Սուրեն Պապիկյանը ներկայացրել է Արմավիրի նորանշանակ մարզպետին

Տարածքային կառավարման և զարգացման նախարարի պաշտոնակատար Սուրեն Պապիկյանն Արմավիրի մարզպետարանի աշխատակիցներին, հանրապետական գործադիր մարմինների տարածքային կառույցների ներկայացուցիչներին, համայնքների ղեկավարներին է ներկայացրել նորանշանակ մարզպետ Համբարձում Մաթևոսյանին։

Նախարարության լրատվական ծառայության հաղորդագրության համաձայն, ողջունելով ներկաներին՝ Սուրեն Պապիկյանը շնորհակալություն է հայտնել նախկին մարզպետ Գագիկ Միրիջանյանին կարճ ժամանակամիջոցում կատարած արդյունավետ աշխատանքի համար և նրան հաջողություններ մաղթել իր հետագա քաղաքական, հասարակական գործունեության մեջ։ Հաջորդիվ ներկայացնելով Համբարձում Մաթևոսյանին՝ նախարարի պաշտոնակատարը շնորհավորել է նրան մարզպետի պատասխանատու պաշտոնը ստանձնելու կապակցությամբ և մաղթել հաջողություններ ու արգասաբեր աշխատանք իր հետագա գործունեության մեջ։ Իր խոսքում Սուրեն Պապիկյանն անդրադարձել է նաև Հայաստանում առաջիկայում կայանալիք խորհրդարանական ընտրություններին՝ այն որակելով որպես շրջափուլային Հայաստանի պետականության ամրապնդման գործընթացում․ «Առաջիկա խորհրդարանական ընտրությունների ձևից և բովանդակությունից է կախված, թե ինչպիսին կլինի մեր վաղվա օրն ու մեր երեխաների ապագան»,-ասել է նախարարի պաշտոնակատարը և ընդգծել ընտրական գործընթացներում տարիներով արմատացած բացասական ավանդույթների իսպառ բացառման անհրաժեշտությունը։

Խոսելով վերջին շրջանում Հայաստանի տարբեր մարզերում համայնքների ղեկավարների գործունեության վերաբերյալ բնակիչների բարձրացրած դժգոհությունների մասին` Սուրեն Պապիկյանը նշել է, որ, որպես ՀՀ-ում ժողովրդավարության հաստատման ստորին օղակ, ՏԻՄ ղեկավարները պետք է գործեն բացառապես ՀՀ սահմանադրության և օրենքների շրջանակներում։ Ըստ Սուրեն Պապիկյանի` միայն օրինականության և պատասխանատվության վրա խարսխված գործունեության միջոցով է հնարավոր հասնել հանրային լեգիտիմության և Հայաստանում հաստատված նոր իրողություններն ու փոփոխությունները հասցնել համայնքներ։

Նախկին մարզպետ Գագիկ Միրիջանյանը շնորհակալություն է հայտնել Սուրեն Պապիկյանին՝ մարզի կառավարման գործում իրեն ցուցաբերած աջակցության համար և երախտագիտության խոսք ուղղել մարզպետարանի աշխատակազմին, համայնքների ղեկավարներին ու բնակիչներին, ովքեր օժանդակել և նպաստել են իրեն` մարզի շենացմանն ուղղված նախաձեռնություններում։ 

Նորանշանակ մարզպետ Համբարձում Մաթևոսյանը շնորհակալություն է հայտնել ՀՀ վարչապետի պաշտոնակատար Նիկոլ Փաշինյանին և ՀՀ ՏԿԶ նախարարի պաշտոնակատար Սուրեն Պապիկյանին` նման բարձր վստահության համար և հավաստիացրել, որ մարզի առաջ ծառացած բազում խնդիրների լուծման համար գործադրելու է հնարավոր բոլոր ջանքերը։

Տպել
1711 դիտում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով

Հունիսի 1-ից ՀՀ քաղաքացիները Չինաստան կարող են մեկնել առանց արտոնագրերի ձևակերպման, սովորական անձնագրով

Երևանի բնակարաններից մեկում 67-ամյա տղամարդու դի է հայտնաբերվել

Անցած 7 օրում հակառակորդը հրադադարի ռեժիմը խախտել է 100 անգամ, հայ դիրքապահների ուղղությամբ արձակվել է 600 կրակոց

Արտակարգ դրության պայմանների իրավախախտման 1251 դեպք է հայտնաբերվել

Պետության խնդիրը «կայուն իմունիտետ» ձեռք բերելն է