Սաշիկ Սարգսյանի որդին դեպքի օրը թմրանյութի ազդեցության տա՞կ է եղել. նման ցուցմունք կա

Սերժ Սարգսյանի եղբորորդու՝ Հայկ Ալեքսանդրի Սարգսյանի գործը շուտով կուղարկվի դատարան: Սաշիկ Սարգսյանի որդին մեղադրվում է 11 տարի առաջ տեղի ունեցած հանցագործության համար՝ սպանության փորձի, ինչպես նաեւ ապօրինի կերպով զենք-զինամթերք ձեռք բերելու, կրելու եւ պահելու համար:

Գործով նախաքննությունն ավարտվել է մի քանի օր առաջ. վաղը գործի նյութերին ծանոթանալու վերջնաժամկետն է:

Տեղեկացանք, որ Հայկ Սարգսյանի մասնակցությամբ եւս մեկ քննչական գործողություն է իրականացվել. նա առերեսվել է նաեւ իր դեմ ցուցմունք տված մտերիմ ընկերոջ՝ Արթուր Ղեւոնդյանի հետ: Վերջինս Հայկ Սարգսյանի դեմ ցուցմունք տված անձանցից մեկն է: Նշենք, որ Արթուր Ղեւոնդյանն այն անձն է, որն իր վրա էր վերցրել 2007 թվականին տեղի ունեցած հանցագործությունը՝ նշելով, որ ինքն է անզգուշաբար կրակոցներ արձակել Դավիթ Սիմոնյանի ուղղությամբ: Սիմոնյանը, հիշեցնենք, ընտրություններին հնարավոր բոլոր միջոցներով՝ անգամ ընտրախախտումներ կատարելով, լրագրողների աշխատանքը խոչընդոտելով, աջակցել է Սարգսյաններին: 

Հայկ Սարգսյանն, առ այսօր, ցուցմունք չի տվել. ըստ պաշտպանի՝ պատճառն այն է, որ նախաքննական մարմինը չի պարզաբանել մեղադրանքի էությունը:

Թեմայի վերաբերյալ մեր մի քանի հարցերին է պատասխանել Հայկ Սարգսյանի պաշտպան Երեմ Սարգսյանը:

- Պարոն Սարգսյան, նախաքննության ընթացքն ինչպե՞ս եք գնահատում, այն այսքան շուտ ավարտելու հետ կապված խնդիր տեսնո՞ւմ եք:

- Իրականության մեջ այնպես չէ, որ որեւէ լուրջ անելիք չկար այդ քրեական գործով, շուտ կամ ուշ ավարտելու մասով խնդիր չեմ տեսնում, բայց քննության ընթացքի առումով խնդիրներն ակնհայտ են՝ հենց այն պահից սկսած, երբ քրեական գործը նոր երեւան եկած հանգամանքով հարուցվեց սպանության փորձի դեպքի առթիվ, հետո մեղադրանք առաջադրվեց սպանության փորձի համար:  

Եթե որեւէ մեկը քրեական գործի նյութերի հիման վրա գա եզրահանգման, որ Հայկ Սարգսյանն է կրակոց արձակողը, ապա այստեղ բացարձակապես սպանության փորձի մասին խոսք լինել չի կարող: Բոլոր ցուցմունքները, հանգամանքները վկայում են, որ այստեղ պատահական կրակոց է եղել, այդ մասով բազմաթիվ ապացույցներ կան: Սպանության փորձով մեղադրանք առաջադրվեց, որովհետեւ սպանության փորձից ավելի ցածր, ավելի մեղմ ցանկացած հոդվածով հանցագործության համար վաղեմության ժամկետները լրացել են: Այսինքն՝ եթե օբյեկտիվ որակում տային Հայկ Սարգսյանի արարքին, ապա արդեն շատ վաղուց քրեական գործը պետք է գոնե վաղեմության հիմքով կարճված լիներ: Բայց մենք հասկանում ենք, թե ինչ-ինչ հանգամանքներից ելնելով այս պահի դրությամբ նման մեղադրանք է առաջադրված, որպեսզի վաղեմության ժամկետ նրա վրա չկիրառվի: Առավել խնդրահարույց էր կալանավորումը:

Հայկ Սարգսյանը 7 օր գտնվեց ազատության մեջ, որից 4 օրը ծանուցագրով ներկայացավ հարցաքննություններին ու առերեսումներին եւ դրանից հետո հանկարծ որոշեցին, որ ստորագրություն չհեռանալու մասին խափանման միջոցը այլեւս չի կարող պատշաճ վարքագիծ ապահովել եւ հիմա պետք է կալանավորվի: Կալանավորումը եւս վկայում է, որ այս քրեական գործով կոնկրետ ուղղորդված քննություն է իրականացվում: Ընդհանուր պատկերը սա է, հիմա էլ քրեական գործի նյութերին ծանոթանալով, եթե անգամ դատարանը, դատախազը կամ քննիչը կգան կամ եկել են այն համոզմունքին, որ Հայկ Սարգսյանն է իրականում կրակոց արձակողը եղել, ապա այս դեպքում խոսք կարող է գնալ անզգուշությամբ ծանր մարմնական վնասվածք պատճառելու մասին, բայց եթե նույնիսկ խոսք գնա այն մասին, որ դիտավորությամբ է կրակել որովայնին, ապա այս դեպքում եւս սպանության փորձի մեղադրանք չի կարող լինել:

