Անլուրջ են սպառնալիքները, թե բռնցքամարտը կհանվի օլիմպիական ծրագրից. Արթուր Գեւորգյան

Սպառնալիքները, թե բռնցքամարտը կարող է հանվել 2018 թ. պատանեկան օլիմպիական խաղերի եւ 2020 թ. օլիմպիական խաղերի ծրագրից, իրականություն չեն դառնա: «Հայկական ժամանակ»-ի հետ զրույցում նման կարծիք հայտնեց ՀՀ բռնցքամարտի ֆեդերացիայի նախագահ Արթուր Գեւորգյանը: 2017-ին բռնցքամարտի միջազգային ասոցիացիայի (AIBA) նախագահ Չինգ Կուո Վուն մեղադրվել էր կոռուպցիոն համագործակցությունների մեջ, որոնց արդյունքում AIBA-ն հայտնվել էր սնանկացման եզրին: Դատական գործընթաց էր սկսվել, եւ նախագահն ինքնակամ հրաժարական էր տվել: Միջազգային օլիմպիական կոմիտեն սպառնացել էր, որ մարզաձեւը կհանվի ծրագրից, եթե խնդիրները չլուծվեն:

«Անլուրջ են այդ խոսակցությունները: Մոտ 10 օր առաջ AIBA-ի համաժողովի ընթացքում ՄՕԿ ներկայացուցիչը պաշտոնական թվերով հայտարարում էր, որ օլիմպիական նախորդ խաղերում եւ առհասարակ օլիմպիական խաղերում ամենաշատ դիտված մարզաձեւը բռնցքամարտն է, աշխարհում հեռուստատեսությամբ նույն ժամին ամենաշատը դիտվել է բռնցքամարտը, օլիմպիական խաղերում ամենից շատ տոմս վաճառած մարզաձեւը բռնցքամարտն է, եւ երբ դրանից հետո հայտարարում են, որ հնարավոր է՝ այսպես-այնպես, դա տրամաբանական չէ»,- ասաց Գեւորգյանը:

Արթուր Գեւորգյանը կարծում է, որ այն՝ ինչ տեղի է ունենում ՄՕԿ-ի ու AIBA-ի միջեւ, ավելի շատ անձնական բնույթ է կրում: Ըստ նրա՝ գուցե ՄՕԿ-ը չի հավանում AIBA-ում ձեւավորվող նոր ղեկավարությանը: Ամեն դեպքում, սա ոչ մարզաձեւի, ոչ էլ Հայաստանի ֆեդերացիայի վրա բացասական ազդեցություն չի ունենա:

«Ես կարծում եմ՝ բռնցքամարտը երբեք չի տուժի՝ անկախ նրանից՝ ովքեր կլինեն ղեկավարները: Առաջին օլիմպիական խաղերի ձեւավորումից ի վեր բռնցքամարտը ծրագրում եղել է: Այս իրավիճակն ավելի շատ անձնական հարաբերությունների խնդիր է. մեկը ուզում է մի թիմի հետ աշխատել, մեկը չի ուզում: Սա ընդհանրապես ոչ մի կերպ չի անդրադառնում բոլոր երկրների ֆեդերացիաների վրա»,- ընդգծում է Գեւորգյանը:

Այս պահին AIBA-ի նախագահի պաշտոնը ժամանակավորապես զբաղեցնում է Գաֆուր Ռահիմովը: Նոր ընտրությունները կայանալու են Մոսկվայում նոյեմբերի 2-3-ը: Թեկնածություններ դեռ չկան: Երբ լինեն, ՀՀ ֆեդերացիան որոշում կկայացնի այդ հարցում: Ըստ Արթուր Գեւորգյանի՝ ՀՀ ֆեդերացիայի համար ցանկալի է, որ թեկնածուն նվիրված լինի սպորտին եւ զերծ լինի կոռուպցիայից:

Նյութը տպագրվել է «Հայկական ժամանակ» օրաթերթի փետրվարի 7-ի համարում:

Տպել
1090 դիտում

«Մի բուռ ոսպով, առանց յուղի». նրանց կյանքը ուրիշ է

Բացահայտվել են օտարերկրացիների կողմից երեխաների ապօրինի որդեգրման բազմաթիվ դեպքեր (տեսանյութ)

Մեր աղոթքն ենք մատուցում համայնքի հոգևոր հովվի և նրա հոր հոգիների խաղաղության համար. Գարեգին Բ

Ապարանի ոստիկանները ապօրինի ծառահատման դեպք են բացահայտել (տեսանյութ)

Հայտնաբերվել է Արենիին պատկանող և 2 մլն դրամ արժողությամբ խողովակները գողացած անձը (տեսանյութ)

Նոյեմբերի 14-ին Աջափնյակի մի շարք հասցեներում 12 ժամով կդադարեցվի ջրամատակարարումը

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան

Փոխվարչապետ Տիգրան Ավինյանն ընդունել է Գերմանիայի դեսպանին

ԵՄ-ն իր անվտանգության համար ստիպված է համագործակցել Թուրքիայի հետ. Հունգարիայի արտգործնախարար

«Forbes»-ը բացահայտել է՝ ինչ ինքնաթիռներ ունեն հայկական ծագմամբ ռուս գործարարները

Լավ կլիներ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում