Տեղի ունեցավ «Սասնա Ծռեր»-ի պրեմիերան, չնայած բուռն ծափողջույններին, ներկայացումն արժանացավ քննադատությունների

Սեպտեմբերի 27-ին Գաբրիել Սունդուկյանի անվան ազգային ակադեմիական թատրոնի 96-րդ թատերաշրջանի բացումը մեկնարկեց «Սասնա Ծռեր»-ի պրեմիերայով: Ժողովրդական էպոսի հիման վրա բեմադրված ներկայացումը թատերասերների կողմից հոտնկայս ու չընդհատվող ծափողջույններով ընդունվեց:

Երիտասարդ ռեժիսոր Սամսոն Մովսեսյանի բեմադրած ներկայացման պրեմիերան անցավ լեփ լեցուն դահլիճում: Մոտ երկու ժամ տեւած ներկայացման ընթացքում պահպանվում էր հանդիսատես դերասան կոնտակտը: Ներկայացման ավարտին Սամսոն Մովսեսյանին գովեստի խոսքեր ու շնորհավորանքներ ուղղվեցին:

ՀԺ-ի հետ զրույցում վերջինս ասաց, որ դեռեւս միայն դրական արձագանքներ է ստացել: «Կարծում եմ՝ ներկայացումը հետաքրքիր ընդունվեց, տպավորությունները լավն են, ես 8 ամիս սպասել եմ այս օրվան, իսկ ներկայացումը հանձնելուց հետո աննկարագրելի հուզմունքով ես սպասում հանդիսատեսի արձագանքին»,- ասաց ռեժիսորը:

Սամսոն Մովսեսյանը հայտնեց, որ բեմադրման համար 8 ամիս աշխատել են, կարող էին ավելի շուտ ավարտել, սակայն պրեմիերան ձգձգվել է վերջին ամիսներին երկրում տեղի ունեցած ներքաղաքական իրադարձությունների պատճառով:

«Սասնա ծռեր» ներկայացման մեջ Դավթի կերպարը մարմնավորում է ՀՀ վաստակավոր արտիստ Խորեն Լեւոնյանը, իսկ Դավթի կնոջ՝ Խանդութ խանումի կերպարը՝ Սոնա Մաթեւոսյանը:

Դերասանուհին ՀԺ-ի հետ զրույցում նշեց, որ սպասում էր ինչ-որ անսպասելի արձագանքի: «Յուրաքանչյուր դերասան ներկայացումից հետո սպասում է ծափահարությունների: Գիտեինք, որ լավ աշխատանք էինք կատարել, հետեւաբար՝ լավ արձագանք ստացանք»,- ասաց նա: «Սասնա ծռեր»-ը Սոնայի եւ ռեժիսոր Սամսոն Մովսեսյանի առաջին համատեղ աշխատանքը չէր, սակայն դերասանուհին նշեց, որ այս ներկայացման բեմադրությունն, ինչպես յուրաքանչուր ստեղծագործական աշխատանք, ունեցել է իր դժվարությունները, հաճելի եւ լարված պահերը:

«Խանդութ խանումի դերը մի փոքր ուշ եմ սկսել փորձել, որովհետեւ խնդիր եղավ դերասանի հետ կապված եւ ես ստիպված եղա փոխարինել նրան»,- ասաց դերասանուհին: Վերջինս նշեց, որ անչափ լարված էր, սակայն լարվածությունն իրեն չի խանգարել, իսկ թե ինչպես է ստացվել կերպարի մարմնավորումը՝ Սոնա Մաթեւոսյանը թողեց հանդիսատեսի դատին:

Չնայած ներկայացումը հավանած հանդիսատեսի բուռն արձագանքին եւ ներկա դերասանների ու ռեժիսորների գովեստի խոսքին, բեմադրությունն արժանացավ նաեւ քննադատության:

Բեմադրիչ, ռեժիսոր Նիկոլայ Ծատուրյանը մեզ հետ զրույցում ասաց, որ ներկայացումը չի հավանել: «Ինձ բոլորովին դուր չեկավ, չէին կարողացել գտնել մեսիջը հանդիսատեսին հասցնելու ճիշտ ճանապարհը, նախ ոչ մի մեսիջ էլ չէր հաղորդում, բեմական խաղ ես այդտեղ չտեսա, չտեսա ուսուցողական ոչինչ, պիեսը տանը նստած էլ կարող էի կարդալ, վերհիշել»,- ասաց Ծատուրյանը:

Տպել
3335 դիտում

ԱՄՆ-ի եւ Իրանի միջեւ բանակցություններ հնարավոր են. Զարիֆը՝ նախապայմանների մասին

ՀՀ տարածքում ավտոճանապարհներն անցանելի են. Ստեփանծմինդա-Լարս ավտոճանապարհը բաց է միայն բեռնատարների համար

Մենք կարծես ուսուցիչների հետ մարտի դաշտում լինենք. վճարովի թեստավորվում են ու ասում՝ գնում ենք դպրոց

Հատուկ մրցանակը բուժաշխատողներին հանձնեց COVID 19-ը վերապրած Պետրոս Պետրոսյանը (ուղիղ)

ՌԴ-ն իր հակակորոնավիրուսային պատվաստանյութի տրամադրման գործարքներ է կնքում աշխարհով մեկ. ինչ է հայտնի

Լուիս Սուարեսը տեղափոխվում է «Ատլետիկո», Ալվարո Մորատան՝ «Յուվենտուս»

«Զվարթնոց» տաճարում մեկնարկեց «Մեր ժամանակների հերոսը» մրցանակաբաշխությունը (ուղիղ)

Րոպեներ անց Նիագարա ջրվեժը կլուսավորվի Հայաստանի դրոշի գույներով

Մոլդովական փողոցում բռնկված հրդեհի վայրից փրկարարները տարհանել են երկու քաղաքացու․ տուժածներ չկան

Անկախության տոնակատարությանը նվիրված համերգ Զվարթնոց տաճարում. Տիգրան Գալստյանը լուսանկարներ եւ տեսանյութ է հրապարակել

Անկախության տոնի կապակցությամբ Երևանում կազմակերպվել են մարզական և մշակութային միջոցառումներ. ՊՆ

Նոր Ամանոս գյուղում այրվել է մոտ 700 հակ անասնակեր

Մենք ակնկալում ենք խորացնել մեր գործընկերությունը մի շարք կարևոր ոլորտներում. Ջաստին Թրյուդոյի ուղերձը

Արթիկի գերեզմանատանը հայտնաբերվել է գերեզմանափորի դին

Վարորդի եկամուտը քչացել է, չի աշխատի, ծնողներն էլ խառը դրության մեջ են. 3 գյուղի աշակերտներ դպրոց հասնելու խնդիր ունեն

Սեպտեմբերի 21-ը Վաշինգտոնում հայտարարում եմ որպես «Հայաստանի անկախության օր». քաղաքապետ

Վանաձորում 2 մանկապարտեզ չի վերաբացվել, 1-ի գործունեությունը դադարեցվել է. բուժքրոջ մոտ կորոնավիրուս է հայտնաբերվել

Թաթան երգ կնվիրի Գյումրիի «Շիրակ» ֆուտբոլային ակումբին

Անկախության 29-րդ տարեդարձի առիթով 5 մարզչի շնորհվել է վաստակավորի պատվավոր կոչում

3 ոսկե մեդալ՝ Բալկանյան երկրների առաջնությունից. հայ մարզիկները նաև ռեկորդային ցուցանիշներ են սահմանել