Նախարարության՝ դեռահաս աղջիկներին Գարդասիլով պատվաստելու ծրագիրը ձախողվել է․ Հայկ Այվազյան

Առողջապահության նախարարության` դեռահաս աղջիկներին պապիլոմա վիրուսի դեմ Գարդասիլ պատվաստանյութով պատվաստելու ծրագիրը ձախողվել է: Այս մասին փետրվարի 26-ին լրագրողների հետ հանդիպման ժամանակ հայտարարել է «Լույս» տեղեկատվական, վերլուծական կենտրոնի ղեկավար Հայկ Այվազյանը:

Նրա խոսքով, 2018 թվականի առաջին եռամսյակում 16 հազար դեռահաս աղջիկ պետք է պատվաստվեր պապիլոմա վիրուսի դեմ Գարդասիլ պատվաստանյութով: Սակայն փետրվարի 21-ի դրությամբ, նշում է նա, միայն 260 աղջիկ երեխա է պատվաստվել: «Առողջապահության նախարարության ծրագիրը կարելի է  ձախողված համարել»,- եզրակացնում է նա ու հավելում, որ ձախողումը ոչ միայն այն պատճառով է, որ ծնողներն են հրաժարվում, այլ այն, որ հայաստանյան բժշկական հանրությունն իր դրական կարծիքը չտվեց այս պատվաստանյութին: 

«Առանց բժշկական հանրության աջակցության, Առողջապահության նախարարությունը ներդրեց պատվաստանյութը: Ադմինիստրատիվ կերպով բժիշկներին ստիպում են կիրառել այն»,- ասաց նա: Նրա խոսքով՝ 5 բժիշկ բացահայտ դեմ են արտահայտվել այս պատվաստանյութին, իսկ նրանցից երեքն էլ հրաժարվել են իրենց երեխաներին պատվաստել:

Այվազյան նշում է, որ մխիթարիչ չէ նաեւ այս պատվաստանյութի կիրառման միջազգային պրակտիկան: «Ազգային ժողովին երկու պատգամավոր արտերկիր հարցում է ուղարկել, ըստ որի՝ օրինակ Ղազախստանում, որտեղ պատվաստանյութը ներդրվել էր 2013թ.-ից, այն այլեւս ներառված չէ ազգային ծրագրում»,- նշում է բանախոսն ու հավելում, որ պատվաստանյութի ներդրման պատվիրատուն արտերկրից է:

«Գավի հիմնադրամը, որի հիմնադիր ԲԻլ Գեյթսը երկրագնդի բնակչության կրճատման գործընթացներին գաղափարների ջատագովներից է, մոտ 170 հազար ԱՄՆ դոլար է հատկացրել պատվաստանյութը ներդնելու համար: Այս հիմնադրամը երրորդ երկրներին ֆինանսավորում է, որ տարբեր պատվաստանյութեր ներդրվեն»,- ասել է նա ու առաջարկեց այս տրամաբանության համատեքստում դիտարկել պատվաստանյութի ներդրումը:

Նրա կարծիքով, արժանահավատ չեն նաեւ այն պնդումները, որ պատվաստանյութն անվտանգ է, քանի որ այն լիցենզավորվել է ԱՄՆ-ում, իսկ «ԱՄՆ-ն օրենքի երկիր է»: Նա հիշեցրեց, որ պատվաստանյութի մասին դրական կարծիք է հայտնել ԱՄՆ-ում գործող «Հիվանդությունների վերահսկման կենտրոնը», որի տնօրենը մեկ ամիս առաջ հրաժարական տվեց իր պաշտոնից: «Պարզվեց, որ  նա հանդիսանում էր ծխախոտ ու խոշոր դեղամիջոց արտադրող ընկերության բաժնետեր, այնպես որ այն հայտարարությունները, որ ԱՄՆ-ն օրենքի երկիր է, այդքան էլ այդպես չէ»,- ասաց Այվազյանը:

Հայկ Այվազյանն առաջարկում է խնդրի լուծմանը մոտենալ այլ ճանապարհով: «Աշխարհում, բացի պատվաստումը, սկրինինգային ծրագրեր են կիրառվում, որի միջոցով կանայք պարբերաբար հետազոտություններ են անցնում արգանդի պարանոցի քաղցկեղի առաջացման նախադրյալները կանխելու համար»,- ասաց նա` նշելով, որ ՀՀ-ում թեեւ 2009 թվականից գործում է սկրինինգային ծրագիր, բայց այն «անկազմակերպ ձեւով է իրականացվում եւ չի ծառայում իր նպատակին»:

Վերջում նա հավելեց, որ մինչ այս պատվաստվածների շրջանում առաջացած հնարավոր խնդիրների մասին հարցում են ուղարկել Առողջապահության նախարարություն, բայց առայժմ պատասխան չեն ստացել: «Մեզ ասացին, որ հարցման պատասխանը կարող են տալ այն ժամանակ, երբ եռամսյակը կլրանա: Պետք է նաեւ նշեմ, որ Գարդասիլով պատվաստվողների քանակը շատ եվրոպական երկրներում էականորեն նվազում է»,-ասաց նա:

Տպել
3473 դիտում

Ֆրանսիան ձեր կողքին է՝ նպաստելու ձեր տնտեսության նոր վերելքին. Էմանուել Մակրոնը շնորհավորել է նախագահ Արմեն Սարգսյանին

Գեղամ Ստեփանյանը նշանակվել է ԱՀ Մարդու իրավունքների պաշտպանի աշխատակազմի Գործադիր քարտուղարի պաշտոնակատար

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը

Անկախության տոնի առթիվ Արմեն Սարգսյանին շնորհավորել է Ճապոնիայի կայսր Նարուհիթոն

Անկախության տոնի առթիվ 4 գեներալ-մայորի և մեկ գեներալ-լեյտենանտի նոր կոչում է շնորհվել

«Մեր հայրենիք». հայ հայտնիների երգը նվիրվում է Հուլիսյան գործողությունների քաջարի մարտիկներին (տեսանյութ)

Ներսում՝ լույսեր, գույներ, զարմանքից և ուրախությունից փայլող աչքեր. Գյումրու տիկնիկայինը բացեց 85-րդ թատերաշրջանը