Իրանում ուղեւորատար ինքնաթիռ է կործանվել. զոհվել են բոլորը՝ 66 մարդ. թարմացվող

18/02/2018 schedule12:22

17:08 Aseman Airlines ավիաընկերության ենթակայության գրեթե բոլոր օդանավերը բավական «տարեց» են, ընկերությունը 4 ATR 72-212 ինքնաթիռներ ունի, որոնք բոլորն էլ գրեթե 24 տարի է շահագործվում են, ունի նաեւ 2 ինքնաթիռ՝  ATR 72-500 մակնիշի, մեկը 19, մյուսը՝ 15 տարեկան:

Այս ինքնաթիռները համարվում են արդեն հնացած, քանի որ դեպի ռադարներ նրանց ինֆորմացիան հասնում է 5-6 վայրկյան ուշացումով:

15:30 Իրանի նախագահ Հասան Ռոհանիի հրամանով, Իրանի ճանապարհների ու քաղաքային զարգացման նախարար Աբբաս Ախունդիի գլխավորությամբ կձեւավորվի հատուկ կոմիտե՝ ավիաաղետի պատճառների ու հետեւանքների ուսումնասիրման համար:

15:05 Aseman Airlines ավիաընկերությունը, որին պատկանել է կործանված ինքնաթիռը, հաստատել է, որ ինքնաթիռը մխրճվել է լեռնագագաթներից մեկի մեջ: Ավիաընկերության պաշտոնական ներկայացուցիչ Մոհամմադ Թագի Տաբատաբաին հայտնել է, որ ինքնաթիռը ռադարներից անհետացել է Իրանի ժամանակով առավոտյան 8:52-ին:

Կործանման վայրում ՝ Դենա լեռնաշղթայի երկայնքով որոնողական աշխատանքները սկսված են, տեղանքի լեռնային լինելն ու մառախուղը բարդացնում են որոնողական աշխատանքների ընթացքը:

13:50 Թեհրանի օդանավակայանում արդեն հավաքվել են զոհվածների ընտանիքների անդամներն ու մտերիմները: Ստույգ հայտնի է, որ զոհվածների թվում մանկահասակ երեխա կա: 

Հայտնի է, որ կործանված  ինքնաթիռը 24 տարեկան է, ԶԼՄ-ների փոխանցմամբ, մոտ մեկ ամիս առաջ տեխնիկական անսարքության պատճառով նույն այս ինքնաթիռը ստիպված է եղել կիսատ թողնել թռիչքը; Խոսքը հունվարի 25-ի արտակարգ վայրէջքի մասին է, երբ այն նույն ATR 72-600 ինքնաթիռը օդ բարձրանալով Մեհրաբադի օդանավակայանից, ստիպված է եղել վերադառնալ՝ տեխնիկական անսարքությունների պատճառով:

13:17 Կործանված ATR 72-600-ն ընկել է բարդ ու դժվարամատչելի տեղանքում, լեռնային հատվածում: Վարկածներից մեկի համաձայն, ինքնաթիռը մեծ արագությամբ իջել է ու հարվածել Դենա լեռնաշղթայի լեռնագագաթներից մեկին: Փրկարարները աղետի վայր են մեկնում ամենագնաց մեքենաներով, քանի որ, ինչպես արդեն նշել ենք, ուղղաթիռները 2 անգամ չեն կարողացել իջնել նշված հատված՝ խիտ մառախուղի պատճառով:

13:08 ՀՀ ԱԳՆ խոսնակ Տիգրան Բալայանը թվիթերյան իր էջում տեղեկացրել է, որ ինքնաթիռում հայեր կամ ՀՀ քաղաքացիներ չեն եղել. «Իրանում ՀՀ դեսպանությունը տեղեկացնում է, որ կործանված ինքնաթիռում հայեր կամ ՀՀ քաղաքացիներ չկան։ Ցավակցում ենք զոհվածների հարազատներին»,– ասվում է նրա գրառման մեջ։

13:00 Mehr գործակալության տվյալներով, կործանված ATR 72-600 ինքնաթիռն ընկել է Իսֆախան նահանգում, Սեմիրոմ բնակավայրի մոտակայքում, լեռնային հատվածում: Փրկարական ուղղաթիռները երկրորդ փորձով էլ չեն կարողացել մոտենալ աղետի վայրին, խանգարում է խիտ մառախուղը:

12:48 Թեհրանից դեպի Յասուջ քաղաք թռիչքի տեւողությունը 1,5 ժամ է, ինքնաթիռը կործանվել է թռիչքի 35-50-րդ րոպեների ընթացքում: Կործանված ինքնաթիռի օդաչուն՝ Հոջադ Ֆուլադը

Նշվում է, որ ինքնաթիռի օդաչուն բարձր որակավորում ուներ, 2013-ին նրան հաջողվել էր իջեցնել ինքնաթիռը, որի շարժիչը խափանված է եղել ու խիստ վթարային իրավիճակ:լուսանկարում՝ վթարի ենթադրյալ վայրն ու թռիչքի սխեման

12:40 - ISNA իրանական կայքը՝ հղում անելով ավիաընկերությանը, փոխանցում է, որ զոհվել են ինքնաթիռում գտնվող բոլոր մարդիկ՝ 60 ուղեւորներն ու անձնակազմի 6 անդամները:

12:30- Lenta-ի փոխանցմամբ, ինքնաթիռը փորձել է արտակարգ վայրէջք իրականացրել, սակայն չի հաջողվել: Նշվում է, որ հնարավոր է ողջ մնացած մարդիկ լինեն: Խիտ մառախուղի պատճառով փրկարարական ուղղաթիռները դեռեւս չեն կարողանում հասնել աղետի վայր:

12:25- Ինքնաթիռում եղել են 60 ուղեւոներ եւ անձնակազմի 6 անդամներ; Որպես կործանման հիմնական պատճառ՝ նշվում են եղանակային պայմանները, ըստ իրանական օդերեւութաբանական ծառայության, այդ ժամին խիտ մառախուղ է եղել: Զոհերի մասին դեռեւս հստակ տեղեկություններ չկան;

12:20- Իրանում ուղեւորատար ինքնաթիռ է կործանվել: Այս մասին հայտնում է Daily Sabah-ը: Նախնական տվյալներով, ինքնաթիռում մոտ 60 ուղեւորներ են եղել, ինքնաթիռը պատկանել է իրանական  Aseman Airlines ավիաընկերությանը,  ուղևորվում էր Թեհրանից դեպի Յասուջ քաղաք:

Իրանական Irna գործակալության տվյալներով էլ, տեղական ժամանակով ժամը 8:55-ին ինէնաթիռն օդ է բարձրացել, թռիչքից 50 րոպե անց այն կորել է ռադարների էկրաններից:

Տպել
6538 դիտում

Ադրբեջանն արգելել է Ուկրաինայի ՆԳՆ հայ աշխատակցուհուն մասնակցել Բաքվում անցկացվող սեմինարին

Ավտովթար է տեղի ունեցել Սարատովի մարզում. զոհը եւ տուժածները ՀՀ քաղաքացիներ են

Ռուսաստանում սպանվել են Ռոստովի շրջանային պատգամավորն ու կինը

Դանակահարություն՝ Նուբարաշենի բանտում. 2 դատապարտյալ է տեղափոխվել «Էրեբունի» բժշկական կենտրոն

Արմեն Սարգսյանն Արարատում մասնակցել է Բանակի օրվան նվիրված տոնական միջոցառմանը

Ոստիկանության շենքից դուրս է եկել «Ադեկվադ» նախաձեռնության համահիմնադիր Արթուր Դանիելյանը

Երեւանի նախկին ոստիկանապետ Աշոտ Կարապետյանի մահվան դեպքով վկաներ կան. ՌԴ ՔԿ

Հրդեհներ են բռնկվել հանրապետության խոտածածկ տարածքներում, այրվել է 5.5 հա տարածք

Սեռական ոտնձգության ու կողմնակալ քվեարկության մասին հայտարարությունը ստվերել է «Գրեմի 2020»-ը

Քաղաքագետ Քանանյանի հետ հացադուլ է անում ևս մեկ արցախցի. բողոքին կմիանան այլ քաղաքացիներ նույնպես

Գորիսի տներից մեկում փրկարարները հայտնաբերել են 1945 թվականին ծնված տղամարդու դի. ԱԻՆ

ՃՏՊ Շիրակի գերեզմանատան մոտ. տուժածների վիճակը ծանր է, նրանց թվում հղի կին կա

ԱԱԾ նախկին տնօրեն Գեորգի Կուտոյանի ինքնասպանությունը կատարվել է նեղ անձնական շարժառիթով. ՔԿ

Ավտովթար Երեւանում. BMW-ն դուրս է եկել երթևեկելի գոտուց և տապալել լուսացույցը, կա տուժած

Վարչապետը հանդիպել է Հայաստանում ԱՄՆ դեսպան Լին Թրեյսիի եւ Կանզաս նահանգի Ազգային գվարդիայի հրամանատար Լի Տաֆանելլիի հետ

Չինաստանից վերադարձած Վրաստանի քաղաքացին կորոնավիրուսի ախտանիշներով դիմել է բուժհաստատություն

Այսօրվա մեր հայրենիքն այն տարածքն է, որ գտնվում է սահմանին կանգնած զինվորի թիկունքում. վարչապետ

Աննա Հակոբյանը ներկա է գտնվել «Հայրենիքի պաշտպանի վերականգնողական կենտրոնում» Արմենակ Ուրֆանյանի անվան դահլիճի բացմանը

ԱԺ նախագահը ծաղիկներ է խոնարհել Վանաձորի զինվորական պանթեոնում (լուսանկարներ)

10 փաստ լեգենդար Քոբի Բրայանթի մասին