ԿԳ նախարարը կհանդիպի «Արարատյան բակալավրիատով» աշխատել պատրաստվող դպրոցների տնօրենների հետ

«Այբ» հիմնադրամի եւ կրթության եւ գիտության նախարարի միջեւ սկիզբ առած հակասություններն առայժմ հանգուցալուծում չեն գտնում:

Նախարար Արայիկ Հարությունյանն այդ պաշտոնում նշանակվելու առաջին իսկ օրերին բարձրաձայնել էր իր վերապահումները՝ կապված հիմնադրամի «Արարատյան բակալավրիատ» ծրագրի հետ՝ դա որակելով որպես կրթությունը էլիտարիզացնելու փորձ:

Հետո հիմնադրամում աուդիտ անցկացվեց. այդ կառույցը նաեւ պետական ֆինանսավորում է ստանում, ընդ որում՝ հարյուրավոր միլիոնների հասնող դրամի չափ: Ստուգումների արդյունքները պատրաստ են: Նախարարության լրատվական ծառայությունից մեր հարցմանը պատասխանեցին, որ Արայիկ Հարությունյանը նախորդ օրը տված մեկնաբանություններին ավելացնելու բան առայժմ չունի: Իսկ Ազգային ժողովում նա հայտարարել էր, որ ստուգումների փաթեթը թեպետ իր սեղանին է, այն ուսումնասիրել չի հասցրել՝ առկա բազմաթիվ հրատապ խնդիրով պայմանավորված:

Կրթության եւ գիտության նախարարությունից նաեւ պարզեցինք, որ դեռեւս հստակ որոշում չկա՝ սեպտեմբերին բացվելո՞ւ են Արարատյան բակալավրիատի դպրոցները, ինչպես նախատեսվել էր: Նոր ուսումնական տարվանից պետք է գործեին, ընդհանուր առմամբ 14 այդպիսի դպրոցներ՝ մարզերում: Եւս 10-ը, դարձյալ մարզերում, ծրագրվում էր բացել հաջորդ տարի: Այնուհետեւ ծրագրում ընդգրկվելու էին երեւանյան հանրակրթական հաստատությունները: ԿԳՆ-ից վերոնշյալ հարցի առնչությամբ պատասխանեցին, որ Արայիկ Հարությունյանը մտադիր է հանդիպել Արարատյան բակալավրիատ ծրագրով աշխատել պատրաստվող 14 դպրոցների տնօրենների հետ, ինչից հետո միայն վերջական եզրակացություն կլինի դրանց գործելու նպատակահարմարության մասին:

Ստեղծված իրավիճակին aravot.am կայքում երեկ անդրադարձել է «Այբ» հիմնադրամի հոգաբարձուների խորհրդի նախագահ Մեսրոպ քահանա Արամյանը: Իր հոդվածում նա, մասնավորապես գրել է. «Կրթությունն ուրիշ խնդիր չունի՞: Որակի եւ դրան հասնելու մասին ե՞րբ ենք խոսելու: Եթե կրթությունը չունենա բարձր հավակնություններ եւ սովորողին չընձեռի լավագույնին հասնելու հնարավորություն, ապա հավասարության հարմարավետ քարոզը տանելու է համահարթեցման եւ միջակության բուծման: Իսկ կրթության ամենամեծ թշնամին մեր այսօրվա կրթական համակարգում արմատավորված միջակությունն է, որը դատապարտում է մեզ ոչ մրցունակ լինելու այսօրվա խիստ մրցակցային աշխարհում: Կրթությունն, այո՛, պետք է ապահովի իրավական եւ իրական հավասարություն, բայց նաեւ խթանի բարձր ձգտումների անհավասարություն: Մարդիկ ե՛ւ հավասար են, ե՛ւ անհավասար: Հավասար են իրավունքներով, անհավասար են իրենց աստվածատուր տաղանդով»: 

«Մենք ստեղծելու էինք գերազանցության կենտրոններ, որտեղ որոշակի խմբի մարդկանց հսկողության տակ գտնվելու էին բավականին լավ գիտելիք ունեցող երեխաներ։ Մենք սրանով նվազեցնելու էինք մյուս դպրոցների դերն ու կշիռը, բայց հետազոտությունները ցույց են տալիս, որ երբ լավ երեխաներին դուրս ես բերում դպրոցներից ու կենտրոնացնում ինչ-որ մի տեղ, կրթական դրական մթնոլորտը դպրոցներում նվազում է։ Սա է եղել իմ հիմնական պրետենզիան տվյալ գործունեությանը, մնացած վերլուծությունները՝ կոնկրետ դրամական միջոցների ծախսման արդյունավետության հետ կապված կհրապարակվեն առաջիկայում»,- դարձյալ Ազգային ժողովում հայտարարել էր նախարար Արայիկ Հարությունյանը։

Հիշեցնենք, որ «Արարատյան բակալավրիատ» ծրագիրը մշակել է «Այբ» հիմնադրամը եւ այն կիրառվում է «Այբ» մասնավոր կրթահամալրիում: Նախորդ իշխանությունները նպատակ ունեին այդ փորձը տարածել նաեւ պետական ավագ դպրոցներում: Հայտարարվել էր, որ Արարատյան բակալավրաիտով» աշխատող ավագ դպրոց ընդունված երեխան ունենալու է ընտրության հնարավորություն` կա՛մ սովորել պետական ծրագրով, կա՛մ ընդունվել «Արարատյան բակալավրիատի» հոսքը, որի դեպքում պահանջներն ավելի խիստ են լինելու: Նախաձեռնության հեղինակները նաեւ վստահեցնում էին, թե ամեն ինչ արվելու է, որպեսզի մեկուսացում տեղի չունենա: Նշվում էր, թե ուսուցիչը, որը դասավանդելու է «Արարատյան բակալավրիատի» հոսքում, միեւնույն ժամանակ դասավանդելու է այլ դասարաններում, ինչը նշանակում է, որ այն հմտությունները, որոնք նա ստացել է զարգացման ծրագրով, կկարողանա կիրառել նաեւ այնտեղ, լաբորատորիաները, որոնք հիմնվելու են այդ դպրոցներում, բաց են եւ օգտագործվելու են բոլոր երեխաների համար: 

«Արարատյան բակալավրիատ» ծրագրի ներդրման համար պետական բյուջեից 2014 թվականին հատկացվել է շուրջ 200 միլիոն դրամ: 2015-ին՝ շուրջ 590 միլիոն դրամ: Նույնքան գումար տրամադրվել է 2016 թվականին, իսկ արդեն 2017-ին այդ հատկացումները գերազանցել են 600 միլիոնը:  

Արայիկ Հարությունյանը նկատել էր, որ օրինակ 2017 թվականին ԿԳՆ Կրթության ազգային ինստիտուտին հատկացվել է 638 միլիոն դրամ` Հայաստանի բոլոր՝ գրեթե 1400 դպրոցների տասնյակ հազարավոր ուսուցիչներին վերապատրաստելու, ինչպես նաեւ կրթության ամբողջ ծրագրերի մշակման աշխատանքներն իրականացնելու համար: Եվ սա այն դեպքում, երբ ըստ նրա, Արարատյան բակալավրիատ ծրագիրը թարգմանություն է, իսկ այդ ծրագրով աշխատելու համար վերապատրաստում անցած ուսուցիչների թիվը հարյուրի սահմաններում է:

Տպել
5755 դիտում

«Հանրապետություն» կուսակցությունը մասնակցելու է Քաջարանի ՏԻՄ ընտրություններին

Քիչ առաջ Լարսում վերականգնվել է երթևեկությունը

Դատական համակարգում կան կլաններ, խմբավորումներ. Փաշինյանը՝ Ջհանգիրյանի և Վարդազարյանի մասնակցությամբ ձայնագրության մասին

Ավտոճանապարհային կապը ՌԴ-ի հետ կվերականգնվի երկու ժամվա ընթացքում. Վահան Քերոբյան

Քննարկվել են հոկտեմբերին Երևանում կայանալիք սամբոյի աշխարհի պատանիների և երիտասարդների առաջնությանն առնչվող հարցերը

Տեղի է ունեցել «ԿԱՆԱՉ Հայաստան» համատեղ հարթակի առաջին՝ քաղաքականությունների երկխոսությունը

Ինչ դիրքորոշում ունի վարչապետը ընդդիմադիր որոշ պատգամավորների մանդատից զրկելու վերաբերյալ

Միայն վերջին 3 ամսում էլեկտրական ինքնագլորից տուժած շուրջ 40 քաղաքացի է տեղափոխվել համալսարանական հիվանդանոց

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԻ նախարարությունում քննարկվել են Հայաստանում սեյսմոլոգիական դպրոց կազմակերպելու հնարավորությունները

Նիկոլ Փաշինյանը հայտնեց, թե ովքեր են Արցախի հարցի նշաձողի իջեցման կոչ ներկայացնողները

Աննա Հակոբյանը այցելել է Ալպ-Մարիտիմի տարածաշրջանի «Սոֆիա Անտիպոլիս» տեխնոպարկ

Հունաստանում քննարկվել են «Պարսից ծոց-Սև ծով միջազգային տրանսպորտային միջանցքի» ստեղծման ուղղությամբ տարվող աշխատանքները

Վարչապետը նշեց պատճառները, թե ինչու Ադրբեջանը չի վերադարձնում հայ ռազմագերիներին

Խորհրդարանն ընտրել է Վճռաբեկ դատարանի վարչական պալատի դատավորների թեկնածուներ

Ադրբեջանը կաթիլ-կաթիլ փորձում է կուտակել նոր պատերազմի լեգիտիմություն. Նիկոլ Փաշինյան

Եթե առցանց չլիներ, կրկին առիթ կգտնեին բոյկոտելու. վարչապետի արձագանքը՝ որոշ լրատվամիջոցների՝ առցանց ասուլիսը բոյկոտելուն

«Վանաձոր» ՔԿՀ տեսակցության գնացած քաղաքացին կալանավորված անձին կասկածելի իր է փոխանցել

ՀԲ ներկայացուցիչները Գնել Սանոսյանին են ներկայացրել ջրային ոլորտում ենթակառուցվածքների զարգացման իրենց հետազոտությունը

Պետությանը պատկանող բնակելի տարածքներ են նվիրատվություն արվել ՀՀ քաղաքացիներին

Ծնողը գումարի պատճառով երեխային չէր տանում ստուգման․ ինչ անվճար հետազոտություններից կարող են օգտվել 0-18 տարեկանները

Արարատ Միրզոյանը Հունաստանի վարչապետին է ներկայացրել Հայաստան-Թուրքիա կարգավորման գործընթացի զարգացումները

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Բուհերի ընդունելության երկրորդ փուլի քննությունները տեղի կունենան հուլիսի 4-ից 9-ը

Թունիսի նորանշանակ դեսպանն իր հավատարմագրերի պատճենն է հանձնել Հայաստանի ԱԳ նախարարի տեղակալին

Զվարթնոց թաղամասի մոտակայքում ավտոմեքենան բախվել է հեղուկ գազի լիցքավորման վահանակին

Անահիտ Ավանեսյանը և Նաթիա Նացվլիշվիլին անդրադարձել են առողջության ապահովագրության հայեցակարգի ներդրման հարցերին

Խաղաղությունը մեր սկզբունքը, մեր քաղաքականությունն ու ռազմավարությունն է. ՀՀ ԱԳ նախարար

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Քաղաքաշինության կոմիտեի ղեկավարը հետևել է մարզական կառույցների շինարարության ընթացքին

Անցած 3 օրում հանրապետությունում արձանագրվել է 48 ՃՏՊ. 2 մարդ զոհվել է

Յունիբանկի Բաժնետերերի տարեկան ընդհանուր ժողովն ամփոփեց 2021թ.-ի արդյունքները

Հայ երիտասարդները մասնակցել են «Eurasia Global» միջազգային երիտասարդական 7-րդ համաժողովին

Համբարձում Մաթևոսյանի գլխավորությամբ շարունակվում են համայնքներից ստացված սուբվենցիայի ծրագրային հայտերի քննարկումները

Մեկնարկել է Հայաստանի և Հունաստանի ԱԳ նախարարների հանդիպումը

Լիանա Հակոբյանը՝ Վճռաբեկ դատարանի վարչական պալատի դատավոր

Կենտրոնում ապօրինի շինարարություն չի լինելու, այս հարցում զիջումները բացառվում են. Սամվել Ղուկասյան (լուսանկարներ)

Սուրեն Պապիկյանը ներկա է գտնվել ԶՈՒ ավիացիայի կազմավորման 30-ամյակի առթիվ անցկացված հանդիսավոր միջոցառմանը (տեսանյութ)

ՀՀ վարչապետի տիկին Աննա Հակոբյանը այցելել է Ալպ-Մարիտիմի Դեպարտամենտական խորհուրդ (լուսանկարներ)

ՄԻՊ գրասենյակում տեղի է ունեցել «Խոշտանգումների զոհերի աջակցության միջազգային օրվան» նվիրված քննարկում