ԱԱԾ-ի «տվյալների» հիման վրա են Մարտի 1-ի լուսադեմին պլանավորվել ապօրինի գործողությունները

Մարտի 1-ի գործով աղմկոտ բացահայտումները շարունակվում են. ՀՀ հատուկ քննչական ծառայությունը երեկ հաղորդագրություն տարածեց՝ հայտնելով նոր քրեական գործի հարուցման մասին, որը վերաբերում է ոչ թե Մարտի 1-ի գիշերը տեղի ունեցած իրադարձություններին, այլ լուսադեմին Ազատության հրապարակում տեղի ունեցած իրավապահների «օպերացիային»:

ՀՔԾ երեկ տարածած հաղորդագրության համաձայն՝ ոստիկանության կողմից կատարված գործողությունների հակաօրինական լինելու վերաբերյալ ժամանակավոր հանձնաժողովի, փաստահավաք խմբի, ինչպես նաեւ հանրության մեջ ի հայտ եկած կասկածները ցրելու, այդ ապօրինությունները քողարկելու, դրանք որպես իրավաչափ ներկայացնելու, ինչպես նաեւ այդ գործողությունների համար հետագայում պատասխանատվությունից ազատվելու խմբային շահերից ելնելով` ոստիկանության բարձրաստիճան պաշտոնատար անձանց կողմից կեղծվել եւ շրջանառության մեջ են դրվել համապատասխան պաշտոնական փաստաթղթեր, թե իբր ոստիկանության տարբեր ստորաբաժանումներում 2008թ. փետրվարի 29-ին ստացվել են տեղեկություններ Ազատության հրապարակում նստացույցի մասնակցող անձանց մոտ զենքի, զինամթերքի, պայթուցիկ սարքերի առկայության մասին:

Եթե բանակի ներգրավվածության հարցում սլաքն ուղղվում է դեպի Ռոբերտ Քոչարյան, Յուրի Խաչատուրով, Միքայել Հարությունյան, ապա այս նոր քրգործով՝ ԱԱԾ պաշտոնյաների, Մարտի 1-ի իրադարձությունների ժամանակ ՀՀ ոստիկանապետի պաշտոնը զբաղեցնող Հայկ Հարությունյանի, փոխոստիկանապետ Ալեքսանդր Աֆյանի, առաջին փոխոստիկանապետ Արարատ Մահտեսյանի եւ այլոց:

Երեկ փորձեցինք պարզաբանումներ ստանալ Ալեքսանդր Աֆյանից, սակայն վերջինս համառորեն չէր պատասխանում մեր զանգերին:

Փաստահավաք խմբի անդամ Անդրանիկ Քոչարյանը մեր զրույցում  մանրամասներ ներկայացրեց:

- Պարոն Քոչարյան, փաստահավաք խումբն արձանագրել էր, որ իրավապահները Ազատության հրապարակում զննությունը սկսել են օրենքի խախտմամբ: Մանրամասներ կներկայացնե՞ք:

- Այո, մենք դա արձանագրել ենք...: Առավոտյան իրենք ժամը 06:30-ին գնացել էին դեպքի վայր՝ Ազատության հրապարակ, զննություն անելու: Իրենք գիտեին, որ ժամը 06:30-ին չէին կարող զննություն իրականացնել, որովհետեւ քրդատ օրենքով ժամը 7-ից կարող էին: Անընդհատ մեզ նամակներով խաբում էին, որ 7-ից շուտ չեն գնացել, բայց բոլորը գիտեն, չէ՞, որ էնտեղ կադրեր ունենք, որ Ազատության հրապարակում գործողությունները սկսվել են ժամը 7-ից շուտ, այդ կադրերը փոխանցված են...:

Մեր փաստահավաք գործունեության ընթացքում բազմաթիվ նամակագրություն ենք ունեցել իրավապահ մարմինների, այդ թվում՝ ՆԳ, ԱԱԾ՝ իրենց կայացրած որոշումների օրինականության վերաբերյալ: Ստացել ենք պատասխաններ, որը մեզ չի բավարարել, մենք հաջորդ նամակագրության մեջ ցույց ենք տվել, որ չենք հավատում ձեր ուղարկած նամակի բովանդակությանը, որովհետեւ այնտեղ մեկը մյուսին հերքող բաներ ենք նկատել, այսինքն՝ կեղծիքներ ենք նկատել եւ դրանք դարձրել ենք մեր համար անուղղակի ապացույց, որ ինչ-որ բան փորձում են փաստահավաք խմբից թաքցնել թե՛ ոստիկանությունը, թե՛ ԱԱԾ-ն:

Ենթադրում եմ, որ ՀՔԾ-ն լրջորեն ուսումնասիրել է մեր ամբողջ նամակագրությունը: Հիմա շատ ճիշտ են անում, որ գնում են առավոտյան ուսումնասիրությունների բացահայտման ուղղությամբ, որովհետեւ փետրվարի 29-ին ԱԱԾ կողմից գործակալական հաղորդագրության հիման վրա են պլանավորվել այդ ապօրինի գործողությունները, իսկ դա մեզ համար հասանելի չդարձավ, որովհետեւ մինչեւ հիմա էլ թաքցրած են պահում: Եթե ՀՔԾ-ն եւ քննչական խումբը կարողանա այդ գործակալական հաղորդագրությունները ուսումնասիրի՝ կտեսնի, որ ամեն ինչ շինծու է, որովհետեւ Ազատության հրապարակում այդպես էլ չհայտնաբերվեցին այն մեծաքանակ սպառազինություները, ձողերը, փայտերը: Ավելին. այն, ինչ հայտնաբերեցին այդ օրը, շատ շինծու էր՝ երեք ատրճանակ, որը հայտնի չէր՝ ով էր գցել ծառի տակ, որ պահին եւ նույնիսկ մատնահետքերը չկարողացան գտնել, որեւէ ցուցարարի վրա չկարողացան դա սարքել: Վահագն Հարությունյանի քննչական խումբը չկարողացավ գտնել, թե ի վերջո ո՞ւմ է պատկանում այդ զենք-զինամթերքը: Ավելին՝ փաստահավաք խումբը նաեւ այդ ուսումնասիրությունների արդյունքում պարզեց, որ Ազատության հրապարակում զննությանը մասնակցած նույն ընթերակաները ե՛ւ A կետում էին ընթերակա, ե՛ւ Ազատության հրապարակի՝ նույն ժամին, B կետում: Կեղծիքները այնքան ապաշնորհ են արված, որ դրանք չնկատելն անհնար է: Ես ուրախ եմ, որ ՀՔԾ-ն առավոտյան դեպքերի ուսումնասիրության ընթացքում նկատել է նաեւ իրավապահ մարմինների կողմից պաշտոնական կեղծիք թույլ տալու փաստը եւ քրգործ հարուցել: Դա շատ լավ հենք է, որ գնան, հասնեն նաեւ այն կեղծիքներին, որոնց հիման վրա մարդկանց են կալանավորել, ապօրինի մեղադրանք առաջադրել ու ապօրինի դատապարտել: Այստեղ պետք է պատժվեն նաեւ այն ժամանակ  կեղծիքներ անող իրավապահ մարմինների բոլոր այն աշխատակիցները, որոնք մասնակից են եղել, նաեւ՝  գլխավոր դատախազը (Աղվան Հովսեփյանը), որը լավ չի վերահսկել կամ իր թողտվությամբ է այդ ամենը տեղի ունեցել, ե՛ւ քննչական խմբի ղեկավարը. բոլորը պետք է պատասխան տան իրենց արած ապօրինությունների համար:

- Այսինքն՝ փաստաթղթերի կեղծումը նաեւ ԱԱԾ պաշտոնյաների՞ է վերաբերում:

- Բնականաբար: Առաջին հաղորդագրությունը, որը մեզ մոտ կասկած առաջացրեց, ԱԱԾ-ի՝ մեզ ուղարկած նամակն էր: Մենք նկատեցինք, որ ԱԱԾ-ի գործակալները փետրվարի 29-ին նկատել են, թե ցուցարարները մեծ քանակությամբ զենք-զինամթերք են տեղափոխում  հրապարակ, որը այդպես էլ չհայտնաբերվեց: Նախ, այդ գործակալներին որեւէ մեկը չտեսավ էլ, պետական գաղտնիքի պատճառաբանությամբ թույլ չտվեցին, որ մենք ծանոթանանք: Ակնհայտ էր՝ այդպիսի բան չկար: Ամբողջ սցենարն այն էր, թե իբր Ազատության հրապարակը պատրաստվում է զինված բախման, որը տեղի չունեցավ եւ ըստ էության առավոտվա դեպքերը հենց սարքովի էին դրանով: Այնպես որ ԱԱԾ-ի հաղորդագրությունից է սկսվել, որը իրենք փոխանցել են ոստիկանությանը, նրանք ստեղծել են շտաբ՝ Աֆյանի գլխավորությամբ, որը պետք է իրացներ այդ տեղեկատվությունը: ...Հիմա կեղծիքները բացահայտվում են, եւ այդ մարդիկ պետք է պատասխանատվության ենթարկվեն: Բայց այնպես չլինի, որ հիմա էլի մարդկանց բռնենք, հետո դատարանները կարողանան շատ հանգիստ մեղավորներին, կեղծարարներին բաց թողնեն, ինչպես եղավ Ռոբերտ Քոչարյանի դեպքում, եւ նորից ընկենք նույն շղթայի մեջ:

- Ձեզ հայտնի՞ է, թե այդ փաստաթղթերի տակ ովքեր են ստորագրել: Եթե այո, կարո՞ղ եք նրանց անունները հրապարակել:

- Այս պահին՝ ոչ, թող նախաքննական մարմինը զբաղվի, կգա ժամանակը, եթե նախաքննության գաղտնիք չլինի, կհրապարակենք: Բայց էլի եմ ասում՝ շատ կարեւոր է, թե հարուցված քրեական գործի շրջանակում Ռոբերտ Քոչարյանն ինչ կարգավիճակում է գտնվում:

- Նա մեղադրյալի կարգավիճակ ունի:

- Ունի, բայց չգիտես ինչու, նման ծանր մեղադրանքի պայմաններում  ձեռք է բերել կատարյալ անձեռնմխելիություն: Այս խնդիրը քանի չի լուծվել, իմացեք՝ պատային իրավիճակում ենք հայտնվելու...: Ամենակարեւոր բացահայտումը կլինի նաեւ այն, որ մոտենանք ապօրինի զինված խմբերի առկայության բացահայտման խնդրին,  որը կամբողջացնի Մարտի 1-ի գործը:

- Խոսքը նախկին բարձրաստիճան պաշտոնյաների թիկնապահների մասի՞ն է, որոնց, ըստ ձեր փաստաթղթի, բանակից համազգեստ է տրամադրվել:

- Այո:

Տպել
6401 դիտում

Արմավիրի մարզպետարանի քաղաքաշինության վարչության նախկին պետի լիազորությունները չարաշահելու գործը դատարանում է

Աղվան Հովսեփյանը կմնա կալանավորված

Համատեղ ջանքերի գործադրմամբ կկարողանանք էլ ավելի ամրապնդել երկրների միջև գործակցությունը. Փաշինյանը՝ Քուվեյթի վարչապետին

Երևանի և 7 մարզի բազմաթիվ հասցեներում մի քանի ժամ լույս չի լինի

Օգոստոսի 26-ին և 27-ին Գյումրիում Երևանի օրեր են (տեսանյութ)

Հուլիս ամսին Հայաստան է ժամանել 188 856 զբոսաշրջիկ

6 մեդալ՝ Մաթեմատիկական միջազգային ուսանողական օլիմպիադայից

Գիտության զարգացումը Հայաստանի համար ունի ռազմավարական նշանակություն. Մխիթար Հայրապետյան

Խոշոր ավտովթար Արարատի մարզում, ճակատ-ճակատի բախվել են «Mercedes»-ն ու «Opel»-ը. կան վիրավորներ

Շախմատի համաշխարհային օլիմպիադա. տղամարդկանց հավաքականը հաղթել է Ադրբեջանին

Ծառայության առօրյայից համացանց լուսանկարներ ներբեռնած զինծառայողները ենթարկվել են կարգապահական պատասխանատվության

Նիկոլ Փաշինյանն ու Վլադիմիր Պուտինը հեռախոսազրույց են ունեցել

Տեսչական մարմինը վերացրել է կաթնամթերքի արտադրամասի արտադրական առանձին գործառույթի կասեցումը

Վահագն Վերմիշյանը տեղափոխվել է Էրեբունի բժշկական կենտրոն

Հանգստյան օրերին ԱԻՆ-ն օձերի վերաբերյալ 7 ահազանգ է ստացել

«Անկանխիկ գործառնությունների մասին» օրենքի պահանջների պահպանման մասով ՊԵԿ-ը սկսում է ակտիվ վարչարարությունը

«Եռաբլուր» տանող ճանապարհահատվածն այսուհետ կլինի լուսավոր. կառուցվել է նոր ցանց

Երևանի քաղաքապետը հանձնարարել է նախապատրաստել ևս 15 նոր տրոլեյբուսի ձեռքբերման հայտ

1353 արտակարգ դեպք և պատահար, 30 զոհ, 4106 տուժած. ԱԻՆ-ն ամփոփել է հուլիս ամսվա կատարած աշխատանքները

Խոշոր ավտովթար 4 ավտոմեքենայի մասնակցությամբ. վիրավորների թվում հղի կին կա

ՖԻԴԵ-ի նախագահ է վերընտրվել Արկադի Դվորկովիչը

Հրդեհավտանգ իրավիճակը կպահպանվի. ինչ եղանակ է սպասվում առաջիկայում

Երկու նախադպրոցական կրթական կենտրոն Սարատովկա և Շնող բնակավայրերում

Օգոստոսի 5-8-ը ոստիկանները բացահայտել են հանցագործության 102 դեպք

Տնային պայմաններում խնամք է ստանում շուրջ 1820 շահառու. ԱՍՀՆ

Շախմատի համաշխարհային օլիմպիադա. տղամարդկանց և կանանց հավաքականներն այսօր կմրցեն Ադրբեջանի հետ

Վերանորոգվում են երևանյան շատրվանների պոմպերը

Օգոստոսի 7-ին Հայաստանի երկաթուղայինները անվճար սպասարկեցին ավելի քան 2,7 հազար ուղևոր

Քաղաքաշինության կոմիտեում քննարկում է տեղի ունեցել կորեացի փորձագետների խմբի հետ՝ Ազգային գեոպորտալի բարելավման համար

Բացահայտվել է քաղցրավենիքների խանութի աշխատակցուհու նկատմամբ կատարված ավազակության դեպքը. կա ձերբակալված

Առաջիկայում պարեկային ծառայությունը կգործի նաև Գեղարքունիքում, Տավուշում, Արագածոտնում և Կոտայքում (տեսանյութ)

Պատանի մարզիկները 4 մեդալ են նվաճել «Ասիայի երեխաներ» 7-րդ միջազգային մարզական խաղերում

Հայաստանում պատվաստումների ընդհանուր թիվը 2 232 695 է

Դիտակետում շահութահարկի տարեկան հաշվարկներն են. կոմիտեն հորդորում է հարկ վճարողներին ժամանակին արձագանքել ծանուցումներին

Էրեբունի վարչական շրջանի որոշ հատվածների գազամատակարարումը կդադարեցվի

Զինծառայողների բնակարանային ապահովման նոր ծրագիր

Հրդեհ տասնութ հարկանի շենքի մալուխների հորանում․ տարհանվել է 85 քաղաքացի

Ահազանգեր՝ մայրաքաղաքի փողոցներում Կարմիր գրքում գրանցված ջրաշուշանի վաճառքի մասին

Հանկարծամահ է եղել պայմանագրային զինծառայող. ՀՀ ՊՆ

Արսեն Մակվեցյանը՝ Երևանի քաղաքապետարանի սպորտի և երիտասարդության հարցերի վարչության պետ