Հայկական ֆուտբոլում վերջերս բացասական առումով աչքի են ընկնում մրցավարները

Վերջին շրջանում հայկական ֆուտբոլում իրենց մասին հիշեցնում են հայ մրցավարները: Հատկապես մեծ արձագանք է ստացել անցած հանգստյան օրերին կայացած ՀՀ Բարձրագույն խմբի 18-րդ տուրի «Փյունիկ»-«Արարատ» խաղի գլխավոր մրցավար Զավեն Հովհաննիսյանի որոշումներից մեկը: 2-րդ խաղակեսում՝ «Փյունիկի» օգտին 2:1 հաշվի ժամանակ արարատցիները մրցակցի նկատմամբ խախտել են կանոնները սեփական տուգանային հրապարակում, մրցավարը սուլել է ու 11-մետրանոց նշանակել: Խառը իրավիճակում «Փյունիկի» վրա հասած խաղացողը՝ Դրիսսա Դիարասուբան, գնդակն ուղարկել է դարպասը, մրցավարն էլ որոշել է գոլ արձանագրել, այլ ոչ թե հրահանգել, որ իրացնեն իր նշանակած 11-մետրանոցը: Ու այժմ հայկական ֆուտբոլային շրջանակներում քննարկվում է՝ ինչպես պետք է մրցավարը վարվի ամենապարզ իրավիճակում:

««Փյունիկի» գոլի դրվագում, ինձ թվում է, մրցավարը չհասկացավ՝ այդտեղ ինչ կատարվեց: Սկզբում սուլեց ու 11-մետրանոց նշանակվեց, եւ դա, կարծում եմ, ճիշտ որոշում էր, որովհետեւ այդտեղ կանոնների խախտում կար: Իսկ սուլիչից հետո տեղի ունեցած հարվածից հետո գոլ գրանցելը միանշանակ սխալ որոշում էր Զավեն Հովհաննիսյանի կողմից: Եթե նա սուլել է, եւ խաղը կանգնել է, բնականաբար խաղը չի կարող շարունակվել, եւ սուլիչից հետո տեղի ունեցած հարվածը չի կարող համարվել գոլ»,- «Հայկական ժամանակ»-ի հետ զրույցում ասաց armtfootball.com կայքի գլխավոր խմբագիր, մարզական լրագրող Ռաֆայել Խալաթյանը:

«Փյունիկ»-«Արարատ»՝ 3:3

Անցած օրերի ընթացքում սա հայ մրցավարների՝ խոսակցությունների առիթ դարձած 2-րդ վիճահարույց որոշումն էր: Գավաթի խաղարկության կիսաեզրափակիչ «Գանձասար Կապան»-«Շիրակ» խաղում էլ գլխավոր մրցավարը չեղարկել էր «Շիրակի» օգտին նշանակած 11-մետրանոցը: Տեսագրությունից ոմանց մոտ տպավորություն էր ստեղծվել, թե նրան համոզել են «Գանձասարի» խաղացողները:  

«Ընդհանուր առմամբ, տարիների ընթացքում գրեթե ոչինչ չի փոխվում: Միշտ էլ վեճեր, վիճելի դրվագներ լինում են: Բայց մի բան է, երբ դրվագը վիճելի է, ու կողմերը քննարկում են՝ որն է ճիշտ, որը՝ սխալ (խմբ. «Գանձասար»-«Շիրակ» հանդիպման դեպքը), մեկ այլ բան է այս սա, երբ 100% քննարկելու բան չկա նույնիսկ: Ամեն դեպքում մրցավարությունը, իմ կարծիքով, նախորդ տարիների համեմատ ոչ բարելավվել է, ոչ էլ վատացել»,- ասաց Խալաթյանը:

Մրցավարական սխալներից խուսափելու համար տարիների ընթացքում ավելացել է խաղադաշտում մրցավարների քանակը: Վերջերս որոշ մրցաշարերում սկսել են օգտագործել տեսակրկնությունների (VAR) համակարգը: Փորձագետը, սակայն ընդգծում է, որ այս միջոցները չեն կարող իսպառ վերացնել սխալները, դրանք հնարավոր է միայն մինիմալի հասցնել:

«Մրցավարների քանակը Եվրոպայում էլ է ավելանում, բայց 1 շաբաթ առաջ էլ Չեմպիոնների լիգայում 5-րդ մրցավարի աչքի առաջ բացահայտ կանոնների խախտում է տեղի ունենում, ու նա ոչ մի արձագանք չի տալիս: Այնպես որ լրացուցիչ մրցավարի առկայությունը չի ապահովում մրցավարության որակի բարձրացում: Ինչ վերաբերում է տեսակրկնությունների համակարգին, դա համենայնդեպս, էականորեն քչացնում է մրցավարական սխալները, թեւ ինչ-որ տեղ, ճիշտ է, գցում է խաղի տեմպը: Բայց որքանո՞վ դա կարող է օգտագործվել Հայաստանում՝ հաշվի առնելով մեր նկարահանող տեխնիկայի որակը: VAR-ի դեպքում մի տեսախցիկով որոշում կայացնելը, ինձ թվում է, սխալ է: Պետք է ունենալ շատ ավելի լավ տեխնիկա, մի քանի տեսախցիկ խաղադաշտի տարբեր տեղերում, որպեսզի կարողանան օգտագործել այդ համակարգը»,- ասաց նա:

Վերը նշված 2 հանդիպումներն էլ ավարտվել են ոչ-ոքի: «Փյունիկն» ու «Արարատը» 3:3 են խաղացել: «Գանձասար»-«Շիրակ» հանդիպումն ավարտվել է 1:1:

Տպել
1251 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր