Նրան պետք է զրկել բոլոր կոչումներից. Ռոբերտ Աբաջյանի պապը՝ Մանվել Գրիգորյանի մասին

Ապրիլյան պատերազմում զոհված, հետմահու Արցախի հերոսի կոչմանն արժանացած Ռոբերտ Աբաջյանի պապը կարծում է, որ վերջին աղմակահարույց բացահայտումներից հետո գեներալ Մանվել Գրիգորյանին պետք է զրկել բոլոր կոչումներից ու հանձնել ժողովրդի դատաստանին:

«Որովհետեւ նա մարդկային ոչ մի հատկանիշ չունի, մարդկային ոչ մի քայլ չի արել, նա իրեն դրել էր Աստծո տեղ երկրապահների մոտ, բայց ապացուցվեց, թե ինչ է իրենից ներկայացնում: Ամենադաժան դատաստանը նույնիսկ նրա համար քիչ է»,- զսպված վրդովմունքով ու հուզված ասաց Արցախի ամենաերիտասարդ հերոսի պապը՝ Գեւորգ Աբաջյանը:

Ազգային անվտանգության ծառայության երեկ հրապարակած տեսանյութից պարզ դարձավ, որ Մանվել Գրիգորյանի ամառանոցում հսկայածավալ զենք ու զինամթերք էր պահեստավորված, կային մեծ թվով ավտոմեքենաներ, նաեւ՝ բանակին նվիրաբերված շտապօգնության մեքենա: Այնտեղ էին կուտակված զինվորի համար նախատեսված պահածոյացված միս, որով գեներալի կենդանիներն են կերակրվել: Նրա ամառանոցում էին հայտնվել նաեւ ապրիլյան պատերազմի օրերին դպրոցականների՝ առաջնագիծ ուղարկած ծանրոցները՝ երկրի պաշտպաններին հասցեագրած նամակների հետ միասին: Հատկապես վերջին փաստի մասին խոսելիս՝ Գեւորգ Աբաջյանի աչքերը արցունքով էին լցվում:

«Այդ մարդու էությունը չեմ կարողանում պատկերացնել, թե ինչքան կարող է անաստված, անմարդկային լինել, որ իմանալով հանդերձ բանակի վիճակը, այդքան զենք-զինամթերք, այդքան տեխնիկա, այդքան սննդամթերք այդ օրերին պոկել, տարել-լցրել է իր պադվալները: Երեկվանից ես կոնտուզիա եմ ստանում ու չեմ կարողանում հարմար բացատրություն գտնել, թե ոնց կարող է մարդը, որ իրեն համարում է գեներալ, Արցախի հերոս, բանակի նկատմամբ այդքան վայրագ վերաբերմունք ունենա, հատկապես պատերազմական օրերին: Դպրոցական երեխեքի ուղարկածը, ոնց քո խիղճը չի տանջում... (չեմ կարողանում հանգիստ խոսեմ)... ոնց քո խիղճը չի տանջում, որ գռփում, տանում, լցնում ես, որ կերակրես քո գազաններին»,- ապշած է Գեւորգ Աբաջյանը:  

Նա ընդգծեց, որ Մանվել Գրիգորյանն այդքան փամփուշտները, այդքան զինամթերքը պահեստավորել է, իսկ ապրիլյան պատերազմում կռվող զինվորները մնացել էին առանց զենքի ու փամփուշտի. «Ռոբերտիկիս մոտ եթե փամփուշտները չվերջանային, ինքը կկռվեր: Կռվում էր, չորսից մնացել էր մեկը, էլի՛ կռվում էր: Բայց փամփուշտներն էին վերջացել, իսկ դու տանում ես, չգիտես՝ ինչի ես պահեստավորում, ինչի ես պատրաստվում»:

Ռոբերտ Աբաջյանի պապը կարծում է, որ Մանվել Գրիգորյանը չէր համարձակվի դիմել նման քայլերի՝ առանց ավելի բարձր կանգնածների հավանությունն ունենալու, որոնք, ըստ նրա, ոչ պակաս մեղավոր են: «Դա անիշխանություն էր, անարխիա էր, նախկին իշխանությունը ես չեմ համարում, որ իշխանություն էր: Եվ մի քանիսը ոնց ուզում էր, շարժվում էր, ինչ ուզում, անում էր՝ օգտվելով այդ հանգամանքից եւ ելնելով իր ոչ մարդկային հատկանիշներից: Ասել է՝ ինչու չանեմ, անպատժելի եմ: Չէր մտածում, որ կարող է գա այս օրը, որ ինքը գնա, նստի ճաղերի ետեւում: Եվ ինքը պիտի կրի ամենադաժան դատաստանը»,- ասաց Գեւորգ Աբաջյանը:

