Ախր ամեն ինչ չափ ու սահման ունի. նախկին նախարարը՝ իրեն վերագրվող չարաշահումների մասին

Երեւանի Ճառագայթային բժշկության եւ այրվածքների գիտական կենտրոնի տնօրեն, առողջապահության նախկին նախարար Նորայր Դավիդյանը կասկածվում է չարաշահումներ կատարելու մեջ:

ՀՀ ոստիկանության լրատվական ծառայությունից այս գործի առնչությամբ տեղեկացրին հետեւյալը. «Ոստիկանության կազմակերպված հանցավորության դեմ պայքարի գլխավոր վարչության ծառայողների ձեռնարկած միջոցառումների արդյունքում հունիսի 8-ին վարչություն է հրավիրվել մի քաղաքացի, որը բանավոր հաղորդում է տվել այն մասին, որ Նորայր Դավիդյանը, օգտագործելով իր պաշտոնեական դիրքը, թույլ է տվել մի շարք չարաշահումներ: Այս պահին հանգամանքները պարզվում են, նախապատրաստվում են նյութեր՝ հաղորդման հիման վրա»:

shamshyan.com-ը մանրամասնել էր, որ ոստիկանության կազմակերպված հանցավորության դեմ պայքարի գլխավոր (6-րդ) վարչություն հրավիրվածը Երեւանի բնակիչ, 62-ամյա Ա.Բ.-ն է եւ որ նա 10 տարուց ավելի ձեւակերպված է եղել նշված կենտրոնում որպես ավտոմեխանիկ, ինչի համար ամեն ամիս պետք է ստանար 57 հազար դրամ աշխատավարձ: Բայց տարիներ շարունակ չի ստացել, ինչը նույն կենտրոնի հաշվապահի միջոցով փոխանցվել է տնօրենին: Կուտակված գումարի չափը կազմել է 7 միլիոն դրամ: Կայքի փոխանցմամբ, 6-րդ գլխավոր վարչությունում տեղեկություններ են ստացվել, որ նման եղանակով Նորայր Դավիդյանի կողմից յուրացվել են կենտրոնում ձեւակերպված 25-ից ավելի քաղաքացիների աշխատավարձերը, ինչպես նաեւ կենտրոնում շինարարական աշխատանքների եւ բժշկական օգնության ծառայությունների համար հատկացված առանձնապես խոշոր չափերի գումարները:

Ոստիկանության լրատվական ծառայությունից չմեկնաբանեցին վերոնշյալ տեղեկությունը:

Նորայր Դավիդյանը, մեզ հետ զրույցում անդրադառնալով իրեն վերագրվող չարաշահումներին, ասաց, որ տվյալ աշխատակիցն առաջին անգամը չէ, որ նման բողոք է ներկայացնում, նախկինում էլ՝ մոտ 4 ամիս առաջ, դիմել է ոստիկանության Մաշտոցի բաժին եւ դատախազություն, բայց քննության արդյունքում չարաշահումներ չեն բացահայտվել:

«Հիմա էլ դիմել է 6-րդ վարչություն: Ես ինչ անեմ: Նա «ալկագոլիկ», «բեզդելնիկ» է, որ նման աշխատող մեզ պետք չէ: Անհնարին է արդեն, անհնարին: Չեմ էլ կարողանում աշխատանքից ազատել: Կոլեկտիվի որոշում կա, բան կա»,- ասաց Նորայր Դավիդյանը:

Անդրադառնալով ավտոմեխանիկի աշխատավարձը հաշվապահի միջոցով իրեն փոխանցվելու մասին պնդմանը, պատասխանեց. «Ի՜՞նձ: Դա պետք է ապացուցել: Գիտեք ինչ, մի քիչ հեքիաթային բաներ են, ես չեմ հասկանում: Նախ եւ առաջ, եթե ստացել է, հաշվապահին է տվել, որ բերի... Եթե ես փող վերցնող լինեի, իրենի՞ց պիտի վերցնեի: Լավ էլի: Ախր ամեն ինչ չափ ու սահման ունի: Ես չեմ հասկանում, այդպես կարելի՞ է մարդկանց վարկաբեկել: Ես նախարար եմ աշխատել, ոչինչ չեմ վերցրել, դուք ինձ հիմա ասում եք, որ նա ասել է՝ տվել է հաշվապահին, հաշվապահն էլ փոխանցել է: Լավ, էլի»:

