Շարքային Սասուն Մկրտչյան. հասցրել է վիրավոր ընկերներին հանել առաջնագծից

Մեր ժամանակի հերոս Սասուն Մկրտչյան. Սասուն Մկրտչյանը մասնակցել է 2016 թ. ապրիլյան քառօրյա պատերազմին Արցախի ՊԲ Մարտակերտի զորամասի պահպանման տակ գտնվող Թալիշի հատվածում:

Սասուն Մկրտչյանը պայմանագրային զինծառայող էր Ապրիլի 1-ին հերթական անգամ ծառայությունն իրականացնելուց հետո վերադարձել է Արցախից։ Սակայն սահմանից թշնամու ակտիվության մասին լուրերը ստանալուն պես ապրիլի 2-ի առավոտյան Սասունին կանչեցին առաջնագիծ։

Թալիշի դիրքը հետ գրավելիս Սասունի գնդացիրը փչացել է։ Զինակցից զենք է խնդրել, սակայն հրամանատարը չի թույլատրել։ Սասունը խնդրել է զինակցին վառել կրակայրիչը եւ սկսել է քանդել գնդացիրը։ Այդ ընթացքում հասցրել է վիրավոր ընկերներին հանել առաջնագծից եւ կրկին շտապել վերադարձնել կորցրած դիրքերը:

Ապրիլի 2-ի լույս 3-ի գիշերը Թալիշի դիրքերը հետ գրավելու ժամանակ որովայնի շրջանում ստացել է ծանր հրազենային վիրավորում։ Զինակից ընկերները նրան իջեցրել են դիրքերից եւ հանձնել շտապօգնությանը, սակայն Սասունի կյանքը փրկել չի հաջողվել։

Հուղարկավորությունը տեղի է ունեցել 2016 թ.-ին Եռաբլուր զինվորական պանթեոնում՝ զինվորական արարողակարգով։ Հուղարկավորությանը ներկա է գտնվել Սերժ Սարգսյանը:

Սասուն Մկրտչյանը ծնվել է 1989 թ. հունիսի 10-ին Երեւանում, սասունցիների ընտանիքում: Ունի հայր, մայր եւ քույր: 1996-2006 թթ սովորել է Հ. Հայրապետյանի անվան №78 դպրոցում: 10 տարեկանից զբաղվել է Մուայ թայ սպորտաձեւով: Մասնակցել է բազմաթիվ մրցույթների եւ պարգեւատրվել տարբեր մեդալներով ու պատվոգրերով: Վերջին տարիներին Սասունը հանդիսանում էր ֆեդերացիայի անդամ, ինչպես նաեւ մրցավար եւ մեկնաբան: 2007-2009 թթ անցել է պարտադիր ժամկետային ծառայության Շամշադինի զորամասում:

2009-2014 թթ սովորել է Երեւանի դատական փորձագիտության եւ հոգեբանության ինստիտուտում: 2009-2011 թթ աշխատել է ՀՀ վերաքննիչ դատարանում՝ որպես կարգադրիչ: 2011-2014 թթ ծառայել է Խաղաղապահ զորքերում: Այնուհետեւ ծառայության է անցել ՀՀ Պաշտպանության նախարարության հատուկ նշանակության բրիգադում եւ 4-րդ հատուկ նշանակության ջոկատում՝ որպես հետախույզ-գնդացրորդ: Մասնակցել է օպերատիվ ուղղության ուսումնասիրմանը, մարտական հերթապահությանը եւ հատուկ միջոցառումների կատարմանը: Պարբերաբար մեկնում էր Արցախ՝ ծառայություն իրականացնելու։

Խաղաղ ժամանակ Սասունն արժանացել է ՀՀ զինված ուժերի «Լավագույն զինվոր-մարտիկ» եւ «Մարտական պատրաստության գործում ունեցած բարձր ցուցանիշների համար» պատվոգրերի: ԼՂՀ նախագահ Բակո Սահակյանի 2016 թ. N-32-Ա հրամանագրով Սասուն Մկրտչյանը հետմահու պարգեւատրվել է «Մարտական ծառայության» մեդալով: 2016 թ. մայիսի 4-ին Սերժ Սարգսյանի հրամանագրով Սասուն Մկրտչյանը հետմահու պարգեւատրվել է Հայաստանի Հանրապետության «Մարտական խաչ» 1-ին աստիճանի շքանշանով:

Պաշտպանության նախարարի 2016 թ. մայիսի 13-ի հրամանով Սասուն Մկրտչյանի անունը գրանցվել է ՀՀ ՊՆ 24923 զորամասի «Հավերժ զինվոր» ցուցակում։ 2016 թ. հուլիսի 29-ին Արցախի Մարտակերտի շրջանի Թալիշի մարտական դիրքում տեղադրվեց Սասուն Մկրտչյանի հուշաքարը: 2016 թ. սեպտեմբերի 1-ին Երեւանի Հ. Հայրապետյանի անվան թիվ 78 դպրոցում բացվեց Սասուն Մկրտչյանի անունը կրող դասասենյակ: 2017 թ. մարտի 7-ին Արագածոտնի մարզի Կաքավաձոր գյուղի դպրոցում բացվեց Սասուն Մկրտչյանի անունը կրող դասասենյակ:

Տպել
3228 դիտում

Գյումրիում շատերը թույլ չեն տալիս թափառող շներին տարածքից հեռացնել, թաղամասերի 80 տոկոսում այդ խնդիրը կա

«Էրեբունի» ԲԿ-ում 5 կգ 600 գ քաշով տղա երեխա է ծնվել

Արթուր Դավթյանին հունից հանեց «Դուք ձեզ Սերժ Սարգսյանի մնացորդ համարո՞ւմ եք» հարցը

«Աբովյան» և «Արմավիր» ՔԿՀ-ում 9-րդ դասարանն ավարտած չորս անչափահասների տրվել են ավարտական վկայականներ

ԱԻՆ-ը համավարակի կանխարգելման քարոզչական շրջայցեր է իրականացնում հանրապետությունում (տեսանյութ)

«Հոկտեմբերի 27»-ի գործով չի բացառվում, որ հարցաքննվի նաեւ Գագիկ Ջհանգիրյանը. Արթուր Դավթյան

Նախկին դատախազ Հենրիկ Խաչատրյանի սպանության դեպքը ժամանակին ստացել է իր իրավական գնահատականը․ Արթուր Դավթյան

ՀՀ պատվիրակությունն Արցախ էր այցելել միայն թեստ հանձնելուց և բացասական արդյունքից հետո

Արարատ Միրզոյանը Երևանում ընդունել է Արցախի իր պաշտոնակցին

Նախագահական կայք՝ երեխաների համար. գործարկվել է Հանրապետության նախագահի՝ երեխաների համար նախատեսված կայքը

Վանաձոր-Ալավերդի-Վրաստան միջպետական ավտոճանապարհի տարբեր հատվածներում կատարվում են ասֆալտապատման աշխատանքներ

Ավտոմեքենաների պետհամարանիշներ են գողանում, հետո զանգահարում ու գումար պահանջում․ պատգամավորը՝ դատախազին

Լիտվայի նախագահը ծննդյան օրվա առթիվ շնորհավորել է Նիկոլ Փաշինյանին եւ մաղթել շուտափույթ ապաքինում

Մխիթարյանը լուսանկար է հրապարակել որդու հետ ու շնորհավորել երեխաների պաշտպանության օրը

Նիկոլ Փաշինյանին ծննդյան օրվա առթիվ շնորհավորական ուղերձ է հղել Վրաստանի վարչապետ Գիորգի Գախարիան

Զորամասի հրամանատարին մեղադրանք է առաջադրվել իշխանազանցություն, պաշտոնեական կեղծիք կատարելու և կաշառք ստանալու համար

«Հելթ թոն»-ը Հայաստանում գրանցված է որպես սննդային հավելում, ոչ թե դեղամիջոց կորոնավիրուսային հիվանդության դեմ պայքարում

Դատարանը Ռոբերտ Քոչարյանի գործով ապացույցների փուլին անցնելու բոլոր հիմքերն ունի. դատախազ

Այսօր ԱԻՆ-ը կատարել է 1168 վարակազերծում (տեսանյութ)

Սկսվել է երաժշտական միջոցառումը քաղցկեղ և արյան հիվանդություններ ունեցող երեխաների համար. Աննա Հակոբյանը չի մասնակցում