Դասադուլ N42 դպրոցում. դասերին չհաճախելով գնահատական է ստացել նաեւ Դավիթ Հարությունյանի որդին

Երեւանի Տ. Շեւչենկոյի անվան համար 42 ավագ դպրոցում աշխատող ուսուցիչների գրեթե կեսը այսօր գործադուլ էր հայտարարել: Նրանք հրաժարվում էին մտնել դասասենյակ եւ պահանջում էին կասեցնել տնօրեն Էլեոնորա Թումանյանի լիազորությունները:

Մթնոլորտն այստեղ խիստ լարված էր: Բողոքի նշված ձեւն ընտրած մակավարժները տնօրենին մեղադրում էին տարբեր տեսակի չարաշահումների, իսկ այդ մասին բարձրաձայնելուց հետո էլ իրենց նկատմամբ ճնշումներ ու հետապնդումներ իրականացնելու մեջ, դպրոցի ղեկավարն անհասկանալի էր համարում դասապրոցեսը տապալելու նրանց մարտավարությունը, անդրադառնում որոշների թույլ տված աշխատանքային թերացումներին, դպրոց եկած ծնողները դժգոհում էին, թե ինչու են երեխաներին ներքաշում անձնական խնդիրների լուծման դաշտ, կողմերից յուրաքանչյուրը դրանում մեղադրում էր մյուսին եւ այլն: Ստեղծված իրավիճակը նշված հաստատություն էր բերել նաեւ կրթության եւ գիտության նախարարի տեղակալ Լուսինե Առաքելյանին ու ԿԳՆ հանրակրթության վարչության պետ Աշոտ Արշակյանին:

Շեւչենկոյի անվան դպրոցում մթնոլորտը շիկացել է այն բանից հետո, երբ տնօրենի՝ ուսումնադաստիարակչական աշխատանքների գծով տեղակալ Շողիկ Բաղրամյանը դիմում-բողոք է ներկայացրել կրթության եւ գիտության նախարարություն՝ թվարկելով Էլեոնորա Թումանյանի թույլ տված խախտումների ու չարաշահումների մի շարք դեպքեր: Դիմումը վերահասցեագրվել է իրավապահներին եւ քրեական գործ է հարուցվել:  

«Մենք պահանջում ենք, որ նորմալ բարոյահոգեբանական մթնոլորտ ապահովվի, եւ ես որպես ուսուցիչ, երբ որ մտնում եմ դպրոց, հասկանամ, որ եկել եմ աշակերտ կրթելու, ոչ թե եկել եմ ամեն օր տնօրենի կողմից հրահրված մի նոր ինտրիգի մասնակիցը լինելու»,- մեզ հետ զրույցում ասաց պատմության ուսուցչուհի Կրեմլինա Իսրայելյանը: «Ենթարկվում ենք տեռորի ոչ ադեկվատ պահվածքով, մանկխորհում մտնում է, հայտարարում՝ քրգործ եք բացել, եթե ես գնացի, ձեզ էլ հետս եմ տանելու: Հետն է տանելու, որովհետեւ բոլոր մանկավարժները, մատյանները թեւի տակ դրած, 12-րդ դասարանում մտնում են, անուն առ անուն հրահանգվում՝ որ աշակերտին ինչ գնահատական պետք է նշանակվի»,- հավելեց ուսուցչուհին՝ վստահեցնելով, որ տնօրենն իրենց աշխատանքից ազատելու հիմքեր է հավաքում:

Փոխտնօրենի դիմում-բողոքում մասնավորապես նշվել է դպրոց չհաճախած, բայց գնահատականներ ստացած երեխաների մասին: Ի դեպ, նրանց թվում, ըստ նույն դիմումի, եղել է արդարադատության նախկին նախարար Դավիթ Հարությունյանի որդին: «2015-2016 ուստարվա 1-ին կիսամյակի վերջում դպրոցի 8-րդ դասարանի դասամատյանում հայտնվեց արդարադատության նախարար Դավիթ Հարությունյանի որդի ... Հարությունյանի անունը, որը էքստեռն փոխադրական քննություն «հանձնելով» նույն ուսումնական տարվա 2-րդ կիսամյակում «համարվեց» 9-րդ դասարանի աշակերտ՝ ամբողջ 2-րդ կիսամյակում չերեւալով դպրոցում: 9-րդ դասարանի վերջում հանձնելով ավարտական քննությունները եւ ստանալով ավարտական վկայական գերազանց գնահատականներով, ինչպես «հայտնվել էր», այնպես էլ «անհայտացավ» դպրոցից»,- կարդում ենք փոխտնօրեն Շողիկ Բաղրամյանի դիմումի տեքսում, որի պատճենը նա մեզ էր տրամադրել: Նշվում է նաեւ, որ տնօրենն իր ղեկավարած դպրոցում աշխատանքի է ընդունել նաեւ իր հարսին:

Դպրոցի տնօրենը չի հերքում ո՛չ կեղծ գնահատականների հանգամանքը, ո՛չ էլ հարսի պաշտոնավարումը: «Դաստիարակաչական աշխատանքների կազմակերպչին նշանակում է տնօրենը: Ամենահետաքրքիր մարդը հենց ինքն է եղել աշակերտության համար, որովհետեւ այսօր աշակերտն ունի բազմաթիվ ուրիշ պահանջներ, եւ բնականաբար մեծահասակ ուսուցիչները շատ հարցերով իրենց արդեն հետաքրքիր չեն դառնում»,- հարսի նշանակման մասին խոսելով՝ ասաց Էլեոնորա Թումանյանը: Նա արդեն ազատվել է աշխատանքից: Թումանյանը նշեց, որ հարսին դպրոցը ջերմորեն է հրաժեշտ տվել՝ հրաշալի ու արտասվելու չափ հուզիչ միջոցառում կազմակերպելով:

Ինչ վերաբերում է դպրոց չհաճախող աշակերտներին գնահատելուն, նա ասաց. «Եթե այդ աշակերտը դպրոցում չի եղել, 12-15 առարկաների գնահատականները ե՞ս եմ նշանակել: Եթե այդ պրակտիկան կա, ուրեմն այդ ուսուցիչը գնում է դրան ու նշանակում է: Եվ եթե նա այդքան բացականեր է ունեցել, ինչո՞ւ նշանակված չեն այդ բացակաները»: Թումանյանը նկատեց, որ ինքը, որպես տնօրեն, ամեն օր բոլոր աշակերտներին չի տեսնում ու չի հետեւում նրանց ներկայությանը:  

Ձախից՝ տնօրեն Էլեոնորա Թումանյանը եւ փոխնախարար Լուսինե Առաքելյանը

Կրթության եւ գիտության նախարարի տեղակալ Լուսինե Առաքելյանը կողմերին հորդորեց հանդուրժող լինել եւ վերականգնել աշխատանքային մթնոլորտը: Գործադուլ անող ուսուցիչներին հորդորեց վերադառնալ իրենց աշխատանքին՝ չխախտելով աշակերտների կրթություն ստանալու իրավունքը, մինչեւ որ նախարարությունը համակողմանի ուսումնասիրի բազմաշերտ այս խնդիրը եւ կայացնի համապատասխան որոշում: Խոստացավ, որ գերատեսչությունը լինելու է առավելագույնս օբյեկտիվ:

«Որեւէ մեկի անձնական շահը, որեւէ մեկի քաղաքական սադրիչ շահերը, որեւէ մեկի ձգձգումները, որ շուտով հավաստագիր է ստանալու եւ փորձի տնօրեն դառնալ կամ տնօրենը չի ուզում, որ մյուսը հավաստագիր ստանա, դնում ենք մի կողմ եւ մենք՝ հասուն մարդկանցով հասկանում ենք՝ ոնց ենք այս հարցը լուծում: Այս հարցի լուծումը երեխաներին որեւէ կերպ չներգրավելն է: Որեւէ ինտրիգի մեջ կրթության եւ գիտության նախարարությունը չի ներքաշվելու եւ թույլ չի տալու, որ ներքաշվեն նաեւ աշակերտները: Այդ ինտրիգները, եթե այդպիսիք կան դուք, որպես հասուն մարդիկ, ինքներդ պետք է կարողանաք լուծել: Դասապրոցսը պետք է անխափան վերսկսել, որովհետեւ որեւէ աշակերտ մեղավոր չէ, որ ուսմասվարին հիմնավոր կամ անհիմն նկատողություն են տվել, որեւէ աշակերտ մեղավոր չէ, որ որեւէ ուսմասվար ուշացրել է դասացուցակը կամ չի ուշացրել, դա աշակերտին կամ աշակերտի ծնողին չվերաբերող խնդիր է: Ես խնդրում եմ նման որոշումներ կայացնելիս հիշեք՝ դուք ինչի համար եք դպրոցում աշխատում, հիշեք ձեր առաքելության մասին, կշեռքի վրա դրեք ձեր առաքելությունը եւ այն խնդիրները, որոնք կան: Այդ խնդիրների մասով վստահեք ե՛ւ այսօրվա իրավապահներին, ե՛ւ այսօրվա կրթության եւ գիտության նախարարության ղեկավարությանը, ու ժամանակ տվեք, որ մենք ամենայն խիստ վերահսկողությամբ ուսումնասիրենք գործը եւ դրան զուգահեռ դուք շարունակեք ձեր աշխատանքը երեխաների հետ, որովհետեւ դա է ձեր առաջնային գործը այս դպրոցում»,- ասաց նախարարի տեղակալը:

N42 դպրոցի մեծ մասն այսպիսի վիճակում է

Բողոքի ցույցի մասնակից ուսուցիչները, թեպետ դժվարությամբ, բայց համաձայնեցին հաջորդ օրվանից բնականոն աշխատել: Ասացին, որ ճիշտ է կասկածներ ունեն, բայց ուզում են հավատալ, որ նախաարությունն իսկապես օբյեկտիվ կգտնվի: 

Տպել
5825 դիտում

«Արմավիր» ՔԿՀ-ում խուզարկությունների արդյունքում հայտնաբերվել են արգելված իրեր (լուսանկարներ)

Գերիների անհապաղ ազատ արձակումն առաջանահերթ խնդիրներից է․ Կարեն Անդրեասյանը հանդիպել է ԵԽ ներկայացուցիչներին

4 ոստիկան ազատվել է աշխատանքից. կայացել է ոստիկանության կարգապահական հանձնաժողովի նիստը (տեսանյութ)

Որ դեպքում կարող են աշխատանքից ազատել կորոնավիրուսի դեմ չթեստավորված կամ չպատվաստված աշխատակցին

Ընդդիմությունը Վարդենիսում կոալիցիա է կազմում՝ չնայած նրան, որ համայնքում ձայների մեծամասնությունը ստացել է ՔՊ-ն

Փակ են դեպի Քարի լիճ և Կորեայի ձոր տանող ավտոճանապարհները

Երևանում պարեկները մեքենայի բեռնախցիկից «Ֆաբարմ» տիպի հրացան են հայտնաբերել (տեսանյութ)

«Հայաստան» դաշինքն այս անգամ չէր առաջադրել Արթուր Ղազինյանի թեկնածությունը, պաշտպանության հանձնաժողովի նիստը հետաձգվեց

ՀՀ սահմանային անցակետերում ՀՀ քաղաքացիություն չունեցող անձինք կրկին կարող են անցնել ՊՇՌ լաբորատոր հետազոտություն

Երևանում մշտադիտարկվել է 35 տրանսպորտային միջոց, հայտնաբերվել են հակահամաճարակային կանոնների խախտման դեպքեր

Որոնվում է տեսագրության մեջ պատկերված անձը. ՔԿ (տեսանյութ)

Իրականում ինչ է ասել Ալեն Սիմոնյանը. համացանցում տարածվել է տեսանյութի ամբողջական տարբերակը

Շրջանների զգալի մասում սպասվում են տեղումներ, լեռնային և նախալեռնային շրջաններում՝ ձյան տեսքով

Մոսկվայում ձյան աննախադեպ տեղումներ են, քաղաքի փողոցներում՝ 8 բալանոց խցանումներ (տեսանյութ)

Նյութը մոնտաժված է. Ալեն Սիմոնյանը՝ գերիների վերաբերյալ համացանցում հայտնված տեսանյութի մասին

Արցախի մասին պատմող «Երբ որ քամին հանդարտվի» ֆիլմը ներկայացվել է «Ոսկե գլոբուս»-ի

Գյումրու օդը խնկաբույր է այսօր. փոխվարչապետը հարգանքի տուրք մատուցեց 88-ի աղետի զոհերի հիշատակին (լուսանկարներ)

ՀՀ նախագահն ու Արման Բաբաջանյանը հանդիպել են, անդրադարձել երկրում առկա ներքին խնդիրներին և արտաքին մարտահրավերներին

36 ժամով կանջատվի Երևանի Քանաքեռ-Զեյթուն և Արաբկիր վարչական շրջանների մի մասի ջրամատակարարումը

Երևան քաղաքի Նանսենի նրբանցքում կկատարվի երթևեկության կազմակերպման փոփոխություն

Ընդդիմությունը Թալինում կոալիցիա է կազմում՝ չնայած նրան, որ համայնքում ձայների մեծամասնությունը ստացել է ՔՊ-ն

Վերահաշվարկի կամ ընտրության արդյունքներն անվավեր ճանաչելու մասին 67 դիմում է ստացվել․ ԿԸՀ

Կրակոցներ Ծաղկաձորում. դեպքի վայրում հայտնաբերվել է որսորդական հրացանի փամփուշտների 10 գնդակ

Արայիկ Հարությունյանը հարգանքի տուրք է մատուցել Սպիտակի ավերիչ երկրաշարժի անմեղ զոհերի հիշատակին

Ադրբեջանի նախագահի հայտարարությունները հակասում են Սոչիում ձեռք բերված պայմանավորվածություններին. ԱԳՆ

Երևանում հագուստի խանութ է հրդեհվել (լուսանկարներ)

Ընդգծվել է Հայաստանի զգալի առաջընթացը. ԱՄՆ դեսպանատունը հայտարարություն է տարածել ՏԻՄ ընտրությունների վերաբերյալ

Պուտինի ու Բայդենի հանդիպումն այսօր է, թեման՝ ըստ ԱՄՆ-ի, Ուկրաինայի տարածք Ռուսաստանի հնարավոր ներխուժումը

Արցախում կորոնավիրուսով վարակված 18 քաղաքացու վիճակը ծայրահեղ ծանր է. 4 մահ է գրանցվել

ԱՄՆ-ը կարող է նոր պատժամիջոցներ սահմանել Ռուսաստանի դեմ, որը կազդի ռուբլու փոխարժեքի վրա. Bloomberg

Արցախի երեխաների համար՝ Ամանորի նվերներ. ռուս խաղաղապահները 9 տոննա մարդասիրական բեռ են հասցրել Ստեփանակերտ

Պետք է հավատով կառուցենք ամուր տուն-հայրենիք. նախագահը՝ Սպիտակի երկրաշարժից հետո ապրելու մասին

Կորոնավիրուսի մեկօրյա մահերի թիվը կրկին աճել է. 27 մարդ է մահացել, հաստատվել՝ 240 նոր դեպք

«Քաղաքացիական պայմանագիր»-ը կբողոքարկի Աբովյանի 25 խոշոր ընտրական տեղամասերի արդյունքները

Ստեփանակերտ-Ննգի-Մարտունի ավտոճանապարհին մեքենաներ են բախվել. կա տուժած

Դիարբեքիրի հայկական եկեղեցին վերանորոգումից հետո հանձնել են տեղի համալսարանի տնօրինությանը

Մի շարք ավտոճանապարհների մերկասառույց է, կան փակ ճանապարհներ

Երևանի ու 6 մարզերի որոշ հասցեներում մի քանի ժամ լույս չի լինի

«Ապրելու երկիր» և «Զարթոնք» կուսակցության հետ կոալիցիա կազմելու պայմանավորվածություն չկա. «Հանուն Հանրապետության»

Ձեր վստահությունը խիստ պարտավորեցնող է համայնքի զարգացման ծրագրերն իրագործելու գործում. Արտաշատում ՔՊ-ի թեկնածու