Նախկին իշխանությունները բազմիցս հոխորտացել են, ասել՝ զինվոր տղա ունես, զգու՛շ եղիր. Ատոմ Երեմյան

64-ամյա Ատոմ Երեմյանի համար տեղաշարժվելն ու առհասարակ որեւէ գործողություն անելը մեծ դժվարություն է: 9 տարեկանից Երեմյանի կյանքի յուրաքանչյուր պահը պայքար է, պայքար իր վախերի, թուլությունների եւ դժվարությունների դեմ: Վատ տեսողության պատճառով մի քանի անգամ վթարի է ենթարկվել եւ հենաշարժողական խնդիրներ ձեռք բերել, ստիպված է օրթոպեդիկ կոշիկներ եւ ներդիրներ կրել: Վերջինս առանց ձեռնափայտի օգնության տեղաշարժվել չի կարողանում, սակայն դա իրեն չի խանգարում աշխատանքի գնալ:

Ատոմ Երեմյանն աշխատում է «Կույրերի միավորում»-ում, որտեղ վերջին շրջանում խռովություններ էին: Միավորման անդամները բազմիցս աջակցություն են խնդրել, բողոքել, որ իրենց կառույցը, սերտաճելով նախկին իշխանությունների հետ, քայքայվել է: «Կույրերի միավորում»-ն այսօր անուշադրության է մատնված եւ անդամները լիահույս են, որ նոր կառավարությանից աջակցություն կստանան: Միավորման խնդիրների, տեսողության հետ խնդիրներ ունեցող մարդկանց դժվարությունների մասին ՀԺ-ն զրուցել է «Կույրերի միավորում» թիվ 2 ձեռնարկության աշխատող Ատոմ Երեմյանի հետ:

«Բոտուլիզմի հետեւանքով՝ 9 տարեկան հասակում կորցրեցի տեսողությունս, չորս ամիս Երեւանում բուժվելուց հետո այն մասնակի վերականգնվեց, սակայն ստիպված էի տեղափոխվել Երեւանի թիվ 14 կույրերի գիշերօթիկ դպրոց: Մինչ այդ պահը ապրում էի Գեղարքունիքի մարզի Արծվանիստ գյուղում, մինչեւ երրորդ դասարան այնտեղ եմ սովորել: Մեր գյուղն իր աշխարհագրական դիրքով շատ լավ տեղում է գտնվում: Գյուղի միջոցով Կոթիկ գետն է հոսում, մեր տնից 50 մետր հեռավորության վրա թափվում Սեւանա լիճ: Ձկնորսությունս, մարգագետիններում վազվզելն ու անհոգ մանկությունս 9 տարեկանով սահմանափակվեց: Երրորդ դասարանից արդեն գիշերօթիկում էի սովորում, դրանից հետո էլ համալսարանական կյանք: Գիշերօթիկն ավարտելուց հետո ընդունվեցի Երեւանի Խ.Աբովյանի մանկավարժական համալսարան, սակայն մինչ այդ աշխատում էի «Կույրերի միավորում»-ում, սեղմնակավոր բլոկների տեղամասում՝ որպես հավաքող բանվոր»,- մեր զրույցում պատմեց Ատոմ Երեմյանը:

- Իսկ ինչպե՞ս ինտեգրվեցիք համալսարանում, տեսողության հետ խնդիր չունեցող երեխաների հետ էիք դասերի նստո՞ւմ:

- Ընդունվելուց հետո սկսվեցին կյանքիս լավագույն տարիները: Զարմանալի է, բայց շատ հեշտ եմ ինտեգրվել: Հիշում եմ՝ կուրսընկերներիս առաջարկեցի վճարել, որ ինձ համար ընթերցեն, շատ էին վիրավորվել: Ես մինչ օրս գլուխ եմ խոնարհում իրենց առաջ, արտակարգ մարդիկ էին: Շատ էր պատահում, որ ամբողջ տարին սովորում էի եւ միայն տարեվերջի քննության օրն էր դասախոսն իմանում, որ կույր եմ: Մի անգամ զավեշտալի դեպք եղավ, փիլիսոփայության դասախոսներիցս մեկը գնացել դեկանի՝ ներկայիս մանկավարժականի ռեկտոր Ռուբեն Միրզախանյանի հոր՝ Կառլեն Միրզախանյանի մոտ բողոքել էր եւ հայտնել, որ ուզում է ինձ իր դասերին չթողնել: Պատճառաբանել էր, որ չեմ գրում իր թելադրածները՝ լեկցիաները: Դեկանը կարգադրել էր արխիվից բրալյան այբուբենով գրված շարադրությունս բերել (ի դեպ, աշխատանքս միակն էր, որ գերազանց էր գնահատվել ամբողջ կուրսում): Հետո դասախոսը եկավ, ինձնից ներողություն խնդրեց, բայց ես չէի էլ նեղվել: Ավարտելուց անմիջապես հետո աշխատանքի եմ անցել «Կույրերի միավորում»-ում, մինչ օրս էլ աշխատում եմ:

- «Կույրերի միավորում»-ն այս պահին ի՞նչ վիճակում է, վերջերս ձեզ մոտ խռովություններ էին:

- Այո, «Կույրերի միավորում»-ում տեղի ունեցան հուզումներ: Մեր համակարգը ժամանակին եղել է ՀՀ ամենաբարեկեցիկ համակարգը: Արզնիում ունեցել ենք սեփական հանգստավայր, մեզ համար նախատեսված աշխատատեղեր, եւ միայն Երեւան քաղաքում 17-ից ավելի բնակելի շենք էր մեզ տրամադրված: Այս վերջին քսան տարում մեր միությունն էլ սերտաճել էր նախկին իշխանությունների՝ Հանրապետական կուսակցության հետ, ընդհուպ մինչեւ Ռոբերտ Քոչարյան եւ Սերժ Սարգսյան: Իսկ Նիկոլ Փաշինյանի ասպարեզ գալով՝ լույս սփռվեց եւ ուժ հաղորդվեց մեր միավորման առաջադեմ երիտասարդներին, մենք էլ ոտքի կանգնեցինք եւ 91-ամյա նախագահի հրաժարականին հասանք, որը 33 տարի նախագահում էր: Սեպտեմբերի 12-ից է նոր նախագահն ընտրվել, մեր միավորման անդամներից Ռաֆիկ Խաչատրյանն է, որը շատ բանիմաց եւ փորձառու անձնավորություն է: Նրա առաջ շատ լուրջ մարտահրավեր է նետված՝ մի կողմից միավորման նախկին համակարգը պահպանելն է, մյուս կողմից՝ անդամներին լիարժեք եւ հավասար աջակցություն ցուցաբերելը: Կադրային լուրջ փոփոխություններ պետք է անի:

- Նախկին անհաշտությունները եւ լարված մթնոլորտը որքանո՞վ կմեղմանան կադրային փոփոխություններից հետո:

- Միավորման նախագահը մինչեւ գարուն նոր ընտրություններ է իրականացնելու, եւ ես հույս ունեմ, որ նա կվերացնի նախկին արատավոր երեւույթները: Կխնդրեի, որ մեր կառավարությունը ի դեմս մեր հարգարժան Նիկոլ  Փաշինյանի՝ մեր միավորմանը ինչ-որ բաներ արտադրելու կամ որեւէ այլ օղակներում ներգրավվելու թեթեւ հնարավորություններ տրամադրեին, աշխատեինք այն աշխատանքներում, որի հնարավորությունը մենք ունենք: Այս պահին 1800 եւ ավելի մարդ է հաշվվում «Կույրերի միավորում»-ում, բայց նրանք միայն հաշմանդամություն ունեցողները չեն, նրանց կամ նրանց օժանդակող սպասարկող անձնակազմի անդամներ: Համակարգը փակ է, բոլորն իրար ճանաչում են, իրար հետ շփվել են, սակայն ցանկացած տեղ, եթե մեկ անձ երկար ժամանակով ղեկավարում է որեւէ հաստատություն՝ 30 տարի չլինի, 20 լինի, միեւնույն է՝ այնտեղ լճացում է առաջանում: Ինչ ուզել՝ արել են, ում ուզել են լավություն անել՝ արել են: Ում ցանկացել են պաշտոն տալ՝ տվել, ում չեն ցանկացել՝ չեն տվել, եւ ոչ ոք չէր կարող դրա դեմն առնել, քանի որ նորից շեշտեմ՝ իրենք սերտաճած էին նախկին իշխանության հետ:

- Իսկ «Կույրերի միավորում»-ը ի՞նչ սպասելիքներ ունի նոր Կառավարությունից:

- Ուզում եմ խոսել վերջին ընտրությունների մասին: Նոր քաղաքապետի՝ Հայկ Մարությանի հետ առաջին հանդիպումս եղել է օգոստոսի սկզբին, որն իմ մեջ պարզապես հեղափոխություն առաջացրեց՝ դերասան Հայկո եւ քաղաքական գործիչ Հայկ Մարության: Երբ իր շնորհիվ առաջին խոսքի իրավունքն ինձ ընձեռվեց, եւ ելույթ ունեցա, ասեցի՝ իմ թոռների սիրելի Հայկո, կուզենամ, որ դու դառնաս մեր մայրաքաղաքի սիրելի քաղաքապետ Հայկ Մարության: Ես համոզված եմ, որ Նիկոլ Փաշինյանը միամիտ քաղաքական գործիչ չէ, որ պատահական մարդու ընտրեր, բայց դե մինչեւ ընտրվելու օրն էլ պայքարել եմ անհիմն քննադատությունների համար, այն է՝ թե դերասանից ինչ քաղաքապետ:

Իմ ամեն մի օրը պայքար է:

Ամեն հավաքի, ամեն ուրախության, ամեն տխրության եւ ամեն ընկերական հանդիպման գնալս պայքար է: Ամեն չորեքշաբթի Դավթաշենում ՔՊ-ի հավաքներին գնալը պայքար է, ո՞ր մեկն ասեմ: Երբ գնում եմ աշխատանքի եւ տուն եմ հասնում, ասում եմ՝ փառք աստծո, հասա տուն: Ես մի քանի անգամ տեսողությանս պատճառով ավտովթարի եմ ենթարկվել: Օգոստոսի 17-ի հանրահավաքի ժամանակ զգում էի, որ մութն ընկնելու է եւ դժվարությամբ եմ տուն հասնելու, բայց այնքան կլանված էի, որ մինչեւ վերջ մնացի: Մեկին խնդրեցի, որ ինձ ուղեկցի մինչեւ Ամիրյան փողոց, սակայն ասաց, որ դեռ չի գնում: Ինքս ինձ ասացի՝ Ատո՛մ, հույսդ դիր քո վրա, կողմնորոշումով ելա եւ դժվարությամբ հասա:

Նախկին իշխանությունները բազմիցս հոխորտացել են, ասել՝ զինվոր տղա ունես, զգույշ եղիր:

Ինձ քաղաքական պրոցեսներին ակտիվ մասնակցությանս համար բազմիցս կանչել են ուժային կառույցներ, հոխորտացել են՝ զինվոր տղա ունես՝ զգու՛յշ եղիր: Բազմիցս սպառնացել են 2004 թվականին, 2008-ին եւ դրանից հետո: Շատ դեպքերում փորձել են ֆինանսապես իրենց ասելով, խրախուսել, բայց ես դա համարում եմ կաշառք եւ չեմ վերցրել: Տղաս զինվորական է՝ փոխգնդապետ: Ծառայել է ՀՀ գրեթե բոլոր սահմաններում, Ջաբրայիլում, Վայքում, Քելբաջարում: Ինձ մեր աշխատավայրում էլ են շատ ասել, նախատել են այդ քայլիս համար, որ ես դժվարաշարժ լինելով եւ տեսողություն չունենալով հանդերձ՝ տղայիս ուղարկել եմ: Իմ հոբբին ՀՀ պետականությունն է, անկախությունը եւ ամենամեծ հոբբիս Հայոց բանակն է, որի համար պատահական չէ, որ ես եւ կինս, լինելով առաջին եւ երկրորդ խմբի հաշմանդամներ, ստորագրեցինք եւ մեր տղային տվեցինք որպես կադրային սպա Հայոց բանակին: Անխոնջ ծառայում է Արցախի եւ ՀՀ բանակին:

Անկախությունից ի վեր՝ ձայնս միշտ ընդդիմությանն եմ տվել, բայց սա միակ դեպքն էր, որ այդպես չեղավ:

1988 թվականից մինչ օրս ակտիվ եմ եղել, բոլոր քաղաքական գործընթացներում: Ընտրություններին մշտապես ակտիվ մասնակցություն եմ ցուցաբերել: Անկախությունից ի վեր ես ձայնս միշտ ընդդիմությանն եմ տվել, բայց սա միակ դեպքն էր, որ ես ձայնս տվեցի իշխանությանը՝  ի պատիվ Նիկոլ Փաշինյանի: Նիկոլ Փաշինյանն ինչպես բոլորի առաջ լույս բացեց, այնպես էլ իմ եւ մեր «Կույրերի միավորման»: Թավշյա հեղափոխության օրերին իմ ոտքով ճամփորդությունները հինգ ժամ էին տեւում, բայց դա ինձ հետ չէր պահում, տանը նստել պարզապես չէի կարող: Երիտասարդներն ինձ ոգեւորում էին, ուժ տալիս: Իսկ Փաշինյանն իր համարձակությամբ եւ խելացիությամբ պարզապես հիացնում է: Տղա թոռնիկս վերջերս բանաստեղծություն էր գրել, որում ասում է, որ Նիկոլ Փաշինյանն արժանի է հերոսի կոչման եւ համեմատել էր Սասունցի Դավթի հետ: Եվ իսկապես, Փաշինյանին համեմատեցին Նելսոն Մանդելայի հետ, բայց ես համարում եմ, որ նա մարմնավորում է Դավթի կերպարը, Նիկոլը մեր օրերի Սասունցի Դավիթն է:

Տպել
5232 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում