Թավշյա հեղափոխության ընթացքում տուժած քաղաքացին դեռ քայլել չի կարողանում

Թավշյա հեղափոխության ընթացքում, ավելի հստակ՝ ապրիլի 16-ին,  մարմնական վնասվածք ստացած Զավեն Գրիգորյանը ստիպված է մինչեւ դեկտեմբեր կրել ոտքին ամրացված մետաղական կոնստրուկցիան:

Դեպքը տեղի է ունեցել  Երեւանի Բաղրամյան պողոտայում, որտեղ ոստիկանությունը հատուկ միջոց կիրառեց Սերժ Սարգսյանի վարչապետացման դեմ բողոքի ցույցի մասնակիցների նկատմամբ: Զավեն Գրիգորյանը բազմաթիվ տուժողների շարքում էր: Խոսելով այդ օրը տեղի ունեցածի մասին՝ նա պատմում է. «Ոստիկանների կողմից սկսեցին ձայնային նռնակներ նետել, որոնցից չորսը, ինչպես հետագայում պարզվեց, ձեռքով էին նետված: Մեկն ընկավ մեր դիմաց, հրեցինք, մի քիչ այն կողմում պայթեց: Մյուսը չհասցրեցինք, պայթեց անմիջապես ոտքերիս տակ: Ալիքից ոտքս կոտրվել եւ այրվել է: Ձախ ոտքի գրեթե 60 տոկոս այրվածք ունեմ: Մարմնի 11 տոկոս. էպիկրիզով այդպես է ձեւակերպված: Մեկ ամիս անցկացրեցի հիվանդանոցում, վիրահատության ենթարկվեցի: Բաց կոտրվածք էր, երկու ոսկորս կոտրվել-փշրվել են, մի մասը՝ ոսկորի հեռացվել է: Հիմա ապարատ է դրված, որը մինչեւ դեկտեմբեր մնալու է»:

Այժմ մեր զրուցակցի համար քայլելը լուրջ խնդիր է: Նա տեղաշարժվում է քայլակի միջոցով: Դրա հետեւանքով նաեւ անաշխատունակ է դարձել՝ հարկադրված դադարեցնելով շինարարական իր կազմակերպության գործունեությունը: «Աշխատում էի Թբիլիսիում, ունեի շինարարարական փոքր ընկերություն, վերականգնում էինք հին շենքերը: Այնպես ստացվեց, որ արդեն չեմ կարող այս ոտքով աշխատել: Փակել եմ ընկերությունս, հրաժարվել եմ պատվերներիցս, վերադարձել եմ Երեւան: Նախկինում, նույնիսկ երբ որ քիմիա եմ ստացել, ի վիճակի եմ եղել գնալ, ղեկավարել շինարարությունը, բայց կոտրվածքի դեպքում քայլակներով շինարարական հրապարակ դուրս գալը համարյա թե անհնարին է»,- ասաց մասնագիտությամբ շինարար Զավեն Գրիգորյանը:

Ապրիլին նա Վրաստանից Հայաստան էր ժամանել՝ հեղափոխությանը մասնակցելու նպատակով: «Այո, ես միշտ էլ մասնակցել եմ, երբ որ «Սասնա ծռերի» ժամանակ Նիկոլը կանչեց, այսինքն՝ երբ որ ասաց, որ ինքը պետք է լինի հրապարակում, բաց ձեռքերի հեղափոխություն ենք անելու, ես Թբիլիսիից անմիջապես եկա, բայց ցավոք ոչինչ այդ ժամանակ չստացվեց: Միշտ հետեւել եմ Հայաստանում տեղի ունեցող զարգացումներին, փորձել եմ մասնակցել: Նույնիսկ Րաֆֆիի ժամանակ՝ վերջին նախագահական ընտրություններից հետո, երբ ժողովուրդը նորից հավաքվել էր Բաղրամյան պողոտայում, ես Մոսկվայում էի աշխատում, ինքնաթիռի տոմս գնեցի եւ եկա, հասա: Այն էլ պարզվեց, որ ինքը գնացել է աղոթելու»,- վերհիշեց Զավեն Գրիգորյանը:

