«Գանձասարի» նախկին մարզիչը համաձայն չէ, որ թիմի արդյունքները վատն էին

«Գանձասար-Կապան» ֆուտբոլային թիմի արդեն նախկին գլխավոր մարզիչ Կարեն Բարսեղյանը համամիտ չէ այն կարծիքի հետ, թե իր գլխավորությամբ թիմը ոչ բավարար արդյունքներ է գրանցել: Նա թիմը գլխավորել էր 2017-18 մրցաշրջանից առաջ եւ օրերս հեռացվեց: Նրա փոխարեն նշանակվեց Աշոտ Բարսեղյանը, որը թիմի ղեկին եղել է 2015-17 թթ.: «Հայկական ժամանակ»-ին ակումբի գործադիր տնօրեն Գառնիկ Աղաբաբյանը ասել էր, որ ղեկավարությանը չէին բավարարում ցուցանիշները, բացի այդ՝ իրենց ավելի հոգեհարազատ է Աշոտ Բարսեղյանի փիլիսոփայությունը: ՀԺ-ն պարզեց Կարեն Բարսեղյանի տեսակետն Աղաբաբյանի դիտարկումների վերաբերյալ:

«Մենք չեմպիոնական մրցավազքում 3-րդ տեղում ենք՝ 2-րդ տեղում ընթացող «Շիրակի» հետ հավասար միավորներով: Գավաթի խաղարկությունում կիսաեզրափակչում ենք: Առաջին հանդիպումը «Շիրակի» հետ ավարտվել է ոչ ոքի: Եզրափակչում հայտնվելու 50% շանս ունենք »,- ասաց նա՝ խոսելով թիմի ցուցանիշներից:

Փիլիսոփայության վերաբերյալ Աղաբաբյանի կարծիքին Բարսեղյանը նույնպես միանշանակ չի վերաբերվում: Հիշեցնում է, որ իր օրոք՝ 2017-18 մրցաշրջանի աշնանային հատվածում, «Գանձասարը» ռեկորդային թվով անպարտելի հանդիպումների շարք է ունեցել, իր խաղացողները հայտնվել են ՀՀ տարբեր տարիքային հավաքականներում, արտասահմանյան ակումբները սկսել են հետաքրքրվել «Գանձասարի» խաղացողներով:

«Առաջնությունում ու Գավաթում 14 անպարտելի խաղ ենք ունեցել, դա «Գանձասարի» պատմության առավելագույն արդյունքն էր: Նաեւ պետք է հպարտությամբ նշեմ, որ այսօր ունենք ֆուտբոլիստ (Հայկ Իշխանյան), որը հանդես է գալիս ազգային հավաքականում, ունենք ֆուտբոլիստ (Դավիթ Տերտերյանը), որը 21 տարեկանների հավաքականի թեկնածու է, ինչը «Գանձասարում» վաղուց չի եղել, ունենք ֆուտբոլիստ (Մարտին Գրիգորյանը), որը 19, նույնիսկ 21 տարեկանների հավաքականների թեկնածու է, ինչը նույնիսկ չի եղել: Ունեցել ենք ֆուտբոլիստ (Սարգիս Շահինյան), որը տեղափոխվել է ավելի բարձրակարգ՝ եվրոպական առաջնություն: Ունեցել ենք ֆուտբոլիստ, որի նկատմամբ ձմռանը լուրջ հետաքրքրություն է եղել՝ ֆինանսական շահավետ պայմաններով, նա չի ցանկացել հեռանալ, որովհետեւ ամեն ինչ իրեն գոհացնում է մեր ակումբում: Եթե խոսում ենք փիլիսոփայությունից, պետք է նաեւ այս ամենը նշենք»,- ասաց նա:

Մյուս կողմից՝ մասնագետը չի ժխտում, որ եղել են նաեւ անհաջողություններ: Պարտություններ են եղել, որոնց պատճառներն օբյեկտիվ են եղել: Եղել են նաեւ դեպքեր, երբ իրենք իսկապես արժանի են եղել պարտության, որովհետեւ հակառակորդն ուժեղ է եղել ամեն ինչով:

«Հասկանում եմ, որ եղել են խաղեր, որոնցում տանուլ ենք տվել, եղել են պրոբլեմներ, բայց 5 հանդիպումներից միայն մեկում ենք մենք արժանի եղել պարտության՝ վերջին մեր հանդիպումը «Շիրակի» հետ, որտեղ մրցակիցը հաղթեց մեզ ամեն առումով, բայց այդտեղ էլ կային պատճառներ. մենք զրկված էինք առանցքային 5 ֆուտբոլիստից»,- ասաց նա:

Գառնիկ Աղաբաբյանը նշել էր, որ Կարեն Բարսեղյանից բարեկամաբար են բաժանվել, եւ հնարավոր է՝ հետագայում կարող են կրկին հրավիրել նրան ակումբ, եթե հարմար աշխատանք լինի: Կարեն Բարսեղյանը նույնպես չբացառեց, որ կարող է վերադառնալ, սակայն ինչ-որ պայմաններով, որոնց մասին չմանրամասնեց: Նա շնորհակալություն հայտնեց ակումբին ու նշեց, որ այսուհետ լինելու է թիմի ամենալավ երկրպագուներից մեկը:

«Ուզում եմ շնորհակալություն հայտնել «Գանձասար-Կապան» ղեկավարներին համատեղ աշխատանքի համար: Շնորհակալություն եմ հայտնում նաեւ ֆուտբոլիստներին, որոնց հետ աշխատել եմ: Ցանկանում եմ, որ նրանք հասնեն ամենաբարձր նպատակներին, որովհետեւ նրանք արժանի են: Շնորհակալություն եմ հայտնում նաեւ իմ մարզչական շտաբին: Ոչ մի խնդիր չունեմ ակումբի հետ: Ես կլինեմ «Գանձասարի» լավագույն երկրպագուներից մեկը: Կցանկանամ, որ «Գանձասարը» ունենա հաջողություններ, որ նրանք իրականացնեն իրենց նպատակները»,- ասաց նա:

Աշխատանքից հեռացվելուց հետո Կարեն Բարսեղյանը պատրաստվում է մի փոքր հանգստանալ: Ազատման նորությունը նրա համար շոկային է եղել: Նշում է, որ ժամանակ է պետք իրավիճակը վերլուծելու համար, որից հետո կորոշի հետագա անելիքները:

Ինչ վերաբերում է «Գանձասարին», Բարձրագույն խմբի առաջնության 19 տուրից հետո մրցաշարային աղյուսակում 28 միավորով 3-րդն է: Նույնքան միավոր ունի «Շիրակը», սակայն գերազանցում է լրացուցիչ ցուցանիշներով եւ 2-րդն է: Առաջատարը գործող չեմպիոն «Ալաշկերտն» է, որն ունի 34 միավոր: 20-րդ տուրում «Գանձասարը» հյուրընկալվելու է առաջատարին: Գավաթի խաղարկությունում թիմը կիսաեզրափակչում է: Առաջին խաղում տանտիրոջ կարգավիճակով ոչ-ոքի՝ 1:1 է խաղացել «Շիրակի» հետ: Պատասխան հանդիպումը կկայանա ապրիլի 18-ին:

Տպել
1474 դիտում

Իտալիայում կորոնավիրուսի կտրուկ աճով պայմանավորված՝ ՀՀ դեսպանատունը կոչ է անում կապվել իրենց հետ

Վանաձորի թատրոնի սկանդալային «Թանկարժեք դիակ» ներկայացման ցուցադրությունը հետաձգվել է անորոշ ժամանակով

Հրդեհ Իսակովի պողոտայում. տուժածներ չկան

Աշոցքի տարածաշրջանի ավտոճանապարհներին բուք է, Վարդենյաց լեռնանցքը՝ փակ

Ապրիլին Երևանում կկայանա FINTECH360 միջազգային համաժողովը

Մարտի 8-ին կանայք են տղամարդկանց թատրոն ու կինոթատրոն հրավիրելու. Երեւանի քաղաքապետարանը գնել է բոլոր տոմսերը

Ծնողը աշակերտների ներկայությամբ ապտակել է ուսուցչուհուն․ ուսուցչական անձնակազմի հայտարարությունը

Մհեր Գրիգորյանի նախագահությամբ միջգերատեսչական հանձնաժողովի նիստ է տեղի ունեցել

Գյումրի քաղաքում և Աշոցք գյուղում բուք է. ողջ օրվա ընթացքում սպասվում են տեղումներ թաց ձյան տեսքով

Երևանում՝ ավտոլվացման կետում, ծեծի են ենթարկել Երևանի պետական բժշկական համալսարանի դասախոսին

Երևանում և 6 մարզում այսօր սպասվում են էլեկտրաէներգիայի երկարատեւ անջատումներ

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը