Թալինում մանկապարտեզ կփակվի. քաղաքապետը միտումնավո՞ր է նպաստել դրան

Արագածոտնի մարզի Թալին համայնքի N2 մանկապարտեզի գործունեությունը օգոստոսի 1-ից դադարելու է: Այդպիսի որոշում կայացրել է քաղաքի ավագանին՝ պատճառաբանելով երեխաների փոքր թիվը:

Փակվող մանկապարտեզի աշխատակազմը տագնապած է գործազուրկ դառնալու հեռանկարից՝ համոզված, որ նոր աշխատանք գտնելը գրեթե անհնար է լինելու: Նրանք վստահ են, որ քաղաքային իշխանությունները իրադարձությունները միտումնավոր այնպես են զարգացրել, որ այսօր հայտարարեն մանկապարտեզում քիչ երեխա լինելու մասին:

«Նկատի ունենալով Թալինի թիվ 2 մանկապարտեզ ՀՈԱԿ-ում երեխաների թվի կտրուկ նվազումը՝ կապված երեխաների մեծ մասի դպրոց հաճախելու հետ եւ մանկապարտեզ հաճախելու նոր դիմումների բացակայությունը, ինչպես նաեւ հաշվի առնելով մնացած (10-15) երեխաներին Թալինի թիվ 3 մանկապարտեզում տեղավորելու հնարավորությունը, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 8-րդ կետի եւ 18-րդ հոդվածի 1-ին մասի 15-րդ կետի դրույթներով, համայնքի ավագանին որոշում է` 2018թ. օգոստոսի 1-ից դադարեցնել Թալինի թիվ 2 մանկապարտեզ ՀՈԱԿ-ի գործունեությունը»,- մասնավորապես ասվում է հունիսին 28-ին ընդունված փաստաթղթի մեջ: 

N2 մանկապարտեզի աշխատակիցները նկատում են, որ դեկտեմբերի վերջին՝ ձմեռային արձակուրդ մեկնելուց առաջ, մանկապարտեզն ունեցել է 107 սան: Փետրվարին հաստատությունը չի վերաբացվել, ինչպես արվել է սովորաբար: Զուգահեռ նաեւ լուրեր են տարածվել, թե N2 մանկապարտեզը փակվելու է, ու այդ պատճառով էլ, ըստ մեզ ներկայացվածի, ծնողները սկսել են իրենց երեխաներին տեղափոխել N3 մանկապարտեզ կամ ընդունելության համար դիմել այնտեղ, որովհետեւ փետրվարից այն նորից գործել է: N2-ը վերաբացվել է մարտին, որտեղ վերադարձել են ընդամենը 20 երեխա:

Մեզ հետ զրույցում աշխատակիցները հավաստիացնում էին, որ N2 մանկապարտեզում մշտապես երեխաների թիվը շատ ավելի մեծ է եղել, քան N3-ում, մինչեւ որ պատկերը փոխվեց այս տարվա սկզբին: «Մենք ողջ կոլեկտիվով հունվարի 31-ին գնացել ենք քաղաքապետարան՝ քաղաքապետ պարոն Արամյանի մոտ, որպեսզի իմանանք՝ ինչու չի բացվում մեր մանկապարտեզը: Մեզ ոչ ոք չընդունեց: Դիմեցինք մարզպետարան, ոչ մի արձագանք, տարածքային կառավարման նախարարություն, ոչ մի արձագանք: Որովհետեւ պարոն Արամյանը ասում է՝ չկա երեխա, չկա մանկապարտեզ: Բա ո՞ւր են մեր երեխաները, ինչի՞ համար է խաբեությամբ տարել այնտեղ, ասելով, որ 2-րդ մանկապարտեզը այլեւս չի բացվելու»,- ասաց աշխատակիցներից մեկը:

Արդեն այս օրերին Թալինի քաղաքապետ Սարգիս Արամյանն ընդունել է փակվող մանկապարտեզի աշխատակցներին: Նրանք խնդրել են մի քիչ ժամանակ տալ, որպեսզի մանկապարտեզի գործունեությունը չդադարարեցնելու կողմնակից ծնողներից ստորագրություններ հավաքեն: Ասել են, որ հակառակ դեպքում 15 կին դառնալու է գործազուրկ: Քաղաքապետը մերժել է՝ միաժամանակ առաջարկելով դիմել զբաղվածության գործակալություն, որտեղ միգուցե կարողանան օգտակար լինել այդ մարդկանց:

N2 մանկապարտեզը փակելու Սարգիս Արամյանի վճռականությունը այստեղ աշխատողները կապում են նախկին տնօրեն Աստղիկ Հովհաննիսյանի հետ տեղի ունեցածի հետ: Վստահեցնում են, որ քաղաքապետն անհիմն պատճառաբանությամբ նրան հեռացրել է պաշտոնից, ինչից հետո Հովհաննիսյանը դիմել է դատարան: Առաջին ատյանի դատարանի վճիռը եղել է հօգուտ քաղաքապետի: Վերաքննիչ դատարանը, սակայն, վճիռը բեկանել է: Այժմ N2 մանկապարտեզում կարծում են, որ քաղաքապետն այս անգամ էլ առաջնորդվում է «չկա մանկապարտեզ, չկա խնդիր» սկզբունքով:

Ի դեպ, ինչպես մեզ տեղեկացրեցին, N3 մանկապարտեզում խնամի-ծանոթ տարբերակով բազմաթիվ աշխատակիցներ կան. «Տնօրենի քույրը աշխատում է գործավար-մեքենագրուհի, քաղաքապետի կնոջ քույրը՝ խոհարարի օգնական, քաղաքապետարանի աշխատակազմի ղեկավարի կինը՝ տնտեսվար, իր ընկերոջ կինը աշխատում է հաշվապահ, այդ նույն հաշվապահի տալը աշխատում է դաստիարակ: Ռուսերենի դաստիարակը պարոն Արամյանի հորեղբոր հարսն է, համ այնտեղ է աշխատում, համ մեզ մոտ: Մեզ մոտ ռուսերենի դաստիարակի հաստիք է զբաղեցնում, այդտեղ աշխատում է որպես դաստիարակ: Եթե մեր մանկապարտեզում կրճատում է գնում, քաղաքապետն ասում է՝ բյուջե չունեմ, ինչի համար է երկու խմբի համար աշխատում ռուսերենի դաստիարակը: Որ իր բարեկա՞մն է: Բա մե՞նք ով ենք: Մենք ոչ ո՞ք ենք: Մենք տեր չունենք, բարեկամ չունենք, թիկունք չունենք: Ուր գնանք աշխատենք: Հենց էնպես էսքան մարդու դարձրել են գործազուրկ ու հոգեկան ներվային հիվանդներ: Մարտ ամսից մենք բոլոր աշխատողներով հոգեկան սթրես ենք ապրել, մեր բոլորի սիրտը ցավում է, որ խմբերում տեղ չի եղել, 33 երեխայով աշխատել ենք, էսօր մենք չունենք երեխա, որ աշխատենք»:

Թալինի քաղաքապետ Սարգիս Արամյանը հրաժարվեց խնդրի վերաբերյալ հեռախոսով որեւէ մեկնաբանություն տալ: Տնօրեն Ամալյա Սահակյանն էլ թեպետ չմերժեց, բայց պարզաբանեց շատ կարճ: Նա, ի դեպ, միաժամանակ ղեկավարում է եւ 2-րդ եւ 3-րդ մանկապարտեզները: N2-ի տնօրենի աշխատանքային պարտականությունները նրա վրա են դրված 2017-ի փետրվարից: «Այո, մանկապարտեզի գործունեությունը դադարեցվելու պատճառը երեխաների թիվն է, միտումնավոր բան չկա: Ծնողին ինչպե՞ս կարող ես պարտադրել, ասել՝ երեխայիդ տար այն մանկապարտեզ: Դա ծնողի որոշումն է, ցանկացել են, տարել են մյուս մանկապարտեզ: Ուրիշ հարցերի չեմ պատասխանի»,- ասաց տիկին Սահակյանը: Այդուհանդերձ, նկատեցինք, որ ըստ մեզ փոխանցվածի, N2 մանկապարտեզը տարեսկզբին ուշ է վերաբացվել, դրա համար էլ երեխաներին ծնողները N3 մանկապարտեզ են տեղափոխել: «Դե չգիտեմ, այդ հարցերը ինձ մի տվեք: Ես չեմ մանկապարտեզ բացող-փակողը: Ես ձեզ ընդամենը ասում եմ՝ այո, պատճառը երեխաների թիվն էր եւ ծնողների ցանկությունը: Ծնողի իրավունքն է, որտեղ ցանկանա, այնտեղ էլ կտանի երեխաներին»,- պատասխանեց տնօրենը եւ հրաժեշտ տվեց:

Տպել
7176 դիտում

Նոր Արմավիր գյուղի տներից մեկում հրդեհ է բռնկվել․ դեպքի վայրում է հրշեջ-փրկարարական ջոկատների երեք մարտական հաշվարկ

Հովտաշատում օծվել է Արցախյան պատերազմում զոհվածների հիշատակը հավերժացնող խաչքար (տեսանյութ)

Ընդդիմությունը ցանկալին ներկայացնում է իրականություն․ ՏԻՄ ընտրությունը չի կարող համեմատվել համապետական ընտրության հետ

Ստեփանավանի ոլորաններ կոչվող հատվածում, Վանաձոր-Դիլիջան և Արթիկ-Ալագյազ ավտոճանապարհներին տեղ-տեղ առկա է մերկասառույց

Պատրաստակամ ենք ընդլայնել համագործակցությունը․ Նարեկ Մկրտչյանն ընդունել է ՄԱԿ-ի մանկական հիմնադրամի ներկայացուցչին

Դոլարն ու եվրոն թանկացել են․ Կենտրոնական բանկը սահմանել է նոր փոխարժեքներ

Իջևան-Դիլիջան ճանապարհահատվածում բեռնատարն ու թեթեւ մարդատարը բախվել են․ բեռնատարի վարորդը հոսպիտալացվել է

