Գյումրիում թալանում են կայանված ավտոմեքենաները. ՇՄ դատախազն ամփոփել է 2017թվականը

Սպանություններ, սպանության փորձեր, գողություն, հափշտակություն, սեփականության դեմ ուղղված հանցագործություններ, հյուրանոցային պոռնկություն եւ այլն: 2017 թվականին Շիրակի  մարզում հանցագործությունների թվի աճ է նկատվել: Վիճակագրությունը ներկայացրեց ՇՄ դատախազն ու նշեց, որ 2016 թվականի 1083 դեպքի համեմատ անցած տարում  հանցագործության 1332 դեպք է արձանագրվել, այսինքն՝ թիվն աճել է 245-ով: Սպանության 7, եւ սպանության փորձի 4 դեպք է արձանագրվել 2017-ին: Հարուցված քրեական գործերի ընթացքից դատախազը դժգոհ էր: Հատկապես նշեց, որ դանդաղում է 2017-ի մայիսի 18-ին Գյումրիում դաժանաբար սպանված 23 ամյա Արթուր Աշոտի Հարությունյանի սպանությունն իրականացրած անձի կամ անձանց հայտնաբերումը:   

«Կոնկրետ ես իմ դժգոհությունն եմ հայտնում մինչեւ օրս այս հանցագործությունը չբացահայտելու առումով եւ իմ կողմից ցուցումներ, միջնորդագրեր են ուղարկվել համապատասխան մարմիններին»,- ասաց Կարեն Գաբրիելյանը:

Սպանության փորձի հատկանիշերով հարուցված մեկ քրեական գործի ընթացքից էլ է մարզի դատախազը դժգոհ: Դեպքը տեղի է ունեցել 2017թ հունիսի 26-ին՝ Սայաթ-Նովա փողոցում՝ «Պոնչիկ-Մոնչիկ» սրճարանի դիմաց: Հնչել էին կրակոցներ, կար տուժած: Հարուցված քրեական գործով երկու մեղադրյալ է ներգրավված, երկուսն էլ, ըստ դատախազի, կալանքի տակ են: Դատախազն այս գործի հետ կապված նոր բացահայտում ուներ:

«Այս քրեական գործից մաս ենք անջատել, քանի որ քրեական գործի նյութերով պարզել ենք, որ կոնկրետ անձի վրա կրակոցներ արձակվել է 2 անձի կողմից: Նրանցից մեկը բացահայտված է, իսկ մյուսի անձը դեռ չենք պարզել: Այդ պատճառով քրեական գործից անջատել ենք մաս եւ նախաքննությունը շարունակվում է: Հանրապետության գլխավոր դատախազի կողմից հանձնարարություն է տրվել հանրապետության ոստիկանապետին  նշված անձի ինքնությունը պարզելու եւ նախաքննական մարմնին ներկայացնելու ուղղությամբ»,- նշեց ՇՄ դատախազը:

2017 թվականին Շիրակի մարզում առողջությանը ծանր վնաս հասցնելու 9 դեպքից 7-ը բացահայտվել է: Կոռուպցիոն հանցագործությունների վերաբերյալ հաղորդումներով նախապատրաստվել է 45 նյութ, 30-ով հարուցվել է քրեական գործ: Ի՞նչ եղավ ՇՊՀ-ի շուրջ բարձրացված աղմուկի մասով հարցին դատախազը պատասխանեց, թե ամեն ինչ քննարկման փուլում է, այս պահին ոչինչ ասել չի կարող, երբ փաստեր լինեն եւ վերջնական հստակեցում, կխոսի այդ մասին:

Անցնող տարում անչափահասների կողմից կատարված հանցագործությունների թիվը եւս փոքր չի եղել: Նրանք եւ գողացել են, եւ միմյանց մարմնական վնասվածքներ հասցրել: Բնակարանային գողության 71 դեպք է արձանագրվել 2017-ին: Թիրախը, սակայն մեծահարուստների տները չեն եղել: Սովորական բնակարաններ են հարձակման ենթարկվել, որտեղից տարել են ամեն ինչ՝ առանց երկար-բարակ մտածելու: Նման դեպքերից խուսափելու համար դատախազը խորհուրդ է տալիս շենքերի բակերում տեսանկարահանման սարքեր տեղադրել, մուտքերի դռներին էլ կոդավորել: Իսկ որպեսզի հյուրանոցներում կամ այլ վայրերում կանխվեն պոռնկությամբ զբաղվելու դեպքերը, դատախազն առաջարկում է այդ գործով զբաղվող կանանց ոչ թե վարչական տույժի, այլ քրեական պատասխանատվության ենթարկել:

2017-ին Գյումրիում նոր տենդենց է նկատվել: Քաղաքի ծայրամասային թաղամասերում, հատկապես Անիում եւ Մուշում, մեքենաներից կատարված գողությունների մեծ թիվ է արձանագրվել: Մեքենաների մասերից սկսած մինչեւ սրահի ռադիոձայնագրիչ եւ այլ գույք են տարել:

Տպել
2027 դիտում

Որոշ երկրներում սահմանափակումները հանում են, որոշներում՝ կրկին խստացնում. կորոնավիրուսային իրավիճակն աշխարհում

Գործնական պարապմունք է անցկացվել մարտական հենակետերում

Ոստիկանությունը Երևանում պոռնկությամբ զբաղվելու մեջ կասկածվող շուրջ 30 անձի է հայտնաբերել (տեսանյութ)

Շիրակի մարզպետ Տիգրան Պետրոսյանն ու կինը 2019-ին 19 մլն 500 հազար դրամով նոր բնակարան են գնել. հայտարարագիր

Կհիմնանորոգվի Մեծամորի բազմաբնակարան շենքերից մեկի տանիքը և կասֆալտապատվեն մի շարք փողոցներ

Ստեփանակերտի խաղահրապարակներում ոստիկանները երեխաներին ալկոգել, դիմակներ, ձեռնոցներ ու տեղեկատվական թերթիկներ են բաժանել

Դոնալդ Թրամփը Կոնգրեսին ծանուցել է ԱՀԿ-ից պաշտոնապես դուրս գալու մասին

Ներքին Գետաշեն համայնքում կասֆալտապատվի 12 փողոց, կկառուցվի ոռոգման համակարգ եւ լուսավորության ցանց

«Այդ իրավիճակում Ադրբեջանը պարտություն է կրում». պատգամավորը՝ Ալիեւի նյարդայնանալու պատճառների եւ վախերի մասին

28-ամյա աղջիկը թոշակառու հարևանուհուց գողացած բանկային քարտով 300.000 դրամ է կանխիկացրել (տեսանյութ)

Լուսակունք համայնքում նախակրթարան է կառուցվում

Երևանում բախվել են մոտոցիկլետն ու «Mercedes-Benz»-ը. մոտոցիկլետի 17-ամյա վարորդը հոսպիտալացվել է

Հունիս ամսին Արարատի մարզում ծնվել է 103 երեխա

Կորոնավիրուսով է վարակվել Բրազիլիայի նախագահ Ժաիր Բոլսոնարուն. РИА Новости

Սուբվենցիոն ծրագրով Մելիքգյուղ համայնքում խմելաջրի ցանց կկառուցվի

ՀՀ տարածքում ավտոճանապարհներն անցանելի են, Լարսը բաց է միայն բեռնատարների համար

Բերման է ենթարկվել Մասրիկի 39-ամյա բնակիչը. նրա անձնական խուզարկությամբ թմրամիջոց է հայտնաբերվել (տեսանյութ)

Գեղարքունիքում 24 ժամով կասեցվել է մի շարք բենզալցակայանների, գազալցակայանների ու շինանյութի խանութների գործունեությունը

Մարտունիում 65 մահճակալ հզորությամբ բժշկական կենտրոն է կառուցվում

Կապանում այրվում է մոտ 30 հա խոտածածկ տարածք