեկույցը

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը

Բարեկարգվել է Բաղրամյան համայնքի մանկապարտեզի բակը

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում

Հունան Պողոսյանը վաղը կազատվի պաշտոնից․ հարցը ներառված է Կառավարության նիստի օրակարգում

Գուգարքի ոստիկանները ապօրինի ծառահատման դեպք են բացահայտել

Բելգիայի խորհրդարանի արտաքին հարաբերությունների հանձնաժողովն ընդունել է ԼՂ հակամարտության կարգավորման վերաբերյալ բանաձև

Արցախում ռուսերենը երկրորդ պետական լեզու հռչակելու նախագիծ չկա․ առայժմ չկա․ ԱԺ մամուլի պատասխանատու Ռուդոլֆ Մարտիրոսյան

Թմրամիջոցի իրացման դեպք է բացահայտվել․ երկու անձ ձերբակալվել է

Հայաստանի հավաքականի դարպասապահը կարող է կարիերան շարունակել Ռուսաստանում

Հաղթանակը նվիրեցինք ամբողջ հայ ժողովրդին և նրանց ովքեր առաջնագծում էին. Կապառոս

Ամբերդ ամրոց և Քարի լիճ տանող ավտոճանապարհները դժվարանցանելի են

Հայաստանի Պրեմիեր լիգայի 14-րդ տուրն ավարտվեց երկու ոչ-ոքիներով

Արա Այվազյանը և ԿԽՄԿ ներկայացուցիչները քննարկել են գերիների և անհայտ կորածների որոնողական աշխատանքների հարցը

Երևան-Մեղրի ճանապարհին ավտովթար է տեղի ունեցել․ վարորդը տեղում մահացել է

Ադրբեջանը ՄԻԵԴ-ին խնդրել է երկարաձգել 9 հայ ռազմագերու և նրանց փոխանակման մասին տեղեկության տրամադրման ժամկետը