Թավշյա հեղափոխությունը՝ ՄԱԿ-ի ամբիոններից. աշխարհը կարող է ձանձրանալ

Հուլիսի 9-ից 18-ը Նյու Յորքում անցնում էր ՄԱԿ-ի՝ Կայուն զարգացման հարցերով բարձրաստիճան քաղաքական ֆորումը: Ֆորումը հանդիսանում է ՄԱԿ-ի «Կայուն զարգացման 2030 օրակարգ»-ում ներառված նպատակների քննարկման հիմնական հարթակը, որը գումարվում է ամեն տարի Տնտեսական ու սոցիալական խորհրդի հովանու ներքո, իսկ յուրաքանչյուր չորս տարին մեկ՝ պետությունների ղեկավարների եւ կառավարությունների մակարդակով՝ ՄԱԿ Գլխավոր ասամբլեայի:

«Կայուն զարգացման 2030 օրակարգ»-ում ներառված են 17 նպատակ, որոնք ընդունվել են 193 երկրների կողմից 2015 թ. սեպտեմբերին: Ըստ այդ նպատակների՝ մինչեւ 2030 թ. նախատեսվում է երկրների միասնական ջանքերով վերացնել աղքատությունը եւ սովը, պայքարել բոլոր տեսակի անհավասարությունների դեմ, լուծել կլիմայի փոփոխության հետ կապված խնդիրները՝ «միաժամանակ հետեւելով, որ ոչ ոք չանտեսվի»:

Այս տարվա ֆորումն անցնում էր «Փոխակերպում կայուն եւ ճկուն հասարակությունների» խորագրով: Ֆորումը կենտրոնացած էր օրակարգի 17 նպատակներից վեցի վրա, որոնք հիմնականում վերաբերվում էին բնապահպանությանը եւ սոցիալական հարցերին:

Ֆորումին մասնակցում էր նաեւ Հայաստանի պատվիրակությունը՝ առաջին փոխվարչապետ Արարատ Միրզոյանի գլխավորությամբ: ՄԱԿ-ի կենտրոնակայանում Միրզոյանը հանդես է եկել ելույթով եւ ներկայացրել Հայաստանի կամավոր ազգային զեկույցը:

Ելույթում Միրզոյանը զուգահեռներ է տարել հայկական հեղափոխության եւ այն գործընթացի միջեւ, որը տեղի էր ունենում «հենց հիմա եւ հենց այս դահլիճում»: Դրանից հետո նա բավական մանրամասն նկարագրել է ապրիլյան իրադարձությունները եւ նշել, որ նույն ոգով պետք է կատարվեն գլոբալ փոփոխությունները:

«Ինչպես նշեցի, մենք հավատում էինք մեր առաքելությանը, մենք ամեն ինչ դրեցինք վտանգի տակ, մենք ամուր կանգնեցինք եւ հաղթեցինք: Եվ հիմա, մենք սկսում ենք գործել: Սա է, կարծում եմ, այն ամենը, ինչ մենք պետք է անենք, որպեսզի լուծենք մարդկության առջեւ ծառացած մարտահրավերները եւ հասնենք Կայուն զարգացման նպատակներին», - ասել է առաջին փոխվարչապետը:

Ինչպես Միրզոյանի ելույթում՝ զեկույցի նախաբանում եւս մեծ տեղ էր հատկացված հեղափոխությանը:

«Հատկանշական է, որ ժողովրդավարական եւ խաղաղ (ոչ բռնի) հեղափոխությունը ընդգրկուն եւ ապակենտրոնացված գործընթաց էր: Դա քաղաքացիների մտածելակերպի փոփոխության գործընթաց էր, որը միաժամանակ օգնեց նրանց դառնալ ակտիվ ու պատասխանատու: Այժմ կառավարությունը պարտավոր է կապիտալիզացնել հեղափոխության ձեռքբերումները եւ նախաձեռնել, օժանդակել ու կյանքի կոչել հեղափոխության բերած փոփոխությունները կյանքի բոլոր ոլորտներում՝ քաղաքական, սոցիալական, տնտեսական եւ մշակութային», - ասված է զեկույցի նախաբանում:

Այդուհանդերձ, զեկույցի հիմնական ուղերձներն այլ էին: Դրանում նախ նշվում էր, ՀՀ կառավարությունը դիտարկում է Կայուն զարգացման նպատակները որպես Հայաստանում մեկնարկած ներքին բարեփոխումների կարեւոր գործիքներից մեկը: Բացի այդ, նշվում էր, որ Հայաստանը դեռեւս 2015 թվականից ակտիվորեն աշխատել է Կայուն զարգացման նպատակների իրականացման համար անհրաժեշտ ենթակառուցվածքներ ստեղծելու ուղղությամբ:

Բարեփոխումների օրակարգի եւ դրանց իրականացման ուղղությամբ ձեռնարկվող քայլերի մասին է խոսվել նաեւ ՄԱԿ-ում ՀՀ մշտական ներկայացուցչության մասնակցությամբ կազմակերպված «Նորարարությունը, հանրօգուտ ներդրումները եւ Կայուն զարգացման նպատակները որպես բարեփոխումների խթանման գործիք» խորագրով բարձր մակարդակի քննարկման ընթացքում: Քննարկումն անցնել է ՀՀ արտաքին գործերի նախարար Զոհրաբ Մնացականյանի նախագահությամբ, բանախոսներն էին՝ տրանսպորտի, կապի եւ Տեղեկատվական տեխնոլոգիաների փոխնախարար Հակոբ Արշակյանը, Սփյուռքի փոխնախարար Բաբկեն Տեր-Գրիգորյանը, Հայաստանում ՄԱԿ-ի մշտական համակարգող Շոմբի Շարփը եւ «Wicastr» ընկերության գործադիր տնօրեն Արմին Սաիդին։

Թեեւ միջոցառումը նվիրված էր Կայուն զարգացման նպատակների (ԿԶՆ) իրականացման ուղղությամբ Հայաստանի՝ նորարարությունների եւ մասնավոր հատվածի հետ գործընկերության վրա հիմնված փորձին, այն եւս անմասն չի մնացել հեղափոխությունից: Նախատեսվող եւ մինչ այս իրականացված բարեփոխումները ներկայացվել են հեղափոխության համատեքստում, դրա հետ սերտ կապի մեջ՝ ընդհուպ մինչեւ PowerPoint-ի ներկայացումներում տեղ գտած սլայդներ:

Հայկական հեղափոխությունն իրողություն է եւ հետդարձի ճանապարհ այլեւս չկա: Կասկածից վեր է նաեւ, որ հեղափոխությունը վերջին տարիների հայկական իրականության ամենավառ եւ դրական իրադարձությունն է: Սակայն համաշխարհային տարբեր հարթակներում այդ իրողության շեշտադրումը, ամեն առիթով դրա հիշատակումը, ցանկացած գործողության փոխկապակցումը հեղափոխության հետ ձանձրացնող են: Առավել եւս, որ Հայաստանն ունի շատ ավելի գործնական գաղափարներ եւ հնարավորություններ, որոնք կարելի է եւ, միգուցե, պետք է արտահայտել միջազգային հարթակներից:

Տպել
8570 դիտում

Ինչպես եւ ում դիմել. Արցախին ու Պաշտպանության բանակին աջակցել ցանկացողների համար հրապարակվել են հեռախոսահամարներ

Առավոտյան հաջողություններ ենք գրանցել Ասկերան-Մարտունի հատման հատվածում. Անդրանիկ Քոչարյան

Հակառակորդը տանկային մարտում կորցրել է 10 միավոր զրահատեխնիկա (տեսանյութ)

ԱԱԾ-ն ՀՀ քաղաքացիներին կոչ է անում զերծ մնալ արցախցիներին իրենց տներում ընդունելու մասին հրապարակումներից

Զինծառայող Հարութ Սաղաթելի Գևորգյանը չի զոհվել, նա վիրավորում է ստացել. ՊԲ-ն հայցում է հարազատների ներողամտությունը

Տեղի է ունեցել Հանրային խորհրդի արտահերթ նիստ. որոշում է կայացվել ստեղծել օպերատիվ աշխատանքային խումբ

ՌԴ-ում 20 հազար հայորդի կամավորագրվել է Արցախ մեկնելու համար. Արա Աբրահամյան

ՀՀ-ն ՄԻԵԴ-ին նոր փաստեր է ուղարկել Ադրբեջանի կողմից քաղաքացիական բնակչության թիրախավորման վերաբերյալ

Ադրբեջանի կողմից հրադադարի ռեժիմը խախտելու և տարբեր զինատեսակներից կրակոցներ արձակելու փաստերով քրգործ է հարուցվել. ՔԿ

Աննա Հակոբյանն այցելել է Ստեփանակերտի կենտրոնական զինվորական հոսպիտալ

Արսեն Թորոսյանը մեկնել է Արցախի Հանրապետություն, գործընկերոջ հետ քննարկել է բուժօգնության կազմակերպման հարցեր

ՀՀ դիվանագիտական զինանոցում կա Արցախի ճանաչման հարցը. Էդմոն Մարուքյան

Լեռնային Ղարաբաղի խնդիրը չի կարող լուծվել բռնությամբ. Դմիտրի Մեդվեդեւ

Պարոն Ալիևը ուզում է կյանքի կոչել Էրդողանի երազանքները. Պետդումայի նախկին պատգամավոր

«Ես ձեր ցավը տանեմ, մենք միասին ենք». ազգությամբ քուրդ եւ եզդի ԱԺ պատգամավորները աջակցություն հայտնեցին հայ ժողովրդին

Եվրախորհրդարանի 2 ամենամեծ կուսակցությունները դատապարտել են Ադրբեջանի գործողությունները

Դավիթ Տոնոյանն ու ԱՀ նախագահ Արայիկ Հարությունյանն այցելել են բանակի մարտական կառավարման կենտրոն

Հայկական կողմը եւս 28 զոհ ունի. ՊԲ-ն հրապարակել է այսօր նահատակված զոհերի անունները

ՀՀ երեք օպերատորների հայտարարությունը Արցախում ռոումինգը վերացնելու պահանջի վերաբերյալ

Հրետանու կրակի խտությունը աննախադեպ է, երբևէ նման խտության կրակ այս տարածաշրջանում չի եղել. Ա. Հովհաննիսյան