«Անձամբ ես եթե իմ ձեռքում իշխանություն լիներ, լրիվ ունեցվածքը կպետականացնեի, լրիվ կոչումներից կզրկեի: Նա արժանի չէ որեւէ կոչման, արժանի չէ Արցախի հերոսի կոչման: Ահա՛ Արցախի հերոսը (ձեռքով ցույց է տալիս Ռոբերտի պատկերը-խմբ.): 20 տարեկան հասակում, մինչեւ վերջին փափմուշտը կրակելով, իրեն պայթեցրեց, իսկ ինքը այդ ամբողջը տարավ լցեց իր պահեստները: Ի՞նչ Արցախի հերոս, եթե  դու բանակին հասանելիքը կտրում, տանում ես քո տուն: Գեներա՛լ: Ի՞նչ գեներալ»,- ասում էր Գեւորգ Աբաջյանը՝ ավելացնելով, որ մարդկանց հայհոյել չի սիրում եւ այդպիսի խոսքեր իր բերանից դուրս չեն գալիս, բայց հիմա այնաստիճան զայրացած է, որ եթե հանկարծ հանդիպեր Մանվել Գրիգորյանին, ապա նրան կհայհոյեր:

Ռոբերտի պապը պատմում էր, որ զինծառայող թոռան համար ամեն ամիս, եթե ոչ ամիսը երկու անգամ, ծանրոց են ուղարկել բանակ. «Եթե անընդհատ նասկի ես ուղարկում, ներքնաշորեր ես ուղարկում, ֆորմա ես ուղարկում, սնունդ ես ուղարկում, հիգիենայի պարագաներ ես ուղարկում, ինչ է նշանակում: Ուրեմն կարիքը կար: Ինքը այն տղան չէր, որ հանկարծ պետք չլիներ, ասեր՝ ուղարկի, ինքը շատ չափած-ձեւված էր ամեն բանի մեջ: Բայց զգում էինք, որ կարիք կա: Երբ որ գնում էի ուղարկելու այդ արկղիկները, ղարաբաղցիները, որ երեխաները գնացել, սահմանն են պաշտպանում, իրե՛նց սահմանը, կանգնած, կիլոյի դիմաց 300-400 դրամ մինչեւ ձեռքիցդ չէին վերցնում, ապրանքը չէին բարձում մեքենան»:

Գեւորգ Աբաջյանն առաջիկայում ավելի մեծ բացահայտումներ է կանխատեսում: «Ես նույնիսկ սպասում եմ, որ (նոր իշխանությունները-խմբ.) պիտի անդրադառնան ապրիլյան պատերազմին՝ այդ ոնց եղավ, որ պատերազմը ժամը 01:30-ին սկսվել է, զորքերին տագնապ չի տրվել մինչեւ ժամը 07:00-7:30-ն: Ես սպասում եմ նույնիսկ այդ բացահայտմանը՝ ինչն էր պատճառը, ովքեր էին մեղավորները: Մեղավորներ շատ-շատ կան»,- ասաց նա: Ավելացրեց, որ ապրիլյան քառօրյա պատերազմում զոհված մյուս զինծառայողների ծնողների հետ որոշել են սպասել՝ միգուցե նոր կառավարությունն ու նորընտիր վարչապետը անդրադառնան նաեւ այդ հարցին, որն իրենց շատ է մտագոհում: Եթե չէ, որոշ ժամանակ անց իրենք համապատասխան դիմում կներկայացնեն:

Տպել
15629 դիտում

«Փառքի անկյուններ» Շիրակի մարզի դպրոցներում

Վարորդը պարեկներին փող է առաջարկել. մերժում ստանալուց հետո ցանկացել է փողը նետել պարեկների մեքենայի սրահ

Խորհրդարանական ընդդիմություն կոչվածը հրաժարվել է սահմանադրական բարեփոխումների խորհրդի աշխատանքներին մասնակցել. Դավոյան

ԿԳՄՍ նախարարը մարզական կոչումներ է շնորհել սպորտի վաստակավոր մարզիչներին (լուսանկարներ)

Չավուշօղլուն խոսել է Անթալիայի դիվանագիտական ֆորումին Արարատ Միրզոյանին և Ռուբեն Ռուբինյանին հրավիրելու մասին

Զորամասերում իրականացվել է մարտական հերթապահության հերթափոխ

Հայաստանի 6 մարզերում ձյուն է տեղում. Երևան-Սևան ճանապարհին տեղ-տեղ մերկասառույց է