Եւս 25 հոգու աշխատավարձի յուրացումը նույնպես, ըստ Նորայր Դավիդյանի, պետք է ապացուցել: «Ես 25 հոգու աշխատավարձ եմ յուրացրե՞լ: Ո՞ւր են այդ մարդիկ, անուն պիտի լինի, ազգանուն պիտի լինի: Թող մեկը գա, այդպիսի բան ասի: Ախր այդպես հո չէ՞»,- ասաց ճառագայթային բժշկության կենտրոնի տնօրենը:

Ճառագայթային բժշկության եւ այրվածքների գիտական կենտրոնի բաժանմունքներից երեքի ղեկավարները պատասխան տեքստ են կազմել, որտեղ, մասնավորապես նշում են, որ հաղորդում տված ավտոմեխանիկին իրենք ճանաչում են, սակայն վերջին 3-4 տարվա ընթացքում նրան սթափ վիճակում չեն տեսել: «Բոլորս տեղյակ ենք, որ մարտ ամսից սկսած կենտրոնի տնօրինությունն առաջարկել է նրան օրինականացնել իր ծավալած ապօրինի գործունեությունը հիվանդանոցի տարածքում, քանի որ նա զբաղված է դրսից եկած ավտոմեքենաների վերանորոգումով եւ վերականգնումով: Առաջարկվել է, որ նա դուրս գա աշխատանքից, ձեւակերպի իր գործունեությունը որպես անհատ ձեռներեց պետ-ռեգիստրում, գրանցվի հարկային մարմիններում, կենտրոնի հետ կնքի վարձակալության պայմանագիր եւ իր գործունեությունը իրականացնի օրենքի սահմաններում: Այդ առաջարկը նրա մոտ առաջացրեց ոչ ադեկվատ եւ ագրեսիվ ռեակցիա: Նման ագրեսիայի նոպաների ժամանակ բազմիցս մեր ներկայությամբ սպառնացել է բողոքել տարբեր իրավապահ մարմիններին այն մասին, որ նա իբր աշխատավարձ չի ստանում եւ հավելյալ գումար է տալիս կենտրոնի այն ժամանակվա տնտեսական գծով տնօրենի տեղակալին՝ ամեն անգամ նշելով տարբեր թվեր` 20 000-ից մինչեւ 50 000 դրամ ամսական»:

Նրանք նաեւ համոզմունք են հայտնում, որ այս ամենը հրահրում է կենտրոնի փոխտնօրեն Արտյոմ Թադեւոսյանը՝ ընդդեմ տնօրեն Նորայր Դավիդյանի: «Եզակի դեպքերում, որ սթափ տեսել ենք նրան, ասում էր՝ Արտյոմը ստիպեց, որ անեմ, ասաց՝ շուտով Նորայր Ռաֆայելովիչին կհանենք գործից, դու էլ կմնաս կաշխատես: Ոգեւորել էր, որ բողոքի: Երբ սթափվում էր, ուզում էր գնալ, բողոքը հետ վերցնել, Մաշտոցի բաժնում բողոքը հետ չտվեցին, հետաքննիչները լրիվ քննեցին, հետո գրեցին, որ հանցակազմ չեն գտել: Հիմա ձեռագիրը նույնն է»,- ասաց լաբորատոր ախտորոշիչ բաժանմունքի վարիչ Դավիթ Գրիգորյանը, որը վերոնշյալ պատասխան տեքստի տակ ստորագրածներից մեկն է:

Տնօրենի դեմ ներկայացված առաջին բողոքից հետո, ըստ Դավիթ Գրիգորյանի, կենտրոնի բուժխորհրդի 125 անդամից 106-ը, բոլոր նրանք, ովքեր ներկա են եղել այդ օրվա նիստին, անվստահություն են հայտնել փոխտնօրեն Արտյոմ Թադեւոսյանին: «Երբ որ գործը փակվեց, ավարտվեց, նա կոնֆլիկտային լարված իրավիճակ ստեղծեց, բուժքույրերին էր կանչում ու սովորեցնում էր լրտեսել բժիշկներին, հետեւել՝ ինչ հիվանդ մտավ իրենց մոտ, ինչ հիվանդ դուրս եկավ: Հետո արձակուրդ է վերցնում, չի գալիս գործի, եւ միանգամից այս դեպքերն են սկսվում»,- հավելեց լաբորատոր ախտորոշիչ բաժանմունքի վարիչը:

Նա անհեթեթություն որակեց 25 աշխատակցի աշխատավարձը յուրացվելու մասին տեղեկությունը: Ասաց, որ նման ենթադրության հիմք է տվել այն, որ այդ մարդիկ աշխատավարձը ստանում են ոչ թե բանկային փոխանցումներով, այլ բուժհաստատության դրամարկղից: Նրանցից մեկն էլ ինքն է: «Որովհետեւ այդ տուգանքների հետ կապված ԴԱՀԿ-ն անընդհատ արգելանքներ էր դնում իմ հաշվին, այնքան դրեցին, ես էլ հոգնած ասացի՝ ուզում եմ աշխատավարձս ստանալ դրամարկղից: Բոլոր 25 հոգին էլ բանկերի ու ԴԱՀԿ ծառայության հետ խնդիր ունեցող մարդիկ են, որ ուզեցել են մեր դրամարկղից ստանան: Այդտեղ ինչ-որ կոռուպցիոն ռիսկ տեսնելը ուղղակի անհեթեթություն է»,- հայտարարեց մեր զրուցակիցը:

Նա նկատեց, որ ցանկացած հիմնարկում համալիր ստուգումներ սկսելու դեպքում որոշակի խախտումներ, անպայման կգտնվեն՝ հաշվի առնելով, որ այդ կազմակերպությունները գործել են նախկին իշխանությունների կողմից ստեղծված պետական ռեկետի եւ կոռուպցիայի պայմաններում, որից ձերբազատվելու համար իրագործվեց թավշյա հեղափոխությունը: Բժիշկը կարծում է, որ նոր Հայաստանում հարաբերությունները պետք է սկսել նոր էջից:

Հ.Գ. Ճառագայթային բժշկության եւ այրվածքների գիտական կենտրոնի փոխտնօրեն Արտյոմ Թադեւոսյանի հետ կապ հաստատել մեզ չհաջողվեց:

Տպել
4086 դիտում

Ինչ ունեցվածք է հայտարարագրել ԱԺ պատգամավոր Աննա Մկրտչյանը

ՀՀ կառավարությունը գումար է հատկացրել Նորակերտի՝ ԱԹՍ-ից տուժած բնակիչներին,  դպրոցին և մանկապարտեզին

Օպտիմալացման խնդիր չկա. պոլիկլինիկաների վերակազմակերպումը բերելու է պայմանների բարելավման. Գևորգ Սիմոնյան

Ընթանում է «Դիմադրություն» շարժման հանրահավաքը Ֆրանսիայի հրապարակում

Մեկնարկել է «Իմ Քայլը» հիմնադրամի՝ 44-օրյա պատերազմի մասնակիցների մասնագիտական ներուժի բացահայտման ծրագիրը

Հպարտ եմ, որ Չեխիան ճանաչել է Հայոց ցեղասպանությունը. Չեխիայի Սենատի փոխնախագահ

Դոլարի փոխարժեքը աճել է. ՀՀ կենտրոնական բանկը հրապարակել է նոր փոխարժեքներ

Երևանում 15-ամյա աղջիկ է վրաերթի ենթարկվել

Ռուսաստանը «պերսոնա նոն գրատա» է հայտարարել 34 ֆրանսիացի դիվանագետի

ՀՀ իշխանությունից պահանջում ենք բռնության ամեն դեպքով գտնել մեղավորներին և պատասխանատվության ենթարկել. հայտարարություն

Պատահական օր այցելելու եմ պատահական բուժհաստատություն. Շիրակի մարզպետը տնօրեններին հորդորել է լինել առավել զգոն

Հակոբ Արշակյանը Յիրժի Ռուժիչկայի հետ քննարկել է Ադրբեջանում գտնվող հայ ռազմագերիների ազատ արձակման հարցը

