ՀՀ-ում հաջողության բանաձեւը փոխվել է. թիկունքներ պետք չեն. վարչապետը՝ շրջանավարտներին

Վարչապետ Նիկոլ Փաշինյանն այսօր իր նստավայրում հյուրընկալել է «Կենգուրու 2018» միջազգային մաթեմատիկական եւ «Մեղու 2017» հայոց լեզվի մրցույթների մրցանակակիրներին, ՀՀ յուրաքանչյուր մարզում եւ Արցախում մրցույթների յուրաքանչյուր տարիքային խմբում լավագույն արդյունք արձանագրած աշակերտներին, ինչպես նաեւ հանրակրթական ուսումնական հաստատությունների 2017-2018 թթ. ուսումնական տարում բարձր առաջադիմություն ցուցաբերած շրջանավարտներին:

Ինչպես հայտնում են կառավարության մամուլի ծառայությունից, երկրի վարչապետը շնորհավորել է դպրոցականներին ուսումնառության ընթացքում ինչպես Հայաստանում, այնպես էլ միջազգային օլիմպիադաներում գրանցած ձեռքբերումների համար եւ ՀՀ կրթության ու գիտության նախարարի հետ միասին  նրանց հանձնել է պարգեւներ՝ մեդալներ, հավաստագրեր եւ նվերներ:

Ողջույնի խոսքում վարչապետ Նիկոլ Փաշինյանը նշել է.

«Սիրելի աշակերտներ եւ շրջանավարտներ,

հարգելի հյուրեր,

ինչո՞ւ է այսօրվա իրադարձությունն այսքան կարեւոր, եւ ինչո՞ւ ենք այսպիսի հանդիսավոր պայմաններում իրականացնում այս մրցանակների եւ նվերների հանձնումը: Դրա պատճառը շատ պարզ է, որովհետեւ բնության մեջ չկա ավելի կարեւոր բան, քան կրթությունն է: Այն ամենն, ինչ դուք այստեղ տեսնում եք եւ ինչի հետ առնչվում եք, կապված է կրթության հետ. եթե չլիներ կրթությունը, չէին լինի այն աթոռները, որոնց վրա դուք նստած եք, որովհետեւ մարդը, մինչեւ աթոռ պատրաստելու ընդունակությունը սովորելը, անցել է կրթության ճանապարհով: Այսինքն՝ կրթության արդյունքում է, որ մարդը կարողացավ ստեղծել աթոռ, կոշիկ, հագուստ, էլ չեմ ասում՝ բարձրախոս, տեսախցիկներ, ինտերնետ եւ, ի վերջո, թռչել տիեզերք, եւ, ի վերջո, ստեղծել բազմաթիվ գիտական եւ գեղարվեստական ստեղծագործություններ: Ի վերջո, կրթության արդյունքում է, որ մարդը հասկացավ, որ ուրիշ մարդու եւ ընդհանրապես մարդու իրավունքը, ուրիշ մարդու նկատմամբ հարգանքը, նրա իրավունքների հարգումը ամենակարեւոր բանն է:

Այն, որ ամենակարեւորը կրթությունն է, երեւում է եւս մեկ հանգամանքով: Օրինակ, ասում են, որ այսօր մարդկությունը հասել է քաղաքակրթության ամենաբարձր մակարդակի, այսինքն՝ այսօրվա աշխարհը նկարագրելու համար օգտագործում ենք  «քաղաքակրթություն» բառը: Մենք դրանով խորհրդանշում ենք, որ մարդկությունը կրթության միջոցով այսօր հասել է իր զարգացման բարձրագույն կետին:

Կրթության կարեւորության արձանագրումը հատկապես կարեւոր է այսօրվա Հայաստանում՝ նոր Հայաստանում, որովհետեւ ես ուզում եմ, որ մենք բոլորս արձանագրենք , թե ինչ կարեւոր փոփոխություններ են տեղի ունենում Հայաստանում, եւ ինչ է տեղի ունեցել արդեն: Ուզում եմ ձեզ ներկայացնել հաջողության նոր բանաձեւը նոր Հայաստանում: Սովորաբար ինչպե՞ս էր ընդունված ընկալել հաջողության ճանապարհը ոչ հեռավոր անցյալում. անհրաժեշտ էր ունենալ լավ ծանոթ, լավ բարեկամ, լավ թիկունք, լավ հմտություններ, որոնք կապված չեն կրթության հետ, ավելի շատ բնազդական են:

Նոր Հայաստանում հենց սա է փոխվել, որ ձեզնից յուրաքանչյուրի հաջողությունը կախված չէ ուրիշներից: Ձեզնից յուրաքանչյուրի հաջողությունը կախված է ձեզնից, որովհետեւ նոր Հայաստանի նոր կառավարության ամենակարեւոր առաքելությունն այն է, որ մենք կարողանանք հնարավորությունների հավասար եւ ընդլայնված դաշտ ստեղծել, որպեսզի ձեզնից եւ մեզնից յուրաքանչյուրն արձանագրի, որ Հայաստանի Հանրապետությունում ամեն օր ընդլայնվում են հնարավորի սահմանները, եւ ձեզնից յուրաքանչյուրն ունի այդ հնարավորությունների ընդլայնվող դաշտից օգտվելու հավասար հնարավորություն: Սա է ամենակարեւոր արձանագրումը:

Այսօր Հայաստանում հաջողություն ունենալու համար, եւ վաղն էլ է այդպես լինելու եւ սրանից հետո միշտ է այդպես լինելու, անհրաժեշտ է, որ մեզնից յուրաքանչյուրը՝ սկսած վարչապետից, ավարտած ցանկացած այլ մասնագիտության կամ զբաղմունքի տեր անձնավորությամբ, արձանագրի, որ իր հաջողությունը մեծապես կախված է այն բանից, թե որքանով է կրթությունը շարունակում իր համար ամենօրյա անելիք լինել:

Հայաստանի Հանրապետությունում եւ, ցավոք, շատ տեղերում սովորաբար կրթություն ասելով հասկանում են, որ դա մի անելիք է, որով զբաղվում են երեխաները, պատանիները, լավագույն դեպքում՝ ուսանողները: Բայց կրթությունը 21-րդ դարի յուրաքանչյուր մարդու ամենօրյա անելիքն է, կրթությունը 21-րդ դարի մարդու ամենակարեւոր զբաղմունքն է: Ես սիրում եմ ասել, որ յուրաքանչյուր մասնագիտության տեր անձնավորություն, անհատ, յուրաքանչյուր մարդ անխուսափելիորեն կորցնում է իր հնարավորությունն ու ներուժը, եթե ամեն հաջորդ օր ավելի ինտելեկտուալ չէ, ավելի բարձր կրթական ցենզ չունի, քան նախորդ օրը:

Եվ, ի վերջո, կրթությունն ամենակարեւոր միջոցն է՝ սեփական առաքելությունը գտնելու համար: Ընդհանրապես կարծում եմ, որ ցանկացած մարդ ծնվելու պահին ստանձնում է որոշակի առաքելություն: Այդ առաքելությունը մեր երկիրը, մեր երկիր մոլորակն ավելի լավը դարձնելն է, եւ միայն կրթության միջոցով, կրթության ճանապարհով անցնելով՝ մարդը կարող է հասկանալ, թե որն է իր աշխարհ գալու նպատակը, ինչ առաքելություն ինքը կարող է իրականացնել եւ պետք է իրականացնի՝ երկիր մոլորակը, սեփական հայրենիքը եւ միջավայրն ավելի լավը դարձնելու համար:

Մենք այս արարողությունն անում ենք նման հանդիսավոր պայմաններում, որովհետեւ դուք բոլորդ վստահաբար, շատ ամուր քայլերով եք առաջ գնում սեփական առաքելությունը գտնելու ճանապարհով, կրթության ճանապարհով, այստեղ ընթերցվում էր ձեզնից յուրաքանչյուրի անուն-ազգանունը եւ նշվում էր «լավագույն արդյունք» բառակապակցությունը: Ես հույս ունեմ, որ մեր եւ ձեր գործունեության ընթացքում, երբ մենք խոսելիս լինենք Հայաստանի տնտեսության մասին, միջակետ կդնենք եւ կավելացնենք՝ լավագույն արդյունքը, երբ խոսելիս լինենք Հայաստանի առողջապահության մասին, միջակետ կդնենք եւ կասենք՝ լավագույն արդյունքը,  երբ խոսենք Հայաստանի անվտանգության մակարդակի մասին, միջակետ կդնենք եւ կասենք՝ լավագույն արդյունքը,   երբ խոսենք Հայաստանում բնակչության թվի ավելացման, աճի մասին, միջակետ կդնենք եւ կասենք՝ լավագույն արդյունքը,  երբ խոսենք Հայաստանում տեխնոլոգիաների առաջընթացի մասին, միջակետ կդնենք եւ կասենք՝ լավագույն արդյունքը,   երբ կխոսենք մարդու, քաղաքացու երջանկության ցուցանիշների մասին, միջակետ կդնենք եւ կասենք՝ լավագույն արդյունքը, երբ կխոսենք անկախ դատական համակարգի, ազատ մամուլի, ժողովրդավարության, օրինականության, մարդու իրավունքների պաշտպանության, լավագույն կառավարման, օրենքի իշխանության մասին,  միջակետ կդնենք եւ կասենք՝ լավագույն արդյունքը: Հույս ունեմ, որ ինչպես դուք եք այսօր վստահ քայլերով գնում դեպի լավագույն արդյունքը, մենք բոլորս՝ Հայաստանի ժողովուրդը, Հայաստանի Հանրապետությունը, Արցախի Հանրապետությունը, վստահ եւ ամուր քայլերով միասին գնում ենք դեպի լավագույն արդյունքը:

Եվ ուրեմն՝ կեցցե′ ազատությունը, կեցցե′ Հայաստանի Հանրապետությունը, կեցցե′ք դուք, կեցցե′նք մենք, կեցցե′ն մեր երեխաները, որ ապրում են եւ ապրելու են ազատ եւ երջանիկ Հայաստանում»:

 

Տպել
1759 դիտում

Հայաստանի 6 մարզերում ձյուն է տեղում. Երևան-Սևան ճանապարհին տեղ-տեղ մերկասառույց է

Աշխատանքային խորհրդակցություն` Կրթության տեսչական մարմնի 2021 թվականի գործունեության վերաբերյալ

ՆԱՏՕ-ի և ԱՄՆ-ի՝ անվտանգության երաշխիքների հարցով պատասխանը կհրապարակվի մոտ ապագայում. Լավրով

Հաստատվել են Սահմանադրական բարեփոխումների խորհրդի անհատական կազմը և գործունեության կարգը

Դոլարը թանկացել է. եվրոյի փոխարժեքը նվազել

Կապանում տեղի ունեցած ավտովթարի հետևանքով վարորդը արգելափակվել էր ավտոմեքենայում

Սպասվում է թույլ ձյուն. առաջիկա եղանակային կանխատեսումը

Մալաթիա-Սեբաստիա վարչական ղեկավար Դավիթ Կարապետյանի լիազորությունները դադարեցվել են

ԱՄՆ-ն հաշվի է առե՞լ ՌԴ առաջարկները. Պեսկովի պատասխանը

Բանակի օրվա առթիվ կատարվել է Հանրապետական մաղթանք (լուսանկարներ)

Պուտինն ընդունել է Թուրքիա այցելելու Էրդողանի հրավերը

Ներողություն եմ խնդրում, որ վարչապետի աշխատակազմն աշխատում է նաև կիրակի օրերը. Չախոյան

Խոշոր վթար Երևանում. 5 երիտասարդ տեղափոխվել է հիվանդանոց

«Վերին Լարս» անցակետը բաց է մարդատար ավտոմեքենաների համար

Կանադայի կառավարությունը Կիևին կհատկացնի մոտ 270 միլիոն դոլար ռազմական օգնություն

Հունվարի 28-ին արգելոցները կաշխատեն. զինծառայողների համար մուտքն անվճար կլինի

Նախարար Վահրամ Դումանյանն ընդունել է «Կոնրադ Ադենաուեր» հիմնադրամի ներկայացուցիչներին

Արցախում կորոնավիրուսով վարակված 6 հիվանդի վիճակը ծայրահեղ ծանր է, 14-ինը՝ ծանր

Ստեփանծմինդա-Լարս ավտոճանապարհը փակ է բեռնատարների համար

ԱԺ նախագահը ստորագրել է Լևոն Յոլյանի լիազորությունները դադարած համարելու մասին արձանագրությունը

Ռեստորանային ոլորտի ընկերությունների համախառն վաճառքը մոտ 20 տոկոսով ընկել է․ Քերոբյան

Գրիգոր Մինասյանն իսկապես իմ ընկերն է, նա համապատասխանում է փոխնախարարի անհրաժեշտ չափանիշներին․ Անդրեասյան

Հայաստանում Սիրիայի արտակարգ և լիազոր դեսպանն ավարտում է աշխատանքը. նա պնդում է՝ աշխատել է մեծ ոգևորությամբ

Նա և իր կարծիքը կիսողները պետք է շարունակեն մերժված լինել. Խաժակյանը՝ քաղաքական սպանությունների մասին Մուրազիի գրառմանը

Շուրջ 3 ամիս որպես անհետ կորած որոնվող տղամարդու դին հայտնաբերվել է Երևանյան լճում

«Մանկական Եվրատեսիլ 2021»-ին հաղթող Մալենան վիրահատվել է

Արցախի քաղաքական ուժերի ներկայացուցիչները կըդնգրկվեն պետական ֆինանսական կառույցներում

Արցախից տեղահանված կամ անշարժ գույքը կորցրած քաղաքացիները հունվար-փետրվար ամիսներին ևս կստանան դրամական աջակցություն

Հիվանդացածների միայն 5-6 տոկոսն է հոսպիտալացվում, քովիդի պրոգրեսիվ աճի շրջանում ենք գտնվում. նախարար

Արգենտինայում Հայաստանի դեսպանն իր հավատարմագրերն է հանձնել երկրի նախագահին

Հայտնաբերվել են ՊՇՌ թեստի կեղծ սերտիֆիկատներ և պատվաստված լինելու կեղծ վկայական. հարուցվել են քրեական գործեր

Հայաստանին կտրամադրվի 1 մլն 719 հազար ԱՄՆ դոլար դրամաշնորհ՝ էներգախնայողությանն ուղղված ծրագրի համար․ Սանոսյան

ԶՈՒ կազմավորման 30-ամյակի ընդունելությունը հետաձգվել է. ԳՇ պետի ու այլ պաշտոնյաների մոտ կորոնավիրուս է հաստատվել. 1Lurer

Դադարեցվել է Գեղարքունիքի մարզի 4 գյուղերի գազամատակարարումը

Հաստատվել է կորոնավիրուսի 2500-ից ավելի դեպք, գրանցվել՝ 2 մահ

«Ֆլայ Արնայում» նշանակվել է գլխավոր գործադիր տնօրեն

Մեղադրանք է առաջադրվել 2020-ի պատերազմի ժամանակ Արցախի պաշտպանական շրջանի հրամանատար գնդապետին. ՔԿ

Արփիում ավարտվել է էներգախնայող համակարգերի ներդրման գործընթացը (լուսանկարներ)

Կրակոցները անհամաչափ ուժի կիրառում են եղել, ավելի հաճախ՝ ոչ տեղին. Human Rights Watch-ը հետաքննում է Ղազախստանի դեպքերը

ՎՏԲ բանկն առաջարկում է ձեռնարկատերերին բանկային երաշխիքներ՝ պայմանագրային պարտավորությունների ապահովման նպատակով