Սուրեն Պապիկյանը ներկայացրել է Սյունիքի նորանշանակ մարզպետ Հունան Պողոսյանին

ՀՀ տարածքային կառավարման եւ զարգացման նախարար Սուրեն Պապիկյանն այսօր Սյունիքի մարզում մարզպետարանի աշխատակիցներին, հանրապետական գործադիր մարմինների տարածքային կառույցների ներկայացուցիչներին, համայնքների ղեկավարներին, ուժային կառույցների մարզային ծառայությունների ղեկավարներին ներկայացրել է նորանշանակ մարզպետ Հունան Պողոսյանին։

Ողջունելով ներկաներին՝ նախարար Սուրեն Պապիկյանը շնորհակալություն է հայտնել նախկին մարզպետ Կարեն Համբարձումյանին` կատարած աշխատանքի եւ Հայաստանի Հանրապետությանը ծառայելու համար։  

Շնորհավորելով նորանշանակ մարզպետին` նախարարը նշել է, որ ներկայացնում է սպայի, ՀՀ ոստիկանության գեներալի, իսկ նոր Հայաստանում ոստիկանը, սպան պետք է օրինականության խորհրդանիշը լինեն։ Շարունակելով` նախարարը շեշտել է, որ բազմիցս ընդգծել է Սյունիքի կարեւորությունը Հայաստանի, կառավարության համար, իսկ հանրապետության  բոլոր անկյուններում օրինականության գոյության մասին որեւէ քաղաքացի կասկած չպետք է ունենա: «Նոր Հայաստանն իր հետ բերել է նոր իրողություններ, եւ այն մարդիկ, ովքեր կարողանում են տեղավորվել այդ իրողություններում, մեզ հետ երկար ճանապարհ ունեն  անցնելու»,- հավելել է նախարարը՝  կրկին շնորհավորելով մարզպետին եւ մաղթելով բեղուն գործունեություն: 

Կարեն Համբարձումյանը եւս շնորհավորել եւ բարի կառավարում է մաղթել Հունան Պողոսյանին՝ վստահեցնելով, որ սյունեցիները պետականամետ են, իսկ  ինքն այսուհետ էլ պատրաստակամ է շարունակել հետագա գործունեությունը՝ ի շահ Սյունիքի: 

Նորանշանակ մարզպետ Հունան Պողոսյանը շնորհակալություն է հայտնել ՀՀ վարչապետին, կառավարությանը, տարածքային կառավարման եւ զարգացման նախարարին` մարզի ղեկավարումն իրեն վստահելու համար։ Ընդգծելով, որ նախկինում էլ իր աշխատանքի բերումով առնչություն է ունեցել մարզի եւ նրա խնդիրների հետ՝ մարզպետը հորդորել է ներկաներին վստահել իրեն եւ հավաստիացրել, որ մարզում հաջողություններ կունենան։ 

Նշենք նաեւ, որ մինչեւ մարզպետարանում նախատեսված հանդիպումը,  նախարար  Սուրեն Պապիկյանը, մարզպետ Հունան Պողոսյանն ու ճանաչողական այցով Կապանում գտնվող ԱԱԾ տնօրեն, Հայաստանի ֆուտբոլի ֆեդերացիայի նախագահ Արթուր Վանեցյանն այցելել են Կապանի քաղաքային մարզադաշտ, ծանոթացել այն խնդիրներին, որոնց պատճառով «Գանձասար-Կապան» ֆուտբոլային ակումբն այստեղ հանդիպումներ չի ունենում:

Տպել
1933 դիտում

Շաբաթը մեկ կարող ա 15 մանդատ ուզեք, վերջում դառնաք 250 հոգի. ԿԸՀ անդամը՝ Խաժակյանին

Խուզարկել են նախկին պատգամավոր Վանիկ Ասատրյանի տունը. պաշտպանը մի շարք բողոքներ է ներկայացրել

Երևան-Գյումրի ավտոճանապարհին մեքենաներ են բախվել. կա մեկ զոհ, մեկ վիրավոր. shamshyan.com

ՊՆ զորամասերում անցկացվել են ռադիացիոն, քիմիական և կենսաբանական պաշտպանության մարզումներ

«ՅՈՒՔՈՄ» ընկերության բջջային կապը և համացանցը մասնակի վերականգնված են. Հակոբ Արշակյան

Զորամասերում անցկացվում են ամփոփիչ ստուգումներ (լուսանկարներ)

ՄԻԵԴ-ը մերժեց ՍԴ 3 նախկին դատավորների եւ ՍԴ նախկին նախագահ Հրայր Թովմասյանի պահանջը

Ռուսաստանն ու Չինաստանը վետո են դրել Սիրիայում հումանիտար աջակցության մասին ՄԱԿ-ի բանաձեւի վրա

Դավիթ Տոնոյանն ընդունել է Եվրոպայի խորհրդի երևանյան գրասենյակի ղեկավար Նատալյա Վուտովային

«Վիվա-ՄՏՍ»-ում ևս խնդիրներ կան. ներկա պահին գործում է պահուստային ենթակառուցվածքը

Հուլիսի 9-ին «S7» ընկերությունը կիրականացնի Մոսկվա-Երևան չարտերային չվերթը

Ոստիկանները ստուգայցեր են կատարել Բերդի և Պառավաքարի փայտամշակման ու փայտածխի արտադրամասեր (տեսանյութ)

ՀՀ տարածքում ավտոճանապարհներն անցանելի են.արտակարգ դրությամբ պայմանավորված, Լարսը բաց է միայն բեռնատարների համար

«ՅՈՒՔՈՄ»-ում խնդիրն առաջացել է հոսանքի տատանման հետևանքով. խնդիրը կարգավորման փուլում է

Հակահայկականությունն Ալիևի իշխանության պաշտպանության վերջին գիծն է. ԱԳՆ խոսնակի պատասխանն Ալիևի հայտարարություններին

Որոտան գյուղի մոտակայքում բռնկված հրդեհը մարվել է. այրվել է 30 հա խոտածածկ տարածք

Հուլիսի 7-ին իրավախախտման 2938 դեպք է արձանագրվել. մինչ օրս կազմվել է 77 486 արձանագրություն (տեսանյութ)

Խնդրահարույց է մնում տաքսամոտորային ուղևորափոխադրման համակարգում անվտանգության կանոնների պահպանումը. ՔՏՀԱ

Գագիկ Ծառուկյանի գործը հետ կուղարկվի առաջին ատյանի դատարան՝ նոր քննության․ Վերաքննիչ դատարանը բեկանել է որոշումը

Շիրակի մարզպետը Հայկաձորում քննարկել է խմելու ջրի մատակարարման ներքին ցանցի հիմնանորոգման հետ կապված խնդիրները