Երևան
3 °C
Երեւանի ավագանու ընտրություններից հետո, երբ «Իմ քայլը» դաշինքը ստացավ ընտրությանը մասնակցած քաղաքացիների ձայների 81 տոկոսից ավելին, ԲՀԿ-ն չհաղթահարեց անգամ 7 տոկոսի, իսկ «Լույս» դաշինքը` 5 տոկոսի շեմը, իսկ մասնակից մյուս ուժերը մեկ-երկու տոկոս ձայն էլ չստացան, ԱԺ արտահերթ ընտրությունների հարցը առավել քան հրատապ դարձավ:
Փաստորեն, գործող ԱԺ-ում ուժերի հարաբերակցությունը բաշխված է գլխիվայր՝ հասարակության բացարձակ վստահությունը չվայելող ՀՀԿ-ն ունի խորհրդարանական մեծամասնություն, ՀՅԴ-ն, ԲՀԿ-ն, Ելք դաշինքից՝ Լուսավոր Հայաստանն ու Հանրապետությունն Աժ-ում ներկայացված են՝ ըստ ունեցած վստահության (ավելի ստույգ՝ անվստահության) աստիճանի: Քաղաքացիական պայմանագիրը, որը, ըստ Երեւանի ավագանու ընտրությունների արդյունքների, ունի ընտրողների առավելագույն վստահությունը, ԱԺ-ում ունի ամենափոքր ներկայացվածությունը:
Ավագանու ընտրություններից հետո մեկ այլ անհասկանալի պատկեր եւս բացվում է. Լույս դաշինքի թեկնածու, Արդարադատության նախարար Արտակ Զեյնալյանը, փաստացի պարտությունից, այսինքն՝ անվստահության արժանանալուց հետո, չի դառնա ավագանու անդամ: Նա վերադառնում է կառավարություն՝ իր նախկին աշխատանքին: Այսինքն՝ Լույսը շարունակում է լինել գործադիր իշխանության մաս՝ երկու նախարարով՝ Արդարադատության եւ Աշխատանքի եւ սոցիալական հարցերի:
Քաղաքապետարանը հրապուրիչ չէ նաեւ ԲՀԿ քաղաքապետի թեկնածուի համար. Նաիրա Զոհրաբյանը եւս վերադառնում է ելման կետ՝ խորհրդարան: Կառավարությունում շարունակում են պաշտոնավարել նաեւ ԲՀԿ-ական նախարարներ՝ Սպորտի եւ երիտասարդության, նաեւ՝ Էներգետիկ ենթակառուցվածքների եւ բնական պաշարների նախարարները: Փոխվարչապետը եւս ներկայացված է ԲՀԿ-ից:
Խորհրդարանական մյուս ուժը՝ ՀՅԴ-ն եւս, որի հանդեպ անվստահությունն աննախադեպ էր (անգամ երկու տոկոս ձայն էլ չհավաքեց), դարձյալ ներկայացված է կառավարությունում՝ Տնտեսական զարգացման եւ ներդրումների նախարարությունը եւ գյուղնախարարությունը ղեկավարում են դաշնակցական նախարարներ:
Այս կուսակցությունները, թվում է, ընտրողների այսպիսի անվստահությունից հետո պետք է կառավարությունից տարանջատվելու ճանապարհը բռնեին, շտապեին ռեբրենդինգի միջոցով փրկել կուսակցության հեղինակությունը, հստակեցնեին՝ իրենք ընդդիմադի՞ր են, թե՞ իշխանությու՞ն են: Եթե իշխանություն են, ապա ինչո՞ւ ընտրողները նրանց չեն վստահում: Եթե ընդդիմություն են, դարձյալ վստահություն չունեն:
ԱԺ դե յուրե մեծամասնություն ՀՀԿ-ն, այս ամիսների ընթացքում՝ իբրեւ քաղաքական միավոր, անընդհատ ձախողվում է: Այս կուսակցության առաջնորդը շարունակում է մնալ «մերժված» Սերժ Սարգսյանը, որը որեւէ ձայն այս ամիսների ընթացքում չի հանել: Եվ իրավիճակը գնահատելու զգալի բարդություն ունեցող այս ուժը պնդում է, թե ԱԺ-ն լուծարելու հիմքեր չի տեսնում եւ պատրաստ է անգամ փողոց դուրս գալ՝ պայքարի:
Կուսակցությունները Հայաստանում ունեն չափազանց կարեւոր խնդիր. սկսած ՔՊ-ից՝ ավարտած ՀՀԿ-ով, բոլորն ունեն ներքին ժողովրդավարության լուրջ խնդիրներ:
Այդ իսկ պատճառով, անգամ ունենալով ընտրողների զգալի մասի աջակցությունը, գործող կառավարությանը՝ զգոն եւ արդյունավետ աշխատելու համար, անհրաժեշտ է համարժեք ընդդիմություն:
Ունե՞նք այսօր ընդդիմություն: Բացահայտ ընդդիմություն, որն իրեն թույլ տա ուղղակիորեն, առանց զանազան մտավախությունների, ներկայացնել կառավարության բացթողումները, սխալները, կարծես չկա: Ընդդիմության թափուր հաստիքը փորձում է զբաղեցնել ՀՀԿ-ն, սակայն այդ կուսակցությունը չափազանց վարկաբեկված է՝ նման հավակնություն ունենալու, այդ «հաստիքը» զբաղեցնելու համար. ՀՀԿ-անների մատնանշած բոլոր մեղադրանքներին կա հարյուրապատիկ ուժեղ հակահարված՝ իսկ ձե՞ր իշխանության օրոք ինչպես էր՝ կոռուպցիա՝ վերից վար, դատական կաշառված համակարգ, արտագաղթ, պետության հյուծում:
Սակայն սա թույլ մխիթարություն է. այսօր չափազանց հրատապ է ունենալ ընդդիմություն, որը կլինի ուժեղ եւ, ասենք այսպես, լեգիտիմ, իրական: Որը իշխանությունների սխալների դեմ կպայքարի բաց, փաստարկված եւ առանց ինչ-ինչ լծակներ կորցնելու մտավախությունների:
Սակայն ընդդիմություն լինել ոչ մի ուժ չի շտապում: Ամենայն հավանականությամբ, Երեւանի ավագանու ընտրություններին մասնակցած կամ նոր ձեւավորվող ուժերի աստեղային ժամը կլինի վարչապետ Նիկոլ Փաշինյանի որեւէ ձախողման դեպքում: Միայն հասարակության շրջանում վստահության ճեղքում առաջացնելով վարչապետի ու նրա կառավարության դեմ՝ հնարավոր կլինի հաղթաթուղթ եւ քաղաքական օրակարգ ունենալ: Առայժմ՝ նման հնարավորություններ չկան:
Եվ կուսակցությունները, փաստորեն, նախընտրում են ընտրողների անվստահության պայմաններում իշխանական լծակներին մոտ լինել, քան հայտնվել ընդդիմադիրի կարգավիճակում:
Իսկ ընդդիմության անհրաժեշտությունն այսօր իսկ զգացվում է: Կարեւոր հարցադրումներ կան, որոնք պատասխան են ուզում: Օրինակ՝ ի՞նչ է նշանակում, երբ կառավարության անդամները (ենթադրում ենք, գերզբաղված մարդիկ), ինչպես հին, «բարի» ժամանակներում, գլխավորում են, դիցուք, ֆուտբոլի ֆեդերացիան կամ դառնում են ՀՖՖ-ի գործկոմի անդամ: Եթե կառավարության անդամներն այդքան ազատ ժամանակ ունեն, հարց է առաջանում՝ որտեղի՞ց նրանց այդքան ազատ ժամանակ: Եթե ֆուտբոլի ֆեդերացիայի կազմում լինելը նրանցից ժամանակ չի խլելու, ուրեմն դա իրենց տեղը չէ: Այդ դեպքում, ինչո՞ւ են զբաղեցնում պրոֆեսիոնալ եւ ֆուտբոլից գլուխ հանող մասնագետների տեղը: Նման հարցերը քիչ չեն:
Բայց եւ հասկանալի է. ընդդիմություն լինել վարչապետ Փաշինյանին այսօր չափազանց բարդ է: Դա իրեն կարող է թույլ տալ ուժեղ, մաքուր անցյալով եւ հասարակության վստահությունը վայելող ուժը: Նման ուժ, կարծես, չկա: Եվ դա վատ է:
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
© 2024 Հայկական ժամանակ