Աշխատանքային խորհրդակցություն` Կրթության տեսչական մարմնի 2021 թվականի գործունեության վերաբերյալ

ՆԱՏՕ-ի և ԱՄՆ-ի՝ անվտանգության երաշխիքների հարցով պատասխանը կհրապարակվի մոտ ապագայում. Լավրով

Հաստատվել են Սահմանադրական բարեփոխումների խորհրդի անհատական կազմը և գործունեության կարգը

Դոլարը թանկացել է. եվրոյի փոխարժեքը նվազել

Կապանում տեղի ունեցած ավտովթարի հետևանքով վարորդը արգելափակվել էր ավտոմեքենայում

Սպասվում է թույլ ձյուն. առաջիկա եղանակային կանխատեսումը

Մալաթիա-Սեբաստիա վարչական ղեկավար Դավիթ Կարապետյանի լիազորությունները դադարեցվել են

ԱՄՆ-ն հաշվի է առե՞լ ՌԴ առաջարկները. Պեսկովի պատասխանը

Բանակի օրվա առթիվ կատարվել է Հանրապետական մաղթանք (լուսանկարներ)

Պուտինն ընդունել է Թուրքիա այցելելու Էրդողանի հրավերը

Ներողություն եմ խնդրում, որ վարչապետի աշխատակազմն աշխատում է նաև կիրակի օրերը. Չախոյան

Խոշոր վթար Երևանում. 5 երիտասարդ տեղափոխվել է հիվանդանոց

«Վերին Լարս» անցակետը բաց է մարդատար ավտոմեքենաների համար

Կանադայի կառավարությունը Կիևին կհատկացնի մոտ 270 միլիոն դոլար ռազմական օգնություն

Հունվարի 28-ին արգելոցները կաշխատեն. զինծառայողների համար մուտքն անվճար կլինի

Նախարար Վահրամ Դումանյանն ընդունել է «Կոնրադ Ադենաուեր» հիմնադրամի ներկայացուցիչներին

Արցախում կորոնավիրուսով վարակված 6 հիվանդի վիճակը ծայրահեղ ծանր է, 14-ինը՝ ծանր

Ստեփանծմինդա-Լարս ավտոճանապարհը փակ է բեռնատարների համար

ԱԺ նախագահը ստորագրել է Լևոն Յոլյանի լիազորությունները դադարած համարելու մասին արձանագրությունը

Ռեստորանային ոլորտի ընկերությունների համախառն վաճառքը մոտ 20 տոկոսով ընկել է․ Քերոբյան

Գրիգոր Մինասյանն իսկապես իմ ընկերն է, նա համապատասխանում է փոխնախարարի անհրաժեշտ չափանիշներին․ Անդրեասյան

Հայաստանում Սիրիայի արտակարգ և լիազոր դեսպանն ավարտում է աշխատանքը. նա պնդում է՝ աշխատել է մեծ ոգևորությամբ

Նա և իր կարծիքը կիսողները պետք է շարունակեն մերժված լինել. Խաժակյանը՝ քաղաքական սպանությունների մասին Մուրազիի գրառմանը

Շուրջ 3 ամիս որպես անհետ կորած որոնվող տղամարդու դին հայտնաբերվել է Երևանյան լճում

«Մանկական Եվրատեսիլ 2021»-ին հաղթող Մալենան վիրահատվել է

Արցախի քաղաքական ուժերի ներկայացուցիչները կըդնգրկվեն պետական ֆինանսական կառույցներում

Արցախից տեղահանված կամ անշարժ գույքը կորցրած քաղաքացիները հունվար-փետրվար ամիսներին ևս կստանան դրամական աջակցություն

Հիվանդացածների միայն 5-6 տոկոսն է հոսպիտալացվում, քովիդի պրոգրեսիվ աճի շրջանում ենք գտնվում. նախարար

Արգենտինայում Հայաստանի դեսպանն իր հավատարմագրերն է հանձնել երկրի նախագահին

Հայտնաբերվել են ՊՇՌ թեստի կեղծ սերտիֆիկատներ և պատվաստված լինելու կեղծ վկայական. հարուցվել են քրեական գործեր

Հայաստանին կտրամադրվի 1 մլն 719 հազար ԱՄՆ դոլար դրամաշնորհ՝ էներգախնայողությանն ուղղված ծրագրի համար․ Սանոսյան

ԶՈՒ կազմավորման 30-ամյակի ընդունելությունը հետաձգվել է. ԳՇ պետի ու այլ պաշտոնյաների մոտ կորոնավիրուս է հաստատվել. 1Lurer

Դադարեցվել է Գեղարքունիքի մարզի 4 գյուղերի գազամատակարարումը