Մոսկվան անհանգստացած է ՀՀ-ում տեղի ունեցող ձերբակալություներով․ Լավրով

Պաշտոնական Մոսկվան անհանգստացած է Հայաստանում 10 տարի առաջ տեղի ունեցած դեպքերի հետ կապված ընթացող ձերբակալություններով։ Այս մասին հայտարարել է ՌԴ ԱԳ նախարար Սերգեյ Լավրովը։

Ինչպես հայտնում է «Իզվեստիան», Լավրովը հայտարարել է, որ Մոսկվան ընդունում է, որ դա Հայաստանի ներքին գործոն է, սակայն Ռուսաստանում ցանկանում են, որ ամեն ինչ լինի օրինական եւ ամուր հենքի վրա։ «Շատ ենք ցանկանում, որ բոլոր այդ ներքին հարցերը մնան օրինականության եւ սահմանադրականության հենքի վրա եւ արագորեն հաղթահարվեն»,- ասել է նա, որը մինչ այդ ազդարարել էր՝ ՌԴ եւ ՀՀ լիդերների Վլադիմիր Պուտինի ու Նիկոլ Փաշինյանի առաջիկա հանդիպման մասին։

Սա առաջին դեպքը չէ, որ Լավրովն անդրադառնում է Հայաստանում Մարտի 1-ի գործի շրջանակներում տեղի ունեցող իրավական գործընթացներին, որով որպես մեղադրյալներ անցնում են ՀՀ երկրորդ նախագահ Ռոբերտ Քոչարյանը, ՀԱՊԿ գլխավոր քարտուղար Յուրի Խաչատուրովը եւ ՀՀ պաշտպանության նախկին նախարար Միքայել Հարությունյանը։

Ավելի վաղ՝ մեկնաբանելով Հայաստանում նախկին նախագահի եւ ՀԱՊԿ գլխավոր քարտուղարի նկատմամբ հարուցված քրեական գործերը` Լավրովը ասել էր, որ ՀՀ իշխանությունների հայտարարություններն ու քայլերը չեն համապատասխանում միմյանց:

«Մենք մտահոգված ենք ՀՀ-ում տեղի ունեցող իրադարձություններով: Հույս ունեինք, որ նման արդյունքին հենվելով, բոլոր ուժերն, առաջին հերթին՝ նոր ղեկավարությունը, կշարունակի առաջ տանել միավորող մոտեցումները և ամրապնդել ազգային համաձայնությունը։ Սակայն վերջին օրերի իրադարձությունները խաթարում են դրական տրամադրվածությունը, հակասում են երկրի նոր ղեկավարության հայտարարություններին, որ իրենք մտադիր չեն իրենց նախորդներին հետապնդել քաղաքական դրդապատճառներով»,- հայտարարել էր Լավրովը:

Այնուհետեւ պատասխան հայտարարությամբ հանդես եկավ ՀՀ ԱԳՆ մամուլի խոսնակ Տիգրան Բալայանը՝ նկատելով, որ Հայաստանում նախկին բարձրաստիճան պաշտոնյաների 2008 թվականի «Մարտի 1»-ի գործով քրեական հետապնդման գործընթացը փոխկապակցված չէ Հայաստանի արտաքին քաղաքականության հետ և չպետք է տարընթերցման առիթ հանդիսանա։

Խնդրին անդրադարձավ նաեւ վարչապետ Նիկոլ Փաշինյանը՝ հայտնելով, որ Ռուսաստանի մեր գործընկերները պետք է ադապտացվեն այս նոր իրավիճակին։

«Սա նոր իրավիճակ է և մենք բոլորս, այդ թվում՝ Ռուսաստանի մեր գործընկերները, պետք է ադապտացվենք այս նոր իրավիճակին»,- ասել է նա Բերդում լրագրողների հետ ճեպազրույցում՝ պատասխանելով ՌԴ արտգործնախարարի հայտարարության վերաբերյալ հարցին։ Վարչապետը որեւէ խնդիր չի տեսնում այս հարցում եւ նկատում է, որ ամեն ինչ նորմալ է. «Այնպես որ` ամեն ինչ նորմալ է»,- հավելել է Փաշինյանը։

Տպել
5824 դիտում

Դիլիջանի ոլորաններում ձյուն է տեղում. դժվարանցանելի են Աշոցքի և Ամասիայի միջհամայնքային ավտոճանապարհները

ԱՄՆ-ը գերազանցում է բոլոր ռեկորդները. առաջին անգամ 1 գիշերում 1300 մահ է գրանցվել 1 երկրի տարածքում. JHU

Եթե մեզ հաջողվի սահմանին գազի գինը նվազեցնել 23 դոլարով, ապա գազի սակագինը չի փոխվի․ փոխվարչապետ

Մուշ գյուղի 8/46 ընտրատեղամասի դիմաց վիճաբանության փաստով Արցախի ոստիկանությունը ստուգումներ է իրականացնում

Վարչապետը հարգանքի տուրք է մատուցել ապրիլյան քառօրյայի հերոսների հիշատակին. Եռաբլուր այցը՝ լուսանկարներով

Արմեն Սարգսյանը «Եռաբլուր» պանթեոնում հարգանքի տուրք է մատուցել քառօրյայի ժամանակ զոհված հերոսների հիշատակին

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 1.7 հա տարածք

Ապրիլի 10-ից քաղաքացիները կարող են դիմել սոցիալական աջակցությունները ստանալու համար. Նաիրի Սարգսյան

Լարվածության, վախի, զոհերի, հաղթանակի քառօրյան. ապրիլյան պատերազմից 4 տարի անց

Նիկոլ Փաշինյանը հարգանքի տուրք է մատուցել ապրիլյան քառօրյա պատերազմի հերոսների հիշատակին (տեսանյութ)

78-ի կոալիցիան. Իսրայելը դուրս է գալիս քաղաքական ճգնաժամից

Ապրիլի 10-ից քաղաքացիները կարող են դիմել առցանց եւ ստանալ նախատեսված սոցիալական աջակցությունները

ԱՀ ոստիկանությունը ստուգումներ է իրականացնում Քաշաթաղի շրջանի Մուշ համայնքում տեղի ունեցած միջադեպի վերաբերյալ

Բանտարկությունից մինչեւ սեփական թեստերի կիրառում. ինչպես Սինգապուրը դարձավ կորոնավիրուսի արդյունավետ պայքարի օրինակ

Տավուշում կարտոֆիլի բարձրորակ տնկանյութի բավարարման նպատակով մարզպետարանը հավաքագրել է անհրաժեշտ տեղեկությունները

«Գյումրի» ԲԿ բժիշկները մասնակցել են COVID-19-ի կանխարգելմանն ու բուժմանն ուղղված օնլայն դասընթացներին

Արցախի ժողովրդի ինքնորոշման իրավունքը ղարաբաղյան հակամարտության կարգավորման հիմնաքարն է. ՀՀ ԱԳՆ

Մասնագիտական պարապմունքներ են անցկացվել 4-րդ զորամիավորումում․ ՊՆ

Արցախում Հայաստանից մեկնած երկու քաղաքացի է մեկուսացվել, իրականացվել է նմուշառում

Արցախ մեկնած ՀՀ քաղաքացիները կարող են վերադառնալ մինչև ապրիլի 2-ը՝ ժամը 23:59-ը