Թավշա հեղափոխությանը նախորդած քայլարշավին էլ նա ցանկություն է ունեցել մասնակցել, բայց հիվանդությունը թույլ չի տվել. «Ես բացի կոտրվածքից, լեյկեմիա հիվանդություն ունեմ, չէի կարող միանալ քայլարշավին: Կնոջս հետ որոշեցինք ամսի 13-ին վերադառնալ Երեւան ու միացանք արդեն ընդվզման գործողություններին»:

Ոստիկանության գործողություններից տուժած քաղաքացին նյութական ու բարոյական վնասի փոխհատուցում է ակնկալում: Բայց դրանից բացի կարեւոր է համարում նաեւ հասնել այն բանին, որ մեր երկրում ձայնային նռնակներ այլեւս չկիրառվեն:  

«Նախեւառաջ ակնկալում եմ, որ այդ նռնակներն արգելվեն մեկընդմիշտ, պատիժ կրի նա, ով հրաման է տվել դա ձեռքով գցել: Հրաման կատարողը մեղք չունի, նա երդում է տվել, կատարում է իր գործառույթը: Ով է տվել հրաման, ինչու է ձեռքով նետվել նռնակը, որը պետք է կրակեին: Այսինքն ՝ մինչեւ գետնին ընկնելը երեք մետր բարձրության վրա պետք է պայթեր՝ ձայնային շոկ ստեղծելով: Այնինչ դա պարզապես ձեռքով նետված է եղել, որը ոստիկանությունը չի հերքել, օգտագործվել է «Զարյա» տեսակի նռնակ»,- ասաց մեր զրուցակիցը: Նա նաեւ հավելեց, որ այդ նռնակների թիրախը այժմ արդեն վարչապետ Նիկոլ Փաշինյանն էր:  

«Դա Նիկոլին էր ուղղված: Անմիջապես իր հետեւում էինք կանգնած: Թիրախավորել էին Նիկոլին: Բարեբախտաբար, իր հետ բան չեղավ»,- գոհունակություն հայտնեց Զավեն Գրիգորյանը:

Փաստաբան Տիգրան Եգորյանը մանրամասնեց, որ Հատուկ քննչական ծառայությունում քրեական գործ է քննվում ապրիլի 13-16-ն ընկած ժամանակահատվածում տեղի ունեցած դեպքերի, այդ թվում՝ հատուկ միջոցների կիրառման հետեւանքով Զավեն Գրիգորյանին մարմնական վնասվածքներ պատճառելու կապակցությամբ: Քրեական գործն, ըստ փաստաբանի, ընդլայնված է: Հարուցված է մի շարք հոդվածներով: «Դրա մեջ մտնում են ինչպես զանգվածային անկարգությունների հետ կապված գործեր, լրագրողների դեմ կատարված ոտնձգություններ, այնպես էլ հատուկ միջոցների կիրառման հետեւանքով պատճառված մարմնական վնասվածքների դեպքերը: Դրա համար հոդվածները մի քիչ շատ են, բայց դրանք բոլորը վերաբերելի չեն Զավեն Գրիգորյանի դեպքին»,- ասաց Տիգրան Եգորյանը:

Նշված քրեական գործով առայժմ նախաքննություն է իրականացվում: «Այս փուլում պետք է պարզվեն կատարողները՝ հատուկ միջոցներ կիրառած ոստիկանները, այդ մասին հրահանգ տված ոստիկանական պաշտոնյաները եւ համապատասխանաբար առաջադրվեն մեղադրանքներ»,- պարզաբանեց փաստաբանը:

Ինչ վերաբերում է փոխհատուցման պահանջին, այն դեռեւս ձեւակերպվում է: «Բնականաբար, Զավեն Գրիգորյանը պետք է ստանա փոխհատուցում, ընդ որում դա պետք է լինի ինչպես նյութական, այնպես էլ բարոյական վնասի: Բավականին երկար ժամանակ Զավեն Գրիգորյանն անգործունակ է դարձել, եւ դրանով պայմանավորված՝ կենսական կարիքները հոգալուն ուղղված ծախսերը, որոնք նա վաստակում էր իր աշխատանքով, չի կարողանում վաստակել, եւ դեռ բավական երկար ժամանակ իր աշխատանքը չի կարողանալու կատարել: Բացի այդ, այս ամբողջ ընթացքում իր հոգեբանական վիճակի, կրած տառապանքների եւ այդ սթրեսերի հետ կապված պետք է ստանա նաեւ բարոյական վնասի փոխհատուցում»,- արձանագրեց փաստաբան Եգորյանը: Վնասի փոխհատուցողը կլինի ոստիկանությունը, թե պետական որեւէ այլ մարմին, նա կարեւոր չի համարում՝ ընդգծելով, որ ամեն դեպքում դրանք լինելու են բյուջետային միջոցներից: «Մենք կարծում ենք, որ սա ոչ թե մասնավոր անձի, այլ պետությանն ուղղված պահանջ պետք է լինի: Հետեւաբար մեծ նշանակություն չունի՝ ոստիկանության բյուջեի՞ց կհատուցվի, թե՞ կառավարության որեւէ որոշամբ»,- եզրափակեց նա:

Տպել
3179 դիտում

2020 թվականին Հայաստանում կառուցվել է այնքան ճանապարհ, ինչքան Քոչարյանի կառավարման 10 տարիներին. Պապոյան

Երևանի Մոլդովական փողոցում տեղի ունեցած սպանության համար մեղադրվում է 30-ամյա տղամարդ

Դատախազությունը օրենսդրական փոփոխություններ է առաջարկել ավտոմեքենաների հաշվառման համարանիշների հափշտակության համար

ԿԳՄՍ նախարարությունը կոչ է անում «Վերջին դաս»-ի համար բացառել որևէ դրամահավաք

Ֆերդինանդ Կարապետյանը մոտ է օլիմպիական խաղերի ուղեգիր նվաճելուն

Հաստատվել է կորոնավիրուսային հիվանդության 243 նոր դեպք ու կրկնակի առողջացում

Հարկադիր քարաթափում է իրականացվել Ախթալա-Շամլուղ ճանապարհահատվածում

Ոստիկանական օպերացիա Երևանում. հայտնաբերվել է «Շենգավիթցի Կյաժ Աշոտի» սպանության կասկածանքով հետախուզվողներից մեկը

Ռուբլին աճել է. Կենտրոնական բանկը սահմանել է նոր փոխարժեքներ

ԱԺ նախագահ Արարատ Միրզոյանի գլխավորած պատվիրակությունը պաշտոնական այցով մեկնում է Լիտվա

Համասն Իսրայելին վերջնագիր է ներկայացրել. հրթիռային հարվածների հետևանքով կան տասնյակ զոհեր ու վիրավորներ

«DigiCode 2021» կիրառական ծրագրավորման մրցույթին ներկայացված 748 հայտից հաղթող է ճանաչվել 8-ը

Վրաերթ Երևանում. հետիոտնը մահացել է հիվանդանոցի ճանապարհին. shamshyan

Նիդերլանդներում հայ կնոջ դանակահարության մասին լուրն իրականությանը չի համապատասխանում. դեսպանություն

Ադրբեջանը ոչնչացնում է հայկական գերեզմաններն ու գերեզմանաքարերը որպես շինանյութ օգտագործում. ԱՀ ՄԻՊ

Երևանի ու 5 մարզերի որոշ հասցեներում մի քանի ժամ լույս չի լինելու

ՄԻՊ-ը Ֆրանկոֆոնիայի խորհրդարանական վեհաժողովի պատվիրակությանը ներկայացրել է հայ գերիների վերադարձի հրատապությունը