Հայաստանում անցկացվել է անվասայլակներով բասկետբոլի ու հաշմանդամություն ունեցող անձանց սեղանի թենիսի առաջնությունը

Բուհ ընդունվելու համար դիմորդներն այսուհետ կհանձնեն երկու միասնական քննություն. բանավոր քննությունները հանվել են

Ընտրապայքարն ավարտված է, և առանց ժամանակ կորցնելու պետք է լծվենք մեր համայնքի շենացման գործին․ Արամ Խաչատրյան

Երևանի ամենատարեց ծառերն անձնագրեր կստանան (տեսանյութ)

Ամենայն հայոց կաթողիկոսն ընդունել է Կաթողիկե հայոց պատրիարքին, անդրադարձել հայ ժողովրդի առջև ծառացած մարտահրավերներին

Խախտումներ են հայտնաբերվել Էրեբունի և Նուբարաշեն վարչական շրջանների տրանսպորտային միջոցներում

Անցկացվել է մարտական հերթապահության մեկնող անձնակազմի շարային ստուգատես

ՀՀ-ում կորոնավիրուսի դեմ ավելի շատ տղամարդիկ են պատվաստվել, քան կանայք

Ստանիսլավսկու անվան պետական ռուսական դրամատիկական թատրոնը Տաշքենդում մասնակցում է երիտասարդական թատերական ֆորումին

Քաղաքական խորհրդակցություններ են կայացել Հայաստանի և Ֆինլանդիայի արտաքին գործերի գերատեսչությունների միջև

Ողբերգական դեպք Գեղարքունիքի մարզում, հայտնաբերվել է Ակունք գյուղի բնակչի հոշոտված դին․ shamshyan

24 հարց՝ դեկտեմբերի 7-ին գումարվող հերթական նիստերի օրակարգի նախագծում

Արմեն Սարգսյանը ցավակցական հեռագիր է հղել ԱՄՆ նախկին սենատոր և նախագահի թեկնածու Ռոբերտ Դոուլի մահվան կապակցությամբ

ՀՀ յուրաքանչյուր պետական այր որևէ տառ արտասանելուց առաջ պետք է լավ գիտակցի իր խոսքի կշիռն ու հետևանքը. Աղաջանյան

Ոստիկանությունը տեսանյութ է հրապարակել՝ ինչպես է բերման ենթարկել հետախուզման մեջ գտնվող Ստեփանավանի նախկին քաղաքապետին

«Սևան» ՔԿՀ-ում հայտնաբերվել է ներնետված փաթեթ (լուսանկարներ)

Կոալիցիաների շուրջ բանակցությունները դրական ընթացք ունեն. Ալեքսանյանը՝ ՏԻՄ ընտրությունների և արդյունքների մասին

Ներկայացված 14-օրյա թեստի ժամկետը լրանալուց հետո նոր կգործի 7 օրը մեկ ՊՇՌ թեստի պատասխան ներկայացնելու պահանջը

1 քրեական գործ և 11 նախապատրաստվող նյութեր՝ 4 մարզերի ՏԻՄ ընտրություններում առերևույթ ընտրական հանցագործության դեպքերով

Հայաստանն արտադրում է «Սպուտնիկ Լայթ» պատվաստանյութ

Նախագահ Արմեն Սարգսյանը հանդիպել է Միացյալ Թագավորության արտակարգ և լիազոր դեսպանի հետ

Մարտական հենակետերում ստուգայցեր են իրականացվել

ԿԳՄՍ նախարարության պատվիրակությունը Վրաստանում կքննարկի համագործակցության խթանմանն ուղղված հարցեր

«Դալմա Գարդեն մոլ» առեւտրի կենտրոնը տուգանվել է. չեն պահպանվել հակահամաճարակային կանոնները

Երախտապարտ եմ ինձ հասցեագրված յուրաքանչյուրիդ վստահության համար. Վահագն Արսենյան

Տեղեկացված ես՝ պաշտպանված ես. IDBank

Ավազի հանքարդյունահանմամբ և վերամշակմամբ զբաղվող ընկերության գործունեությունը կասեցվել է

ՀՀ նախագահը կրթական, տեխնոլոգիական ոլորտներում համագործակցության հարցեր է քննարկել Մոսկվայի «Սկոլկովո»-ի ռեկտորի հետ

Երևանում հացի արտադրամասի գործունեություն է կասեցվել, հայտնաբերվել են սանիտարահիգիենիկ նորմերի կոպիտ խախտումներ. ՍԱՏՄ

Պողոս Աբրահամյանն ազատվել է Շիրակի մարզպետի տեղակալի պաշտոնակատարի պաշտոնից

Ուժեղացված ծառայություն մարզերում. հայտնաբերվել է ճանապարհային երթևեկության կանոնների 4570 խախտում (տեսանյութ)

Շուտով կիրառության մեջ կդրվի Հայաստանում արտադրված «Սպուտնիկ լայթ» պատվաստանյութը. այն կօգտագործվի որպես խթանիչ դեղաչափ

Կարեն Սարուխանյանն ազատվել է ՀՀ ԱԻ նախարարի տեղակալի պաշտոնից