Լվացքի մեքենաներ կան. Արծրուն Հովհաննիսյանը՝ Քեմբրիջի համալսարանի ուսանողի գրառման մասին

Փետրվարի 17-ին Վահրամ Ավագյան օգտատերը ֆեյսբուքի իր էջում գրառում էր կատարել, որը դարձել է սոցիալական ցանցում քննարկվող թիվ մեկ թեման: Երիտասարդն ընդամենը նշել էր, որ փետրվարի 18-ին 25 տարեկան է դառնում եւ որոշել է ճոխ խնջույք անելու փոխարեն գումարն ուղղել բանակի որեւէ կարիքի համար:

«Սիրելի Ընկերներ

Վաղը ծննդյանս 25-ամյակն է: Ծնունդս նշելու փոխարեն որոշել եմ ամբողջ գումարը օգտագործել ավելի կարեւոր ու առաջնային նպատակի իրագործման համար:

Երբեւիցե մտածե՞լ եք, որ սահմանը պահող զինվորի շնորհիվա, որ կարողանում ենք ծնունդ, կնունք, հարսանիք նշել ու ուրախանալ՝ առանց մտածելու, որ հեսա թշնամին դուռը կթակի ......

Իսկ էտ նույն սահման պահող զինվորը նույնիսկ լվացքի մեքենա չունի, որ ձմեռվա ցրտին ձեռները չցրտահարվի շորերն ու ներքնաշորերը լվացնելուց:

Մի խոսքով, գումարը կօգտագործվի Եղնիկների ու Մռավի գումարտակների համար լվացքի մեքենա գնելու նպատակով` միանալով ու շարունակելով Artur Danielian -ի սկսած «վարակիչ» գաղափարը, ինչի համար նրան շնորհակալ եմ ու կարծում եմ՝ բոլորս պետքա լինենք:

Իմիջայլոց` ում մտքով անցելա վաղը ինձ նվեր տալ, գումարը տվեք: Ում մտքով էլ որ չի անցել` թող անցնի: Համ ինձ նվեր կանեք համ էլ Երկրին ու զինվորին:

Համաձայնվեք, որ բոլորիս պարտքնա «երբեմն առ երբեմն» հիշել էն զինվորի մասին, որ իմ և ձեր անվտանգություննա ապահովում օր ու գիշեր:

Հ.Գ. Հատուկ նրանց համար, ովքեր մտածեցին, թե արարքս հրապարակելու իմաստը որնա:
Զուտ մեկը ` որ դուք էլ անեք.....

Հասկացեք, որ եթե չզոհաբերենք մեր կարճատև հաճույքները հանուն հզոր պետության, ուրեմն մենք արժանի չենք ոչ հաճույքների ու ոչ էլ հզոր պետության»,- մասնավորապես գրել էր Վահրամ Ավագյանը:

Ֆեյսբուքյան օգտատերերից ոմանք երիտասարդի այս քայլը էժանագին PR են համարում, ոմանք՝ նշելով, որ Վահրամը ուսանել է Քեմբրիջի համալասրանում, նրա քայլը քաղքենիություն են համարում: Նրա գրառման մեկնաբանությունների բաժնում նաեւ տեղադրվել էին լրատվական այն հրապարակումները, որտեղ ընդգծված է բանակում առկա կոռուպցիան, գեներալների ունեցվածքը, բիզնեսները, ծառայողական ջիպերը եւ այլն, թեեւ կան նաեւ մարդիկ, որոնք Վահրամի այս քայլը գովել են համարել:

«Հայկական ժամանակ»-ին չհաջողվեց կապ հաստատել Վահրամ Ավագյան օգտատիրոջ հետ, նա չպատասխանեց մեր ֆեյսբուքյան հաղորդագրություններին: ՀԺ-ն միաժամանակ պաշտպանության նախարարի մամուլի խոսնակ Արծրուն Հովհաննիսյանից հետաքրքրվեց, թե իսկապե՞ս զորամասերում առկա է լվացքի մեքենաների խնդիր, որ այսպես մտահոգության առիթ է դարձել:

- Պարոն Հովհաննիսյան, զորամասերում զինվորներն իրենց հագուստն ինչպե՞ս են լվանում: Լվացքի մեքենաներ կա՞ն, թե՞ զինվորները ձեռքով են լվանում իրենց հագուստը:

Լվացքի մեքենաներ կան:

- Բոլոր զորամասերում կա՞ն:

Այո: Ընդհանրապես լվացքատուն հասկացություն կա բոլոր զորամասերում:

- Իսկ տեղյա՞կ եք, որ ֆեյսբուքում հիմա քննարկվում է մի երիտասարդի գրառում, որը նշել է, թե սահման պահող զինվորը լվացքի մեքենա չունի եւ ցրտին ձեռքով է լվացք անում: Նա նույնիսկ իր ծննդյան նվերների գումարով որոշել է լվացքի մեքենաներ գնել Եղնիկների ու Մռավի գումարտակների համար:

Ֆեյսբուքում շատ բան են քննարկում:

- Այսինքն, լվացքի մեքենաների կարիք չկա՞:

- Հնարավոր է, որ զորամասերից մեկում լվացքի մեքենաներից մեկը-երկուսը փչացած լինի կամ մեկ այլ զորամասում համալրման կարիք լինի: Ո՞նց կարող է զորամասերում ընդհանրապես խնդիր չլինել:

- Իսկ նախարարությունը նման նախաձեռնություններին ինչպե՞ս է վերաբերվում:

Նայած նախաձեռնության, եթե այդ նախաձեռնություններն առանց ավելորդ հիստերիայի են՝ շատ նորմալ:

Ֆեյսբուքյան քննարկումներից հետո Վահրամ Ավագյանը հերթական գրառումն է կատարել պատասխանելով իր նախորդ գրառմանը դրական եւ բացասական կարծիքներ հայտնած անձանց: Նա մասնավորապես իր էջում գրել է.

«Բոլորիցդ անչափ շնորհակալ եմ շնորհավորանքների, բարեմաղթանքների ինպես նաև քննադատությունների համար: Շատերիդ չեմ ճանաչում բայց էլի իրավունք եմ վերապահում խոսելու ձեր հետ որպես ընկերոջ: Ձեր սկսած քնադատությունները համարում եմ բոլորիս պարտությունը: Վստահեմ` Հասուն մարդ լինելով հանդերձ գիտակցում եք դրանց անհիմն լինելը, չէ որ շատերիդ հետ նույնիսկ ծանոթ չենք: Ու անկեղծ ասեմ չէի կարծում, որ իմ փոքր լավ արարքի մեջ հնարավոր լինի էտքան վատը փնտրել նույնիսկ ցանկության դեպքում: Ինձ դրանք չեն հուսահատեցնում, բայց շատերին կարան հիասթափեցնեն: Զուտ խորհուրդ. էնպես արեք որ արարքների հիմքերն ու պատճառները լինեն ամուր: Իսկ ենթադրություններով շարժվելը համաձայնվեք որ խելամիտ չի: Մի բան էլ. գրում եք, որ սրա կամ նրա կողմից եմ: Մի գուցե մեկի կարծիքը ավելի հոգեհարազատ լինի քան մյուսինը, բայց ես հայերի մեջ կողմ ու դեմ չեմ փնտրում: Ես յուրաքանչյուր հայի կողմից եմ: Նույնիսկ նրանց, որ գիտակցաբար թե անգիտակցաբար փորձեցին վիրավորել: Այ հենց սա մեր բաժանված լինելու արդյունքնա... լավա չեք ասում սա հայ չի` անգլահայա: Մեր նպատակը մեկնա... միգուցե միջոցները տարբեր...Մի պղտորեք ձեր միտքը ենթադրությունների վրա հիմնվելով:

Հ.Գ. Քեմբրիջաֆոբիա ունեցողներին տեղեկացնեմ, որ Մեծ Բրիտանիայի տարբեր քաղաքներում կրթություն ստանալուց առաջ մանկությունս անցելա իմ ծննդավայր Աշնակ գյուղի «դոմիկում», այլ ոչ թե ոսկե պալատում:
Ի միջայլոց շատերիդ համար էլ ասեմ, որ էտքան Քեմբրիջ գոռալուց առաջ գոնե ճշտեք որ դա մի մեծ քաղաքա, այլ ոչ թե Ինֆորմատիկայի քոլեջի մասնաշենք, ուր կան տասնյակ համալսարաններ: Էս էլ բոնուս, որ հետագայում հիմար դրության մեջ չհայտնվեք:

Բայց դե ամենինչից զատ բոլորդ էլ մերն եք!!! Սիրով»,- գրել է նա:

 Նյութը տպագրվել է «Հայկական ժամանակ» օրաթերթի փետրվարի 20-ի համարում:

Տպել
6373 դիտում

Շուշիի հրթիռակոծությունից ԱՀ ԱԻ պետական ծառայության 3 փրկարարներ վիրավորում են ստացել

Կորոնավիրուսից մահացել է ԱԺ նախկին պատգամավոր, փաստաբան Վարդան Զուռնաչյանը

ԱՀ ԶՈւ զորահավաքի միջոցով համալրած անձնակազմի դրամական ապահովության գումարների վճարումները կիրականացվեն նոյեմբերի 10-ից

Ալիևը հայտարարել է, որ պատրաստ է առանց նախապայմանների Մոսկվայում բանակցել ՀՀ վարչապետ Նիկոլ Փաշինյանի հետ. Ինտերֆաքս

Ադրբեջանական թիրախավորված հարձակումից հետո (տեսանյութ)

Մահացել է Վճռաբեկ դատարանի քրեական պալատի նախկին նախագահ Դավիթ Ավետիսյանը

Ռազմական դրության ժամանակահատվածում սահմանված հարկային արտոնությունները. ՊԵԿ

Հայաստանը 2-րդ տեղում է խոշոր երկրների ցանկում․ հիմնադրամից վստահեցնում են՝ արտասահմանից մեծ հոսքեր են սպասվում

Շուշիում ամբողջությամբ ավերվել է բնակելի առանձնատուն, մասնակի վնասվել է Խ. Աբովյանի անվան դպրոցը. ԱՀ ԱԻՊԾ (լուսանկարներ)

Կկարգավորվի ռազմական դրության ժամանակ անձանց գույքի օգտագործման ընթացակարգը. ԱԺ-ն ընդունեց նախագիծը

Ստեփանակերտում մի ամբողջ թաղամաս է վնասվել. կիրառվել է ռազմական ավիացիա (լուսանկարներ)

Ադրբեջանի կողմից թիրախավորված Ստեփանակերտի ծննդատունը (լուսանկարներ)

Նոր հանցագործությունների համար պատասխանատվություն է կրում ինչպես Ադրբեջանը, այնպես էլ միջազգային հանրությունը. ԱՀ ՄԻՊ

Ռազմական դրության ընթացքում որոշակի գործողությունների համար պատժաչափերը կխստացվեն

ԱԺ-ն ամբողջությամբ ընդունեց աշխարհազորի ստեղծման վերաբերյալ օրենքի նախագիծը

Կասեցրել են թշնամու գրոհները, խոցել ԱԹՍ-ներ, ջախջախել հակառակորդի ուժերը. նորօրյա հերոսներ՝ ներկայացված մեդալների

Տագնապի ազդանշանը կրում էր փորձնական բնույթ․ անհանգստանալու կարիք չկա․ Էջմիածնի քաղաքապետարան

Ադրբեջանը թիրախավորել է Ստեփանակերտի ծննդատունը. տուժածների մասին տեղեկությունները ճշտվում են

Նախնական տվյալներով՝ թուրքերի հարձակումից Ֆրանսիայում տուժել է 10 հայ, այդ թվում՝ կին և երեխա․ ականատես (տեսանյութ)

Հայաստանի ԶՈՒ-ի կողմից Բարդա քաղաքին հարվածելու մասին հայտարարությունները կեղծ են. Շ. Ստեփանյան