ՃՈ-ն ուժեղացված ծառայություն է իրականացրել մի շարք քաղաքներում․պահպանվող հատուկ տարածքներ է տեղափոխվել 32 ավտոմեքենա

Ամաչե՛ք, ես ձեր փոխարեն գետինն եմ մտնում. ՇՊՀ ուսխորդի նախագահը ԵՊՀ-ի ակադեմիական շրջանակներին

Առաջարկվում է դպրոցի տնօրենի ընտրությունն իրականացնել մինչև գործող տնօրենի պաշտոնավարման ավարտը․ Ժաննա Անդրեասյան

Ավերածություններ Շիրակի մարզում. վնասի չափերը ճշտվում են (լուսանկարներ)

Իսլամի դեմ պայքարի ու քաղաքացիական պատերազմի վտանգի մասին Մակրոնին ուղղված նամակը մեծ իրարանցում է առաջացրել

ՄԻՊ-ը Ֆրանկոֆոնիայի խորհրդարանական վեհաժողովի պատվիրակությանը ներկայացրել է գերիների վերադարձի հրատապությունը

Նախագահն ստորագրել է հունիսի 20-ին Ազգային ժողովի արտահերթ ընտրություն նշնակելու մասին հրամանագիրը

Ես ամեն մի հիմար ձայնագրություն չեմ մեկնաբանում․ Վարդազարյանը՝ իրեն վերաբերող ձայնագրության մասին

ԱԻՆ ղեկավարն ընդունել է բարեգործ ֆրանսահայերի. գերատեսչությունը պատրաստ է շարունակական համագործակցության

Նիկոլ Փաշինյանի եզրափակիչ ելույթն Ազգային ժողովում՝ վարչապետի ընտրության հատուկ նիստին

Զորամասերում անցկացվել են Մեծ հայրենականի հերոսների հիշատակին նվիրված միջոցառումներ

Հայաստանի Պրեմիեր լիգայի առաջատարների խաղում գոլեր չխփվեցին

Ժողովրդի կամքի արտահայտման ոտնահարման ցանկացած փորձ արժանանալու է ամենախիստ արձագանքի. Լիլիթ Մակունց

ՌԴ-ում Հայաստանի դեսպանությունը հայտնում է, որ որոշ անձինք քաղաքացիներին փորձում են շփոթմունքի մեջ գցել

Հեղափոխական իշխանության դեպքում ընդդիմություն լինելը մոտավորապես անեծքի պես բան էր. Էդմոն Մարուքյան

Մահացել է «Սանտա Բարբարա» հեռուստասերիալի դերասանուհիներից Թոնի Քիթեյնը

Անկախ հիվանդանալու հանգամանքից պատվաստումը պետք է իրականացվի

Բեկթաշյանի ձայնին նման էր․ Բեքմեզյանը՝ դատավորի մասնակցությամբ աղմկահարույց ձայնագրության մասին

Հենց դա չի ներվում մեզ, ձեզ. մարդիկ չեն հասկանում՝ ոնց կարելի է չծախվել, երբ բորսայում ամենաբարձր գներն են. Փաշինյան

Չի կարելի վիճարկել մի բան, որում վստահ չես. Վահրամ Դումանյանը՝ Պոլիտեխնիկի ռեկտորի ընտրության արդյունքների մասին

Այդպես է սիրտս թելադրել. Նիկոլ Փաշինյանի թեկնածությանը կողմ քվեարկած պատգամավորը «Իմ քայլից» է

Վրաստանի վարչապետ Իրակլի Ղարիբաշվիլիի գլխավորած պատվիրակությունը պաշտոնական այցով կժամանի Հայաստան

Ազգային ժողովը 2-րդ անգամ վարչապետ չընտրեց. գործող խորհրդարանը համարվում է իրավունքի ուժով արձակված