Սա միջազգային ֆեդերացիային պատիվ չի բերի. Ջուլֆալակյանը դժգոհ է ԵԱ-ի մրցավարությունից

ՀՀ հունահռոմեական ոճի ըմբշամարտի հավաքականի գլխավոր մարզիչ Լեւոն Ջուլֆալակյանը դժգոհ է Եվրոպայի 2018 թ. առաջնության մրցավարությունից: Այդ մասին նա նշեց այսօր՝ մայիսի 11-ին, լրագրողների հետ հանդիպման ժամանակ: Ապրիլի 30-ից մայիսի 6-ը Կասպիյսկում կայացած մրցաշարում ՀՀ կազմում Եվրոպայի առաջնություններում իր 4-րդ ոսկին նվաճեց օլիմպիական չեմպիոն, աշխարհի եռակի չեմպիոն Արթուր Ալեքսանյանը (97 կգ): Ոսկի նվաճեց նաեւ աշխարհի չեմպիոն Մաքսիմ Մանուկյանը (82 կգ), բրոնզե մեդալակիր դարձավ Կարեն Ասլանյանը (67 կգ): Ըստ Ջուլֆալակյանի՝ մեդալի համար կարող էր պայքարել նաեւ Արթուր Շահինյանը (87 կգ), եթե չլիներ մրցավարությունը: Ընդհանրապես մրցավարները, ըստ մասնագետի, գոտեմարտերի ելքերի վրա ազդելու բազմաթիվ միջոցներ ունեն, որոնք կիրառում էին: Նա 2 օրինակ բերեց:

«Պարտերը վերադարձնելը լավ է, բայց շատ լուրջ լծակներ են տրված մրցավարների ձեռքը, որոնք նրանք կարող են օգտագործել հօգուտ ցանկացած մարզիկի: Գոտեմարտի ընթացքում նույն մարզիկին կարող են 2 անգամ պարտեր վիճակում նստեցնել, մյուսին՝ իր բոլոր ձգտումների, հարձակումների, փորձերի հետ մեկտեղ բացարձակ չընդառաջեն: Կամ նկատողություն տալիս են գորգից դուրս գալու դեպքում. կարող են հանողին տալ միավոր, բայց իրենց ցանկությամբ՝ կարող են նաեւ նրան տալ, ով դուրս է գալիս գորգից: Այնպիսի իրավիճակ է ստացվում, որ չգիտես հարձակվել, թե՝ սպասել: Ալեքսանյանի պարագայում հարձակվում է, պարզ զգացվում է, որ հակառակորդը փախչում է, Արթուրին զգուշացնում են, թե ճնշում ես գործադրում հակառակորդիդ վրա: Եթե չամաչեին, Արթուրին նկատողություն կտային: Իմ կարծքով՝ UWW-ն կվերանայի, որովհետեւ դժգոհությունները շատ են, եւ իմ կարծիքով՝ սա մեր միջազգային ֆեդերացիային այդքան էլ փառք ու պատիվ չի բերի»,- ասաց նա՝ ավելացնելով, որ ՀՀ ֆեդերացիան գուցե միջազգային ֆեդերացիայի այս հարցում դիմի իր առաջարկներով:

Ջուլֆալակյանը կրկնեց, որ ընդհանուր առմամբ Հայաստանի հավաքականի արդյունքները ԵԱ-ում Ջուլֆալակյանը գերազանց է գնահատում: Մրցաշարում, բացի վերը նշված մարզիկներից, ՀՀ-ն էին ներկայացրին նաեւ երիտասարդներ Արմեն Մելիքյանն (60 կգ) ու Սլավիկ Գալստյանը (63 կգ), ինչպես նաեւ Կարապետ Չալյանը (77 կգ): Առաջին 2-ից Ջուլֆալակյանը գոհ է: Կարողացել են ուժերի սահմաններում իրենց լավագույնն անել: Իսկ ահա Կարապետ Չալյանը, ըստ նրա, ավելին պետք է աներ:

«Սպասելիքները Չալյանից ավելին էին, բայց անհաջող գոտեմարտ արեց շվեդ ըմբիշի հետ: Դժգոհ եմ նրա մասնակցությունից: Նրանից սպասելիքներ կան, բայց 2016 թ. Եվրոպայի առաջնությունից հետո անընդհատ սայթաքումներ են Եվրոպայի, աշխարհի առաջնություններում, օլիմպիական վարկանիշայի մրցաշարում: Կարապետի մոտ տեխնիկական արսենալի պակաս եմ նկատում: Դեռ աշխատելու, ավելացնելու բաներ կան, բայց որ նպատակասլաց ըմբիշ է, աշխատասեր, փաստ է»,- ասաց նա:

Լեւոն Ջուլֆալակյանը խոսեց նաեւ օլիմպիական արծաթե մեդալակիր Միհրան Հարությունյանի մասին: 2016 թ. օլիմպիական խաղերից հետո հավաքականի հետ չի մարզվել: Նա վիրահատեց ուսի վնասվածքը ու վերականգնողական երկար շրջան անցավ: Հիմա էլ պատրաստվում է մայիսի 19-ին խառը մենամարտերում կայանալիք իր նորամուտին: Ջուլֆալակյանը չգիտի՝ ինչպես կդասավորվի նրա ապագան հունահռոմեական ոճի ըմբշամարտի ՀՀ հավաքականում:

«Նա հեռու է մնում հավաքականի մարզումներից, ոչ մի քայլ չի արել եւ մոտեցում չկա: Մարզիկը պետք է մասնակցի հավաքների, մրցումների, որ կարողանամ բան ասել: Այս պահին ոչինչ չեմ կարող ասել»,- ասաց նա՝ ավելացնելով, որ Միհրանն ուժեղ, արագ, ճարպիկ ըմբիշ է, սակայն չգիտի՝ ինչպես հանդես կգա խառը մենամարտերում:

Հայաստանի հավաքականի հաջորդ խոշոր մրցաշարն աշխարհի 2018 թ. առաջնությունն է: Այն կայանալու է հոկտեմբերին Հունգարիայում: Եվրոպայի 2018 թ. առաջնությունից հետո հավաքականը 1 ամիս չի մարզվելու. դադար է: Մարզիկները մարզվում են անհատական ծրագրով, իրենց առաջադրանքներով: Հավաքներն ու միջազգային մրցաշարերը հավաքականը կսկսի հունիսի 10-ից: Ունի միջազգային 2 մրցաշար Վրաստանում ու Լեհաստանում, 3 հավաք Բելառուսում, Ռուսաստանում ու Հայաստանում:

Տպել
2093 դիտում

Արցախի ոստիկանությունը սուտ է տարածում՝ փորձելով կոծկել սեփական հանցագործությունը. Դանիել Իոաննիսյան

Արցախում կորոնավիրուսի եւս 2 դեպք է հաստատվել

Քաղաքացիական ավիացիայի կոմիտեի ծառայողների առնչությամբ առկա է հարուցված 2 քրեական գործ

ՎՏԲ բանկն առաջարկում է պատվիրել հիփոթեքային վարկերի գծով «Եկամտահարկից փոխհատուցման նպատակով» տեղեկանքը առցանց

Հայաստանի եւ Լիտվայի ԱԳ նախարարները քննարկել են կորոնավիրուսի դեմ պայքարի քայլերը

Ուզու՞մ եք չզեկուցեմ՝ միանգամից դեմ քվեարկեք․ ԼՀԿ պատգամավորը առաջարկեց չներկայացնել հերթական օրենքի նախագիծը

Հատուկ չվերթով ԱՄՆ-ից հայրենիք կտեղափոխվեն 79 վրացի եւ 35 հայ դպրոցականներ

Կորոնավիրուս է հայտնաբերվել Գյումրու ինֆեկցիոն հիվանդանոցի բժիշկներից մեկի մոտ

Օրակարգում նման հարց գոյություն չունի․ ԱԳՆ խոսնակը՝ Թուրքիայի կողմից ՀՀ-ին աջակցելու լուրերի մասին

Եվրո 2020-ի համաեվրոպական ձեւաչափը կարող է փոխվել. The Daily Mail

Զորամասում դիզվառելիքի և բենզինի յուրացման գործով կայացվել է մեղադրական դատական ակտ. պատճառված վնասը հատուցվել է

Հայկ Մարությանը մարտ ամսվա իր աշխատավարձը փոխանցել է շտապբուժօգնության հաշվեհամարին

Մահացել է Օպերային թատրոնի երգչուհի Գայանե Գրիգորյանը

Ռոբերտ Քոչարյանը դատական հայցեր է ներկայացրել ընդդեմ Քրեակատարողական ծառայության եւ Հայաստանի Հանրապետության

Հայբիզնեսբանկը կվճարի բնակչությանը հատկացվող աջակցության գումարները

ԱԱԾ-ն եւ ոստիկանության ՆԱՎ-ը միջոցառում են իրականացրել ոստիկանության Դավթաշենի բաժանմունքում. Ահարոնյան

Խոզի միսը մարտին էժանացել է շուրջ 700 դրամով, գնաճից հետո նվազել է ալյուրի, ձեթի գինը. ապրանքներիգնի դինամիկան

Շահառուների՝ աջակցության միջոցառում ընտրելու առումով տեխնիկական խնդիր կա, կկարգավորվի. Զարուհի Բաթոյան

Արցախի ԱՆ-ն ուղեցույց կհրապարակի ՀՀ-ից Արցախ մուտք գործողների համար՝ Արցախում տեղաշարժի եւ պահանջների մասին

Հնարավոր է՝ Ռոբերտ Քոչարյանի եւ մյուսների գործը քննող դատավոր Աննա Դանիբեկյանը ապրիլի 17-ին ներկայանա աշխատանքի