Ոչ ոք չի ասել, որ հոկտեմբերի 1-ից այդ արգելքը կվերանա. Արմեն Փամբուխչյան

Մեկ շաբաթ առաջ աջ ղեկով ավտոմեքենաներ ներկրողները բողոքի ակցիա էին կազմակերպել ՀՀ տրանսպորտի, կապի եւ տեղեկատվական տեխնոլոգիաների նախարարության շենքի դիմաց` պահանջելով չեղյալ հայտարարել աջ ղեկով ավտոմեքենաները Հայաստան ներկրելու արգելքը։

Բողոքողները նշել են, որ մի քանի հազարի հասնող աջ ղեկով ավտոմեքենաներ կան Վրաստանում, որոնք պետք է, հոկտեմբերի 1-ից հետո մտնեին Հայաստան: Սակայն նրանք իրազեկված չեն եղել, որ անցյալում ընդունած արգելքն անժամկետ է եղել եւ գործողության հստակ ժամկետներ չի սահմանել։ Այսինքն, ապրիլի 1-ից մինչեւ հոկտեմբերի 1-ը, աջ ղեկով ավտոմեքենաների ներկրումը արգելելը չի նշանակում, որ հոկտեմբերի 1-ից հետո հնարավոր է աջ ղեկով մեքենա ներկրել:

«Իմ կարծիքով՝ հարցի ճիշտ լուծման տարբերակն այն կլիներ, որ քաղաքացիները մինչեւ մի բան նախաձեռնելը ուսումնասիրեին այդ դաշտը ու չնախաձեռնեին գնալ եւ մեքենաներ բերելը»,- այս մասին ՀԺ-ի հետ զրույցում ասաց ՀՀ տրանսպորտի, կապի եւ տեղեկատվական տեխնոլոգիաների փոխնախարար Արմեն Փամբուխչյանը:

- Պարոն Փամբուխչյան, քաղաքացիները բողոքում են, որ աջ ղեկով մեքենա ներկրողները, հույս ունենալով, որ հոկտեմբերի 1-ից ներկրման արգելքը վերանալու էր, մի քանի հազարի հասնող մեքենաներ են ներկրել, որոնք Վրաստանի սահմանում են մնացել: Արդյո՞ք այդքան շատ մեքենաներ կան եւ եթե կան, տրանսպորտի նախարարությունն ինչպե՞ս է այդ խնդրին պատրաստվում լուծում տալ:

- Արգելքը ոչ թե հոկտեմբերից 1-ից է գործում, այլ ապրիլի 1-ից: Հոկտեմբերի 1-ը ժողովրդի մեջ գցած խոսակցություն է, ոչ ոք չի ասել, որ հոկտեմբերի 1-ից այդ արգելքը կվերանա: Ինչ-որ քանակի մեքենաներ կան: Քննարկումներ գնում են:

- Իսկ այն տարբերակը, որը քննարկվել է՝ գալ եւ Հայաստանում ղեկը փոխել, դա ինչո՞ւ չի թույլատրվում:

- Դա էլ անվտանգության մեծ ռիսկեր է պարունակում: Ներկրողները նույնպես փաստում են, որ ղեկային համակարգը փոխելը առաջացնում է բարձր անվտանգության ռիսկեր: Հիմա, եթե ժողովրդին բարձր ռիսկայնությամբ մեքենաներ մատուցենք եւ վաղը մյուս օրը վթարներ լինեն, մենք ենք մնալու պատասխանատվության տակ:

- Օրենսդրական այս քիչ հնարավորությունների պարագայում հարցի լուծման ի՞նչ օպտիմալ տարբերակներ ունեք:

- Իմ կարծիքով՝ հարցի ճիշտ լուծման տարբերակն այն կլիներ, որ քաղաքացիները մինչեւ մի բան նախաձեռնելը ուսումնասիրեին այդ դաշտը ու չնախաձեռնեին գնալ եւ մեքենաներ բերելը: Ստեղծված իրավիճակը մի փոքր պատային է դառնում եւ մենք փորձում ենք ինչ-որ բան անել:

- Տրանսպորտի, կապի եւ տեղեկատվական տեխնոլոգիաների նախարարության տրանսպորտի վարչության պետի տեղակալ Դավիթ Մելքոնյանը ՀԺ-ի հետ զրույցում նշել էր, որ հնարավոր է անգամ փոփոխված ղեկային համակարգով մեքենաների ներկրումը արգելվի: Այդպիսի քննարկումներ իրականացվո՞ւմ են:

- Քանի որ մենք պատասխանատու ենք տրանսպորտի քաղաքականության համար, ես անձամբ չեմ ուզում վերցնել այն պատասխանատվությունը, որ երկրում պետական մակարդակով թույլատրվի այնպիսի գործողություններ, որոնք հետագայում պատուհաս են դառնալու քաղաքացիների համար: Սրանք, իհարկե, վերջնական տարբերակներ չեն, բայց ամեն դեպքում մենք շատ ակտիվ հետեւում ենք այդ իրադրությանը:

Տպել
5114 դիտում

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց

Գյումրու գազալցակայանի մոտ ավտովթար է տեղի ունեցել․ կան տուժածներ

ԲԸՏՄ իրականացրած ստուգումների արդյունքում արձանագրվել է ավելի քան 13 մլն դրամի շրջակա միջավայրին հասցված վնաս

Երևանում մեքենայի ստուգմամբ հրացաններ ու զինամթերք են հայտնաբերվել և առգրավվել (տեսանյութ)

Վլադիմիր Պուտինը Նիկոլ Փաշինյանի և Իլհամ Ալիեւի հետ քննարկել Է Երեւան եւ Բաքու ՌԴ պատվիրակության այցի արդյունքները

ՌԴ-ն Ստեփանակերտ է ուղարկել մարդասիրական օգնության 2-րդ խմբաքանակը. 22 բեռնատար է հասել Արցախ

Ինքնաձիգ, փամփուշտներ, նռնակներ. ոստիկանության բաժիններում Արցախից բերված զենք-զինամթերք է հանձնվել (տեսանյութ)