Հայկական չիր, գինի, մեղր ու կոմպոտներ՝ Ասիայի խոշորագույն «FoodexJapan 2018» ցուցահանդեսին

07/03/2018 schedule18:47

Ճապոնիայի մայրաքաղաքում բացվեց «Foodex Japan 2018» 43-րդ միջազգային ցուցահանդեսը: Այն խոշորագույններից մեկն է ամբողջ Ասիայի տարածաշրջանում: Առաջին անգամ ցուցահանդեսին մասնակցում է նաեւ Հայաստանի 8 արտադրող: Ցուցահանդեսը տեւելու է մինչեւ մարտի 9-ը՝ Տոկիոյի «Մակուհարի» ցուցահանդեսային համալիրում, փոխանցում է ՀՀ ՓՄՁ ազգային կենտրոնը: 

Ցուցահանդեսի պաշտոնական բացման արարողությունը կատարեցին կազմակերպիչ կառույցների, Ճապոնիայի գյուղատնտեսության նախարարության ներկայացուցիչները, ինչպես նաեւ ծագող արեւի երկրում հավատարմագրված տասնյակ դեսպաններ, այդ թվում՝ Ճապոնիայում ՀՀ դեսպան Հրանտ Պողոսյանը: 

Հայկական ընկերությունների մասնակցությունը «Ֆուդեքս» ցուցահանդեսին հնարավոր է դարձել Ճապոնիայում ՀՀ դեսպանատան, Ճապոնիայի միջազգային համագործակցության եւ Հայաստանի ՓՄՁ զարգացման ազգային կենտրոնի աջակցության շնորհիվ: 

Հայաստանից ցուցահանդեսին ներկայացել են չրերի, գինիների, մեղրի եւ կոմպոտների արտադրությամբ զբաղվող ընկերություններ: 

Ճապոնիայում ՀՀ արտակարգ եւ լիազոր դեսպան Հրանտ Պողոսյանը նշեց, որ նման միջոցառմանը հայկական ընկերությունների մասնակցությունը եւս մեկ անգամ ընդգծում է հայ-ճապոնական համագործակցության լայն շրջանակը: «Անցած մի քանի տարվա ընթացքում «Պատրաստված է Հայաստանում» մակնշմամբ ապրանքները, հատկապես օրգանական եւ բարձրորակ սննդամթերքը, աստիճանաբար իր սպառողին է գտնում Ճապոնիայի շուկայում»,- ասաց դեսպանը: 

Հայաստանի ՓՄՁ ԶԱԿ-ի գործադիր տնօրեն Լեւոն Մնացականյանն ասաց, որ այս միջոցառումը Ճապոնիայի շուկայում հայկական արտադրանքը ներկայացնելու եւս մեկ հիանալի առիթ է, եւ Հայաստանի ՓՄՁ ԶԱԿ-ը ուրախ է լինել այդ նախաձեռնության կազմակերպիչներից մեկը: «Մեր կենտրոնի գործունեության հիմնական ուղղություններից մեկը հայաստանյան արտադրողների եւ գործարարների առաջ մղումն է միջազգային շուկաներում: Այդ առումով մենք այստեղ ներկայացրել ենք այն արտադրատեսակները, որոնց հանդեպ Ճապոնիայի սպառողները կունենան հետաքրքրություն»,- ասաց Լեւոն Մնացականյանը:

Ցուցահանդեսի բացման հենց առաջին օրը Հայաստանի տաղավարի շուրջ ակտիվությունը շատ բարձր էր: Տոկիոյի ռեստորաններից մեկի սեփականատեր Ուչիա Կոջին ասաց, որ իր հաճախորդներին խորհուրդ կտա օգտագործել հայկական գինիները հատկապես ֆրանսիական սննդի հետ: «Այս գինիները շատ հագեցած համ եւ բույր ունեն, զգացվում է մրգի ուժը»,- շեշտեց ճապոնացի մասնագետը: Մեկ այլ ճապոնացի ռեստորանատեր՝ Կեյսուկե Նագանոն ասաց, որ հայկական գինին համադրելի կլինի հատկապես ձկան եւ մսի հետ: «Այստեղ ներկայացված գինիներից հատկապես 2013 թ. գինին հիանալի կլինի ճաշակել սուշիի հետ: Ես հաստատ խորհուրդ կտամ իմ հաճախորդներին ճաշակել հայկական գինին: Համոզված եմ, որ այն հաճելի կլինի ճապոնացիների քիմքին»,- ասաց Նագանոն: 

Իսկ ճապոնացի ներկրող Օրիտա Կոզոն հատուկ էր այցելել Հայաստանի տաղավար: Նա «Նոր ապրանքներ Ճապոնիայի շուկայում» ցուցափեղկում տեսել էր չիչխանի կոմպոտը: «Ես փնտրում էի չիչխանով պատրաստված որեւէ ապրանք եւ տեսա այս կոմպոտը, ուստի եկա, որպեսզի հասկանամ, թե ինչ է այն: Որպես ներկրող՝ ես կարծում եմ, որ Ճապոնիայի շուկայում կա չիչխանով պատրաստված սննդամթերքի եւ այլ ապրանքի պահանջարկ: Ճապոնացիները նոր են սկսել հետաքրքրվել այս առողջարար եւ օգտակար սննդամթերքով: Ես կարծում եմ, որ ձեր ներկայացրած ընկերության արտադրանքը մեծ պահանջարկ կունենա Ճապոնիայի վաճառակետերում»,- նշեց Կոզոն:

Տպել
1436 դիտում

Ներկայացված պահանջը դուրս էր ՄԻԵԴ-ի իրավասությունից, երկրի ներքին գործերին միջամտելու շեմին է մոտենում․ Եղիշե Կիրակոսյան

Եվրոպայում կորոնավիրուսն անխնա հարվածել է ծերանոցներին. կառավարությունները մեղադրանքի թիրախում են

Ցանցի վերականգնման աշխատանքները շարունակվում են. «ՅՈՒՔՈՄ»-ը հայցում է բաժանորդների ներողամտությունը

Ստեփան Քարտաշյանը նշանակվել է Հանրապետության նախագահի ռեֆերենտ

Մարտունիում կհիմնանորոգվեն 4 մանկապարտեզների շենքեր

Թրամփից հիասթափվելու, կորոնավիրուսով վարակվելու և նախագահի թեկնածու դառնալու մասին. Քանյե Ուեսթի հարցազրույցը՝ Forbes-ին

Տավուշի մարզպետը 2019-ին վաճառել է իր ավտոմեքենան․ որքան եկամուտ է նա ստացել նույն տարում

Բնակարանային պայմանների բարելավման նպատակով Շուշիին լրացուցիչ 25 մլն ՀՀ դրամ կհատկացվի

Հավանության է արժանացել Վայոց ձորի մարզից ներկայացված սուբվենցիոն 24 ծրագիր

Հրաչյա Թաշչյանը նշանակվել է վարչապետի աշխատակազմի արտաքին կապերի վարչության պետ

Ձեռնարկվում են քայլեր Նիժնի Նովգորոդի օտարերկրացիների ժամանակավոր պահման կենտրոնում գտնվող հայերի ՀՀ վերադարձի համար

Երթևեկության կազմակերպման փոփոխություն կկատարվի Երևանի Անտառային փողոցի Լեռ Կամսար և Սարմենի փողոցների հատվածում

Կհիմնանորոգվի Ծաղկուտի համայնքային կենտրոնը

114 դպրոցի տնօրենը դատի է տվել ԿԳՄՍ նախարարությանը․ պահանջում է անվավեր ճանաչել նախարարի հայտարարած խիստ նկատողությունը

Մեծ Մասրիկում կլուսավորվի 7 փողոց

Հեռավար դասերի լավ կողմերից է ստեղծագործական ազատությունը, վատերից՝ խիտ դասացուցակը և ծնողների անհարկի միջամտությունները

Գյումրու տուն-ինտերնատի ևս 2 խնամյալ է հիվանդանոցում մահացել. կորոնավիրուսի նոր դեպքեր հաստատությունում չեն հայտնաբերվել

Տրդատ Սարգսյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Կվերանորոգվի Առատաշեն համայնքի մանկապարտեզի երկրորդ մասնաշենքը. սաների թիվը կավելանա 40-ով

ՀՀ տարածքում ավտոճանապարհներն անցանելի են