Մի՞թե ամեն ինչ այդպես փայլուն է․ վրացի փորձագետները հայ-վրացական ու հայ-ռուսական հարաբերությունների մասին

Անցյալ շաբաթ Մոսկվայում Հայաստանի վարչապետ Նիկոլ Փաշինյանի եւ Ռուսաստանի նախագահ Վլադիմիր Պուտինի միջեւ տեղի ունեցած հանդիպումն ու այդ ֆոնին Հայաստանում եղած իրադարձությունները քննարկումների առիթ են նաեւ Վրաստանում, գրում է Alie.ge-ն։

Հիշեցնենք՝ սեպտեմբերի 8-ի հանդիպմանը Փաշինյանն ու Պուտինը քննարկել են ռուս-հայկական դաշնակցային հարաբերությունների զարգացման առանցքային հարցերը, ինչպես նաեւ համագործակցությունը եվրասիական տարածքում, մասնավորապես՝ ԵԱՏՄ-ում եւ ՀԱՊԿ-ում:

Ռուսաստանի նախագահը, իր հերթին, նշել է, թե «հայ-ռուսական հարաբերությունները գնալով զարգանում են բոլոր ոլորտներում, այդ թվում՝ ռազմատեխնիկական ու տնտեսական: «Գազպրոմ»-ը Երեւանին գազ է մատակարարում աշխարհում ամենացածր գնով»: «Ալիք մեդիայի» հետ զրույցում վրաց քաղաքագետ Գելա Վասաձեն ընդգծում է Հայաստանի համար Ռուսաստանի ռազմավարական նշանակությունը․

«Սկսենք նրանից, որ Ռուսաստանը եւ Հայաստանը ռազմավարական գործընկերներ են: Նաեւ այն փաստը, որ Նիկոլ Փաշինյանը կառավարություն է եկել ոչ ուղիղ՝ ընտրական կարգով եւ նա դեռ պետք է շահի Մոսկվայի վստահությունը: Չմոռանանք նաեւ, որ Հայաստանին Ռուսաստանից երկու՝ կյանքի համար կարեւորագույն բան է պետք. էներգետիկան է՝ գազը եւ ինչպես նշեցի, ռազմավարական նշանակությունը»:

Սակայն, Վասաձեն համարում է, որ ամեն բան այդքան էլ լավ չէ։

Հատկանշական է, որ Հայաստանում հետհեղափոխական շրջանում տեղի ունեցած մի քանի խոշոր իրադարձություններին ռուսական կողմը բավական ցավոտ արձագանքեց։ Հիշեցնենք, որ 2008 թվականի մարտին հետընտրական շրջանում ընդդիմության եւ ոստիկանության միջեւ տեղի ունեցած բախման հետեւանքով զոհվեց տասը անձ։ Հեղափոխությունից հետո այս գործի քննությունը նոր թափ ստացավ եւ մեղադրանք առաջադրվեց ՀԱՊԿ գլխավոր քարտուղար Յուրի Խաչատուրովին, ով 2008-ին պաշտպանության փոխնախարարն էր եւ մայրաքաղաքի կայազորի պետը: Այս առիթով Ռուսաստանի արտգործնախարար Սերգեյ Լավրովը հայտարարեց, թե Հայաստանում տեղի ունեցող իրադարձությունները հակասում են երկրի նոր ղեկավարների հայտարարություններին այն մասին, որ հրաժարվելու են իրենց նախորդների նկատմամբ քաղաքական հետապնդումներից։

Այնուհետեւ մեղադրանք առաջադրվեց նաեւ Հայաստանի երկրորդ նախագահ Ռոբերտ Քոչարյանին, որին էլ, կարծես պաշտպանության հասավ Ռուսաստանի նախագահ Վլադիմիր Պուտինը՝ դեմոնստրատիվ շնորհավորելով նրան՝ ծննդյան օրվա կապակցությամբ։

Քոչարյանը, ով մշտապես ունեցել է Ռուսաստանի աջակցությունը, վերջին օրերին բավական ակտիվացել է եւ հայտարարել քաղաքականություն վերադարձի մասին։ Այս ամենը Վասաձեին թույլ է տալիս ենթադրել, որ իրականությունը ելույթներին այնքան էլ չի համապատասխանում։

«Փաշինյանը «փայլուն» է անվանել հայ-վրացական հարաբերությունները, նույն կերպ էր անվանել հայ-ռուսական հարաբերությունները: Մի՞թե ամեն ինչ այդպես փայլուն է, թե՞ Փաշինյանին դուր է գալիս այդ բառը»:

Հիշեցնենք, որ սեպտեմբերի 10-ին Հայաստանում էր Վրաստանի վարչապետ Մամուկա Բախտաձեն: Երկու երկրների վարչապետների հանդիպման ընթացքում ուշադրություն է դարձվել ձեւակերպված հավակնոտ խնդրին՝ առաջիկա տարիների ընթացքում փոխադարձ առեւտրաշրջանառությունը հասցնել 1 միլիարդ ԱՄՆ դոլարի։ Ինչը ըստ Գելա Վասաձեի՝ «որեւէ բարդություն չի ներկայացնում իրենից, պարզապես վաղուց պետք էր այն ինչ մատչելի է Վրաստանում արտահանել Հայաստան եւ հակառակը»։

Վրաց քաղաքագետ Վաժա Բերիձեն էլ կարծում է, թե Փաշինյանի կառավարության գալը փոխում է Հայաստանի աշխարհաքաղաքական դիրքը:

«Փաշինյանն իր վարած արտաքին քաղաքականությամբ փոխում է Հայաստանի նախկին կառավարությունների վարած, ավանդական արտաքին քաղաքականությունը: Այն, թե ինչ դեր ուներ Ռուսաստանը Հայաստանի համար նախկինում, դա փոխվել է, թեեւ բոլորն էլ պարզ հասկանում են Ռուսաստանի ռազմավարական նշանակությունը Հայաստանի համար»,- «Ալիք մեդիայի» հետ զրույցում ասում է քաղաքագետը:

Ըստ Բերիձեի՝ ռազմավարական գործընկերության վրա հիմնված հարաբերությունները Հայաստանին «օգուտ» չեն բերում եւ հենց դա հասկանալով էլ նոր կառավարությունը փոխում է արտաքին քաղաքականության ուղղությունը՝ դեպի արեւմուտք, դեպի Եվրոպա:

«Բնականաբար, Վրաստանը իր մեծ դերը կունենա Հայաստանի արտաքին քաղաքականության զարգացման գործում, մենք ոչ միայն տնտեսական աճ կունենանք այլ նաեւ միասնական արտաքին քաղաքականություն»,- ասում է քաղաքագետը:

Վրաց քաղաքագետը հույս է հայտնում, որ հայ-ադրբեջանական հարաբերություններում եւս Վրաստանը կարող է կարեւոր դեր ունենալ՝ հաշվի առնելով, թեկուզ աշխարհագրական դիրքը:

«Մեզ համար ամենակարեւորն է Հարավային Կովկասում խաղաղություն պահպանելը», – նշում է Բերիձեն:

Ինչ վերաբերում է Հայաստանի ու Ռուսաստանի՝ Սիրիայում համատեղ հումանիտար ծրագիր իրականացնելուն, քաղաքագետ Գելա Վասաձեի կարծիքով դա Վրաստանի վրա ազդեցություն չի ունենա եւ, բնականաբար, չի արժանանա բացասական արձագանքի:

Տպել
2147 դիտում

Ազգությամբ քուրդ Աթիլլա Չիչեքի և Հուսեին Յըլդըրըմի նկատմամբ դեռ օգոստոսից ՀՀ-ում հետախուզում է հայտարարված եղել

ժամը 22:00-ի դրությամբ իրավիճակը հայ-ադրբեջանական սահմանին հարաբերականորեն կայուն է

Ֆրանսիան պահանջել է, որպեսզի Ադրբեջանի ուժերը վերադառնան ելման դիրքեր. Փարիզում կայացել է Փաշինյանի և Մակրոնի հանդիպումը

ՀՀ-ի ՄԱԿ Թմրամիջոցների և հանցավորության դեմ պայքարի գրասենյակի միջև ստորագրվել է համագործակցության ճանապարհային քարտեզ

«Մա՛մ, էն տղեն, որ նկարում էի, պատերազմում է զոհվել». Արեն Մալաքյանը դիմանկարիչ էր, հաճախ էր նկարում հերոսներին

Հերյուրանքի հեղինակին դատական կարգով պարտավորեցնելու եմ հրապարակային ներողություն խնդրել․ Շիրակի մարզպետ

Խոր ցավով տեղեկացա Իժևսկ քաղաքի դպրոցներից մեկում տեղի ունեցած ողբերգական միջադեպի մասին․ Նիկոլ Փաշինյանը հեռագիր է հղել

Կրակային պատրաստություն, մարտավարություն ռազմամարզական ճամբարում․ 11-րդ դասարանցիները 10 օր իրենց կզգան բանակում

Գազի ներքին ցանցի կառուցում, ասֆալտապատում, կենտրոնների նորոգում․ Աշոցքում ընթացքի մեջ են սուբվենցիոն ծրագրերը

ՔՊ-ն Բարձրագույն դատական խորհրդի անդամի թեկնածուներ է առաջադրել

Ինչ էլ ստորագրի, պիտի ասեն՝ դավաճան, թուրք, ով էլ գա, գուցե և ավելի վատ փաստաթուղթ է ստորագրելու․ Լևոն Տեր-Պետրոսյան

ՀՀ ԱԳՆ-ի դիմաց մի շարք քաղաքական և հասարակական ուժեր հավաք են իրականացրել՝ պահանջելով դուրս գալ ՀԱՊԿ-ից

ՀՀ ժողովրդական նկարիչ Արամ Իսաբեկյանը պարգևատրվել է ԿԳՄՍ նախարարության ոսկե մեդալով

Ադրբեջանը քննարկել է Երևանում կայանալիք «Մանկական Եվրատեսիլ-2022»-ին իր մասնակցության հարցը

Սևանի բազմագործառութային պետական քոլեջում կստեղծվի տեխնոլոգիական ուսուցման կենտրոն

Բերդ համայնքում ՏԻՄ ընտրություններին քարոզչություն կատարելուն հարկադրելու մեղադրանքով երկու անձ կալանավորվել է. ՔԿ

Կդադարեցվի Արտաշատ համայնքի Քաղցրաշեն, Այգեզարդ և Այգեպատ բնակավայրերի գազամատակարարումը

Մեկնարկել է Հայ-ռուսական երիտասարդական 8-րդ համաժողովը

Առցանց անմաքս առևտրի շեմը կգործի մինչև 2023 թվականի ապրիլի 1-ը

Դեսպան Սարգսյանը Կատարի կապի նախարարի հետ անդրադարձել է ադրբեջանական վերջին ագրեսիայի հետևանքով ստեղծված իրադրությանը

Զորքերը պետք է վերադառնան սկզբնական դիրքեր. Մեծ Բրիտանիայի դիրքորոշումն Ադրբեջանի ագրեսիայի վերաբերյալ

Հունաստանի ԱԳ նախարարը կժամանի Հայաստան

Դոլարն ու եվրոն էժանանում են. ՀՀ կենտրոնական բանկը հրապարակել է նոր փոխարժեքներ

Կարեն Անդրեասյանը միջազգային գործընկերներին է ներկայացրել մեկ տարում իրականացված բարեփոխումային ծրագրերի արդյունքը

ՀՀ ԱԳ նախարարի տեղակալը Միրոսլավ Հացեկին է ներկայացրել ՀՀ տարածքի նկատմամբ Ադրբեջանի կողմից սանձազերծված վերջին ագրեսիան

Թատրոնի վարագույրը պետք է բացվի, մենք էլ՝ լինենք մեր «խրամատում». Գյումրու դրամատիկականն ազդարարեց 157-րդ թատերաշրջանը

Լևոն Տեր-Պետրոսյանը Հանրայինի եթերում հարցազրույց կունենա

Հայաստանում առաջին անգամ կանցկացվի «Թատերական պաստառներ» միջազգային փառատոն-մրցույթը

Ֆինանսների նախարարը և ԱՄՀ հայաստանյան առաքելության ղեկավարը քննարկել են մակրոտնտեսական զարգացումներին առնչվող հարցեր

Մահացել է օլիմպիական չեմպիոն Ռաֆայել Չիմիշկյանը

ՌԴ Պետդումայի նախագահ Վոլոդինը հանդիպել է Ադրբեջանի նախագահ Ալիևի հետ

Թող հրեական համայնքը շարունակի իր դարավոր և անխափան ընթացքը. ՀՀ վարչապետի շնորհավորական ուղերձը Ռոշ Հաշանայի առթիվ

Վատ և անտեղի. Զոհրաբ Մնացականյանը անդրադարձել է Բելառուսի արտգործնախարարի՝ Փելոսիի այցի քննադատությանը

Քրիստիննե Գրիգորյանն աշխատանքային այցով կմեկնի Ստրասբուրգ

«Պտտի՛ր հրաշքը». 16 երկիր կհամախմբվի «Մանկական Եվրատեսիլի» 20-րդ պտույտի շուրջ (տեսանյութ)

Օդի ջերմաստիճանը սեպտեմբերի 26-30-ը աստիճանաբար կբարձրանա 6-8 աստիճանով

Անհամբեր սպասում եմ նախագահ Մակրոնի հետ կարևոր բանակցություններին. Նիկոլ Փաշինյան

Երեխայի վաճառքին հանցակցելու մեղադրանքով հետախուզվողը հայտնաբերվել է

Չսահմանված վայրում աղբ թափելու համար տուգանքների չափն էապես կմեծանա

Ճամբարակում ոստիկանության կապիտանի սպանության գործով հետախուզվում է 37-ամյա Սամվել Սոսյանը (տեսանյութ)