Կրեմլի համար տհաճ փորձ. աշխարհի գնահատականը՝ հայկական հեղափոխությանը

Հայաստանում ընթացող հեղափոխության մասին գրում են արդեն ոչ միայն Եվրոպական եւ Ամերիկյան պարբերականները, այլ նաեւ Օվկիանիայի լրատվամիջոցները: Բացի ավստրալական եւ նորզելանդական մի շարք լրատվամիջոցներում տեղեկատվական բնույթի հաղորդագրությունների, օվկիանական մամուլում հնչում են նաեւ գնահատականներ հայկական իրադարձությունների մասին: Ավստրալական SBS NEWS-ը գրում է Հայաստանում շարունակվող բողոքի ցույցերի մասին՝ նշելով, որ վարչապետի հրաժարականից հետո քաղաքական վերնախավը հրաժարվում է զիջել իշխանությունը: SBS NEWS-ը անդրադառնում է նաեւ հայկական բողոքի անսովոր արտահայտմանը: Ավստրալական կայքը, ներկայացնելով քաղաքական ճգնաժամի պատճառները, գրում է, որ բողոքը յուրահատուկ կերպով է արտահայտվում: Բաց ձեռքերի պայքարը եւ համընդհանուր տոնական տրամադրությունը ցույց են տալիս բողոքի ակցիաների խաղաղ բնույթը:

SBS NEWS-ը անդրադառնում է նաեւ համաշխարհային կենտրոնների, մասնավորապես՝ Ռուսաստանի հայկական բողոքի ալիքի վրա ազդելու հավանականությանը: Հիմնվելով ռուսաստանցի պաշտոնյաների հայտարարությունների վրա, SBS NEWS-ը գալիս է եզրակացության, որ Ռուսաստանը, ամենայն հավանականությամբ, չի խառնվի հայկական հեղափոխությանը:

Ամերիկյան, եվրոպական եւ ռուսական փորձագետներն ու մամուլը եւս շարունակում են ձեռքը պահել հայաստանյան իրադարձությունների զարկերակին:

Գերմանական Deutche Welle-ն գրել է Սերժ Սարգսյանի 2008 թ. սկսած աստիճանաբար նվազող հեղինակության մասին: Ռուսաստանի համեմատաբար հանգիստ վերաբերմունքը Սարգսյանի հրաժարականին բացատրվում է նրանով, որ արտաքին հետքեր այս շարժման մեջ չկան: Ռուսաստանցի լրագրող Կոնստանտին Էգերտի կարծիքով՝ Կրեմլը թերագնահատել էր հայ ժողովրդի հիասթափությունը Սարգսյանից: Բացի դրանից, Էգերտի կարծիքով, երկարաժամկետ պլաններ ունեցող քաղաքական առաջնորդների խաղաղ անկումը անհանգստացնում է Մոսկվային:

Հայկական բողոքի ալիքի համատեքստում հայ-ռուսական հարաբերությունների հեռանկարին անդրադարձել է նաեւ Քարնեգի հիմնադրամի ավագ փորձագետ Թոմ դե Վաալը: BBC-ի ռուսական ծառայության հետ զրույցում նա կարծիք է հայտնել, որ Հայաստանի աշխարհաքաղաքական հիմքը չի փոխվի:

«Բողոքը Ռուսաստանի կողմից ապահովվող անվտանգության դեմ չէր, թեեւ այն, իհարկե, ռուսական մենաշնորհների դեմ էր»,- ասել է դե Վաալը:

Ամերիկայի ձայնի ռուսաստանյան ծառայության հետ զրույցում նման կարծիք է հայտնել շախմատի աշխարհի նախկին չեմպիոն Գարի Կասպարովը:

«Հայաստանը գտնվում է Պուտինի ուժեղ ազդեցության ներքո, եւ պարզ է, որ խոշոր ձեռնարկությունների մեծ մասը, այսպես թե այնպես կառավարվում է ռուսաստանցի օլիգարխների կողմից»,- ասել է Կասպարովը՝ հավելելով, որ դա կայացել է շատ երկար ժամանակի ընթացքում:

Նա նաեւ նշել է, որ Հայաստանի ժողովրդի կամքը երկրում փոփոխություններ կատարելու միակ առանցքային գործոնն է:

Կասպարովը փորձում է նաեւ աննկատ կերպով ակնարկել, որ հայաստանյան իրադարձությունների սցենարը կարող է կրկնվել Ռուսաստանում:

«Պատմությունը դեռ ավարտված չէ, սակայն կա մեկ կարեւոր դաս, որը մենք պետք է քաղենք. երբ մարդկանց շարունակաբար խաբում են՝ նրանք հոգնում են դրանից: Երբ մարդիկ սկսում են պայքարել ընտրելու սեփական իրավունքի եւ ազատության համար՝ իշխանությունն ընկրկում է»,- ասել է Կասպարովը, ապա հավելել,- «Դասը կայանում է նրանում, որ սա ազգի միասնության ցուցադրում է»:

Այդուհանդերձ, Կասպարովը կրկնում է մի արտահայտություն, որը շատ է հանդիպում օտարերկրյա մամուլում եւ որոշակի վտանգներ է պարունակում հետագայում համաժողովրդական միասնականությունը միջազգային հանրությանը ներկայացնելու տեսանկյունից:

«Կա ղարաբաղյան կլան, երեւանյան «կուսակցություն», այսինքն՝ շատ ու շատ կոնկրետ գործոններ, որոնք կապ չունեն Ռուսաստանի հետ»,- նշել է Կասպարովը:

Շարունակելով Ռուսաստանի հետ զուգահեռներ անցկացնել՝ Կասպարովը նշել է, որ «անցյալ վերադառնալու փորձերը» դատապարտված են հեղափոխության: Հայաստանը օրինակն է այն բանի, որ փոփոխություններն անխուսափելի են: Ողջ հարցը, ըստ գրոսմայստերի, նրանում է՝ որքանով խաղաղ ու ոչ բռնի կլինեն այդ փոփոխությունները:

«Հայաստանը խուսափեց ուժային լուծումներից եւ արյունահեղությունից մեծապես իր ազգային առանձնահատկությունների շնորհիվ: Որքանով է դա հնարավոր Ռուսաստանում՝ բարդ է ասել»,- նշել է Կասպարովը, հավելելով, որ անցնցում փոփոխությունների հնարավորությունը Ռուսաստանը կորցրել է 2011 եւ 2012 թվականներին:

Ինչեւէ, անկախ Հայաստանում դեպքերի զարգացումից Ռուսաստանի քաղաքական վերնախավը կանգնած է լուրջ մարտահրավերի առջեւ: Բանն այն է, որ մայիսի 5-ին ողջ Ռուսաստանով նախատեսվում են հակակառավարական բողոքի ակցիաներ, իսկ հայկական արդեն իսկ հաջողված փորձը կարող է ոչ միայն ոգեշնչել ռուսաստանցի ընդդիմադիրներին, այլեւ որոշակի առումով գործողությունների ձեռնարկ հանդիսանալ նրանց համար: Կրեմլում դա նույնպես հասկանում են եւ, առնվազն մինչեւ մայիսի 5-ը, փորձելու են «Հայաստանի ներքին գործերին» չխառնվելով ճնշում գործադրել թավշյա հեղափոխության վրա:

Վլադիմիր Մարտիրոսյան

Տպագրվել է «Հայկական ժամանակ» օրաթերթի ապրիլի 27-ի համարում:

Տպել
10007 դիտում

Արմեն Թավադյանի խափանման միջոցի հարցով դատարանը հեռացավ խորհրդակցական սենյակ

Նիդերլանդների Թագավորության արտաքին գործերի նախարարը պաշտոնական այցով կժամանի Հայաստան

Հեղափոխությունից հետո վարչապետի հազը բուժած ֆրանսիացի բժիշկը տեղափոխվում է Հայաստան՝ մշտական բնակության

80-անց մի տատիկ Վրաստանից Հայաստան էր վերադառնում՝ իր հետ բերելով 2019 թվականի արտադրության «Bentley». ՊԵԿ փոխնախարար

Ուկրաինական Boeing-ի կործանման հարցով Կիեւ է մեկնել իրանցի նախարարը՝ որպես Ռոհանիի ներկայացուցիչ

Սահմանադրական փոփոխությունների փաթեթում մեր շեշտադրումը լինելու է նաև դատաիրավական համակարգի բարեփոխումների վրա․ Մակունց

Իշխանության առանձին ներկայացուցիչներ ներկա են գտնվել Գեորգի Կուտոյանի հրաժեշտի արարողությանը․ Մակունց

Ռուսաստանի գլխավոր դատախազը լքում է պաշտոնը. Պուտինը նոր թեկնածու է առաջարկել

Պողոս Պողոսյանի սպանության գործով դատախազությունը նոր դատաքննության պահանջով բողոք է ներկայացրել Վերաքննիչ դատարան

Մարդու իրավունքների պաշտպանը վարույթ է սկսել մորթը սպանդանոցներում իրականացնելու հարցով

ՀՀ նախագահի տիկին Նունե Սարգսյանը այցելել է Քուվեյթի Պետություն

Գուգարք գյուղում 2015 թ.-ին այրված շենքի բնակիչները բնակարանների գնման վկայագրեր ստացան

Ալեքսանյանը հաղթել է ադրբեջանցուն ու ոսկի նվաճել, Մկրտչյանն ու Չալյանը բավարարվել են արծաթով

Վարդենյաց լեռնանցքն ու Սոթք-Քարվաճառը փակ են բեռնատարների համար

Երեք համայնքների բնակիչները բողոքի ցույց են անում. առաջարկում են սպանդանոցային մորթի պարտադրանքը իրենց համար հետաձգել

Սահմանին գազի գինը չի թանկանա ամբողջ 2020 թվականի համար. փոխվարչապետ

Փրկարարներն արգելափակումից դուրս են բերել ավտոմեքենաները

Հունվարի 17-ից 20-ը բացահայտվել է 116 հանցագործություն, տրանսպորտային 30 պատահար

ԱԺ-ն քննարկում է տարբեր գերատեսչությունների ղեկավարների խորհրդականների տարիքային ցենզը 30-ից 25-ի իջեցնելու նախագիծը

ՀՀ վարչապետին ադրբեջանցի «բլոգեր» ներկայացած Աբդուլաեւը առաջադրվել է խորհրդարանական ընտրություններում