Աննախադեպ շարժումը ՀՀ-ում իշխանության վակուում է առաջացրել. The Guardian

Հայաստանյան զարգացումները թե՛ արեւմտյան մայրաքաղաքների եւ թե՛ Մոսկվայի ուշադրության կենտրոնում են: Ժողովրդավարության կանոնները պահպանելու եւ հարցերն օրինական կարգով լուծելու մասին կոչերից զատ, միջազգային քաղաքականության խոշոր կենտրոնները փորձում են հասկանալ, թե ինչ ուղղություն կընտրի երկիրը իշխանափոխությունից հետո:

Եվրոպական միությունն աջակցում է Հայաստանում բարեկեցիկ, ժողովրդավարական հասարակություն կայացնելու ջանքերին: Այդ մասին հայտարարել է Եվրամիության պատվիրակությունը, որի ուղերձում կարեւորվում է նաեւ բոլոր կողմերի ներգրավմամբ համապարփակ երկխոսությունը, գրում է Ազատությունը:

Եվրամիությունն աջակցում է սահմանադրական կարգով հարցը լուծելու մոտեցմանն ու այդ առումով՝ չորրորդ նախագահ Արմեն Սարգսյանի ջանքերին: Եվրամիությունը կարեւորում է նաեւ իրավապահների ու հավաքների մասնակիցների փոխադարձ զսպվածությունը:

Վաշինգտոնը եւս սատարում է Արմեն Սարգսյանի ջանքերին

Նախօրեին հայտարարությամբ է հանդես եկել ԱՄՆ-ի պետական դեպարտամենտի խոսնակ Հիթեր Նոյերթը, ով ընդգծել է, որ իբրեւ Հայաստանի բարեկամ՝ Միացյալ Նահանգները հորդորում է բոլոր կողմերին բարեխիղճ բանակցությունների միջոցով կայացնել հանգուցալուծումը:

Ինչպես Եվրամիությունը՝ Վաշինգտոնը եւս սատարում է երկխոսությանը նպաստելուն ուղղված՝ նախագահ Սարգսյանի ջանքերը: Նոյերթը նշում է, որ Միացյալ Նահանգներում գոհունակությամբ են արձանագրում ցույցերի խաղաղ բնույթը եւ հավատում են, որ եւ՛ իրավապահները, եւ՛ խաղաղ ցույցերի իրավունքն իրականացնող մարդիկ կշարունակեն զերծ մնալ բռնություններից:

«Աննախադեպ շարժումն իշխանության վակուում է առաջացրել»

Միջազգային մամուլը շարունակում է հետեւել Հայաստանում նոր վարչապետի ընտրության նախօրեին տեղի ունեցող իրադարձություններին: Լոնդոնում լույս տեսնող The Guardian-ը նշում է, որ Նիկոլ Փաշինյանի առաջնորդած աննախադեպ լայնածավալ շարժումն անսպասելիորեն ստեղծել է իշխանության վակուում: Սերժ Սարգսյանի վարչապետ ընտրվելուց, ապա հրաժարական ներկայացնելուց հետո անդադար ցույցեր են տեղի ունենում, նշում է պարբերականը:

Independent-ը, իր հերթին, նշում է՝ Հայաստանում «անարյուն եւ կայծակնային թավշյա հեղափոխությունը» շատերի համար էր անակնկալ, իսկ վարչապետ Սերժ Սարգսյանի հրաժարականն արդեն դարձել է այդ շատ ավելի երկար պատմության ընդամենը դրվագներից մեկը:

Մայիսի 1-ին Հայաստանի խորհրդարանը պետք է վարչապետ ընտրի, ինչին պետք է հաջորդեն արտահերթ ընտրություններ: Հանրապետականները հուսով էին, որ ամեն ինչ կհանդարտվի Կարեն Կարապետյանի առաջադրումով, սակայն շատ արագ պարզ դարձավ, որ այդ նախագիծը չի աշխատի: Դժվար թե որոշումը հեշտ ընդունվի: «Սա մայդան չէ»,- ըստ պարբերականի՝ հայտարարել է Փաշինյանը, ընդգծելով՝ որեւէ օտար պետություն մի կոպեկ էլ չի ծախսել այս շարժման վրա:

«Բողոքից ծնված Հայաստանն իր տեղն է որոնում»

Ռուսաստանցի վերլուծաբան Սերգեյ Մարկեդոնովը «Профиль» հանդեսում այս զարգացումները դիտարկում է ղարաբաղյան հակամարտության համատեքստում: Սերժ Սարգսյանին հաճախ են քննադատել, նշելով, որ նրա լեգիտիմության պակասը թուլացնում է Հայաստանի դիրքերը բանակցային գործընթացում, քանի որ թույլ լեգիտիմությամբ ղեկավարը դրսի ուժերի ազդեցության եւ ներգործության հեշտ թիրախ է:

«Բայց Հայաստանում կա մի պարադոքս՝ եթե վերստին սրվի կոնֆլիկտը, դա կդառնա հաշտեցման նոր գործոն, խոսքը ոչ թե հայերի եւ ադրբեջանցիների, այլ հայ հանրության տարբեր շերտերի հաշտեցման մասին է: Անկախ Փաշինյանի, Սարգսյանի կամ մեկ ուրիշի հանդեպ վերաբերմունքից, ղարաբաղյան սրացումը միայն միավորում է հայերին:

Բողոքից ծնված Հայաստան երկիրը շարունակում է իր տեղը որոնել բարդ տարածաշրջանում եւ սրընթաց փոփոխվող աշխարհում»,- կարծիք է հայտնել Մարկեդոնովը:

Տպել
3060 դիտում

Հայաստանում հաստատվել է կորոնավիրուսով վարակվելու 1174 նոր դեպք. մահացել է 21 մարդ

Մշակույթի գործիչները նամակ հանձնեցին ՌԴ դեսպանատուն

Բացարձակ անթույլատրելի են սոցիալական ցանցերում վիրավորական գնահատականները Արցախի մեր հայրենակիցների մասին. ՄԻՊ

Զինված ավազակային հարձակում Արարատի մարզում. թալանել են բենզալցակայանը

Աշտարակ-Ագարակ ավտոճանապարհին այրվել է ավտոմեքենա

Ազատության հրապարակից մեկնարկել է մտավորականների և արվեստագետների երթը դեպի ՌԴ դեսպանատուն

«Աստղիկ» ԲԿ-ում ռումբի տեղադրման մասին կեղծ ահազանգ է եղել

2020 թվականի դիվանագիտական ձախողումը հենված է բանակցային ողջ նախորդ ժամանակաշրջանի դիվանագիտական ձախողումների վրա

Սիսիան-Գորիս ավտոճանապարհը դժվարանցանելի է, Սյունիքի մարզում ձյուն է տեղում

Հրդեհ Վերին Անտառային փողոցում․ կան տուժածներ, այդ թվում՝ 8 ամսական եւ 3 տարեկան երեխաներ

Վարչապետը կրկին հանդիպել է գերեվարված և անհետ կորած անձանց ընտանիքների անդամներին

2018 թվականի դրությամբ Ղարաբաղի հարցը փակուղում էր, որից միայն մեկ ելք կար՝ տարածքների անվերապահ հանձնում. վարչապետ

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադրբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