Հայտնի են միասնական քննությունների օրերը

Կարեն Անդրեասյանը կգործուղվի Լիտվայի Հանրապետություն

Արարատ Միրզոյանը հանդիպել է Եվրոպական խորհրդարանի փոխնախագահին. քննարկվել են տարածաշրջանային անվտանգության խնդիրները

«Զվարթնոց» օդանավակայանում վտանգավոր ոչինչ չի հայտնաբերվել

Աշխատանքային խորհրդակցություն՝ «ՀՀ վարչապետի գավաթ» սիրողական հեծանվավազքի մրցաշարից առաջ

Արթուր Դավթյանը Եգիպտոսի վարչական ծառայության նախագահի հետ քննարկել է ոլորտում փոխադարձ աջակցության խնդիրները

Ստիպված եմ հիշեցնել արածս հայտարարությունը՝ ավելի շուտ սեփական ծոծրակը կտեսնեն, բայց հրաժարական չեն տեսնի. Տարոն Չախոյան

Առաջին ալիքը կրկին եթեր կհեռարձակի Հայաստանի ֆուտբոլի ազգային հավաքականի խաղերը

Ահազանգ՝ «Զվարթնոց» օդանավակայանն ականապատված լինելու վերաբերյալ

Համացանցում տեսանյութ է տարածվում Գարիկ Գալեյանի՝ տեռոր իրականացնելու՝ ավելի վաղ արված հայտարարության մասին

Արայիկ Հարությունյանը հանդիպել է «Բաց կառավարման գործընկերություն» նախաձեռնության պատվիրակության հետ

Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ

Ժողովուրդը ժեխ չէ, ոչ էլ անհասկացող, կրթեք նրանց, եթե այդ ցենզը ցածր է. Արմեն Մովսիսյան

Օդի ջերմաստիճանը աստիճանաբար կբարձրանա. առաջիկա օրերի եղանակային կանխատեսումը

Թմրանյութ պահելու կասկածանքով բերման է ենթարկվել երկու օտարերկրացի. հայտնաբերվել են մեթամֆետամինով փաթեթներ (տեսանյութ)

Ռուսաստանի հարավում և կենտրոնական հատվածում թռիչքների սահմանափակումների ռեժիմը երկարացվել է մինչև մայիսի 25-ը

Լուսագյուղ-Երասխահուն ճանապարհահատվածի երթևեկությունն իրականացվում է մեկ գոտիով

Արա Խզմալյանը և Ալֆրեդ Քոչարյանն ընդունել են Անն Լույոյին. կընդլայնվի հայ-ֆրանսիական համագործակցությունը

ԱՄՆ Կոնգրեսում Հունաստանի վարչապետի՝ Թուրքիայի հասցեին արած քննադատությունն արժանացել է ծափերի

Ընդդիմության ակցիաներին Ռուստամ Բադասյանը 40-50 հազար մարդ չի տեսնում

Վաղ առավոտյան, երբ որոշում են քաղաքը պարալիզացնել, ինչո՞ւ է մի քանի հարյուր մարդ լինում, եթե 45 հազար են. Սաֆարյան

Ընդդիմության հավաքի մասնակիցը հետախուզվում է ՀՀ ոստիկանության աշխատակիցների նկատմամբ բռնություն կիրառելու համար

Դիլիջան քաղաքի «Բանդալչալի» կոչվող հանդամասում ավտոմեքենան սահել է դեպի ձորակը

Արցախի Հանրապետության 159 քաղաքացի ՀՀ պետբյուջեից խաբեությամբ ավելի քան 47 մլն դրամ է ստացել

Երևանում մահվան ելքով վրաերթի վայրից հեռացած վարորդը հայտնաբերվել է

Տպավորություն է՝ գործընթացը ղեկավարող որոշ մարդկանց համար փակուղուց դուրս գալու միակ ելքը արյուն թափելն է. Նորիկյան

Ոստիկաններին վիրավորող պատգամավորների մասին ասելիքը եթերային չէ. Արթուր Հովհաննիսյան

Կգումարվի Ազգային ժողովի արտահերթ նիստ