Նոր ներկայացում Սունդուկյան թատրոնում, Խորեն Լեւոնյանը կմարմնավորի Սասունցի Դավթի կերպարը

Սեպտեմբերի 27-ին Գաբրիել Սունդուկյանի անվան ազգային ակադեմիական թատրոնի բեմում պրեմիերա է սպասվում: Երիտասարդ ռեժիսոր Սամսոն Մովսեսյանը մայր թատրոնում բեմադրում է «Սասնա ծռեր» ներկայացումը: Նոր ներկայացման մեջ Սասունցի Դավթին կմարմնավորի ՀՀ վաստակավոր արտիստ Խորեն Լեւոնյանը:

«Առաջին անգամ ենք փորձ անում բեմականացնել հայ ազգային էպոսը: Ամսի 27-ին բեմ ենք բարձրացնում երիտասարդական մի ուժ եւ փաստում, որ երիտասարդները ունեն այդ կարողությունները»,- այսօր լրագրողների հետ զրույցում ասաց թատրոնի տնօրեն Վարդան Մկրտչյանը:

Լուսանկարում՝ Արմեն Էլբակյան, Վարդան Մկրտչյան եւ Սամսոն Մովսեսյան

Վերջինիս բնորոշմամբ՝ հետաքրքիր ներկայացում է լինելու՝ նոր մոտեցմամբ ու նոր լուծումներով: Սամսոն Մովսեսյանը նկատեց՝ Էպոսը բեմականացրել են եւ ադապտացրել դրամատիկ տարբերակին:

Երիտասարդ ռեժիսորը փաստեց, որ աշխատանքն իր նախկին գործերից տարբերվում է առաջին հերթին ծավալով եւ արված գործի որակով: «Սասնա ծռերը բավականին ծանր մատերիալ է, անընդհատ փորձերի ընթացքում ասել ենք՝ ինչ լավ է, որ մենք վերցրեցինք այս գործը եւ ավելի լավ ճանաչեցինք մեր էպոսը»,- ասաց Սամսոն Մովսեսյանը:

Բեմադրության մեջ ներառված է լինելու ամբողջ «Սասնա ծռեր» էպոսը: Սակայն ռեժիսորի վստահեցմամբ՝ Սասունցի Դավիթ ճյուղն ինչպես էպոսի բոլոր տարբերակներում, այս դեպքում էլ՝ ավելի գերակշռող է: Ինչ վերաբերում է լեզվին, ապա երիտասարդ ռեժիսորը վստահեցրեց, որ փորձել են բեմադրության մեջ չվնասել էպոսի լեզուն, սակայն տեղ-տեղ գտել են հոմանիշներ, որպեսզի այսօրվա հանդիսատեսի համար խոսքը դյուրընկալելի լինի:

Անդրադառնալով դերասանական կազմին եւ Խորեն Լեւոնյանի «Սասունցի Դավիթ» կերպարը մարմնավորելուն՝ Սամսոն Մովսեսյանն ասաց. «Խորեն Լեւոնյանն էլ ինչ-որ տեսակ ունի, որ անընդհատ պրոցեսի մեջ է, սիրում է որոնումների մեջ լինել, ինչպես թատրոնն է սիրում որոնումների մեջ լինել, իսկ աշխատելու առումով ոչ միայն իր, այլեւ բոլորի հետ շատ հեշտ էր աշխատանքը, խումբը բաց էր, չկար սահմաններ կամ կոմպլեքսներ»:

«Սասնա ծռեր»-ի դերասանական կազմում ընդգրկված են Խորեն Լևոնյանը, Հովհաննես Գասպարյանը, Սոնա Մաթեւոսյանը, Դավիթ Գասպարյանը, Արաքսյա Մելիքյանը, Անդրանիկ Խաչատրյանը, Ծովինար Մարտիրոսյանը, Ռուզաննա Հախնազարյանը եւ Լուսինե Կոստանյանը:

«Մենք հայտարարել ենք, որ Սունդուկյան թատրոնը բաց է բոլոր նրանց համար, ովքեր կունենան հետաքրքիր առաջարկներ, տվյալ պարագայում «Սասնա ծռեր»-ը մեր երիտասարդ բեմադրիչի՝ Սամսոնի առաջարկն էր, ինչը մենք սիրով ընդունեցինք, եւ նա իրականացրեց իր տեսիլքը, այն, թե ինչպես է տեսնում այսօր «Սասնա ծռերը»»,- ասաց թատրոնի գեղարվեստական ղեկավար Արմեն Էլբակյանը:

Էլբակյանը նշեց, որ այս բեմադրության հետ կապված բավականին բարդ եւ ծանր գեղարվեստական զրույցներ են ունեցել աշխատանքային թիմի հետ, որովհետեւ գտնում են, որ «Սասնա ծռեր»-ը նաեւ հայ ժողովրդի Աստվածաշունչն է: «Թատրոնի գնահատումը մեր հասարակության մոտ ավելի շատ զգայական է, ոչ թե գիտակցված, եթե ինչ-որ ճանաչելի բաներ շատ են լինում, հանդիսատեսն ավելի շատ է գնում այդ ներկայացման հետեւից»,- ասաց Էլբակյանը:

Ընդմիջումներով շուրջ երկու ժամ տեւողություն ունեցող ներկայացումը նախատեսված է 12-ից բարձր տարիքի հանդիսատեսի համար: Սամսոն Մովսեսյանը շեշտեց, որ ցանկալի է հանդիսատեսը Էպոսին գոնե մասամբ ծանոթ լինի, որպեսզի կարողանա աղերսներ տանել եւ ավելի մեծ հետաքրքրությամբ դիտել:

Տպել
2717 դիտում

ԵԱՏՄ անդամ բոլոր պետությունները համաձայնեցրել են հայկական կողմի առաջարկը. ի՞նչ են քննարկելու վարչապետները Երեւանում

Գաղտնի երդմնակալություն, միջազգային սպառնալիքներ, շարունակվող ցույցեր ու ձերբակալումներ. Բելառուսն այսօր (լուսանկարներ)

Քանդակները վերականգնման կարիք ունեն, բայց դրա համար հայտարարված երեք մրցույթին էլ ոչ ոք չի մասնակցել

Աշակերտների որոշ խմբերի համար դպրոցում դիմակ կրելը պարտադիր չի լինի. ուղեցույցը վերանայվել է

Մոսկվայում տեղի է ունեցել հանդիպում հուլիսյան դեպքերի հետևանքով կալանքի տակ գտնվող ՀՀ քաղաքացիների իրավապաշտպանների հետ

Լեդի Գագայի՝ փարաջանովյան դրվագներով հոլովակը փորձ է մարդկանց սթափեցնելու. Կարինե Հակոբյան

Մարմաշենում 21-ամյա երիտասարդի սպանության համար մեղադրվողը ազատ չի արձակվի. դատարանը մերժել է միջնորդությունը

Քիչ էր մնում անակնկալը փչացնեիք. ԱՆ խորհրդականը հրապարակել է պարգևատրված բուժաշխատողների ցանկը, որի մեջ է նաև «Նորք»-ը

Արգավանդ համայնքում երեք հակակարկտային կայան է տեղադրվել

Ստուգումներ մարտական հենակետերում. ՊՆ

Շիրակի մարզում կորոնավիրուս է հաստատվել 28 ուսուցչի մոտ. մեկուսացված է 186 աշակերտ

Ներկայացվել է ավիաընկերությունների ցանկը, որոնցով ճամփորդելիս պարտադիր է ՊՇՌ հետազոտության պատասխանի առկայությունը

Վանաձորի կենտրոնում խանութ է պայթեցվել (լուսանկարներ)

Տեղի է ունեցել «Հին Երևան» կառուցապատման ծրագիրը համակարգող աշխատանքային խմբի նիստը

Գործադո՞ւլ, թե՞ բողոքի ակցիա ՀՊՏՀ-ում ու ի՞նչ է սահմանում Աշխատանքային օրենսգիրքը

Երևանի վարչական շրջաններում ապօրինի շինություններ են ապամոնտաժվել

Երեք տասնամյակ շարունակ Թուրքիան մերժում է Հայաստանի՝ դեպի ծով ելք ունենալու իրավունքը. Զոհրաբ Մնացականյանի ելույթը

Էդգար Բաբայանը ցանկանում է կարիերան շարունակել Դանիայից դուրս

«Մուլտի Գրուպ Կոնցեռնը» խախտումներով է շահագործել «Մղարթի ոսկու հանքավայրը». նյութերն ուղարկվել են դատախազություն

Կանխվել է քաղաքացու ինքնասպանության փորձը