Լուսանկարում՝ Սերժ Սարգսյանը շրջայց է կատարում Երեւանում, 2012 թվական

Երեւանի ՀՀԿ-ական քաղաքապետ Տարոն Մարգարյանը հուլիսի 9-ին, ի վերջո հրաժարական տվեց: ՀՀԿ-ական էլիտայի մի մասի համար սա անակնկալ է եղել: Շատերը նախապես չեն իմացել նրա հրաժարականի մասին, քանի որ նրանց վերջին տեղեկությունները նրա պաշտոնավարման մասին եղել են այն, որ Սերժ Սարգսյանը Տարոն Մարգարյանին հորդորել է մինչեւ վերջ «աթոռին կպած» մնալ:

Երեկ ԱԺ-ում, հոգով եւ սրտով դեռ ՀՀԿ-ական համարվող մի քանի պատգամավոր «Հայկական ժամանակ»-ի հետ մասնավոր զրույցում փոխանցեցին, որ Տարոն Մարգարյանը հրաժարական տալու ցանկություն ունեցել է դեռ այն ժամանակ, երբ Նիկոլ Փաշինյանը վարչապետ է ընտրվել, սակայն նրան այդ քայլին գնալ չի թողել Սերժ Սարգսյանը: Դրանից հետո մինչեւ այն խոսակցությունների ժամանակահատվածը, թե՝ Մարգարյանը դիմում է գրել եւ պատրաստվում է հրապարակել, թեժ քննարկումներ են եղել նրա ու ՀՀԿ-ականների միջեւ՝ քաղաքապետի պաշտոնից հեռանալ-չհեռանալու շուրջ: Քննարկումները եղել են Սերժ Սարգսյանի հորդորով:

Պատճառն այն է, որ Տարոն Մարգարյանը Երեւանում լուրջ ձեւավորված թիմ ուներ, որով կարողացել է այս տարիների ընթացքում ընտրությունների ժամանակ քաղաքացիների քվեներն ուղղորդել ՀՀԿ: Կուսակցությունում հույս են ունեցել, որ Ազգային ժողովի արտահերթ ընտրություններն անցկացնելուց հետո միայն նոր կառավարությունը կզբաղվի Երեւանի քաղաքապետի պաշտոնով: Այս փաստը ՀՀԿ-ի համար ինչ-որ չափով հույս է եղել, որ կկարողանան ընտրություններում հաղթահարել գոնե 10-15 տոկոսի շեմը:

Հանրապետական պատգամավորներից հետաքրքրվեցինք, թե ինչն էր պատճառը, որ Տարոն Մարգարյանը շտապ ցանկանում էր հրաժարական տալ եւ հեռանալ: Մեր զրուցակիցները նշեցին՝ պատճառը եղել է ԱԱԾ վերջին բացահայտումները, որոնք կապված են եղել «Երեւան» հիմնադրամի յուրացումների հետ: Այսինքն՝ Տարոն Մարգարյանը ցանկացել է իրերը հավաքել եւ օր առաջ հեռանալ, որպեսզի հանրության աչքի առաջ չլինի եւ իրավապահների ուշադրության կենտրոնում չհայտնվի: Սակայն ստացվում է, որ սեփական կուսակցությունը նրան «փուռը» տվեց:

Մեկ այլ աղբյուրից էլ տեղեկություն ստացանք, որ Տարոն Մարգարյանի հրաժարականի դիմումը մեկ շաբաթից ավելի «սպասողական վիճակում» է եղել տարածքային կառավարման եւ զարգացման նախարար Սուրեն Պապիկյանի մոտ: Վարչապետ Նիկոլ Փաշինյանն այն չի շտապել հաստատել: Ի դեպ, մոտ մեկ ամիս առաջ լրագրողների հարցին ի պատասխան ասել էր, որ, եթե անհրաժեշտություն լինի, նա կհորդորի եւ Տարոն Մարգարյանը հրաժարական կտա:

Հանրապետական պատգամավորներից մեկը, մեր այն հարցին՝ ՀՀԿ-ն քաղաքապետի պաշտոնում թեկնածու առաջադրելո՞ւ է, պատասխանեց. «Հանրապետական կուսակցություն էլ կա՞ որ, այն արդեն փլուզվել է»:

Հանրապետականի պաշտոնական դիրքորոշումն այս հարցի շուրջ դեռ պարզ չէ: ԱԺ ՀՀԿ խմբակցության ղեկավար Վահրամ Բաղդասարյանը նշեց, որ այս հարցով քննարկում դեռեւս չեն ունեցել:

«Մենք նման քննարկում չենք ունեցել, համբերեք, կքննարկենք, դրա մասին լրացուցիչ ձեզ կհաղորդենք»,- ասաց նա:

Հարցին` ի՞նչը կարող է խոչընդոտել, որ չառաջադրեք, Բաղդասարյանը պատասխանեց.

«Կշարժվենք օրենքով, ո՞վ է ասում, որ հայտարարում ենք` առաջադրում ենք կամ չենք առաջադրում, չենք քննարկել»:

Հարցին էլ` իմաստ ունի՞, որ ՀՀԿ-ն թեկնածու առաջադրի, երբ հանրության համակրանքը ՔՊ-ի կողմն է, նա արձագանքեց. «Քաղաքացիական պայմանագիրը ավագանիում մեծամասնություն ունի՞»:

ՀՀԿ-ականներից մեկը, որը միջանցքում լսել էր լրագրողներին տված Բաղդասարյանի այն պատասխանը, թե՝ ՔՊ-ն մեծամասնություն չունի ԱԺ-ում, օրվա ավարտին մեր զրույցում փոխանցեց, որ թեկնածու չեն առաջադրելու: Պատճառների մասին էլ նշեց՝ ի՞նչ տարբերություն, եթե ՀՀԿ-ական է լինելու քաղաքապետը, ապա Տարոն Մարգարյանը կմնար:

ՏԻՄ օրենքի համաձայն՝ Երեւանի ավագանին իր անդամներից որեւէ մեկին քաղաքապետ կարող է ընտրել 73 օրվա ընթացքում: Սակայն տեղեկություններ կան, որ Կամո Արեյանը Երեւանի քաղաքապետի պաշտոնակատարի կարգավիճակում կարող է մնալ մինչեւ հոկտեմբեր: Այդ ժամանակահատվածում էլ տեղի կունենան նոր ընտրությունները: Այսինքն, բանը չի հասնելու նրան, որ ավագանին փորձի իր կազմից որեւէ մեկին նոր քաղաքապետ ընտրի: Մեր այս տեղեկութունն՝ ըստ էության, հաստատեց նաեւ ՔՊ վարչության անդամ Ալեն Սիմոնյանը:

«Ճիշտ տրամաբանությունն այն է, որ նոր ընտրություններ տեղի ունենան, որովհետեւ Երեւանում մենք կունենանք մի իրավիճակ, ինչն ունենք Ազգային ժողովում: Այն է, որ ԱԺ-ում մեծամասնությունն ընդդիմություն է՝ ՀՀԿ-ն եւ այն անհատ պատգամավորները, որոնք դուրս են եկել ՀՀԿ-ից: Նույն իրավիճակն էլ պահել քաղաքապետարանում, կարծում եմ, որ սխալ է: Ճիշտ կլինի, որ նոր ընտրություններ լինեն, կարծում եմ, որ իրադարձություններն այդպես էլ կզարգանան: Տարոն Մարգարյանի հրաժարականից հետո չեմ կարծում, որ ՀՀԿ-ն կունենա այն թեկնածուին, որը մեծամասնության քվեն կստանա»,- ասաց Ալեն Սիմոնյանը:

Արդեն պարզ է, որ Երեւանի քաղաքապետի պաշտոնը եւս բաժին է հասնելու Քաղաքացիական պայմանագիր կուսակցությանը: Նախնական տեղեկությունների համաձայն՝ ՔՊ կուսակցության նեղ շրջանակում քննարկում է եղել, որ այդ պաշտոնը զբաղեցնելու է Արարատ Միրզոյանը, որը հիմա առաջին փոխվարչապետի պաշտոնն է զբաղեցնում:

Արարատ Միրզոյանը ՀԺ-ի հարցին՝ կուսակցության ներսում քննարկվե՞լ է առաջիկայում իր քաղաքապետ դառնալու հարցը, բացասական պատասխան տվեց:

Բանն այն է, որ փոխվարչապետի պաշտոնը 2015 թվականի Սահմանադրական փոփոխություններով նախատեսված չի եղել: Սակայն Սերժ Սարգսյանն այս պաշտոնը «սղացրեց» Կարեն Կարապետյանի սիրտը չկոտրելու համար: Ու քանի որ այդ պաշտոնն արդեն կար, դրա համար այն զբաղեցրեց Միրզոյանը: Շուտով այս պաշտոնը այլեւս չի լինի, քանի որ սուպերվարչապետական համակարգի «լուծարումից» հետո վարչապետն այլեւս առաջին տեղակալ չի ունենա:

Այնուհանդերձ, նշենք, որ առաջին փոխվարչապետը, որպես այդպիսին, որեւէ գործառույթ չի իրականացնում: Նախկին փոխվարչապետերից Վաչե Գաբրիելյանը ՀԺ-ին դեռ ամիսներ առաջ ասել էր, որ նրա պարտականությունը վարչապետի բացակայության ընթացքում վերջինիս փոխարինելն է: Սակայն գործնականում տեսնում ենք, որ Միրզոյանին այդ պարտականությունը չի վստահվում: Մասնավորապես, կառավարության նիստը, որը պետք է տեղի ունենար հուլիսի 12-ին՝ հինգշաբթի օրը, տեղափոխվեց, քանի որ վարչապետն այդ օրը լինելու է Բրյուսելում:

Տպել
11973 դիտում

Ոստիկանությունը թույլ չի տվել կազմակերպել Սյունիքի համայնքապետերի ազատության պահանջով ստորագրահավաքը

Ավստրալիայի արտգործնախարարն արձագանքել է Արցախի անկախության ճանաչման կոչով խնդրագրին. 1lurer

Ծովինար գյուղում հետախուզվող է հայտնաբերվել

Կայացել է Նիկոլ Փաշինյանի և արտախորհրդարանական քաղաքական ուժերի ղեկավարների խորհրդակցական ժողովի առաջին նիստը(տեսանյութ)

Վարանդայի (Ֆիզուլի) շրջանում որոնողական աշխատանքներն անարդյունք էին. վաղը որոնումներ չեն նախատեսվում

Ոստիկանությունում քննարկում են պարեկների մեքենաների և համազգեստի վրայի գրությունները փոխելու հարցը

Կայացել է «Իրանի հայկական եկեղեցիները» գրքի շնորհանդեսը

Տոկիո-2020. Արթուր Դավթյանը երկրորդ տեղով դուրս եկավ հենացատկի եզրափակիչ

Ձորից դուրս է բերվել զրուցարանից հեռացած ու չվերադարձած 42-ամյա քաղաքացու դին

Արցախում կորոնավիրուսի 1 դեպք է հաստատվել

«Արծվի թևերի» մոտակայքում մեքենաներ են բախվել. տուժածները հոսպիտալացվել են

Նախագահ Արմեն Սարգսյանը Տոկիոյի օլիմպիական մարզադաշտում հետևել է մարմնամարզիկ Արթուր Դավթյանի մրցելույթին (լուսանկարներ)

