Երևան
11 °C
Տպագրվել է «Հայկական Ժամանակ» օրաթերթի՝ 2008 թվականի ապրիլի 26-ի համարում
«Չնայած որ վնասվածքներ ստանալուց անմիջապես հետո (մարտի 1-ի առավոտյան ժամը 07.30-ի սահմաններում-Վ.Հ.) նա բժշկական օգնության կարիք է ունեցել, քանի որ վերքերն աչքի եւ քունքի շրջանում արյունահոսել են (հետագայում կարեր են դրվել այդ վերքերին), սակայն մինչեւ ժամը 15.35-ը (8 ժամ շարունակ-Վ.Հ.) նրան ոչ մի բժշկական օգնություն ցույց չի տրվել: Ավելին, այդ վիճակում նա երկու անգամ ենթարկվել է հարցաքննության: Երբ ամբաստանյալից ժամը 14.10-ից մինչեւ 15.00-ի ընթացքում կատարված հարցաքննությունից հետո հաջողվել է ցուցմունք կորզել, եւ առողջական վիճակն էլ խիստ վատացել է, այդ ժամանակ նոր միայն նախաքննություն իրականացնող մարմինը թույլ է տվել ամբաստանյալին բժշկական օգնություն ցույց տալ»:
Դժվար թե մեր ընթերցողը կռահի, թե վերը բերված անմարդկային իրադարձությունները որտեղ են տեղի ունեցել, ու դրա հեղինակները ովքեր են: Առաջին հայացքից կարող է թվալ, թե մեջբերման մեջ նկարագրվում է ՀՀ որեւէ քաղաքացու թշնամու գերության մեջ հարցաքննելու ինչ-որ պատմություն: Սակայն վերը բերվածը ոստիկանության Էրեբունու բաժնում մարտի 1-ի քրեական գործով անցնող մեղադրյալ, ՀՀ առաջին նախագահ Լեւոն Տեր-Պետրոսյանի վստահված անձ Արմեն Ավագյանի հետ կատարված դրվագներից մեկն է: Ավագյանի նկատմամբ իրականացված անմարդկային հետապնդման այս եւ մնացած մանրամասները երեկ ներկայացրեց նրա փաստաբան Լիզա Գրիգորյանը Երեւանի Կենտրոն եւ Նորք-Մարաշ համայնքների ընդհանուր իրավասության դատարանում` դատավոր Երեմ Եսոյանի նախագահությամբ տեղի ունեցած դատավարության ժամանակ:
Ավագյանին մեղադրանք է առաջադրվել ՀՀ Քրեական օրենսգրքի 316 հոդվածի 1-ին մասով` «Իշխանության ներկայացուցչի նկատմամբ բռնություն գործադրելը»: Այս քրեական գործին եւ Եսոյանի նախագահությամբ տեղի ունեցած առաջին դատական նիստին անդրադարձել էինք երկու օր առաջ: Նախորդ դատական նիստը ընդհատվել էր, երբ հերթը հասել էր Ավագյանի պաշտպան Լ. Գրիգորյանի պաշտպանական ճառին: Երեկվա նիստում մինչեւ պաշտպանական ճառը ներկայացնելը փաստաբանը հայտարարեց, որ ինքը ցանկանում է միջնորդությամբ հանդես գալ: Շուրջ վեց էջից բաղկացած միջնորդությամբ փաստաբանը ոչ միայն հերքեց իր պաշտպանյալին առաջադրված մեղադրանքները, այլ նաեւ ապացուցեց, որ քրեական գործով անցնող իրեղեն-ապացույց վկա երեք ոստիկաններն իրենք են հանցագործ, եւ նրանք պետք է պատասխանատվության ենթարկվեն: Իսկ նախաքննության մարմինը, քրեական գործ սարքելու մոլուցքով տարված, մի շարք փաստեր ուղղակի կեղծել է:
Այս գործով մեր նախորդ հրապարակման մեջ նշել էինք, որ ըստ Ավագյանին առաջադրված մեղադրանքի` մարտի 1-ին` ժամը 7-ի սահմաններում, նա իբր չի ենթարկվել ոստիկանության Էրեբունու բաժնի աշխատակից Էրիկ Քոչինյանի պահանջներին, դիմադրել եւ բռնություն է կիրառել նրա նկատմամբ, ով էլ նրան բերման է ենթարկել: Սակայն այս եւ մյուս իրեղեն ապացույց վկա ոստիկանների նախաքննական եւ դատարանի դահլիճում տված ցուցմունքներում էական հակասություններ ի հայտ եկան, ինչն էլ ներկայացրեց փաստաբանը: Բանն այն է, որ հիմնական իրեղեն ապացույց Քոչինյանն այդպես էլ չէր կարողացել հստակեցնել, թե ինքը որտեղից է բերման ենթարկել Ավագյանին: Սկզբում նա ասել էր, որ Հայաստանում Ֆրանսիայի դեսպանատան մոտից է ամբաստանյալին բերման ենթարկել, այնուհետեւ մատնանշել է Վազգեն Սարգսյան փողոցը: Ավագյանի դեմքին հասցված հարվածից նրա ակնոցները կոտրվել են, ինչի արդյունքում էլ աչքի եւ քունքի մասում պատռվածք է ստացել: Բացի այս, անհայտ է, թե մեկուկես օր շարունակ Ավագյանը որտեղ է եղել: Նախաքննության մարմինը փորձել է կեղծ փաստաթղթերի միջոցով քողարկել մեղադրյալի խոշտանգման փաստը:
Միջնորդությունում բերված փաստերն ուղղակի ապացուցում են, որ ճշմարտացի են Ավագյանի այն պնդումները, որ մարտի 1-ին` ժամը 7-ի սահմաններում, իր վրա են հարձակվել վահաններով եւ սաղավարտներով զինված զինվորական հագուստով ինչ-որ մարդիկ, իրեն խոշտանգել եւ տարել ոստիկանության Կենտրոնի բաժին: Փաստաբան Գրիգորյանը միջնորդեց վերսկսել դատաքննությունը` օբյեկտիվ քննություն կատարելու եւ իրական մեղավորներին հայտնաբերելու համար: Այնուհետեւ փաստաբանը դատարանին ներկայացրեց իր պաշտպանական ճառը` պահանջելով արդարացնել իր պաշտպանյալին եւ ազատ արձակել նրան: Փաստաբանի կողմից միջնորդությունը ներկայացնելու ընթացքում մեղադրող Կորյուն Փիլոյանի դեմքին, մեղմ ասած, հնարավոր չէր նայել: Ակնհայտ էր, որ նա ի վիճակի չէր հերքել հրապարակված փաստերը, եւ այդպես էլ եղավ: Սակայն, միեւնույն է, դատավոր Եսոյանը մերժեց փաստաբանի միջնորդությունը: Իսկ Ավագյանն իր վերջին խոսքում դատավորին կոչ արեց լինել արդար եւ ողջամիտ ու ուրիշների ձեռքին գործիք չդառնալ: «Ես հանցանք չեմ կատարել»,- իր խոսքը եզրափակեց ամբաստանյալը: Դրանից մոտ կես ժամ անց դատավորը հրապարակեց իր դատավճիռը, ըստ որի` նա Ավագյանին դատապարտեց մեկուկես տարվա ազատազրկման:
Ի դեպ, մեղադրողը դատավորին միջնորդել էր` Ավագյանին դատապարտել երեք տարվա ազատազրկման: Այսինքն` Հայաստանի դատական համակարգի պայմաններում անմեղ մարդուն մեկուկես տարվա ազատազրկման դատապարտելով, երբ մեղադրող դատախազը ամբաստանյալի համար երեք տարի է պահանջել, դատավորը «սխրանք» է գործել: Արմեն Ավագյանի փաստաբան Լիզա Գրիգորյանը պատրաստվում է Եսոյանի կայացրած դատավճիռը բողոքարկել քրեական վերաքննիչ դատարան:
Վահագն Հովակիմյան
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