Գյուղերի ճանապարհները վատն են, շտապօգնության մեքենաները տեղ են հասնում մինչեւ մեկ ժամում

Հայաստանում համայնքային ճանապարհները երբեմն այնքան անմխիթար վիճակում են գտնվում, ու դա, բացի տարատեսակ կենցաղային խնդիրների ու անհարմարությունների պատճառ դառնալուց, խոչընդոտներ է ստեղծում շտապ օգնության ավտոմեքենաների համար, որոնք շտապում են անհետաձգելի բուժօգնություն հասցնել դրա կարիքն ունեցող բնակչին:

Այդպիսի ահազանգեր են ստացվում Շիրակի մարզի Արթիկի տարածաշրջանի գյուղերից՝ Տուֆաշեն, Հայկասար, Հայրենյաց: Տուֆաշեն համայնքի ղեկավար Արտակ Եգորյանը մեզ հետ զրույցում ասաց, թե այնպես չէ, որ շտապ օգնությունը մերժում է կանչը, բայց տեղ է հասնում բավական ուշացումով: Նշված գյուղերը սպասարկում է Արթիկի շտապօգնության կայանը: «Արթիկ-Տուֆաշեն ճանապարհի երկարությունը 7 կմ է, եւ եթե շտապ օգնության մեքենան պետք է տեղ հասնի 10-15 րոպեում, գալիս է 30-40 րոպեում: Եթե ձմեռ է, խոչընդոտներն ավելի շատ են»,- փաստեց նա: Վիճակն այդպիսին է արդեն գրեթե մի ամբողջ հավերժություն: «Արդեն 25-30 տարի է՝ այդպես է: Վերջին անգամ այս ճանապարհն ասֆալտապատվել է 1982-1983 թվականներին»,- առավել հստակեցրեց Արտակ Եգորյանը: Շտապ օգնության բուժանձնակազմի ուշացումների պատճառով բարեբախտաբար՝ անդառնալի հետեւանքներ ու մահվան դեպքեր չեն եղել: «Նման բան չի եղել, Աստված չանի»,- արձագանքեց համայնքի ղեկավարը: «Փոսեր են՝ կես մետրանոց, տեղ էլ կա՝ մեկ մետրանոց: Ինչքան հնարավոր է, փոսալցում ենք անում: Թեքություն է, մի անձրեւ է գալիս, քշում, տանում է՝ շեբեն է, ավազ է: Որտեղից ինչ հայթայթում, փոսալցում ենք անում: Երեկ էլ քարի հանքից ավազ եմ բերել, որ այսօր փոսերը լցնենք: Այդ ավազն անհատույց է տրամադրվել, քանի որ հանքերը մեր տարածքում են գտնվում»,- շարունակեց նա:

Այսպես, պարբերաբար ժամանակավոր լուծումներ են գտնվում՝ ճանապարհը քիչ թե շատ կարգի բերելու: Հիմնավոր լուծումների համար Տուֆաշենում միջոցներ չեն եղել. «Եթե համայնքային բյուջեով 100-150, առավելագույնը՝ 200 հազար դրամ նախատեսեի, դրանով ի՞նչ կարող էի անել, միջհամայնքային ճանապարհի չորս կիլոմետրը լրիվ ավերված է»,- իր հերթին հարց ուղղեց մեր զրուցակիցը: Համայնքային իշխանությունները չեն հաշվարկել եւ պատկերացում չունեն, թե ճանապարհը բարեկարգելու համար իրականում որքան գումար է պետք: «Եթե 200 հազարից ավելի չունենք, ի՞նչ իմաստ ուներ հաշվարկելը»,- տարակուսեց Արտակ Եգորյանը:

Տուֆաշենի տարեկան բյուջեն ընդհանուր առմամբ 10 միլիոն դրամ է, որից 6 միլիոն 209 հազարը՝ պետական բյուջեից հատկացումներն են, իսկ սեփական եկամուտները կազմում են շուրջ 3 միլիոն 800 հազար դրամ: Նշված 10 միլիոնի 7 միլիոն 700 հազարն ուղղվում է աշխատավարձերի վճարմանը: Տուֆաշեն համայնքն ունի 420 բնակիչ:

Արտակ Եգորյանը տեղեկացրեց, որ վերոնշյալ երեք համայնքների՝ Տուֆաշենի, Հայկասարի եւ Հայրենյացի ճանապարհները վերակառուցվելու են Համաշխարհային բանկի ծրագրի միջոցներով: Հայկասար համայնքի ղեկավար Հրաչյա Բարսեղյանն էլ մանրամասնեց, որ նախատեսվում է աշխատանքները սկսել 2019 թվականի գարնանը եւ ավարտել նույն տարվա վերջին:

Հրաչյա Բարսեղյանը նույնպես հաստատեց, որ շտապ օգնության մեքենան ուշ է տեղ հասնում. «Արթիկից Հայկասար մոտ 10 կմ է, համարյա մեկ ժամ տեւում է»: Շատ ժամանակ, ըստ նրա, նաեւ տաքսիները հրաժարվում են գյուղի պատվերից: Համաձայնում են միայն այն դեպքում, եթե մեքենաները հին են կամ էլ թանկ ուղեվարձ են պահանջում՝ ասենք հազար դրամի փոխարեն երկու-երեք հազար դրամ:

«Այս ճանապարհները գործում են 1975 թվականից: Մի քիչ փոսալցումներ մենք ենք կատարել, բայց մի հատ անձրեւ է գալիս, տանում է»,- գործընկերոջը երկրորդեց Հրաչյա Բարսեղյանը: Եվ ինչպես նախորդ դեպքում, այս համայնքը նույնպես չի կարողացել սեփական միջոցներով բարեկարգել ճանապարհը: Հայկասարի ընդհանուր բյուջեն 6 միլիոն 300 հազար դրամ է, որից պետական հատկացումը՝ 3.5 միլիոն: «Հնարավորություն չի եղել: Հայկասարը կարո՞ղ է էդպես բաներ անել»,- ասաց Հրաչյա Բարսեղյանը եւ որպես հիմնավորում ներկայացրեց նախորդ տարիների ցուցանիշները. 1999 թվականին պետական բյուջեից համայնքի ստացած ֆինանսավորումը 41 հազար դրամ է եղել՝ նշված 3.5 միլիոնի փոխարեն: 2000 թվականին հասցվել է 500 հազարի, աստիճանաբար բարձրացվել է եւ միայն վերջին 4-5 տարիներին է, որ 3.5 միլիոն դրամ է կազմել: Հայկասարի բնակչության քանակը 236 է:

ՀՀ առողջապահության նախարարի 2013 թվականի հուլիսի 24-ի N39-Ն հրամանի համաձայն՝ հաստատված են նաեւ շտապ բժշկական օգնության տրամադրման չափորոշիչները: Փաստաթղթի 14-րդ կետը, նաեւ գյուղական բնակավայրեր սպասարկող մարզային շտապ բժշկական օգնության ծառայության պարագայում սահմանում է հետեւյալը. «1) մինչեւ 20 կմ հեռավորության համայնքներից ստացված կանչերի դեպքում բրիգադի ժամանման տեւողությունը չպետք է գերազանցի 15 րոպեն»: Խնդրո առարկա գյուղերն, ինչպես նշվեց, գտնվում են մինչեւ 20 կմ հեռավորության վրա: Նույն հրամանի 15-րդ կետով էլ ամրագրվում է. «Եթե գյուղական բնակավայրը գտնվում է դժվարանցանելի ճանապարհային հատվածում, հատկապես ձմեռային ամիսներին, ստացված կանչերի դեպքում բրիգադի ժամանման տեւողությունը կարող է հասնել 30 րոպեի, որի մասին շտապ օգնության բրիգադի բժիշկը կամ ֆելդշերը պարտավոր են հայտնել դիսպետչերին»: Հայկասարի դեպքում, փաստորեն, այդ ժամանակահատվածը երկարաձգվում է մինչեւ մեկ ժամ:

Տպել
2227 դիտում

ՔՀՏԱ տեսչական մարմինը Մեղրի համայնքում հողամասերի աճուրդային գործերում խախտումներ են հայտնաբերել

Հունիսի 20-ի ընտրություններով և դրա արդյունքներով որոշվելու է 2010, 2020, 2030 թվականներին ծնվածների ճակատագիրը. Մակունց

ԵՄ-ն և ԱՀԿ-ն թոքերի արհեստական շնչառության սարքավորումների նոր խմբաքանակ են փոխանցել Հայաստանին

Նիդերլանդների խորհրդարանի նոր բանաձևը պահանջում է անմիջապես ազատ արձակել հայ ռազմագերիներին և քաղաքացիական անձանց

Երևանում մեկնարկել է «Քաղաքացիական պայմանագիր» կուսակցության համապետական հանրահավաքը (լուսանկարներ)

Վահրամ Դումանյանը և Իտալիայի նորանշանակ դեսպանը քննարկել են հայ-իտալական համագործակցության զարգացման նոր հեռանկարները

Ապարանի ջրամբարից քաղաքացու դի է դուրս բերվել

ՔՊ անդամներն ու համակիրները երթով շարժվում են դեպի Հանրապետության հրապարակ (տեսանյութ)

Սահմանադրական դատարանը հրապարակել է նախագահի դիմումի հիման վրա կայացրած որոշումը

Նորագավիթի ՃՈ անցակետի մոտակայքում մեքենա է հրդեհվել. վարորդն այրվածքներ է ստացել

Լեռնային Ղարաբաղում տիրող իրադրությունը կլինի Լավրովի ու ԵԱՀԿ գլխավոր քարտուղարի հանդիպման թեման

Բեռնարկղերի վերահսկողության ծրագրի շրջանակում ստորագրվել է հուշագիր․ Հայաստանը դառնում է 70 գործընկերների ընտանիքի մաս

Դատապարտելի և սադրիչ են Շուշիում Թուրքիայի և Ադրբեջանի նախագահների կողմից ստորագրված հռչակագիրն ու Էրդողանի ելույթը. ԱԳՆ

Վաղը կանցկացվի ամենամեծ միասնական քննությունը

Երեւանում ծեծկռտուքի են մասնակցել կենդանիների վնասազերծման կենտրոնի հսկիչ-քարտեզագետն ու 2 կենդանի որսացող․ Shamshyan

Հանրայինում այսօր բանավեճի 2-րդ մասն է․ հրավիրվածների թվում են Փաշինյանը, Քոչարյանը, Տեր-Պետրոսյանը, Վանեցյանը ․․․

Վրաստան մուտք գործող մինչև 10 տարեկան երեխաների համար հանվել է կորոնավիրուսի թեստի պահանջը

Էրդողանը ծրագրել է հանդիպել Պուտինի հետ

ԱՄՆ-ում օդի ջերմաստիճանը ռեկորդներ է սահմանում

Սևանում երեխաների համար վերականգնողական կենտրոն է բացվել․ Անահիտ Ավանեսյանը մասնակցել է բացման արարողությանը

ՀՀ-ում ԵՄ դեսպանը բոլոր կողմերին կոչ է արել նպաստել ընտրությունների խաղաղ անցկացմանը

ՄԻՊ-ը վարչապետին կոչ է արել սահմանային հատվածներում անվտանգության գոտի ստեղծելու հարցով հրատապ գանգատ ներկայացնել ՄԻԵԴ

Էրդողանը չի հրաժարվում եվրոպական ընտանիքի անդամ դառնալու մեծ ցանկությունից

Արմեն Սարգսյանն ընդունել է խորհրդարանական ընտրություններին դիտորդական առաքելություն իրականացնող ԵԱՀԿ ԽՎ պատվիրակությանը

Հնդկաստանում հայտնաբերվել է կանաչ բորբոսով վարակի առաջին դեպքը

Մարտունու շրջանի՝ Ադրբեջանի կողմից բռնազավթված տարածքներում հայտնաբերվել է ևս 3 աճյուն․ Արցախի ԱԻՊԾ

Լուկաշինցիներն այսուհետև բերքը հեշտությամբ կհասցնեն շուկաներ. վերականգնվել է Լուկաշին-Հ17 ճանապարհի մոտ 3 կմ հատվածը

Հրապարակված թիվը ցույց չի տալիս անհայտ կորածների թիվը․ Զինծառայողների ապահովագրության հիմնադրամի տնօրեն

Սամվել Բաբայանը չունի ո՛չ անշարժ գույք եւ ո՛չ էլ դրամական միջոցներ

Պուտին-Բայդեն հանդիպման արձագանքները

Միքայել Զոլյանը չի մասնակցի ընտրություններին որպես պատգամավորի թեկնածու, բայց որպես ՀՀ քաղաքացի իր ձայնը կտա ՔՊ-ին

52-ամյա կնոջ պարանոցը կտրած երիտասարդը հաշվառված է հոգեբույժի մոտ․ ՔԿ (լուսանկարներ)

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

4 ժամ է մնացել մեր եզրափակիչ նախընտրական հավաքին, որը պիտի դառնա ամենամասշտաբային իրադարձությունը. Փաշինյան (տեսանյութ)

9 անշարժ գույք, 2 ավտոմեքենա. Արմեն Չարչյանի ունեցվածքը

Թուրք մարզիկն ընդդեմ Թուրքիայի

Քվեն գաղտնի է (տեսանյութ)

ՀԿԵ-ն ուղևորներին կոչ է անում Վրաստան մեկնելիս խստորեն հետևել կորոնավիրուսային սահմանափակումներին

5-րդ զորամիավորման հրետանային ստորաբաժանումներն անցկացրել են գործնական պարապմունքներ

Նախընտրական պաստառները պոկելու, վնասելու, գողանալու վերաբերյալ 50 հաղորդում է ստացվել. ՀՀ դատախազություն