- Ի վերջո, սպանության փորձ կատարելու դրդապատճառը ո՞րն է եղել:

- Դրդապատճառ նախաքննական մարմինը չի նշել, խոսք է գնում սպանության փորձի մասին եւ այստեղ վարույթն իրականացնող մարմինը պետք է հիմնավորեր, որ ուղղակի դիտավորություն է ունեցել կյանքից զրկելու: Տուժողն էլ է ասում, որ որեւէ պատճառ չկա, շատ մտերիմ ընկերներ են եղել: Մասնավորապես այն հարցին, թե որեւէ պատճառ կա՞ր քեզ սպանելու, տուժողը պատասխանել է՝ ոչ, որեւէ խնդիրներ չենք ունեցել, ընկերներ ենք եղել: Մյուս հարցին՝ այդ պահին իրադարձությունն այնպիսին էր, որ կար ինչ-որ չնչին պատճառ դա անելո՞ւ, տուժողը կրկին բացասական պատասխան է տվել:

Նման տվյալ կա, որ պատահական ապահովիչը բացվել է ու կրակոց է եղել, ակնհայտ է, որ եթե որեւէ մեկը մեկին ցանկանում է սպանել, կրակոցից անմիջապես հետո չի տանում հիվանդանոց, իսկ այս դեպքում հենց տուժողի ցուցմունքի համաձայն, անմիջապես կրակոցից հետո իրեն տեղափոխել են հիվանդանոց, տեղափոխողների թվում նաեւ Հայկ Սարգսյանն է եղել:

- Ըստ դատախազության տարածած հաղորդագրության՝  կատարվածի մասին տեղեկացել է Հայկ Սարգսյանի եղբայրը՝ Նարեկ Սարգսյանը, եւ ավտոմեքենայով իրեն տեղափոխել են հիվանդանոց:

- Ըստ ցուցմունքի՝ Դավիթ Սիմոնյանին հիվանդանոց են տեղափոխել Հայկ Սարգսյանը, նրա եղբայրը՝ Նարեկը, եւ եւս երրորդ անձ: Ցուցմունքում նաեւ նշվում է, որ Նարեկ Սարգսյանը ձեռքով պահել է վերքը, որպեսզի քիչ արյուն կորցնի:

- Նաեւ նշվում էր, որ ձեր պաշտպանյալը դեպքի օրը թմրանյութի ազդեցության տակ է եղել, սա ինչպե՞ս կմեկնաբանեք:

- Գործում նման ցուցմունք կա, բայց դա հաստատված փաստ չէ:

- Ավելի վաղ մեր զրույցում նշել էիք, որ առաջադրված մեղադրանքի վերաբերյալ Հայկ Սարգսյանի դիրքորոշումը կհայտնեք ավելի ուշ: Հիմա կարո՞ղ եք ասել, թե նա ինչ դիրքորոշում ունի, արդյոք ցուցմունք տվե՞լ է, թե՞ ոչ:

- Մենք մի քանի անգամ խնդրել ենք, որ մեղադրանքի էությունը պարզաբանվի, այդ առումով մեր բոլոր միջնորդությունները մերժվել են, մեղադրանքը չի պարզաբանվել, հետեւաբար, Հայկ Սարգսյանը զրկված է եղել ցուցմունք տալու հնարավորությունից եւ այս պահի դրությամբ ցուցմունք չի տվել:

- Բացի Դավիթ Սիմոնյանի հետ առերես հարցաքննությունից, այլ անձնանց հետ առերեսում կատարվե՞լ է:

- Վկայի հետ է առերեսվել:

- Ո՞վ է վկան, Հայկ Սարգսյանի հետ ի՞նչ հարաբերությունների մեջ է:

- Հանդիսանում է ընկերը, ըստ գործի տվյալների՝ հանդիսանում է այն անձը, ով նախկինում նշել է, որ ինքն է կրակոց արձակել:

- Նա Հայկ Սարգսյանի դե՞մ է ցուցմունք տվել:

- Այո:

Հիշեցնենք, որ սույն գործը վերաբացվել է հուլիսին. այդ մասին հայտնի դարձավ այն ժամանակ, երբ ԱԱԾ-ն անհետաձգելի քննչական գործողություններ էր կատարում Սաշիկ Սարգսյանի բնակարանում: Խուզարկությունը, սակայն կապված էր նրա մյուս որդու՝ Նարեկ Սարգսյանի հետ: Այսպիսով՝ Սաշիկ Սարգսյանի որդիներից մեկը կալանավորված է, իսկ մյուսը՝ Նարեկ Սարգսյանը, գտնվում է միջազգային հետախուզման մեջ:

Տպել
9300 դիտում

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա