Երևան
27 °C
2018թ. մայիսի 22-ին՝ ժամը 13:35-ի սահմաններում, ՀՀ ՊՆ զորամասի պահպանության տեղամասի մարտական դիրքում մահացու վիրավորում ստացած ժամկետային զինծառայող գյումրեցի Մարտին Գրիգորի Խաչատրյանին կհուղարկավորեն այսօր: Դեպքից 4 օր է անցել, զինվորի ծնողներին, սակայն քիչ բան է հայտնի իրենց տղայի մահվան հանգամանքների մասին: «Ինքնասպանությունը բացառվում է»,- պնդում են նրանք:
«Խոսացել է, ըսել է հրամանատար չկա ստեղ, գնացել են տուն, իրանք իրանցով են եղել: Հնարավոր բան չէ, ինքնասպան լիներ, ոչ մի անգամ չի դժգոհել ծառայությունից: Մարտինին խրամատի մեջն են գտել, իրա յաչեիկի մեջ, որովայնի հատվածը, փորի հատվածը խփած, բրոնե ժիլետը հանած իբր: Հետի ծառայողները ինչ-որ կրակոցի թեթեւ ձայն են իբր լսել, գնացել, դա են տեսել»,- դեպքի հետ կապված իրենց ունեցած կցկտուր տեղեկությունը փոխանցեց Մարտին Խաչատրյանի մորեղբայրը՝ Հրաչ Սարգսյանը:
Լուսանկարում հրազենային մահացու վիրավորում ստացած գյումրեցի զինվոր Մարտին Խաչատրյանի մորեղբայրն է՝ Հրաչ Սարգսյանը
Այն, որ սա ինքնասպանություն չէ, կարելի է դատել վերջին մեկ-երկու օրերին տեղի ունեցող իրադարձություններից: Տղայի մարմինը մայիսի 23-ին, երբ Գյումրի էր բերվել, եկեղեցում դնելու եւ քահանայի մասին խոսելն ավելորդ էր համարվել, քանի որ նախնական վարկածով որպես մահվան հանգամանք շրջանառվում էր ինքնասպանությունը: Այս հարցում տարակարծություններ չեն եղել: Խաչատրյաններն իրավիճակը սթափ են գնահատել: Ինչպես մայիսի 23-ին, այնպես էլ երեկ՝ մայիսի 24-ին, Խաչատրյաններին են այցելել բարձրաստիճան զինվորականներ: Իսկ երեկ երեկոյան նրանց ներկայությամբ հոգեհանգստի կարգը կատարել է Շիրակի թեմի քահանան:
Մարտին Խաչատրյանի ծնողներն ասում են՝ ամեն ինչ անելու են, որպեսզի պարզեն տղայի մահվան պատճառները: Մարտինի պապն ասում է՝ թոռնիկն առողջական լուրջ խնդիրներով է զորակոչվել բանակ: Մինչ այդ, երբ 2017-ին մեկ տարի զինվորական բժշկական հանձնաժողովը հետաձգել էր ծառայությունը, մտածել են, որ բուժման նպատակով են անում: Մարտինին, սակայն բուժում չի նշանակվել:
«Մանուկ հասակից բրոնխների հիվանդությունը առաջ է եկել, հետո ինքը մինչեւ 12 տարեկանը թոշակավորված է եղել, հիվանդության թոշակ է ստացել: Իրա մաման, ախպերը, ինքը Ռուսաստանի քաղաքացի են, եթե ուզենային, հանգիստ կերտային ընտեղ էլ կապրեին: Վայենկամատը կանչեց, թե ձեր տղեն Հայաստան կսորվի, մեր քաղաքացին է: Զինապարտ է, բդի գա բանակ: Բայց իրան տանելու իրավունք չունեին: Հետաձգեցին մի տարի, ձեւակերպեցին սահմանափակ ծառայություն, այսինքն՝ շարքային քայլելու իրավունք չուներ, վազելու իրավունք չուներ: Պոստ ելնելու իրավունք չուներ, բարձր դիրքեր ելնելու իրավունք չուներ, բարձր դիրքերում ինքը շնչահեղձ կեղներ: Ըստեղ որ շնչահեղձ կեղներ, ընդեղ ինչ բդի եղնիր էդ բարձրության վրա»:
Տղան կենտրոնական հավաքակայանում հիվանդացել եւ մոտ մեկ ամիս բուժվել է, այնուհետ ծառայության անցել Սիսիանում: Գյումրու զինվորական կոմիսարը չի հերքում, որ Մարտին Խաչատրյանն առողջական խնդիրներ է ունեցել, սակայն ընդգծում է՝ ծառայությունը թույլատրելի է եղել՝ սահմանափակումով:
«Իրեն տրված է սահմանափակում 26-ի Դ կետով, որով սահմանվում է հետեւյալը՝ ֆիզիկական պատրաստությունը կազմակերպվում է՝ հիմք ընդունելով չթույլատրվող ֆիզիկական վարժություն՝ վազք՝ 1000 մ, 400 մ: Սա արդեն մեզ չի վերաբերվում, զորամասում սա անգիր գիտեն, կա բժիշկ, երբ որ սահմանափակում են, ինքն իր առողջական գրքույկի մեջ ազատում է զինծառայողին այդ վարժություններից»,-որոշումն ընթերցում է Գագիկ Խաչատրյանն ու անպատասխան թողնում հարցը, թե արդյո՞ք ունեցել է Մարտին Խաչատրյանը դիրքերում լինելու իրավունք:
Ծառայության 10 ամիսների ընթացքում Մարտինի հիվանդությունը մշտապես սրացել, հետո նահանջել է: «Տղայի ֆիզիկապես թույլ լինելու մասին հրամանատարներն էլ գիտեին»,-ասում է Մարտինի պապը՝ Ֆերդինանտը:
«Գնացել էին կրակելու, աչքի պրոբլեմ ուներ, 2 էր ստացել կրակելուց: Կամանդիրն ըսել էր՝ էս ի՞նչ է տղա ջան, խելքդ տեղն է, բայց առողջությունդ տեղը չէ, հեչ բանըդ տեղը չէ, հեչ բանի պիտու չես: Բրոնխներդ հիվանդ, սիրտդ հիվանդ, ողնաշարդ կորացած, ատամնաշարդ խարաբ, աչքերիդ տեսողությունը խարաբ, մենակ խելքդ է: Հրամանատարի խոսքերն են: Ու ըդքան բանից հետո էդ երեխեն բարձր ճնշումը վրեն, բարձր ջերմությունը վրեն, զենքին էլ չէր տիրապետե, տարան դիրքերը»,-ասում է Ֆերդինանտը:
Զինվորի մորեղբայրը պնդում է, որ մինչ հրազենային վիրավորում ստանալը մեկ օր առաջ են խոսել դիրքերում գտնված Մարտինի հետ, շատ հիվանդ է եղել, անընդհատ հազացել ու շնչահեղձ է եղել, նաեւ բարձր ջերմություն է ունեցել: Մորեղբայրը նաեւ նշում է, որ իրենք մշտապես Մարտինին տուփերով դեղորայք են ուղարկել, առանց դրանց տղան չէր դիմանա:
«Որ կխոսայինք, կըսեինք՝ տղա ջան, ինչղ կդիմանաս, կըսեր ընձի պես էնքան կան, մենակ ես չեմ: Ես էլ կըսեմ՝ ըդտեղ անկյալանո՞ց է, հիվանդանո՞ց է, թե գոսպիտալ է, ընչի՞ են ըդքանիդ հավաքել»,-պատմում է պապիկը:
Մարտին Խաչատրյանը ՌԴ քաղաքացի է: 2014 թվականին, երբ դարձել է չափահաս, ստացել է անձնագիրը: Մայրն ու եղբայրը եւս ՌԴ քաղաքացիներ են: Տղան մեկնել է բանակ, քանի որ ՀՀ քաղաքացիությունից հրաժարված չի եղել ժամանակին: Մարտինին, սակայն, բուժհաստատություններում ռուսական անձնագրի պատճառով մեծ դժվարությամբ են սպասարկել: «Ամեն ուղեգիրը տալուց կերտայինք, անընդհատ կսեին, թե դու մեր քաղաքացին չես, Ռուսաստանինն ես: Հետո զինկոմից կզանգեին ու տեղյակ կպահեին, թե իրենք են ուղեգրել: Բուժելուց չէին բուժե, բայց բանակ տանելուց էդ նույն Ռուսաստանի քաղաքացուն տարան: Մենք դրա համար չենք վիճե, մենք գուզեինք, որ մեր երեխին բուժեին, նոր տանեին, ծայրահեղ դեպքում, եթե չբուժեին էլ ազատեին: Ոչ ընիգ էրին, ոչ ընիգ էրին, ոչ ընիգ»,- ասում է Մարտինի պապը:
Այսօր նույն խնդրի առաջ է կանգնած Մարտինի եղբայր Աշոտը: Նա միզածորանի բնածին արատ ունի, որն իր հերթին տարիների ընթացքում երիկամի լայնացման է տարել: Աշոտը եւս բժշկական հանձնաժողովի որոշմամբ 1 տարով ազատված է եղել պարտադիր զինվորական ծառայությունից: Մի քանի օր առաջ, սակայն, տղային տեղյակ են պահել, որ պետք է ներկայանա զինկոմիսարիատ՝ զինվորական ծառայության մեկնելու համար,-ասում են հարազատները:
«Ստուգող բժիշկն ասեց, որ վիրահատություն է պետք: Իրանք կանչեցին, հաստատեցին դա ու հետաձգեցին: Մենք էլ ուրախացանք, ըսեցինք, երեւի բդի բուժեն, էն մեկին չբուժեցին, գոնե էս մեկին բուժեն: Բայց հետաձգելուց հետո նորից կանչեցին, նորից նույն պրոցեսներն անցան, նույն էտապները, տարան նկարեցին, վերջում տարան KT-ով նկարեցին, վերջը մենք դժգոհեցինք, թե 1000 անգամ էլ նկարեք, էլի նույն պատկերը կստանաք: Դուք օր ապերացիա չեք էրե, բուժում չեք տվել, իրան-իրան էդ նեղ միզածորանը չէր լայնանա, հիանդ երիկամն էլ չէր լավանա: Եթե դու բժշկական ոչ մի միջամտություն ցույց չես տվել, ի՞նչ ակնկալիքի կսպասես: Ու հիմա էլ, 2 օր առաջ հիվանդության կետը փոխել են, որ իրանց ցանկալի եզրակացությունը տան ու տանեն սահմանափակ ծառայության»,-մտահոգվում է Աշոտի պապը:Լուսանկարում հրազենային մահացու վիրավորում ստացած գյումրեցի զինվոր Մարտին Խաչատրյանի պապն է՝ Ֆերդինանտ Սարգսյանը
Խաչատրյաններն իրենց ասելիքն այս պահին ուղղում են երկրի վարչապետ Նիկոլ Փաշինյանին: Խնդրում են Մարտինի մահվան հանգամանքների օբյեկտիվ քննություն եւ ուշադրություն իրենց երկրորդ որդու՝ Աշոտի խնդրին: Միաժամանակ տեղեկացնում են՝ տղային թույլ չեն տա զորակոչել այնքան ժամանակ, քանի դեռ լիարժեք բուժում չի ստացել: Բուժման համար ընտանիքը ֆինանսական միջոցներ չունի: Միակ աշխատողը ընտանիքի մայրն է, մանկավարժ է, աշխատում է Գյումրու թիվ 23 դպրոցում:
Զրույցի վերջում զոհված զինվորի պապը հիշեց ու պատմեց, որ երբ դեպքի նախորդ օրը Մարտինի մայրը՝ Նարինեն, խոսել է տղայի հետ, ասել է՝ հիմա Հայաստանում ամեն ինչ փոխվել է, դիմում գրենք վարչապետին, խնդրենք՝ կամ մոտ գաս, կամ բուժեն, նոր գնաս: Մարտինն ասել է՝ պետք չէ, արդեն 10 ամիս է անցել, հարմարվել է:
Սահմանազատման մասին պայմանավորվածությունը վերացնում է խաղաղության համաձայնագրի ճանապարհի մեծ խոչընդոտը․ Գերմանիայի ԱԳՆ
Կան ուժեր, որոնք ուզում են, որ Հայաստանի ինքնությունը կամ պետականությունը զարգանա ֆորպոստի տրամաբանությամբ․ Փաշինյան
Թուրքիայի ԱԳՆ-ն ողջունել է Հայաստանի և Ադրբեջանի սահմանազատման հանձնաժողովների ձեռք բերած համաձայնությունը
Վերին Ծաղկավանի անտառում շունը ընկել է մոտ 15 մ խորության ձորը
Հայոց ցեղասպանության թանգարան-ինստիտուտին են հանձնվել Սողոմոն Թեհլիրյանին առնչվող բացառիկ ընտանեկան մասունքներ
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
© 2024 Հայկական ժամանակ