Հազար անգամ կրկնած սուտը դառնում է ճշմարտությո՞ւն. Խոջալուի հարցում պարտվում ենք

Լուսանկարում՝ թուրքական Սաքարյա նահանգում «Խոջալուի ցեղասպանությանը» նվիրված «Մեկ ազգ՝ մեկ արցունքներ» նորաբաց հուշարձանը, բացվել է փետրվարի 10-ին

Ամեն տարի, փետրվարի 26-ի մոտենալու հետ մեկտեղ Ադրբեջանում էլ ավելի են ակտիվանում «Խոջալուի ցեղասպանությանը» նվիրված միջոցառումները: Այս տարի եւս աբսուրդի եւ ապատեղեկատվության ահռելի չափաբաժին ունեցող հրապարակումները հեղեղեցին ադրբեջանական մամուլը: Քարոզարշավը ընթանում է ոչ միայն ադրբեջանցի «հանդիսատեսի համար», այլ նաեւ միջազգային հանրության: Տարբեր երկրներում ակցիաներ են կազմակերպվում՝ ի հիշատակ «Խոջալուի ցեղասպանության զոհերի»: Այդ գործում իր մեծ ավանդն է ներդնում ժխտողականության, ապատեղեկատվության եւ փաստերի խեղաթյուրման մեծ փորձ ունեցող Թուրքիան: Արտերկրում անկացվող գրեթե բոլոր ակցիաներում լայնորեն ներգրավված են տեղի թուրքական համայնքները եւ կազմակերպությունները: Ադրբեջանի ԱԳՆ եւ գլխավոր դատախազության այս տարվա համատեղ հայտարարությունը լավագույնս ներկայացնում է մեր արեւելյան հարեւանի պետական քաղաքականությունը: Այդ հայտարարության մեջ փորձ է արվում Սումգայիթում կազմակերպված ջարդերի պատասխանատվությունը ԽՍՀՄ ՊԱԿ-ից զատ բարդել նաեւ տեղի հայերի վրա:

Մենք բազմիցս դժբախտություն ենք ունեցել համոզվելու, որ Ադրբեջանը որդեգրել է Գեբելսին վերագրվող «հազար անգամ կրկնած սուտը դառնում է ճշմարտություն» կարգախոսը: Ցավոք, դա նրանց միակ ընդհանրությունը չէ նացիստական ռեժիմի հետ: Այլ խնդիր է, թե ինչ ենք մենք հակադրում այդ կարգախոսին եւ Խոջալուի վերաբերյալ կոնկրետ գործողություններին:

Հասարակական սեկտորը փորձում է իր մասնակցությունն ունենալ ադրբեջանական քարոզչության դեմ պայքարում: Խոջալուի իրադարձությունների օբյեկտիվ վերլուծություններ են առկա «Այլատյացության կանխարգելման նախաձեռնության» կողմից ստեղծված Xocali.net կայքում: Այն ներկա պահին Խոջալուի իրադարձությունների խեղաթյուրման ամենահիմնավոր հակափաստարկների առավել ամբողջական հավաքածուն է: Կայքը ստեղծվել է 2010 թ. եւ, ցավոք, առնվազն 3 տարի է չի թարմացվում: Բացի այդ, ստեղծման օրվանից կայքը դիտվել է ընդամենը 350 հազար անգամ:

Մեկ այլ օրինակ է «Ընդդեմ այլատյացության եւ բռնության» ՀԿ-ի կողմից «Խոջալու. քարոզչություն ողբերգության միջոցով» բրոշյուրը, որում ի ցույց են դրվում ադրբեջանական քարոզչության բացահայտ սխալները: Ընդ որում, օգտագործված են նյութեր վերոնշյալ կայքից: Բրոշյուրը լույս է տեսել 2011 թ. եւ նույնպես լայն տարածում չի ստացել:

Ադրբեջանում եւ Արցախում կազմակերպված հայկական ջարդերի թեմայով հասարակական կազմակերպությունների եւ նախաձեռնությունների կողմից պարբերաբար ներկայացվող ֆիլմերն ու գրքերը եւս չեն կարող հակակշռել ադրբեջանական քարոզչամեքենայի արդյունավետությունը:

Պաշտոնական արձագանքները, թեեւ ավելի հաճախակի ու ակտիվ բնույթ են կրում, սակայն միեւնույն է բավարար չեն համաշխարհային հանրության կարծիքը՝ այս հարցում մեր կողմ շրջելու համար: Կասկած չկա, որ մեր դիվանագետները հասկանում են տեղեկատվական պատերազմի կարեւորությունը՝ Ապրիլյան պատերազմից հետո բոլորն են դա հասկանում: Սակայն համաշխարհային հասարակական կարծիք ստեղծելուն ուղղված քայլեր չեն կատարվում:

ԼՂՀ ԱԳՆ հաղորդագրություններից մեկում հիշատակված «մահու չափ ձանձրալի դարձած հակահայկական քարոզչությանը» պետք է հակադրել նույն բնույթի կոնկրետ հանրային գործողություններ: Օրինակ կարելի է բարձրաձայն դրական գնահատական տալ Մարգվելաշվիլիի ժեստին, ով «Անկախությունից մինչեւ ազատություն՝ հանրապետության 100 տարիները» արշավի շրջանակներում անցկացված երիտասարդ ադրբեջանցիների հետ հանդիպման ընթացքում ուղղակիորեն խուսափեց մեկ րոպե լռությամբ հարգել «Խոջալուի ցեղասպանության զոհերի» հիշատակը:

Այլ կերպ ասած, անհրաժեշտ են հակադարձ ձանձրալի գործողություններ՝ ինչպես հասարակական սեկտորի, այնպես էլ արտաքին գերատեսչության կողմից: Ջանքերի միավորման եւ որակյալ արդյունք ստանալու պարագայում սփյուռքում բնակվող մեր հայրենակիցները եւս, միգուցե նույնիսկ ավելի մեծ եռանդով կմասնակցեն հայկական տեսակետի տարածմանը: Այս ճանապարհով հնարավոր կլինի հակազդել ադրբեջանական պետական քարոզչությանը:

Այսօր առկա է այս մեխանիզմի կենսունակության վառ ապացույց: Հայերիս ամենացավոտ խնդրի մեր տեսակետը դանդաղ, բայց վստահ քայլերով շահում է միջազգային հանրության եւ առանձին երկրների հասարակությունների սրտերը: Անհրաժեշտ է նույն մղումով աշխատել Սումգայիթի, Բաքվի ջարդերի, կամ «Կոլցո» ռազմագործողության արդյունքում հայաթափված գյուղերի հարցով:

Այսօր, այս պահին մեր պետության համար, որքան էլ տարօրինակ հնչի, ավելի կարեւոր է պատասխանատվության կանչել Ադրբեջանին, քան Թուրքիային: Իսկ քանի դեռ մեր հասարակությունն այս հարցով գործում է բացառապես զգացմունքային դաշտում, իսկ դիվանագիտությունը՝ պրոտոկոլային, մենք պարտվելու ենք ադրբեջանա-թուրքական, անորակ, սակայն արդյունավետ քարոզչությանը:

Վլադիմիր Մարտիրոսյան

Նյութը տպագրվել է «Հայկական ժամանակ» օրաթերթի փետրվարի 27-ի համարում:

Տպել
6012 դիտում

«Տելեկոմ Արմենիա» ՓԲԸ-Ի տարածքում բռնկված հրդեհը մարվել է

Ճապոնիան կկրճատի կարանտինային շրջանը երկիր մուտք գործողների համար

Սպիտակի ոլորաններում, Աշտարակ-Ապարան, Երևան-Սևան և Սյունիքի մարզի ավտոճանապարհներին տեղ-տեղ առկա է մերկասառույց

Բելգիան արդեն 3 տարուց ավելի է գլխավորում է ՖԻՖԱ-ի վարկանիշային աղյուսակը

ԱՄՆ-ն և ՆԱՏՕ-ն անտեսել են իրենց պատասխաններում Ռուսաստանի համար կարևոր կետերը․ Պուտին

Հոնդուրասի առաջին կին նախագահ Սիոմարա Կաստրոն պաշտոնապես ստանձնել է հանրապետության նախագահի պաշտոնը

«Տելեկոմ Արմենիա» ՓԲԸ-ի տարածքում հրդեհ է բռնկվել․այրվել են հեռակառավարման վահանակներ, թվային սարքեր

Նոր մանրամասներ՝ Երևան-Սևան ավտոճանապարհին տեղի ունեցած վթարի մասին

Իջևանում միջոցառումների շարքը սկսվել է դեպի Ազատամարտիկների հրապարակ հանդիսավոր երթով (լուսանկարներ)

15-ամյա աղջիկը հայտնաբերվել է

Բանակի օրվան նվիրված միջոցառումները Վաղարշապատ համայնքում մեկնարկել են ծաղկեպսակի խոնարհմամբ (լուսանկարներ)

Բրեդ Փիթը նոր սիրավեպ ունի․ նա հանդիպում է շվեդ երգչուհու հետ

ԱԱՏՄ-ն ստուգայցեր է իրականացրել հյուրանոցային գործունեությամբ զբաղվող տնտեսավարողների մոտ․ բացահայտվել է 11 խախտում

Էրդողանը վերահաստատել է, որ Թուրքիան չի հրաժարվելու ռուսական ՀՕՊ համակարգերից

Դու պետք է ապրես․ «Բազկամարդ»՝ գիրք հայ անկոտրում սպայի ու մարտիկի՝ Սարգիս Ստեփանյանի կյանքի մասին

Բա օտարերկրյա ազդեցության գործակալներն էլ ո՞նց են լինում. պատգամավորները՝ ԵԽԽՎ-ում Հայկ Մամիջանյանի քայլի մասին

Գերմանիայի կառավարությունը երկրից արտաքսել է Ռուսաստանի հյուպատոսության աշխատակցին

Վարանդայից հայտնաբերվել է ևս մեկ հայ զինծառայողի աճյուն․ Արցախի ԱԻՊԾ

Սահմանին մի քանի անկանոն կրակահերթ է արձակվել Ադրբեջանի կողմից, որոնց հայկական կողմը չի պատասխանել. ՊՆ

Պատերազմի ընթացքում և դրանից հետո Արցախի ժողովրդի իրավունքների առաջին պաշտպանը հայկական ԶՈՒ-ն է. Արցախի ՄԻՊ

Պուտինը հեռախոսազրույց կունենա Մակրոնի հետ, այնուհետ կանցկացնի անվտանգության խորհրդի նիստ

ՌԴ դեսպանի արտաքսման մասին ԱՄՆ-ի սպառնալիքները Լավրովը վիրավորանք է համարում

2 մարզերում ձյուն է տեղում, կան փակ ավտոճանապարհներ

Ռուսաստանի Դեսպանությունը շնորհավորել է Հայաստանի բոլոր քաղաքացիներին Բանակի օրվա առթիվ

Որոնվում է 15-ամյա Էլեն Ասատրյանը

Կոտայքի մարզպետը պարգևատրել է 44-օրյա պատերազմում վիրավորում ստացած երկու բժշկի

Երևան-Սևան ավտոճանապարհին մեքենան բախվել է ծառին. վարորդը մահացել է, տուժածներից երկուսի վիճակը ծանր է

Հայոց բանակը հաղթական է՝ անկախ վայրիվերումներից, անդառնալի կորուստներից. օրվա մեկնարկը Գյումրիում տրվել է պանթեոնից

ԵԽԽՎ-ում հայանպաստ բանաձևին թուրք և ադրբեջանցի պատգամավորների հետ միասին դեմ է քվեարկել նաև Հայկ Մամիջանյանը

Ինչ եղանակ սպասել առաջիկա օրերին. նոր տվյալներ Հիդրոօդերևութաբանության և մոնիտորինգի կենտրոնից

ԵԽԽՎ-ն վերահաստատել է հայ ռազմագերիների վերադարձի հրամայականը. Էդմոն Մարուքյան

Ինչ է տեղի ունեցել Արցախում Սամվել Բաբայանի որդու և Արթուր Օսիպյանի միջև. պարզաբանում է ԱՀ ոստիկանությունը

Ոչ կենացով, ոչ էլ «Եռաբլուր»-ում ցավը ցույց տալով չեն սիրում հայրենիքը, պետք է դուրս գանք այդ կսկիծից. Ռազմիկ Պետրոսյան

Արարատ Միրզոյանը 29 միլիոն դրամ արժողությամբ կահույքի հավաքածու չի գնել. ԱԳՆ մամուլի քարտուղարը հերքում է նման լուրերը

Արցախում ծայրահեղ ծանր վիճակում է 5, ծանր՝ 12 քաղաքացի. կորոնավիրուսի 8 նոր դեպք է հաստատվել

Հետևողական կլինենք Հայրենյաց պաշտպանի կոչումը բարձր պահելու համար. Կամո Վարդանյան

Երախտագիտությունս եմ հայտնում զինվորի հետ ծառայություն իրականացնող ռազմաբժիշկներին, ռազմաբժշկական անձնակազմին. Ավանեսյան

Ինչ վիճակում է Ստեփանծմինդա-Լարս ավտոճանապարհը

Հրթիռակոծվել է Բաղդադի միջազգային օդանավակայանը

Մհեր Գրիգորյանը կորոնավիրուսի դեմ պատվաստվել է 4 դեղաչափով