Ցեղասպանությունից մինչեւ ՀՀ-ԵՄ համաձայնագիր. հանդիպում ԱԺ-ում՝ լեհական պատվիրակության հետ

ՀՀ ԱԺ Հայաստան-Լեհաստան բարեկամական խմբի անդամները մարտի 19-ին հանդիպել են Լեհաստանի Հանրապետության Սենատի արտաքին հարաբերությունների եւ Եվրոպական միության հետ հարցերի հանձնաժողովի պատվիրակության հետ: Հանդիպմանը ներկա է եղել Հայաստանում Լեհաստանի արտակարգ եւ լիազոր դեսպան Պավել Չեպլակը, հայտնում է ԱԺ հանրային կապերի բաժինը:

Ողջունելով լեհ գործընկերներին՝ ՀՀ ԱԺ Հայաստան-Լեհաստան բարեկամական խմբի ղեկավար Վահան Հարությունյանը կարեւորել է միջխորհրդարանական կապերի զարգացումը եւ նշել, որ հարաբերություններին նոր լիցք է հաղորդել ՀՀ ԱԺ նախագահի՝ նախորդ տարի հոկտեմբերին Լեհաստան կատարած այցը: Բարձր գնահատելով հայ-լեհական հարաբերությունները՝ Վահան Հարությունյանը շնորհակալություն է հայտնել լեհ խորհրդարանականներին՝ Լեհաստանի թագավոր Կաժիմեժ Մեծի կողմից հայերին տրված հատուկ արտոնությունների 650-ամյա հոբելյանին նվիրված, ինչպես նաեւ Լեհաստանի Սեյմի կողմից 2005 թվականին Հայոց ցեղասպանությունը ճանաչող բանաձեւերի ընդունման համար:

Վահան Հարությունյանի գնահատմամբ՝ մեծ ներուժ կա զարգացնելու համագործակցությունը գյուղատնտեսության, առողջապահության, զբոսաշրջության, ռազմարդյունաբերության ոլորտներում, ինչի համար խումբը պատրաստակամ է ներդնելու իր ջանքերը:

Բարեկամական խմբի անդամները կարեւորել են Լեռնային Ղարաբաղի հակամարտության կարգավորման հարցում Լեհաստանի հավասարակշռված դիրքորոշումը՝ ընդգծելով, որ հայկական կողմը խնդրի կարգավորումը տեսնում է բացառապես խաղաղ հանգուցալուծմամբ՝ ԵԱՀԿ Մինսկի խմբի շրջանակներում:

Անդրադարձ է եղել ՀՀ-ԵՄ հարաբերություններին եւ 2017 թվականի նոյեմբերի 24-ին ստորագրված ՀՀ-ԵՄ միջեւ Համապարփակ եւ ընդլայնված գործընկերության համաձայնագրի վավերացման գործընթացին:

Լեհաստանի Սենատի արտաքին հարաբերությունների եւ Եվրոպական միության հետ հարցերի հանձնաժողովի նախագահ Մարեկ Ռոցկին նշել է, որ Լեհաստանի խորհրդարանի կողմից ՀՀ-ԵՄ համաձայնագիրը կվավերացվի հնարավորինս սեղմ ժամկետում:

Հյուրերն առանձնապես կարեւորել են Հայաստանի հետ առեւտրատնտեսական կապերի խորացումն ու ներդրումների խրախուսումը: Լեհ խորհրդարանականները պատրաստակամություն են հայտել աջակցելու մեր երկրին՝ ներկայացնելով Լեհաստանի փորձը Եվրամիությանն ինտեգրվելու ճանապարհին:

Քննարկվել են համագործակցությանն առնչվող հստակ ուղղություններ: 

Տպել
1725 դիտում

Ներկայացված պահանջը դուրս էր ՄԻԵԴ-ի իրավասությունից, երկրի ներքին գործերին միջամտելու շեմին է մոտենում․ Եղիշե Կիրակոսյան

Եվրոպայում կորոնավիրուսն անխնա հարվածել է ծերանոցներին. կառավարությունները մեղադրանքի թիրախում են

Ցանցի վերականգնման աշխատանքները շարունակվում են. «ՅՈՒՔՈՄ»-ը հայցում է բաժանորդների ներողամտությունը

Ստեփան Քարտաշյանը նշանակվել է Հանրապետության նախագահի ռեֆերենտ

Մարտունիում կհիմնանորոգվեն 4 մանկապարտեզների շենքեր

Թրամփից հիասթափվելու, կորոնավիրուսով վարակվելու և նախագահի թեկնածու դառնալու մասին. Քանյե Ուեսթի հարցազրույցը՝ Forbes-ին

Տավուշի մարզպետը 2019-ին վաճառել է իր ավտոմեքենան․ որքան եկամուտ է նա ստացել նույն տարում

Բնակարանային պայմանների բարելավման նպատակով Շուշիին լրացուցիչ 25 մլն ՀՀ դրամ կհատկացվի

Հավանության է արժանացել Վայոց ձորի մարզից ներկայացված սուբվենցիոն 24 ծրագիր

Հրաչյա Թաշչյանը նշանակվել է վարչապետի աշխատակազմի արտաքին կապերի վարչության պետ

Ձեռնարկվում են քայլեր Նիժնի Նովգորոդի օտարերկրացիների ժամանակավոր պահման կենտրոնում գտնվող հայերի ՀՀ վերադարձի համար

Երթևեկության կազմակերպման փոփոխություն կկատարվի Երևանի Անտառային փողոցի Լեռ Կամսար և Սարմենի փողոցների հատվածում

Կհիմնանորոգվի Ծաղկուտի համայնքային կենտրոնը

114 դպրոցի տնօրենը դատի է տվել ԿԳՄՍ նախարարությանը․ պահանջում է անվավեր ճանաչել նախարարի հայտարարած խիստ նկատողությունը

Մեծ Մասրիկում կլուսավորվի 7 փողոց

Հեռավար դասերի լավ կողմերից է ստեղծագործական ազատությունը, վատերից՝ խիտ դասացուցակը և ծնողների անհարկի միջամտությունները

Գյումրու տուն-ինտերնատի ևս 2 խնամյալ է հիվանդանոցում մահացել. կորոնավիրուսի նոր դեպքեր հաստատությունում չեն հայտնաբերվել

Տրդատ Սարգսյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Կվերանորոգվի Առատաշեն համայնքի մանկապարտեզի երկրորդ մասնաշենքը. սաների թիվը կավելանա 40-ով

ՀՀ տարածքում ավտոճանապարհներն անցանելի են