Թեյից անալիզ վերցնելիս գործիքները լա՞վ էին ախտահանված. տեսչական մարմինը ստուգումներ է արել

Արարատի մարզի Մասիս քաղաքի բժշկական կենտրոնում թեյով պատրաստված հեղուկը անալիզի հանձնելու աղմկահարույց դեպքից հետո լաբորատորիայի բոլոր աշխատակիցները դեռ շարունակում են աշխատել: Իսկ հարցերը, թե ինչպես պատահեց, որ փորձաքննության հանձնված թեյից մեզի անալիզին համապատասխանող եզրակացություն ստացվեց կամ մեկ անձի արյան տարբեր չափաբաժինների վերաբերյալ ստացվեցին ոչ նույնական արդյունքներ, պատասխան առայժմ չունեն:

Փետրվարի առաջին օրերին հայտնի դարձավ, որ Մասիսի բժշկական կենտրոնի տնօրեն Նունե Ավանեսյանը աշխատակիցներին ստուգելու նպատակով իր արյունը լաբորատորիա է հանձնել երեք տարբեր անուններով եւ ստացել իրարից տարբերվող երեք պատասխան: Լաբորատորիա է ուղարկել նաեւ թեյից ու պանրից պատրաստված մի խառնուրդ՝ «մեզի» անալիզի համար: Ստացվել է մեզի անալիզին համապատասխանող պատասխան՝ անհրաժեշտ բոլոր բաղադրիչներով` լեյկոցիտներ, էրիթրոցիտներ, էպիթելեր:

Դրանից հետո պարզվեց, որ հաստատության ղեկավարությունը լաբորատորիայի բոլոր 15 աշխատակիցներին համարում է գործին առնչվող. նրանց մի մասը, ընդառաջ գնալով ակնարկներին, անձամբ է աշխատանքից ազատման դիմում գրել, մյուսները, օրենքով սահմանված կարգով ծանուցվել են առաջիկայում աշխատանքից ազատվելու մասին:

Կատարվածը հանրային հնչեղություն ստանալուց հետո առողջապահական տեսչական մարմինը հայտարարեց, որ Մասիսի բժշկական կենտրոնում իրականացնելու է ստուգումներ: Բայց, ինչպես պարզվեց տեսչական մարմնի ղեկավարի պաշտոնակատար Գոհար Փանաջյանի հետ մեր զրույցից, ուսումնասիրությունները չեն առնչվել խնդրո առարկա հարցերին:

Առողջապահական տեսչական մարմնին հետաքրքրել է ոչ այն, թե ինչպես կամ ինչու է թեյի ու պանրի խառնուրդից մեզի անալիզի պատասխան ստացվել կամ ինչպես է հնարավոր եղել, որ միեւնույն մարդու արյան տարբեր չափաբաժինների հետազոտությունից ստացվեն իրար հակասող եզրակացություններ, կամ արդյո՞ք փորձաքննության հանձնվածն իսկապես թեյ է եղել, իսկ արյունը՝ նույն մարդունը: Առողջապահական տեսչական մարմինը չի փորձել պարզել նաեւ, թե Մասիսի բժշկական կենտրոնում գործող լաբորատորիայի հագեցվածության պայմաններում հնարավո՞ր էր ստանալ արյան անալիզի նույնական եզրակացություն կամ արդյո՞ք չեն ոտնահարվել լաբորատորիայում աշխատող մասնագետների իրավունքները, երբ բոլորի գլխին կախել են գործազուրկ դառնալու վտանգը:

Գոհար Փանաջյանը նկատեց, որ այդ հարցերին առնչվող ուսումնասիրությունները չեն մտնում տեսչական մարմնի կանոնադրական գործառույթների մեջ: Փոխարենը այս մարմինը, ըստ էության փորձել է պարզել, թե ասենք, թեյի անալիզից մեզին բնորոշ եզրակացություն ստանալիս արդյո՞ք գործիքները լավ ախտահանված են եղել, կամ արդյո՞ք բժշկական փաստաթղթերը լրացվել են սահմանված կարգի համաձայն:

«Մեր լիազորությունների շրջանակներում, որոնք վերապահված են տեսչական մարմնին, մենք ունեինք հարցերի որոշակի շրջանակ՝ հիմնականում հասկանալու համար՝ իրենց աշխատանքները, որոշակի նորմերի պահպանման հետ կապված, կատարո՞ւմ են, թե՞ ոչ: Մասնավորեցնեմ: Տեսչական մարմնի լիազորությունները հետեւյալն են՝ բժշկական օգնություն եւ սպասարկում իրականացնող կազմակերպություններում ուսումնասիրել, արձանագրել, թե ցանկացած բժշկական փաստաթուղթը ճի՞շտ է լրացվում, ճի՞շտ է պահպանվում եւ շրջանառվում: Դա մեկ: Երկրորդը՝ կան հիգիենիկ եւ հակահամաճարակային որոշակի նորմեր, որոնցով կարգավորվում է ցանկացած բուժական գործունեություն, այդ թվում՝ լաբորատոր ծառայություն: Մենք նաեւ նպատակ ենք ունեցել հասկանալու՝ այդ նորմերի շրջանակներում իրենք ճի՞շտ են իրականացնում իրենց գործառույթները, թե՞ ոչ»,- ասաց առողջապահական տեսչական մարմնի ղեկավարի պաշտոնակատարը՝ հավելելով, որ իրենք գործել ենք տրված լիազորությունների շրջանակներում եւ չեն արել մի բան, որը թույլատրված չէ օրենքով:

«Մեզ թույլատրված է ուսումնասիրել բժշկական փաստաթղթերի լրացման ձեւը եւ հիգիենիկ, հակահամաճարակային նորմերին համապատասխանությունը, օրինակ՝ բժշկական թափոնների ոչնչացումը կամ բժշկական իրերի մաքրման, ախտահանման աշխատանքներ, իրականացվել են նորմերին համապատասխա՞ն, թե՞ ոչ: ...Ուսումնասիրության արդյունքներն արդեն ամփոփված են, մենք պատրաստում ենք տեղեկանք, որը սահմանված ժամկետներում կուղարկվի բժշկական կենտրոնի տնօրինությանը՝ որոշակի առաջարկներով: Եվ իհարկե առողջապահության նախարարին նույնպես մենք այդ մասին առանձին գրությամբ անպայման տեղյակ ենք պահում»,- շարունակեց տիկին Փանաջյանը:

Մասիսի բժշկական կենտրոնի փոխտնօրեն Արմեն Սահակյանից էլ տեղեկացանք, որ լաբորատորիայի աշխատակիցներից ոչ մեկը դեռ աշխատանքից չի ազատվել: Նախ, ըստ նրա, սպասում են բժշկական կենտոնում իրականացված քննությունների եզրակացությանը եւ հետո դեռեւս չի լրացել աշխատակիցներին աշխատանքից ազատելու եւ այդ մասին նրանց ծանուցելու միջեւ օրենքով նախատեսված ժամանակահատվածը:

Արմեն Սահակյանը նշեց, որ կենտրոնում քննություն են իրականացնում նաեւ իրավապահները:

Նյութը տպագրվել է «Հայկական ժամանակ» օրաթերթի մարտի 3-ի համարում:

Տպել
3164 դիտում

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