Գյումրիում բնակարանագողեր են բռնվել

Իջևան-Նոյեմբերյան ավտոճանապարհին մեքենաներ են բախվել. կան տուժածներ

«Մի′ գուշակիր, արի՛ հետազոտվելու». հանրային միջոցառում Սպիտակում և Երևանում

Սպասվում է բարձր կարգի հրդեհավտանգ իրավիճակ

ՀՀ-ն ցանկանում է Ճապոնիայի հետ հարաբերություններին նոր որակ հաղորդել և փոխգործակցության նոր էջ սկսել․ Արմեն Սարգսյան

ՀՀ ԶՈւ գլխավոր շտաբի պետն ընդունել է ՀՀ-ում Բուլղարիայի ռազմական կցորդին

Արաբկիր, Աջափնյակ և Դավիթաշեն վարչական շրջաններում իրականացվել է ուժեղացված ծառայություն (լուսանկարներ)

Տոկիո-2020. Արթուր Դավթյանի փայլուն ցատկերը որակավորման փուլում. Տեսանյութ

Նիկոլ Փաշինյանն ու Աննա Հակոբյանը մասնակցել են Ջիվան Գասպարյանի վերջին հրաժեշտի արարողությանը (լուսանկարներ, տեսանյութ)

Աճյունների որոնողական աշխատանքներն այսօր կշարունակվեն Վարանդայի (Ֆիզուլի) շրջանում

Կատարվել են խուզարկություններ, զննություններ, բերման է ենթարկվել 5 անձ. ուժեղացված ծառայություն Արմավիրի մարզում

Տոկիո-2020. մարմնամարզիկ Արթուր Դավթյանը հաջող ելույթով մեկնարկեց Օլիմպիական խաղերում

ՅՈՒՆԵՍԿՕ-ն Թուրքիայից զեկույց է պահանջում մզկիթի վերածված Սուրբ Սոֆիայի տաճարի վիճակի մասին. «Արմենպրես»

Նորագյուղ թաղամասում նռնակ է հայտնաբերվել

ՊՆ 35-ամյա ծառայողը մեքենայով գլխիվայր շրջվել է և տեղում մահացել. shamshyan.com

Մի պապիկ եկավ, ասաց՝ հիվանդանոցում զինվորների մազերը կկտրե՞ս. լիբանանահայ Գրիգորը դա չնչին փոխհատուցում է համարում

Պատմական Արտաշատ մայրաքաղաքի տարածքում կիրականացվեն հնագիտական ուսումնասիրություններ

Հետախուզվողն օդանավակայանից ներկայացել է ոստիկանություն

Նախագահ Սարգսյանն առանձնազրույց է ունեցել կայսր Նարուհիտոյի հետ, անդրադարձել հայ-ճապոնական հարաբերություններին

Երևանում վերջին հրաժեշտն են տալիս մեծանուն արվեստագետ, դուդուկահար Ջիվան Գասպարյանին

ՊՆ պաշտպանական ազգային հետազոտական համալսարանում վերապատրաստման դասընթացն ավարտվել է

Կորոնավիրուսային հիվանդության 250 նոր դեպք է հաստատվել, մահացել է 5 մարդ

Երևանում ավտոմեքենա է այրվել

ՀՀ նախագահ Արմեն Սարգսյանը մասնակցել է Ճապոնիայի կայսր Նարուհիտոյի կողմից կազմակերպված ընդունելությանը (տեսանյութ)

ՔԿ-ն հրապարակել է փոխհրաձգության հետևանքով հրազենային վնասվածքներ ստացած զինծառայողների անունները

ՄԻՊ արտահերթ զեկույց անգլերենով. ներկայացվել են Երասխում բնակիչների իրավունքների վտանգներն ու խախտումների փաստերը

Երևան-Սևան ավտոճանապարհին մեքենաներ են բախվել. տուժածները հոսպիտալացվել են

ՀՀ-ում փակ ճանապարհներ չկան